رواية عشق المراد الفصل السادس والثلاثون
مراد بصدمه :ده بابا
عز الدين :ابوك يعني انا ظلمتها
سليمان :اهو طلع اخوها وانت اللي فكرت فيها تفكير ****زيك
عز الدين بحزن وندم :فوزيه انتي كنتي عارفه أن ده اخوها
عشق راحت مسكتها وسالي كانت واقفه ساكته لأن هيا ندمت علي كل اللي عملته في عشق
فوزيه بخوف :انا معملتش حاجه ولا اعرف حاجه
اياد بشر :قسما بالله لو منطقتي لأكون دافنك انطقي
فوزيه بشر وحقد وغيره :اه كنت عارفه أن هو اخوها وانا اللي عملت الفيديو ده وفبركته عشان تدوق المر ليه هي تعيش حياه حلوه اتولدت وسط عيله غنيه وسط اب وام واخ حنينين واتعلمت وواخده شهاده كويسه اي حد يحلم بيها وشكلها حلو ومتدينه واتجوزت راجل بيحبها كان بيعتبرها ملكه كان بيخرجها ويفسحها ولما عرف انها حامل شالها من علي الارض شيل كانت تديني هدومها القديمه وتديني بواقي الاكل كانت بتلبس احسن لبس وانا مكنتش بجيب هدوم بسبب جوزي والبس هدوم قديمه كانت اللي تشاور عليه عز يجبهولها في نفس اليوم وانا لا ليه هيا تتجوز واحد بتحبه وتعيش سعيده وانا اتجوز واحد مبحبهوش واعيش تعيسه و اعمامي يغصبوني علي واحد شكله وحش ومعهوش فلوس وانا مكنتش بحبه وكنت بحب عز عشان كده عملت كل ده خليت عز يشك أنها بتخونه وكنت اشو"ه في صورتها قدامه لغايت لما كرها وبعدها ما"تت وبقيت اخد بالي من عشق واعاملها بحنيه وخليت عز يتجوزني واستغليت فرصتي وبقيت اعذب عشق واحبسها والعب علي دماغ عز واخليه يضربها وخليت سالي تكرهها وتضربها كنت عايزه ادوقها المر اللي دوقته مكنتش عايزاها تعيش سعيده زي امها ونجحت وقدرت اعمل ده
عز الدين بصدمه :ليه تخرب"ي حياتنا بالشكل ده ليه دي ورد كانت بتحبك كانت معتبراكي اختها كنت اقولها اني مش مرتحلك وانك عقربه وهتخربي علينا وهيا كانت تزعل وتقولي دي اختي كانت بتديكي لبسها الجديد مش القديم وكانت تعمل الاكل بذياده عشان تديكي كانت بتحبك ولما ولدتي سالي فضلت جمبك مع أن هيا كانت حامل وهيا اللي كانت بتاخد سالي وتقعد بيها عشان انتي ترتاحي كانت بتساعدك في كل حاجه وده يبقي جزائها منك قدمتلك الخير وانتي رديتهولها بشر جوزك لما كان يمد أيده عليكي كانت بنتخانق معاه عشانك ليه تدمري حياتنا كده خليتيني اعذب عشق بسببك واحرمها من التعليم واياد اللي اتحرك من كل حاجه بسببك منك لله وكل ده عشان انتي واحده مش سويه عشان شويه حقد وشر وسواد في قلبك وعقلك متقدريش تشوفي حد فرحان مستكتره الفرحه والسعاده علي اي حد حسبي الله ونعم الوكيل فيكي انتي طالق طالق طالق
كلهم كانوا بيسمعوا بدهشه أن في حد بيحقد علي حد كده كميه سواد جواها رهيبه
فوزيه :بطلقني بعد كل السنين دي ياعز
عز :انا غلطان اني سمحتلك تلعبي بعقلي وكان لازم اطلقك من زمان بس اتاخرت في القرار ده
عشق بعياط وكره :روحي ياشيخه منك لله خربتي حياتنا وعيشتينا في سواد كل ده عشان حقدك وغلك غوري من هنا انا مش مسمحاكي علي اللي عملتيه فينا
منك لله امشي يلا
فوزيه :همشي بس هدوقكوا العذاب ومشيت اياد راح اخد عشق في حضنه وهو بيحاول يمسك دموعه
سليمان بدموع :منك لله حرقت قلبي على بنتي وروحت عذبتها كان لازم أشد عليها ومخرجهاش من عتبه الباب يلا عشان نمشي
سليمان اخد زينب في حضنه اللي كانت بتعيط بحرقه علي اللي حصل لبنتها
احمد و روز كانوا واقفين مصدومين من كل الاحداث دي
سالي كانت واقفه بتعيط علي اللي فوزيه عملته في عشق وعيلتها
عز الدين كان بيعيط بندم
مراد :يلا عشان نمشي الدكتور كتب علي خروج هروح اخلص الورق وجاي
عشق واياد بداو يهدو شويه
سالي وهي بتعيط بحرقه :انا اسفه ليكي يا عشق اا اا انا غلطت لما سمعت كلامها كانت عايزه تكرهني فيكي كانت تقولي أن عشق احلي مني وأنك اشطر مني وان عشق بتعمل كل حاجه احسن مني كانت بتكرهني في نفسي وتكرهني فيكي انا اسفه وعارفه أن اسفي مش هيعوضك عن حاجه بس ياريت تسامحيني انا هبعد عنك خالص واوعدك اني مش هعملك اي مشاكل بس سامحيني
عشق بعدت عن اياد وراحت لسالي:انتي ملكيش ذنب يسالي وانا مسمحاكي بس متبعديش عني انتي اختي كان نفسي واحنا صغيرين انك تحبيني بس هيا اللي كانت بتملاكي حقد من ناحيتي هي عايزه تدمر اي حد حتي هي دمرتك يسالي
سالي :انا بحبك يعشق وحضنتها بحب وندم
بعدو عن بعض وعشق راحت عند اياد وحضنته لان كان مهزوز وهي حست بيه
سليمان :انا همشي انا وزينب يعشق خلصوا وتعالوا ورانا متروحوش معاه
عشق :حاضر يجدو بس هو برضوا ابويا ولازم ابقي جمبه ومش هسيبه
سليمان بحزن :ياريت ورد كانت قالت كده لما قالها يهربوا ويتجوزوا كانت هتبقي معايا دلوقتي وفي حضني واخد زينب ومشي بحزن وقهرة ودموع
عشق سكتت لأنها حاسه بيه
بعد شويه
مراد دخل وشال عز الدين هو واياد وركبه العربيه
وعشق اخدت سالي وروز وركبوا عربيه احمد
وصلوا لبيت عز
وشالوه طلعوه فوق
عز :تعالي يا اياد انت وعشق وفتحلهم دراعه
عشق قربت بس اياد مقربش
عشق بصتله وشدته وراحوا حضنوه
عز بندم :انا اسف يولادي اسف ليكوا ياريت تسامحوني ونبدا صفحه جديده من غير بعد وكره نبداها بحب انا عايز اعوضكم عن كل حاجه واسف انكم بعدتوا عن بعض بسببي وعيط
اياد بفرح:مسامحك يحبيبي ومتزعلش مني علي الكلام اللي قولته
عز :مش زعلان منك يحبيبي انا فرحان انكم معايا والكلام اللي انت قولته كان قليل علي اللي حصلك وحضنه
عشق بفرحه:انت اول مره تحضني يبابا كان نفسي تاخدني في حضنك زي سالي كنت بحلم بالحظه دي كنت اشوف عمو محمد وهو بيعامل ملك بحنيه وانت لا كنت يوميا اعيط قبل منام بس اخيرا كل ده راح واهو انت حضنتي
عز بحزن : سامحيني يحبيبتي
عز :تعالي يا سالي قربي
قربت سالي وحضنتهم
بعد شويه بعدوا عن بعض
عشق :احنا هنمشي يبابا وبكره هجيلك انا واياد
عز الدين:اقعدوا معايا انهارده
عشق :معلش يبابا لازم نروح
عز الدين:طيب يحبيبتي وخلي بالك علي نفسك وعلي اخوكي
عشق:حاضر
عشق :سالي لو احتاجتي حاجه اتصلي بيا أو تعالي الفيلا
سالي :حاضر يحبيبتي
اياد بابتسامه :سلام يبابا
عز :سلام يروح بابا
وعشق واياد ومراد وروز وأحمد مشيوا رجعوا الفيلا
وصلوا ودخلوا
مراد :حبيبتي انا هطلع اجيب ملفات واروح الشركه
عشق :ماشي يمرادي
مراد :اجهز يا احمد عشان الصفقه
احمد :حاضر يكبير
مراد جاب الورق ونزل اخد عشق في حضنه وباس رأسها ومشي هو وأحمد
اياد :وانا كمان هروح الشركه بتاعتي يعشق
عشق :لا يا اياد خليك معايا انهارده
اياد :مش هينفع يعشق في صفقات كتير محتاجه شغل
عشق :لو بتحبني
اياد قعد جنبها :حاضر يروحي انهارده بس وبكره اروح الشركه
سليمان راح قعد جنبهم واخدهم في حضنه: ياحبايبي كلمتين عايز اقولهم خلاص كل ده عدا ومن انهارده مفيش حزن تاني في فرح وبس أن شاء الله شيلوا كل الذكريات الوحشه من عقلكم وافرحوا وسامحوا عز كان باين عليه الذل والكسره والندم وسالي برضوا سامحيها هي كانت بتسمع لفوزيه
انسوا كل حاجه وعيشوا افرحوا متزعلوش وانت يا اياد انت اتوجعت اوي لما عرفت ان ابوك اداك لراجل عشان الفلوس بس عشان ورد سامحوه مش عايزين نزعل تاني العمر مش كبير عشان نزعل ونضايق نفسنا ده هو عمر واحد عيشوا وانتوا مبسوطين وبس متخلوش الزعل يأثر عليكم تمام ياولاد
عشق واياد :حاضر يجدو
زينب :خيا"نه حاضنهم وانا لا
سليمان :تعالي يروح قلبي انتي ده انتي العشق يازوز
زينب راحت قعدت جنبه وحضنتهم
عشق واياد :العب ياجدو
وفضلوا يضحكوا وفضلوا حاضنين بعض وبيتكلموا
عشق واياد كانوا مبسوطين جدا بالإحساس ده
عشق :جدو انت شوفت زوز فين واتعرفتوا علي بعض ازاي
سليمان بص لزينب بحب : كان في اليوم اللي رجعت في من مصر بعد ما اتخرجت من الجامعه ابويا الله يرحمه جابلي عربيه جديد ساعتها كنت ماشي بالعربيه ومكنتش عارف اسوق كويس كنت هخبط بنت ووقفت علي اخر لحظه ساعتها خفت اوي عشان ابويا لو عرف هياخد العربيه نزلت جري ولقيت بنت جميله حته من القمر انا ساعتها سرحت في عيونها الرمادي بعدها فوقت علي صوتها وهيا بتتوجع من الخبطه بتاعت العربيه شلتها وهيا رفضت بس شيلتها غصب عنها وجريت بيها علي المستشفي الدكتوره كشفت عليها و رجلها اتجزعت كتبتلها ادويه وشيلتها وصلتها بيتها بعد م اعتذرتلها وحفظت طريق بيتها روحت جيبت ورد احمر لون خدودها وشكولاته وقفت تحت شباكها وندهت عليها
فلاش باك
سليمان وهو بيهمس :زينب يازوز
زينب فتحت الشباك واتفاجت بيه :نعم عايز اي
سليمان :ينفع تنزلي
زينب :انزل ليه مش هنزل
سليمان :يابت انزلي
زينب :لا
سليمان : خلاص انا هطلعلك وجاب سلم وحطه عند شباكها وطلع :اتفضلي خدي دول
زينب بخجل :ودول بمناسبه اي
سليمان :دول اعتذار علي اللي حصل لرجلك
زينب :اخدتهم شكرا ليك مكنتش تعبت نفسك
سليمان :ولا تعب ولا حاجه وبعدين كلمه شكرا مش بتتقال كده
زينب :اومال ازاي
سليمان :كده وقرب عليها عشان يبوسها زينب اتخضت وراحت زقت السلم اللي سليمان كان واقف عليه وهوب سليمان وقع علي الارض
سليمان بتعب :اه ياني ياما اه ياضهري ليه تعملي كده
زينب بغضب :عشان تحترم نفسك واحد مش متربي وقفلت الشباك ودخلت وفضلت تضحك علي شكله
سليمان : والله لوريكي يازينب بس فجأة سمع صوت كلاب بيجروا وراه وطلع جري
سليمان :يلاهوي كلاب امشوا يلاهوي اجري ياض يسليمان الجري نص الجدعنه وانا جدع اوي وخدها جري والكلاب وراه لغايت الدوار بتاعهم
باك
وبس ياستي بعدها بكام يوم روحت خطبتها وبقت مراتي وحبيبتي ونصي التاني بس مش مسامحك علي الوقعه اللي وقعتها اه
عشق واياد وزينب وروز اللي جت قعدت معاهم كانوا فطسانين ضحك
زينب :حقك عليا بس انت اللي عملي فيها روميوا وجولييت
وفضلوا يتكلموا ويضحكوا
عند سالي وعز
سالي عملت شوربه واكل وراحت اكلت عز الدين واديتله الادويه اللي مراد جابها وراحت تذاكر عشان عندها امتحان الصبح
مراد وأحمد وصلوا الشركه وابتدوا يشتغلوا علي الصفقات
بليل
سالي راحت تنام بعد م خلصت مذاكره جمب عز وحضنته وبقت تبكي وراحت في النوم
احمد ومراد خلصوا شغل وروحوا الفيلا
دخلوا
عشق قامت جري حضنت مراد
مراد :براحه يامجنونه
عشق :انا مجنونه
مراد :لا مين قال كده ده انتي ست العاقلين يروحي
عشق:بحسب يلا عملتلك الاكل بايدي
روز:وانا ساعدتك يبت
عشق : اه يلا ناكل
مراد :حاضر هروح اغير هدومي وجاي وطلع غير ونزل وقعدوا علي السفر وعشق قاعده في النص وجمبها اياد ومراد اللي اتخانقوا عشق هتقعد جمب مين
زينب:خلصنا من النكد والمشاكل والدنيا هديت اهيه نفرح بقا ونجوز روز وأحمد وملك وأسد ونشوف عروسه لاياد
اياد :لا مش هدبس انا انا حلو كده
زينب :بس ياض هو ده اخر كلام
اياد بضحك :حاضر ياريسه
عشق :انا جبتله العروسه يازوز
زينب بفرحه :مين هي
عشق :مش هينفع هنا هقولكم في الاجتماع بتاعنا
مراد :اجتماع اي
عشق :اجتماع الستات بنتفق فيه عليكم
احمد:بتتفقي عليا ياروز
روز :اه ده انت اسمك احمد يعني بتاع بنات ف لازم أأمن نفسي
احمد :قومتوها عليا ليه ده انا طيب
روز :اه ماهو باين يبتاع البنات
احمد :انا بتاعك انتي وبس ياروزي
روز عملتله قلب
عشق :اهو ضحك عليكي وثبتك بكلمتين
مراد :سيبك منهم الاكل حلو اوي من ايديكي يعشقي
عشق :حبيبي يامرادي
اياد :اهو ثبتك انتي كمان
سليمان :وهو هتيجي عليا وانتي يازينبي احلويتي اوي
زينب بحب:بحبك يسليماني
اياد :وانا كمان عايز اقول وطلع تليفونه وبصله وانت بقيت فيك مساحه ياتليفوني وباس التليفون
وكلهم ضحكوا وفضلوا يتكلموا
خلصوا اكل
زينب :اياد روح نام مع احمد انهارده وبكره أن شاء الله تروح اوضتك عشان لسه هتتنضف
اياد :حاضر يزوز
وأحمد طلع اوضته وروز طلعت اوضتها
وزينب وسليمان دخلوا الجناح بتاعهم
سليمان :ليه خليتي اياد ينام مع احمد كده احمد مش هيعرف يتكلم مع روز في التليفون هو بيبقي اليوم كله بره وفي اوضه كتير نضيفه
زينب: كنت عايزاهم يناموا جمب بعض عشان ياخدوا علي بعض بحس اياد أنه متكتف وهو بيتكلم أو محرج ومش واخد علينا ولا علي احمد ولا مراد فحبيت اعمل كده بحيث أنهم يتكلموا مع بعض وكده
سليمان بحب لتفكيرها :عندك حق أن شاء الله هياخد علينا بسرعه يلا ننام يحبيبي انهارده كان يوم متعب
زينب :يلا يحبيبي وناموا وهما حاضنين بعض بحب
مراد: يلا يعشق نطلع ننام
عشق: استني هروح اقول لاياد حاجه وهجيلك يحبيبي
مراد :طيب هستناكي هنا
عشق راحت عند اياد : عايزاك تروح*********
اياد بضيق :لا مش هعمل كده ياعشق
#يتبع.....
بدل ماتدور وتبحث علي الروايات خليها علي تليفونك وحمل تطبيقنا
