رواية منتقبه ولكن الفصل الثالث3 بقلم سارة محمد

 

 رواية منتقبة ولكن الفصل الثالث 

اخو حسام : ازاي سيبتها لحد متوصل للمرحله ديه دي محتاجه نقل دم من كتر ما هيا مبتاكلش.. وكمان درجه حرارتها

عاليه جدا...

احنا مش لاقيين كمان فصيله دمها يا ادهم.. لازم تتصرف بسرعه..

فصيله دمي حتي مكانتش زى فصيله دمها... فضلت اتصل بصحابي لدرجه اني نزلت صحيتهم وجيبتهم من بيوتهم

فى نص الليل...

وفضلت ادور كتير... لحد م لقينا الفصيله الحمدلله...

مش عارف ساعدتها ليه... رُب ما خوفًا عليها كروح خلقها الله اكثر ام انني.... ؟!

نمت ع الساعه 10 على الكنبه الي ف وش سريرها...

انا كأدهم بكره مستشفيات الحكومه طول عمري... علشان الإهمال ال دايمًا فيها.. مع اني عارف ان المستشفيات

الخاصه استغلاليه .. لو واحد مات قبل اليوم ميكمل مبيقولوش لأهله غير بعدها بيوم علشان يحاسبوهم علي اليوم

ده.. مش مهم.. مش موضوعنا...

قلقت وقومت ع اذان الضهر..

وقومت اتوضيت ونزلت صليت وطلعت...

طلعت لقيتها بتفتح عيونها..

اول كلمه قالتهالي هي عايزه اصلي...

انا : ما انتيش شايفه نفسك يا اسراء دا انتى ميته خالص يا ماما.. دا دراعك مركبينك فيه دم والتانى محاليل..

بصيتلي وعيطت وقالتلي.

بالله عليك..

انا : الدكتور علي وصول.. هنقوله ونشوف ايه...

لقيتها بترفع ايديها وبتحركها وهي فيها الدم والمحلول هيقع..

انا :بتعملي اي يا اسراء كيس الدم هيقع..

اسراء بلم شعري علشان اغطيه علشان الدكتور جاي.. هو انا جيت هنا بشعري كدا؟!

سكتت بصراحه مكنتش عارف اقولها ايه م انا مش بنت وبخرج اكيد طبعا من غير طرحه يعني.. ف نسيت الحوار خالص..

انا :ها يا اسراء.. اصبري هندهلك علي الممرضه تلمهولك وتلبسك الطرحه..

طالع انده ع الممرضه لقيت الدكتور جاي من اخر الطرقه..

دخلت بسرعه وقفت جنبها ومسكت شعرها..

هي : بتعمل ايه ؟!

انا : بلمهولك..

هي : لا سيبه خلاص انا هلمه..

انا: هاتي الطرحه دي هاتي الدكتور جاي..

اسراء : اجيب طرحه ايه؟! الطرحه ف الاسدال اهيه... هو انا جيت هنا بالاسدال ده؟!

انا :شش اهو الدكتور...

الدكتور اخو صاحبي حسام : اهلا اهلا الف سلامه عليكي.. حاسه ب ايه دلوقتي.. كدا موتي حسام من الرعب عليكي..

انا في سري : يا ابن الكلب يكداب...انا موت م الخوف!! مش للدرجادي يعني...

ابتسمت للدكتور وقتها وقالتله الحمدلله..

ممكن اصلي؟! من فضلك...

الدكتور :مينفعش تقومي من مكانك دلوقتي

اولا...لأن كل المحاليل مخلصتش لسه هي وكيس الدم..

ثانيًا... لانك لو قومتي وقفتي هتقعي تاني مره واحده..

وبعدين متنسيش ان درجه حرارتك لسا مستقرتش..

جالي مكالمه.. لقيتها ماما بتتصل...

انا : بقولك ايه هطلع ارد ع ماما وهي شكلها في الطريق وجايه... ف احنا قدامها ايه؟!

اسراء : ايه؟!

انا : اسعد زوج وزوجه علي وش الأرض الخرابه ديه..

وطلعت بره ونزلت اجيب قهوه.. انا قايلها اني هغيب عشر دقايق كدا...

بس قبل القهوه كلمت ماما وجيبتلها شنطتها وحطيتلها فيها نقاب

رجعت بعدها الاوضه ملقيتهاش..

سالت الممرضه..

الممرضه : هي قالتلي عاوزه اروح الحمام.. ف شيلتيلها المحاليل والحاجه...

انا بصدمه : ومروحتيش معاها؟!

هي :لا مرضيتش..

انا : فين الحمام؟!

عارفين مشكله الممرضات بعضهم الي ف المستشفيات الخاصه والعامه قله الضمير... ومع انها خالفت كلام الدكتور

انا محبتش اتكلم واعمل ليله وعديتها...

بس المشكله دلوقتي ان ده حمام سيدات.. انا هدخل ازاي؟!!!!!

فضلت واقف قدام الحمام ومبنطقش...

واقف دقيقه.. اتنين .. تلاته ... عاوز اكلم اي واحده داخله تندهها او تشوفها بس محرج... ماما علي وصول اصلا

بعدد خمس دقايق لقيت صوت جوه الحمام عالي لقيت واحده خارجه وقالتلي.......

          الفصل الرابع من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال