 |
رواية يلا بينا نعرف نبينا الفصل الرابع بقلم اسماء4 #يللا_بينا_نعرف_نبينا يلا صلوا على النبي . كنا أمبارح حكينا عن حب الصحابى ثوبان للنبى صلى الله عليه وسلم .. هنحكى أنهاردة عن قصة صحابى تانى أسمه ربيعة بن كعب الأسلمي .. " ربيعة " صحابي شاب صغير راح عشان يخدم النبي في أي حاجة يطلبها صلى الله عليه وسلم .. وكان النبي بالليل يبدأ يصلى القيام ، ويطلب من ربيعه أنه يمشى عشان يستريح .. فيخرج ربيعة عشان يروح بيته ، لكن يقف عند الباب بره ويقول فى نفسه : ما تفعل يا ربيعه ؟ أتعود إلى البيت ؟ أتتحمل فراق رسول الله ؟؟ فأفكر وأفكر وأقول : والله لا تحتمل فراق رسول الله .. ف يعمل أيه ربيعة ؟ يخرج وبعد ما يتأكد إن باب النبى مقفول كويس .. يقلع الجُبه (العباية) بتاعته ويفرشها على عتبة الباب من بره ويسند على الباب ويقول في نفسه : لعلّ رسول الله يحتاج فى الليل شيئا .. ( عايز يدي لنفسه مبرر يعني ) .. فبيقول ربيعة : كنت أضع رأسى على الباب فأسمع النبى ليلاً يقول سبحانك ربي .. سبحانك ربي .. ويقول في السجود : سجد لك وجهي وأنفي وعظمي ولحمي وقلبي .. فالنبي عليه الصلاة والسلام شاف اهتمام ربيعة به وطول أنتظاره جنبه .. ففهم أن ربيعة بيحبه حب شديد .. وفى مرة شاف النبي ﷺ ربيعة فابتسم وقال : سلني يا ربيعه ؟ ( قولى نفسك فى أيه يا ربيعه وأنا أدعيلك بيه .. دعوة النبى مجابه ) .. فقال ربيعة : أسألك مرافقتك في الجنة .. ( رغم إن ربيعه شاب بسيط .. كان ممكن يطلب أي شيء في الدنيا .. لكن مش عايز غير مرافقة النبي صَلَّى اللَّهُ عَلَيْهِ وَسَلَّمَ في الجنة ) .. فيرد النبى على ربيعه ويقول له : أعنى على نفسك بكثرة السجود .. ( أوصاه ﷺ بكثرة النوافل و كثرة السجود لله عز وجل ) إن شاء الله نكون كلنا من رفقاء النبي ﷺ في الجنة بحبنا له .. الصحابة كانوا بيحبوا النبي حب عجيب .. لدرجة ان في مرة واحد من الصحابة يروح للنبى ﷺ ويخبط عليه في نص الليل .. فالنبي يتخض ويفتح الباب .. فيلاقي الصحابي قدامه بيقوله : أشتقت إليك يا رسول الله وأنا بين أهلي وأولادي .. فلم أذق نوماً .. فقلت في نفسي آتيك فأنظر إليك وأعود فأنام .. الله .. يا بختهم أصحاب رسول الله .. كانوا كل ما يوحشهم يروحوا يبصوا فى وشه ﷺ ويمشوا .. نكمل الحلقة الجاية ان شاء الله #السيرة_النبوية_بالعامية_لنورهان_الشيخ |
بدل ماتدور وتبحث علي الروايات خليها علي تليفونك وحمل تطبيقنا
