رواية لست ضعيفه الفصل الرابع
في الصعيد
فريده بتوتر / اني قلبي مش مرتاح يبوي ولدي فيه حاجه..
الجد صابر بقلق/ جرا اي يا فريده انتي جايه تلعبي علي اعصابي بزداكي حديت يسم البدن الواد بخير إن شاء الله.
فريده وكادت تبكي/ ونبي يبوي احب علي يدك حدت معتز ف التلافون وخليه يطمن علي اخوه لحسن اندل اني...
الجد صابر بحده/ تندلي فين انتي اتخبلتي ف نفوخك مفيش حريم تندل البندر لحالها بزادكي نواح هحدت معتز وهو يطمنا عليه..
******************* في بيت منار
هدي /مالكم يبنات في اي..
منار بعصبيه/ الهانم دى ملهاش خروج تاني من البيت رايحه تقابلي واحد وبيحبولي ف بعض ..
وديني وما اعبد يا ياسمين لو عرفت انك حاولتي تكلمي الواد ده ولا حتي حاولتي تشوفيه مهيكون ليكي غير البيت ومفيش تعليم ده لو عرفتي تخرجي من البيت اساسا وانسيي خالص زمان من هنا ورايح مش هتطلعي من البيت والموبايل ده مش هتشوفي وشه وملكيش فلوس ولو علي الدروس ومهتمه اوى بتعليمك هبقي اجبلك مدرسين خصوصي يلا امشي من قدامي...
هدي بشهقه وبكاء / ازاي يا يسمين تعملي كده احنا قصرنا معاكي ف حاجه يبنتي ومين اللي رحتي تقابليه ده.
ياسمين ببكاء/ اه قصرتي معايا كلكوا قصرتوا لما تبقي منار هي اللي علي الحجر وانا فداهيه تبقي قصرتي لما تبقي هي ف شغلها ومتعرفش عني حاجه يبقي قصرت معايا ولما ابنك يبقي برا مصر وبيشوف شغلو ومش هاموا حد غير منار يبقي قصر معايا ولما تبقي بنتك شروق مع جوزها ف بلد تانيه ومتعرفش حاجه عني يبقي قصرت ..
انما هو بقا حسسني اني انسانه وليا قيمه هو الوحيد اللي لقيت منو اهتمام وحب انا بكرهكوا وبكره نفسي.
(متوصلوش ولادكوا لمرحله انهم يدوروا علي الاهتمام والحب من برا)
ثم ركضت علي غرفتها.
هدى/ ونبي متاخدى علي كلامها يمنار هي متقصدش حاجه ..
منار وهي تدعي الهدوء وتبتسم ابتسامه مصطنعه وعيناها ممتلئه بالدموع/ عادي مفيش حاجه عن اذنك يماما..
وتركت والداتها وذهبت إلي المقابر عند والدها وهي تبكي بحرقه/ سبتني يبابا ومشيت سبتني اواجه كل ده لوحدي انا ضعيفه يبابا زى ما الكل بيقول ...
للدرجه دى انا مقصره معاكي يا ياسمين كل ده شيلاه ف قلبك من ناحيتي ده انا بتمنالك الخير دايما....
ياارب الهمني الصواب الحمل تقل عليا وانا مش قادره ..
تركت والدها وذهبت الي قبور اصدقائها وهي تبكي بحرقه اكثر/ سامحوني يبنات معرفتش اجبلكوا حقكوا......
ثم وبكل ما اعطاها الله من قوه اخرجت صرخه هزت المكان بأكمله مع بكائها المستمر/ يااا رب يا رب....
*************** في المستشفي
كان معتز يركض داخل المشفي عندما حدثه يوسف في الهاتف واخبره ان مؤمن في المشفي وهو في خطر..
معتز بلهفه وقلق / يوسف فين مؤمن.
يوسف بحزن وصوت مبحوح/ جوا ف اوضه العمليات حالته صعبه عمل حاثه والكلي بتاعتوا اتصابت ولو ملقناش متبرع ليه... لم يستطع اكمال حديثه بسبب ارتفاع شهقاته..
معتز بقلق/ هيحصل اي!! وطارق فين انت قلتلي انو معاك.
يوسف وهو يمسح دموعه/ لازم نلاقي متبرع قبل 24 ساعه قبل ميضيع مننا مؤمن .
طارق اغمي عليه والدكاتره فوقوه.
معتز / انا عايز اعمل تحاليل وهشوف لو هينفع اتبرعلوا..
يوسف بأمل/ بسرعه قول للممرضه جوا تعملك تحاليل
للأسف انا عملت تحاليل والدكتور قلي مش متطابق معاه ومش هينفع...
********************في الصعيد
فريده/ هاا قلك اي يبوي
الجد بتوتر/ قلي انهم ف المستشفي ومؤمن عمل حادثه..
فريده بشهقه وهي تضرب علي صدرها/ يوقعه مربربه بطين اني لازم اندل اشوف ولدي اني مش هقعد اهنيه نايمه علي ودني وولدي ف المستشفي بيضيع مني ...
الجد صابر بجديه/ قومي حضري نفسك ومتخبريش حد واصل اهنيه هنروحوا لحالنا ونعاودوا تاني..
***************
منار وهي تتدرب علي القتال بعصبيه كبيره كادت ان تقتل المدرب ...
انتهت من التدريب ووقفت بسياراتها امام البحر وظلت تتأمل البحر بهدوء وعندما تذكرت الماضي جحظت عيناها وتلونوا باللون الاحمر من كثره الغضب ثم صعدت إلي سياراتها وهي تقول / هقتلك هقتلك....
يتبع...
بدل ماتدور وتبحث علي الروايات خليها علي تليفونك وحمل تطبيقنا
