Ads by Google X

القائمة الرئيسية

الصفحات

رواية لست ضعيفه الفصل السادس 6 بقلم رانيا عبد العليم


  رواية لست ضعيفه الفصل السادس 

هبه راحت تستلم نتيجه التحاليل وتقولها ليهم / في شخص فيكم متطابق معاه... 
الكل اتبسط وبصو لبعض بأمل ...قاطعتهم من فرحتهم/ بس مينفعش المدام تتبرع لأنها بكلي واحده.... ثم تحدثت بصدمه واستغراب/ جدي!....

الجميع نظر بصدمه ماذا تقصد بكلي واحده ومتي حدث هذا 

الجد بفرح ولهفه رغم حزنوا علي مؤمن/ هبه كيفك يبتي ....
اي مش هتاجي تسلمي علي ج. لم يكمل حديثه حتي جاءت وارتمت بأحضانه... ثم نهضت وتحدثت ببسمه

هبه / مفيش وقت يجماعه العمليه فاضل عليها 8 ساعات مش قدامنا كتير انا كلمت الدكتور اللي هيعمل العمليه وخلاص كل حاجه هتجهز كمان عشر دقايق...

بعد عده ساعات خرج الطبيب من غرفه العمليات وهو يبتسم لهم/الحمدلله يجماعه العمليه نجحت والاتنين بخير بس احنا هندي للمريض ادويه تخلي جسموا يتأقلم علي الكلي الجديده...

الجد/ شكرا يدكتور

الطبيب/عن اذنكم

فريده بدموع فرح/ احمدك يا رب وأشكرك 
********************عند منار

منار  بقلق وعصبيه وهي تريد التحدث مع هبه/  متردي يزفته... بردو مفيش رد...الو يخالتو كنت عايزه اسألك هي هبه مبتردش علي تليفونها ليه

سحر بتوتر/ يكون مشغوله ولا حاجه!

منار / خلاص يخالتو انا هروحلها....سلام

****************ياسمين في غرفتها

تبكي بحرقه / وحشتني اوى يبابا... ثم صمتت عندما سمعت صوت حركه في غرفتها...






ياسمين بشهقه وفزع/معاذ!

معاذ وهو يضع يده علي فهمها/ اششش لحسن حد يسمعنا

ياسمين بحده/بتعمل اي هنا وجيت ازاي

معاذ بخبث وهو يمثل الحزن/ مش عارف اعيش من غيرك يا ياسمين بتخيلك ف كل مكان..

ياسمين وهي تشعر ايضا بنفس الاشتياق ولكن يجب ان تسمع حديث اختها / مينفعش نشوف بعض تاني امشي ومش عايزه اشوفك تاني...

*******************في المستشفى 

منار وصلت للمستشفي وتحدث احد الممرضين/ لو سمحت هي دكتوره هبه موجوده..

الممرض/ ايوا جوا في اوضه العمليات..

منار شعرت بغصه ولا تعلم سببها/ ماشي شكرا

وقفت منار بصدمه/ جدي....!

الجد وهو ينظر لها بلهفه ودموعوا تملئ عيناه / منار كيفك يبتي .... اي متوحشكيش جدك ولا اللي عملوا ولد محمد نساكي انك عندك عيله.

منار وهي تحاول كتم دموعها وتبتسم وقد اخذت علي نفسها عهد مهما صار لن تظهر ضعفها امام احد او حتي تبكي امام حد/ لا ازاي وحشتني طبعا بس انت عارف اني مكنتش اقدر اشوف حد فيكم ولا اي ..

الجد بابتسامه/ خلاص يبتي اللي راح راح نبدأو حياتنا من جديد ولا هنقعدو علي ذكرى كل حاجه عفشه حصلت معانا... بس والله يبتي لأرجعلك حقك وحق ابوكي قبل ما اموت....

منار بابتسامه ركضت الي احضان جدها/ وحشتني اوي يجدو...

الجد بدموع/ وانتي كمان اتوحشتلك قوي قوي...

منار وهي تسلم علي فريده بابتسامه بشوشه(مرات عمها وام علي)/ عامله اي يمرات عمي.

فريده بحزن وهي تتذكر ما فعله ابنها وتنظر الي الارض بخجل/ نحمدو ربنا يبتي بخير ...

منار مقاطعه هذه اللحظات/ عن اذنكم يجماعه عايزه اشوف هبه مبتردش علي تليفونها... الا صحيح انتو بتعملوا هنا اي

الجد بارتباك/هبه جوا في اوضه العمليات وحكالها كل حاجه..

اومأت منار رأسها ثم تحدثت بأستغراب/ هو مين ده يجدو

الجد بابتسامه/ ده معتز ابن عمك...(فاكرين معتز الظابط اللي ف البارت الاول).

منار بابتسامه/ طب عن اذنكم انا هروح اشوف هبه.






الجد / استني جاي معاكي

يوسف وطارق صحاب مؤمن كانو ساكتين .

يوسف/ 35 سنه شغال مع مؤمن في الشركه شاب بيحب شغلوا وبيحب صحابو وبيخاف عليهم وعصبي جدا عينه واسعه شعرو كثيف .

طارق / 34 سنه شغال بردو في شركات القحطاني شاب وسيم وهادى ودايما العقل المفكر لأصحابوا.

**********************في أسبانيا

علي/ بقلك اي انا لازم انزل مصر عندك 

المجهول/ تنزل فين انت اتجننت انت عارف منار لو شمت خبر انك في مصر هتعمل فيك اي؟!

علي بأصرار/ كفايه كده بقالي سنه قاعد مستخبي عشان الموضوع يتنسي ....وبعدين هي مش هتعرف تعملي حاجه  دلوقتي صباعها درسي.

المجهول/ ازاي مش فاهم

علي بتوضيح/ انا زاقق معاذ علي اختها ياسمين وهخلص عليها عشان تتكسر خلاص وميبقلهاش حد واخوها بردو قريب هخلص عليه هقضي علي كل اللي بتتحامي فيهم..

**************
Flash back 

 معاذ /  يا ياسمين اختك مبتحبكيش يلا تعالي معايا نتجوز ونعيش سوا مش انتي بتحبيني. 

ياسمين بخوف/ ايوا بحبك بس مينفعش اعمل كده... وكمان من وراهم لا لا لا.

معاذ بخبث/ ما احنا بعد منتجوز ونبعد عنهم مده وبعدين نبقا نعرفهم اننا متجوزين يلا يا ياسو يلا حبيبتي تعالي معايا..

ياسمين بارتباك/ طب وماما برا...

معاذ/ متخافيش مش هتحس بحاجه(ادى امها مخدر)

ياسمين بقلق/ ماشي يلا

                                        Back

              ____________________________________

المهجول /عايز تقتل تاني مكتفيتش بقتل ابوها وعايز تقتل باقي عيلتها عارف يا علي لو حصل حاجه لحد تاني من عليتها محدش هيقفلك غيري ......وعلي فكره منار مبتتكسرش منار بقت اقوي من زمان فاكر منار اللي كنت اول متسمع اسمها تترعب اهي رجعت تاني واقوي ويكون ف علمك جدك لو عرف انك رجعت مصر هيمحيك.

علي/ انا نازل وهتجوز منار غصب عنهم وعنها.

المجهول/ مليش دعوه بيك بعد كده.

_________________________________
عند هبه في غرفه العمليات*
 
منار بابتسامه / الحمدلله علي سلامتك يحبيبتي.

هبه بحب /الله يسلمك يمنار.

الجد /  حمدلله علي السلامه يبتي اني هروح اشوف مؤمن السلام عليكم..

منار موبايلها رن
 منار بصدمه/ الو... بتقول اي

طلعت تجرى منار من المستشفي جدها شافها بتجرى قال لمعتز/ اجرى وراها شوف في اي..

جرى معتز وراها لحد ما وصل لبيتها

منار اول مدخلت البيت بفزع/ ماما يحبيبتي في اي.

هدي ببكاء/ الحقي يمنار اختك جيه شاب حط مخدر علي وشي واخدها ومشي.

منار ب هيستيريه وهي تركض علي غرفه اختها/ ياسمين ياسمين.... دخلت الاوضه ملقتش حد .... صرخت منار

سمعوها برا وعرفوا انها ملقتش اختها 

معتز / طب  يمرات عمي شفتي شكلي الشاب اللي اخدها.

هدي / ايوا يبني هو طويل كده واسمراني شويه وعندو لحيه خفيفه.

معتز/ ماشي يا امي متقلقيش..

 دخل معتز لمنار / شاكه ف حد معين؟!

منار بغضب جحيمي/ معاذ الكل*ب مش هسيبوا....
وطلعت تجرى...

____________________________________

معاذ/ اي يا ياسو يحبيبتي مالك خايفه كده ليه.

ياسمين بخوف وهي ترجع للخلف/ بتقرب كده ليه ابعد عني.

معاذ بخبث/ مالك يحبيبتي خايفه مني ولا اي؟!....

  معاذ بضحكه خبيثه / ههههه اوعي تكوني صدقتي يمغفله اني ممكن اتجوزك انا اصلا مبحبكيش انتي بس اللي سهله... علي ابن عمك هو اللي قايلي اعمل فيكي كده.

ياسمين بخوف وبكاء/ انت واحد ز*باله وحيوا*ن والله لندمك علي كل حاجه..

معاذ بضحك/ ههههه مش قبل ما انا اخد منك كل حاجه..

ياسمين  بخوف وصراخ/ ابعد عني قلتلك ابعد يمعاذ انت واحد حق*ير

معاذ بغضب/ هندمك علي كل كلمه قولتيها... وبدأ يقرب منها.

فجأه دخل معتز ومعاه منار وهي تبحث بعينها علي اختها وهو ماسك المسدس /  اثبت مكانك ولا حركه....جرى عليه معتز .... ومسكوا.

منار ركضت إلي اختها وقلبها يملؤه الرعب/ ياسمين حبيبتي انتي كويسه لمسك عملك حاجه وحضنتها. 

ياسمين ببكاء/ انا اسفه يمنار انا اسفه علي كل حاجه قولتها وعملتها.... بس انتي عرفتي مكاني ازاي؟!

يتبع....

ياتري مين المجهول اللي كان بيكلموا علي!
ومنار عرفت ازاي مكان اختها!
وهل علي فعلا هينزل مصر وهيتجوز منار!

كل ده هنعرفوا في الفصول الجايه اللي جاي كلو مفاجأت دى كانت مجرد بدايه لروايتنا...
يتبع....
                الفصل السابع من هنا 

تعليقات