Ads by Google X

رواية اسيرتي المتزوجة الفصل التاسع 9 بقلم مريم الشهاوي


  رواية اسيرتي المتزوجة الفصل التاسع 

نبيل بخبث/ومين قالك ان هو الي ابوه 

فادية بغضب/اي الي بتقوله دا يا نبيل انت اتجننت 

نبيل/اه اتجننت لما ابقا بقالي خمس سنين بحبك وانت مش حاسه بيا ابقى اتجننت لما يبقا اعز اصدقائي هو الي ف قلبك وانك تختاريه هو يبقى كان لازم اتجنن لما تلفي انت وهو عشان تجيبو عيل يجمعكو وتنسوني ابقا اتجننت وكانت فرصتي ان انور مبيخلفش 

فادية بعياط/انت عملت اي كل دا شايله ف قلبك تبقى عملت مصيبه

نبيل/مفيش كنت متفق مع الممرضة تحط جيناتي انا في الحق*ن ومش متخيله سعادتي وانا بشوف حته مني بتكبر ف بطنك واهو بقا عنده ست سنين وف وسطنا بيكبر





فادية اتصدمت من تفكيره /انت الي عملته دا جريمه 

مسكته من تيشرته/جريمه يا نبيل انا بربي ابن مش ابن جوزي ابن شخص تاني.... ازااااي عملت كده فكرت في اصلا ازاي 

نبيل/عشان انت ليا يا فادية ولسه استني لما يعرف انور شوفي هيعمل اي لا وانور من السعيد ودمه حامي 

عز جيه جري 

عز/مامي عاوز اروح التويلت 

فادية مسحت دموعها وبصت لنبيل بعتاب وراحت مع ابنها رجعت لاقت انور ونبيل بيضحكوا بصت للسما ودعت ربها اليوم يعدي على خير 

عدى اسبوع وفادية مش بتخرج من البيت نهائي واما بتسمع اسم نبيل مش بترضى تطلع لحد ما انور اتخانق معاها 

فادية/يا سيدي مش عاوزة اشوفه مش عاوزة اتكلم معاه هو بالعافيه 

انور/يعني هو من الادب انه يجي لحد هنا عشان يتطمن عليكي وانت تتطنشي وتدخلي تنامي هيه دي الاصول يا فادية 






فادية/بتتكلم اوي عن الاصول وانت صاحبك معندوش ربعها 

انور/نبيل دا صاحب اصل انت ناسيه اصله معانا ووقوفه جمبنا ساعت الولادة كان اي 

فادية/اهو دا اكتر حاجه تبينلك انه قليل الاصل وواطي 

انور ضربها بالقلم /الظاهر ان اعصابك تعبانه وبقيتي بترمي اي كلام وخلاص 

انور مشي وسابلها البيت 

وعدى يومين وفادية مش عارفه عنه حاجه ولا عارفه توصله ومش عاوزة تتصل بنبيل وف نفس الوقت خايفه يكون عنده ونبيل يكون قاله 

في يوم كانت فادية بتاكل هي و ابنها وسمعت باب الشقه بيتفتح ولاقت نبيل بيترمي علأرض قدامها وانور واقف وغضب الدنيا على وشه 

انور بزعيق/بتخدعوني انا...   وانت يا نبيل بيه انا برضو كنت مستغرب حبك الزيادة لعز بس دلوقتي فهمت 

نبيل/متقلقيش يا فادية يا حببتي هياخدولنا حقنا 

انور/دا اذا طلعت عايش انت وهيه 

فادية /استني يا انور هفهمك انت مسمعتنيش 

انور زقها علأرض /انت خيانتك كانت اكبر منه يا فادية ووجعها كان اكتر ولسه هيمشي خطوه كان البوليس محاوط البيت

ونبيل قام بصعبانيه /كويس انك جيت يا باشا كان خلاص هيخلص علينا انا ومراتي وابننا 

الشرطي/خدوهم كلهم علقسم 

راحو القسم وانور كان بيدافع عن نفسه /يا باشا انا مكنتش هموت حد هموت مراتي يعني 

نبيل بتهكم/مراتك.......... مراتك مين دي مراتي انا ودا ابني انا 

انور/دا ابنك اه لكن دي مراتي 

الشرطي/لا براحه عليا واحد بيقولي دا ابني والتاني يقول دي مراتي انت فاكرني عيل صغير ما تقولي كلام منطقي  

نبيل/يا باشا دا ابني انا ودي مراتي وهوري حضرتك قسيمة الجواز

الشرطي بص لقسيمة الجواز وبصله وقاله دا ابنك 

نبيل/ايوه يا باشا

انور/كان المفروض يبقى ابني انا بس لولا....

الشرطي / دا الحوار كبير بقا

نبيل/يا باشا هو كان بيحب مراتي وكان بينتقم لاني اخدتها منه بس والله ما حصل 

الشرطي/اتكلمي يا مدام فادية 

نبيل كان مدي فلوس للشرطي ف بالتالي كان ف صف نبيل اوي 

انور مش بيتكلم وباصص لفادية اوي مستنيها تتكلم

فادية اتحولت نظراتها من خوف ولهفه لمكر وغضب/ايوه يا باشا كل الي قاله نبيل جوزي صح

انور بصدمه/جوزك

فادية/ايوه سيبنا ف حالنا بقا يا انور 

الشرطي/كان عاوز يقتلكم 

نبيل~اا لا يا باشا هو كان غضبان مفيش قتل ولا حاجه 

الشرطي/اطلق صراحه يابني 

انور طلع وف عالم تاني ونبيل طالع وماسك ل ايد فادية 

نبيل/شطورة يا حببتي قولتي الي قولتلك عليه بالظبط

فادية/والله لولا انك هددتني بانك هتحبس انور وتقدر تحبسه انا كنت بلغت عنك وبجريمتك 

______

مرام كانت بتتكلم والدموع ماليه عينيها وعز لسانه مشلول عن الكلام 

مرام/وبابا بعد عشر سنين راح اتجوز من ماما وخلفني انا وكينان بس للأسف فادية ظهرت ف حياتنا بعد ما كانت استقرت وسافرت مع نبيل برا لكن اول ما رجعو فكرت ف بابا وواجهت بابا بكل الحقيقه وبابا خباها وقالتله انها خلفت واحد تاني بس كان بالاجبار دا الي هو عمر وانه اغتص*بها ف عمر وانها عاشت طول العشر سنين ف عذاب وبابا صدقها وكانت ماما تعبانه وقتها بسبب حمل كينان ونبيل كان هيتجنن وف يوم بابا فتح عينيه لقا نفسه ف مخزن ونبيل قدامه 

نبيل/هترجعلي مراتي امتى 

انور/انت عاوز تقولي انك لو عاوز ترجعها مش هتعرف 

نبيل/لا للأسف مش عارف ارجعها 

مسكه من قميصه بقوه/انت دايما واخد مني كل حاجه

انور/انت نكار للجميل يانبيل مفتكرتش وقفتي جمبك ساعت موت ابوك نسيت كل حاجه حلوة بينا كنت انا وانت وفادية اصحاب اوي 

نبيل بصوت عالي/قبل ما تتجوزها انت عارف ف اليوم الي فادية جات وقالتلي فيه اعترافك ليها بحبك انا كنت مجهزلها قاعدة رومانسيه وكنت هقولها فيها كل الي فقلبي لكن للاسف جيت وبوظت كل حاجه مكنتش بقدر اشوفكو مع بعض واسكت وكمان اما لقيتك بتزن على مولود ليكو اتجننت كنت خايف تخلفو فعلا وصدقني يا انور انت لو كنت خلفت منغير مشاكل وطبيعي انا كنت سقط*هولك وهو لسه ف بطن امه 

انور/اي الجحود الي بقا ف دمك دا من امتى 

نبيل/من ساعت ما اخدتها مني 

انور/انا مأخدتش حد انت ليه بتتكلم عن فادية انها لعبه وانا اخدتها منك فادية كمان حبتني يا نبيل ودي مش جريمه 

نبيل بزعيق/اسكت يا انور اسكت 

وقعد يضرب فيه بالبوكسات والرجل

__________

مرام/وقبل ما يمشي بعد ما بابا فقد وعيه من كتر الضرب غرق المخزن مية نار وقبل ما يمشي كان مولع ف المخزن كله وهرب بعيد بس فيه واحد لحقه واتصل بينا كتر خيره عرفنا ننقذ ابونا قبل ما يبقى رماد ومن ساعت ما سمعت الكلام دا من ابويا وانا كرهاكو ومصممه اني اقتل نبيل لولا الشخص داكان زمان ابويا... 

عز/وهو فين الشخص دا تعرفي عنه اي 

مرام/معرفش بس مقعدش معانا اكتر من نص ساعه يتطمن على بابا وبعديها مشي بس كان صغير الله اعلم دلوقتي بقا...... ثواني هو انت مالك اصلا بالشخص دا 

عز جمد وبلع ريقه/عشان الشخص دا يبقى انا 

يتبع.....

              الفصل العاشر من هنا 

للمتابعه باقي الروايات زوروا موقعنا على التليجرام من هنا       

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-