رواية ليالي العشق الفصل الاول
_كنت عايز افاتحك في موضوع يا مليكة .
*قول يا حبيبي سمعاك .
_انا ..انا هتجوز .
*بطل هزار يا مالك .
مالك بتوتر :مش بهزر والله يا مليكة انا هتجوز بكرا ..
مليكة نزلت منها دمعة وقالت له بهدوء مصتنع :طلقني يا مالك.
مالك بعصبية :مش هطلقك يا مليكة .
مليكة بعصبية :لا هتطلقني ..وشوف بقا السينيورة العقربة اللي لفت علي واحد متجوز دي .
مالك بحدة :قولتلك طلاق مش مطلق يا مليكة ..وبعدين أنا مسمحش ليكي انك تتكلمي عليها بالشكل ده.
مليكة بتريقة :وتبقي مين بقا الهانم اللي انت محموق عليها اوي كدة .
مالك :تبقي ..تبقي هبة .
مليكة اتصلبت مكانها وقالت له بصدمة والدموع بتنزل منها زي المطر :هبة ..هبة صاحبة عمري يا مالك .
ثم أكملت كلامها :تتهنوا ببعض يا حبيبي ...وانت هتطلقني ورجلك فوق رقبتك .
راحت مليكة ولمت شنطة هدومها دخل مالك عليها الاوضة وقالها بحدة :مليكة علي فكره انتي ظلماني وانا مبعملش حاجة حرام الشرع محلل ليا أربعة .
مليكة وهي ماسكة شنطة هدومها :وزي ما الشرع محلل ليكي انك تتجوز محلل ليا اني اطلق....وبعدين متتكلمش عن الشرع وانت اصلا مبتركعاش ..ولاخر مرة بقولك يا مالك طلقنييي.
مالك بغيظ:انتي طالق يا مليكة .
مليكة خدت شنطتها وقبل ما تخرج من البيت قالت له :ورقتي توصلني .
روحت مليكة بيت ابوها ومرات اخوها شافتها وهي داخلة بشنطة هدومها فقالتلها :انتي ايه اللي جايبك في ساعة زي دي وايه شنطة الهدوم دي .
مليكة بتماسك:اتطلقت .
رباب مرات اخوها :الحقي يا حماتي بنتك اتطلقت وحالها مال .
خرجت امها وهي مصدومة وقالت لها :يا مصيبتك يا سميرة ..انتي اتطلقتي يا مليكة .
مليكة :اه يا ماما مالك هيتجوز بكرا وانا طلبت الطلاق .
رباب بشماتة :ما طبعا ما انتي لو كنتي عدلة ما كنش اتجوز عليكي .
مليكة بغيظ :ملكيش دعوة يا رباب انتي مش ولي امري ومتدخليش في حالي وخليكِ في حالك .
خرج ابوها وقالها بحنان :نورتي بيت ابوكِ يا عيوني ..إن كانت الدنيا دي كلها مش عايزاكِ فا انا عايزك يا حبيبتي ادخلي نامي واستريحي ونشوف الموضوع ده بعدين .
دخلت مليكة ونامت.
صحيت الصبح وهي بتعيط ومنهارة مهما كان ده جوزها برضو ومهما كانت الست قوية في لحظات فيها وبتنهار .
بعدها قررت مليكة انها هتروح تحضر فرح مالك وهبة صاحبة عمرها !
قامت مليكة ولبست فستان أسود سواريه وسيبت شعرها وحطت ميكب وكانت ملكة في نفسها وراحت الفرح رغم أن أهلها مش موافقين بس هي أصرت انها تروح !
دخلت مليكة الفرح زمالك اتصدم لما شافها ..اتصدم من جمالها وشياكتها وحلاوتها واتصدم أنها جاية الفرح اصلا !
راحت مليكة وسلمت علي مالك وهبة وقالت لهم بتريقة ودلع:مبروك يا حبايبي .
مليكة :ايه ده نسيت اعرفكم علي محمد خطيبي .
مالك :نعععم !
هبة : أييه
يتبع .....
