رواية شطرنج الحب الفصل الرابع عشر
نورا هتطلع فقال كاظم : هو أنتِ بتشتغلي لصالح حد يا نورا ؟
نورا وقفت مكانها بصدمة و لفت و قالت بضحك : حضرتك بقيت تهزر من امتى ؟
كاظم : نحاول نفصل برا إطار الشغل يا نورا
نورا ابتسمت و قالت : عن إذنك هروح اجهز
كاظم : الاجتماع بعد ساعة إلا ربع عشان تبقي عارفة
نورا راحت اوضة تغيير الملابس و طلعت موبايلها و بعتت رسالة لعزيز ( عزيز انا لازم اشوفك ضروري )
نورا لبست هدوم الفندق عبارة عن چيبة تحت الرقبة و قميص و چاكت و جزمة سودة
عند عزيز
عزيز واقف في المطبخ و الدقيق كان واقع في كل انحاء المطبخ و قال : طب دلوقتي انا احط اللبن الاول و لا الزبدة ...انا اراجع الوصفة تاني
عزيز يفتح التليفون يلاقي رسالة من نورا و قرأها فقال : يا تري ايه اللي حصل ..عظيم انا كده كده بحضر الكيكة عشان عيد ميلادها النهاردة انا شايف اننا نتقابل في المصنع المهجور اللي في المعادي
عزيز بعت رسالة ( خلاص اشوف في المكان .... و العنوان ...... )
عزيز كمل الكيكة و كان شكله متبهدل جدا
نورا قاعدة جانب كاظم في قاعة الأجتماعات
كاظم قال : انا عايز الحفلة دي تكون على اكمل وجه لأن في ناس مهمة جدا جاية عشان امضاء عقد الإشتراكية
نورا تكتب اهم الملحوظات فقال كاظم : عموما المسئولة عن الحفلة الأستاذة نورا
نورا ركزت و قالت : ان شاء الله نكون عند حسن ظن حضرتك
كاظم : ان شاء الله المتابعة هتم من خلال الاستاذة نورا ...حد عنده استفسار
الكل قام مشى و نورا هتطلع وقفها كاظم و قال : استني يا نورا
نورا وقفت و قالت : ايوة يا كاظم بيه
كاظم : نورا انا فاهم أنك مستغربة الوضع و ان شغلك اتغير و لكن مينفعش ابدا تكوني خريجة جامعة و تشتغلى House keeping ( التدبير المنزلي )
نورا : ده شرف ليا شكرا لحضرتك و ان شاء الله اكون عند حسن ظنك
كاظم : في شغل كتير و الوقت قليل انا قررت انك تقضي الفترة دي هنا في الفندق و عموما هيبقى ليكِ جناح لوحدك عشان هنشتغل لساعات متأخرة
نورا ابتسمت و قالت : انا بصراحة يا كاظم بيه مكونتش محضرة يعني هدوم شخصية
كاظم : متقلقيش يا نورا كل شئ هيكون متوفر ليكِ انا عايزك تركزي في شغل و بس و عموما احنا هنبدأ من بكرة
نورا ابتسمت و قالت : تمام يا كاظم بيه
نورا خرجت و طلعت تليفونها و لقيت عزيز رد عليها ، نورا لبست و راحت على العنوان
نورا ماشية في مصنع مهجور و حاسة بتوتر و فجأة عزيز يحضنها من ظهرها فقالت بنبرة مليانة حب : عزيز ♡
عزيز لفها اتجاهه و قال : عرفتيني ازاي ؟
نورا ابتسمت و قالت : القلب و ما يريد ...خلينا في المهم يا عزيز
عزيز : ايه اللي حصل ؟
نورا بتوتر : انا حاسة كاظم شاكك في حاجة ؟
عزيز : احنا لحقنا يا نورا
نورا مسكت ايده و قالت : اسمعني بس
نورا حكيت له اللي حصل فقال : بقولك ايه سيبك من كل ده
عزيز طلع شريطة و قال : اسمحيلي اغمي عينيكِ
نورا : هو في ايه ؟
عزيز با"س خدها و قال : سبيلي نفسك
عزيز غمض عين نورا و طلع الكيكة و و"لع الشمع و قال : جاهزة ؟
نورا : لأية و انا سامعة صوت ولا"عة ..أنتَ هتو"لع فيا و لا ايه ؟
عزيز : فرفشي شوية ..شيلي الشريطة
نورا شالت الشريطة و ابتسمت بصدمة فقال عزيز : كل سنة و أنتِ طيبة يا حبيبتي
نورا حضنته و قالت : انا ناسية خالص و بعدين انتَ عرفت ازاي ؟
عزيز ضحك : أنتِ نسيتي اني عارف كل حاجة و بعدين مش كفاية عزيز يعمل كيكة بنفسه
عزيز با"س ايدها و قال : أنا بحبك يا نورا بحبك
نورا ضحكت و قالت : و أنا كمان بمو"ت فيك ..بس مش شايف ان ده مش وقته
عزيز طبطب على دراعها و قال : نورا لما نخلص المهمة ...تتجوزيني ؟
يتبع.....
بدل ماتدور وتبحث علي الروايات خليها علي تليفونك وحمل تطبيقنا
