 |
رواية قدري حبك الفصل الثالث بقلم جيمي#قدري_حبك #البارت_التالت #جيمي - سارة احنا احتمال منشفش بعض تاني اي ده بتقول كده لي حصل حاجه !! محمد: لا بس حاسس ب كده لا متقلش كده ان شاءالله محدش يقدر يفرقنا وفضلنا نتكلم بس برضو كان زعلان حاولت اهزر معاه واخليه يفك بس للاسف مقدرتش وبرضو زعلان والحزن باين ف عنيه انا مقدرتش افهم اي سبب الحزن ده مر الوقت وقام وصلني -خدي بالك من نفسك قالها وحرفيا كأنه بيودعني انا كنت هعيط نفسي يقولي فيه اي ركبت وبعدين ببص من الشباك لقيته ابتسملي ومشي ف اتجاه المستشفي وبعدين مبقاش باين بعد كده روحت البيت اول ما دخلت خدت شاور ومكنش ليا نفس اكل دخلت انام بس معرفتش قعدت افكر ياتري هو كان زعلان ليه!! فضلت صاحية لحد ما نمت وانا زعلانه علي زعله.. صحيت تاني يوم لبست ونزلت الشغل... كان يوم ممل النهارده اوي يمكن علشان مخنوقة.. خلصت وركبت الاتوبيس ونزلت نفس المكان بس ملقتش محمد اول مره ملقهوش مستنيني قلت يمكن لسه مجاش قعدت ساعة بس مجاش زعلت وقمت روحت.. دخلت وريحت جسمي علي السرير فضلت افكر هو مجاش لي يمكن هو مش بيحبني!! بس ازاي انا كنت بشوف ده ف عنيه اومال اي اللي حصل اي اللي خلاه يبقي بالحزن ده! فضلت اسال نفسي وافكر لحد ما نعست ونمت صحيت تاني يوم ورحت الشغل وبعد ما خلصت ركبت الاتوبيس وانا كلي شوق انى اقابله المره دي علشان وحشني اووي بس للاسف مقابلتهوش برضو مجاش فضلت اسبوع كل يوم اروح نفس المكان بس للاسف لا حياة لمن تنادي كنت هتجنن عليه لاني للاسف مش معايا رقمه ولا عنوانه انا كنت متعوده اقابله ف المكان ده كل يوم.. كنت قاعدة ف اوضتي مخنوقة وبفكر ي تري اي اللي حصل لقيت نفسي بفتكر اخر مقابله وكلامه..بعد كده افتكرت انه كان كل شويه يبص للمستشفى والحزن بيظهر علي وشه ف قررت انى لازم اروح المستشفى دي بكرة اكيد هلاقي جواب ل اسئلتي دي هناك... صحيت تاني يوم اتصلت بالمدير وطلبت اجازة لمدة يوم بحجة اني تعبانه ولبست ونزلت ركبت الاتوبيس ونزلت نفس المكان ووصلت الحديقة وبصيت للمستشفى وقربت منها ودخلت بس مكنتش عارفة هعمل اي!؟ قلت يمكن شغال هنا ماهو دكتور..دخلت سالت الممرضة هو فيه دكتور هنا اسمه محمد نصر؟ - ثواني حضرتك هشوف قايمة الدكاترة اللي موجوده في المستشفي.. هو قسم اي؟ (افتكرت اني معرفش عنه حاجه غير انه دكتور) معرفش - طب ثواني انا هدورلك في كل الاقسام بس هتستني شويه تمام خدي وقتك.. عدي حوالي تلت ساعة - يا انسه ايوه.. لقيتي اسمه؟ - لا مفيش دكتور هنا بالاسم ده ماشي شكرا.. مشيت علشان اخرج من المستشفى وانا خلاص حاسه اني مش هشوفه تاني كان اخر امل ليا اني الاقيه دكتور هنا بس كده خلاص انا مش هشوفه تاني.. فجاءة لقيت الدكاترة والممرضين بيجرو علي اوضة كده قلت اي ده فيه اي قربت من الاوضه دي لقيت شباك الاوضه قزاز بصيت عشان اشوف فيه اي لقيتهم ملمومين حوالين مريض وهو نايم عالسرير وبيعملولو جلسات كهرباء بس مكنش باين لانهم كتير لحد ما خلصو لقيت الدكتور بيقول الحمدلله قدرنا نلحقه بس حالته لو استمرت كده احتمال كبير انه يموت ..بعد كده لقيتهم بيخرجو قلت فرصة علشان ابص عليه من باب الفضول... ببص اي ده مش ممكن !! يتبع 🖤 ان شاءلله البارت الجاي هيكون الاخير.. واسف عشان البارت ده صغير |
بدل ماتدور وتبحث علي الروايات خليها علي تليفونك وحمل تطبيقنا
