رواية يلا بينا نعرف نبينا الفصل السادس والخمسون 56بقلم اسماء

يلا صلوا على النبى :)

هجرة المسلمين للحبشة (ج1)

و بعد ما " عُتبة " خاف و نصح قريش أنهم يبعدوا و يسيبوا النبى ﷺ يعمل اللى هوه عايزه رفضت قريش وقالت : " والله ما نفعل أبدآ " .. و قررت قريش أنها تعمل مفاوضات تانية ، وقالوا لعل المشكلة كانت فى أسلوب " عُتبة " فقرروا يجربوا تانى .. وفعلاً راحوا للنبى عليه الصلاة و السلام تانى و عرضوا عليه نفس العروض اللى بعتوا بيها " عُتبة " المرة اللى فاتت ،

فالنبي ﷺ رد عليهم و قال : " يا معشر قريش ما جئتكم أطلب أموالكم و لا أريد الجاه فيكم و لا السلطان عليكم ( و مرديش يرد على الحتة بتاعت النساء ، أدايق منها 😢 لدرجة إنه مردش عليها ) و كمل كلامه وقال ﷺ : و إنما جئتكم بشيراً و نذيرا فمن قبل منكم دعوتي كان حظه من الدنيا و إذا رفضتم فسأصبر لحكم الله حتى يحكم الله بيني و بينكم " ..

و بعد ما رجال قريش سمعوا رد النبى ﷺ مشيوا ، و قعدوا يفكروا شوية و بعدين رجعوا للنبى ﷺ تانى و قالوا له : " يا محمد عندنا حل نعبد إلهك يوماً و تعبد إلهنا يوما "ً ، فنزل كلام رب العالمين قال تعالى : { قُلْ يَا أَيُّهَا الْكَافِرُون َ* لَا أَعْبُدُ مَا تَعْبُدُون َ* وَلَا أَنتُمْ عَابِدُونَ مَا أَعْبُدُ * وَلَا أَنَا عَابِدٌ مَّا عَبَدتُّم * وَلَا أَنتُمْ عَابِدُونَ مَا أَعْبُد ُ* لَكُمْ دِينُكُمْ وَلِيَ دِينِ } [ سورة الكافرون ] .. فمشيوا تانى و رجعوا وقالوا : " يا محمد سنؤمن بك ولكن بشرط " ، فقال النبى ﷺ : " ما هو ؟ " ..

فقالوا : " فجر لنا في أرض مكة ينابيع من الماء في كل مكان أو أجعل ربك يخلق لك جنة 

( حديقة ) بها بساتين و زرع و قصر كبير .. أو أنزل السماء تنطبق على الأرض أو أجعل الله و الملائكة يأتوا فيتكلموا معانا أو يكون لك بيت من زخرف ( بيتك يكون كله من فضة و ذهب و ياقوت ) أو ترقى في السماء و لن نؤمن لرقيك حتى تنزل علينا كتاباً نقرأه " ( يعنى تطلع للسما و مش حنصدق أنك طلعت إلا لو نزلت لنا بجواب يكون من رب العالمين ) .. فيرد عليهم رسول الله صلى الله عليه و سلم و يقولهم برفض شديد : " ما كنت أسأل ربى هذا " .. 

و تنزل الآيات ترد عليهم قال تعالى : { وَقَالُوا لَن نُّؤْمِنَ لَكَ حَتَّىٰ تَفْجُرَ لَنَا مِنَ الْأَرْضِ يَنبُوعًا * أوْ تَكُونَ لَكَ جَنَّةٌ مِّن نَّخِيلٍ وَعِنَبٍ فَتُفَجِّرَ الْأَنْهَارَ خِلَالَهَا تَفْجِيرًا * أَوْ تُسْقِطَ السَّمَاءَ كَمَا زَعَمْتَ عَلَيْنَا كِسَفًا أَوْ تَأْتِيَ بِاللَّهِ وَالْمَلَائِكَةِ قَبِيلًا * أوْ يَكُونَ لَكَ بَيْتٌ مِّن زُخْرُفٍ أَوْ تَرْقَىٰ فِي السَّمَاءِ وَلَن نُّؤْمِنَ لِرُقِيِّكَ حَتَّىٰ تُنَزِّلَ عَلَيْنَا كِتَابًا نَّقْرَؤُهُ قُلْ سُبْحَانَ رَبِّي هَلْ كُنتُ إِلَّا بَشَرًا رَّسُولًا } ، طيب دلوقتى قريش مش لاقيه حل عشان تخلى النبى يبطل يدعوا للإسلام .. فقريش بتفكر نرجع للإيذ"اء .. نرجع للتعذ"يب و نعذب الفقراء المسلمين و نعذ"ب اللي ملهمش ضهر ..

و فعلاً يبدأوا ينفذوا الحل ده و يبدأ التعذ"يب يشتد و من كتر ما كان العذ"اب شديد ، بدأ الصحابة يقولوا آمنا بالات و العزى و قلبهم مطمئن بالإيمان ، يعنى مسلمين لكن بينطقوا كلمة الكفر بلسانهم بس عشان مش قادرين يستحملوا العذ"اب و زى ما عرفنا أن ربنا عز وجل قال : { إِلَّا مَنْ أُكْرِهَ وَقَلْبُهُ مُطْمَئِنٌّ بِالْإِيمَان }ِ ( يعنى مدام هما مجبرين على الكفر ونطقوا كلمة الكفر هما بردوا مازلوا مسلمين ♡ ) .. ويحطوا وشهم في المياه المغلية و واحد يتكو"ى لحد ما جلده يتشو"ي .. طيب وبعدين 😢 !! .. ربنا عز وجل نزل الآية دى : { وَأَرْضُ اللَّهِ وَاسِعَةٌ إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ } .. فالنبى ﷺ بدأ يديهم حل فى أنهم يمشوا من مكة بس دى بردوا حاجة صعبة أوي على العرب ، العربي مرتبط أوي بأرضه و قبيلته و عشيرته ..

طيب يا رسول الله نمشى و نروح على فين ؟ تروحوا الحبشة .. طيب ليه الحبشة ؟ دى في قارة تانية خالص و بعيدة و لغتهم مختلفة و ديانتهم المسيحية .. أشمعنا الحبشة ؟ النبى عليه الصلاة و السلام أختار الحبشة عشان سببين : 

السبب الأول : لأنها قارة تانية خالص و مكة سيدة العرب فعندها معاهدات سياسية و عندها حق إستدعاء سياسي لأي حد يهرب من مكة و يروح بلد تانية أما الحبشة في قارة تانية خالص فمكة ملهاش عليها سلطة ..

أما السبب الثاني : أن أهل الحبشة مسيحين ، بصوا كلام الله تعالى : { وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَىٰ ذَٰلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ * وَإِذَا سَمِعُوا مَا أُنزِلَ إِلَى الرَّسُولِ تَرَىٰ أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِين } .. 

حيقول النبى ﷺ للصحابة أنهم لازم يسافروا .. 

طيب وقريش حتسيبهم يسافروا ؟