رواية شطرنج الحب الفصل الثامن
عزيز حضن نورا و قال : انا جوزها ..أنتَ مين بقا ؟
نورا بصيت لعزيز بصدمة و ضر"بته بالكوع في جانبه ، عزيز باص لها بسماجة و مظهرش وجعه
يامن قال : أنتِ أتجوزتي امتى يا نورا ؟
نورا لسة هترد فقال عزيز : من قريب .. مين انتَ بقا ؟
يامن ابتسم و قال : اخوها يا استاذ ....
عزيز بقرف : عزيز ..ظابط عمليات خاصة ...بس ازاي اخوها
نورا ردت بقهر : اخويا في الرضاعة
عزيز : معلش بقا يا استاذ يامن احنا لسة عرسان جداد و بيت بيتك في أي وقت
يامن سلم على نورا و مشى ، عزيز قفل الباب
نورا بزعيق : أنتَ مين أداك الحق تقول أنك جوزي
عزيز قعد و قال : واحدة بتحضن واحد و تقول وحشتني
نورا بفقدان اعصاب : يا الله أنتَ ولي أمري و لا جوزي ؟ محدش طلب منك تدخل ...أنتم كده الرجالة تحبوا تكونوا متحكمين
عزيز قام وقال : اه متحكمين و طالما حضرتك قاعدة في بيتي يبقى في قوانين
نورا بصدمة : بقا كده تمام
نورا دخلت اوضتها و قفلت الباب بالمفتاح
عزيز قعد فقال مصطفى : يادي نار الغيرة
عزيز بعصبية : غيرة ايه !! اسكت
مصطفى حاط ايده على كتف عزيز و قال : شكلك واقع اوي
عزيز دخن سيجا"رة شدها مصطفى منه و قال : كفاية صحتك ده أنتَ لسة 26 سنة ..بس على فكرة أنتَ غلطان
عزيز بصله بعصبية فقال مصطفى : مش عشان أنتَ اخويا هقف في صفك
عزيز يهز في رجله من الغضب و قال : طب اعمل ايه ؟
مصطفى : اعتذر
عزيز بكبرياء : أعتذر !!
مصطفى ابتسم و قال : عندك اعتراض ؟!
عزيز ربع ايده و قال بإمتعاض : لا
الساعة 2 صباحًا بعد منتصف الليل
نورا تقفل شنطتها بعد ما حطيت فيها حاجتها و قالت بعصبية : مش نورا اللي يتقال لها تعمل ايه
طلعت نورا شايلة شنطتها و رايحة ناحية الباب لقيت عزيز يقول من وراها : رايحة فين ؟
نورا تلف تلاقيه لابس بنطلون فقط و عا"ري الصدر فقالت و هي تغمي عينيها : مش عيب تقف قدامي بالمنظر ده ؟
عزيز : عيب في ايه ما انا ببقى كده في البحر و كمان بالمايوه مش بنطلون ...عموما انا اسف
نورا : اسف ! لدرجاتي شايف الموضوع بسيط ..انا من ساعة ما قابلتك و كل المشاكل على دماغي
عزيز مسك شنطتها و قال : و أنا مش هسيبك تمشي
نورا بدموع : ليه تعمل كده معايا ؟
عزيز بهمهمة : معرفش كل اللي اعرفه انك هتفضلي ... يلا عشان الوقت أتأخر و بكرة عندنا تدريبات
تاني يوم
نورا واقفة و قالت : احنا مش هنبدأ و لا ايه انا بقالي اكتر من ساعة واقفة تحت الشمس و لا كأني هاخد تان
عزيز : لا خلاص هنبدأ بس لازم يكون عندك قدرة تحمل عن كده... انهاردة الدرس بتاعنا عن الدفاع عن النفس
نورا بتأفف : استرها على ولايانا
عزيز بيرفع كم التيشيرت و قال : اهم حاجة يعتمد عليها هي التركيز على الخصم و محاولة الوصول لنقط الضعف ، هي مش بتعتمد بشكل كامل على القوة بدنية
نورا : عظيم انا المفروض هعمل ايه
عزيز : اومال انا بشرح لمين كل ده ؟ لأمي !! ركزي معايا دلوقتي عايزك تعتبري نفسك الخصم اللي بيحاول يهج"م عليا
نورا قالت : بس كده بسيطة ...استعنى على الشقى بالله
جريت نورا ناحيته بدأت تضر"به بكل قوتها ، عزيز بحركة سريعة لو"ى دراعها بهدوء و وقعها على الارض و حاط ايده ورا راسها
نورا تبلع ريقها بتوتر و عزيز يبص عليها و مركز على عينيها و قال بغير وعي : عينيكِ حلوة أوي
ييجي شخص و يقول : غفران بيه طالبكم يا عزيز باشا
عزيز رجع لوعيه و قال : طيب طيب
عزيز قام و نورا قامت بتوتر و راحوا على مكتب غفران
دخل عزيز و قال : صباح الخير يا غفران باشا
غفران قام من المكتب و قال : صباح النور انا شايف التدريبات ماشية كويس
عزيز :اه طبعا
غفران : ايه اخبارك يا نورا
نورا : شكرا لسؤالك يا غفران بيه انا كويسة ...انا بس هروح اغير عشان تعبت
غفران :اتفضلي
نورا طلعت فقال غفران : أنتَ مش عجبني يا عزيز
عزيز قعد و قال : ليه عملت ايه يا بوص ؟
غفران : بعتلك حد من رجالتي لبيتك بس مكنتش موجود
عزيز : اه ما انا مش قاعد في البيت قاعد عند ناس صحابي
عزيز قام و راح ناحية الباب فقال غفران : تصرفاتك مش عجباني برضو
عزيز فتح الباب و خرج
عزيز ماشي متعصب قابل نورا فقالت : أنتَ كويس ؟
عزيز ابتسم و قال : اه كويس .. اسبقيني عند العربية و انا هجيب حاجة من المكتب و جاي
نورا مشيت و راحت وقفت بملل
عزيز جاي من بعيد لاحظ وجود شعاع ليزر احمر على دراع نورا
جرى ناحيتها و قال بزعيق : نورا خلي بالك القنا"ص !
صوت الرصا"ص سيد الموقف
يتبع ...
بدل ماتدور وتبحث علي الروايات خليها علي تليفونك وحمل تطبيقنا
