 |
رواية صباحية مباركة يا عروسة (كامله حتى الفصل الاخير) الفصل الأول بقلم تمر حنهاقلعي يا عروسة = اقلع ايه يا راجل انت ، انا راجل زيك هو انت شاذ ولا ايه أنتي هتبدأي حركاتك دي من دلوقتي ولا ايه = حركات ايه ياعم ، انا راجل زيك والله ما ينفع اللي بتقوله دا " طبعا انا مروحتش بالسرعة دي ، لا دا حصل قبلها في الفرح حاجات كتيير زي ان المأذون قال يابنتي لو حد غصبك تتجوزي قولي بس بلاش الكلام اللي بتقوليه دا ، عيب يابنتي " كنت بسمعله ولفت انتباهي واحدة جاية تجري عليا وشدتني من ايدي بقوة مالك يابت في ايه = انا اللي مالي برضو ، انتو اللي مالكو ، انتو مين اساسا ، انا معرفش حد فيكو ولا اعرفك انتي كمان لا بقولك ايه يا عين امك الجو دا تعمليه على العريس الاهبل اللي قاعد برا دا إنما انا امك ، فاهمة ولا مش فاهمة = أولا انا امي ماتت من سنتين ، ايه رأيك بقا أنتي بتدعي عليا يا اسماء " فجأه الست بدأت تعيط ليه يابنتي انا عملتلك ايه ، هو انا غصبتك عليه ، هو مش دا وائل اللي كنتي هتموتي وتتجوزيه " حسيت بالندم من طريقة كلامي اللي لازم تكون هادية شوية بس برضو انا مش فاهم انا اسف بس انا معرفش حضرتك والله ، انا مش أسماء ، انا جاي هنا بالغلط = انتي برضو بتتكلمي بصيغة ولد ، طب تعالي معايا " وقفتني قدام مراية وشوفت نفسي ، عروسة ايوا فعلا عروسة ، يعني انا بنت وهما فعلا مش بيكدبو ، لابس او لابسة فستان ابيض وحجاب كامل ، انا مش عارف انطق ، مين اللي في المراية دا ، دا مش انا ، فين يحيى ، يارب ان شاء الله يكون كابوس ، انتبهت على صوت الست اللي بتقول انها امي ايه رأيك دلوقتي يا اسماء ، صدقتي ولا لسة = صدقيني انا مش البنت اللي في المراية دي ، انا ولد واسمي يحيى استغفر الله العظيم ، انا استحملت كتير الهبل دا وكفاية بقا لحد كدا ، بقولك ايه يابت انتي هتخرجي دلوقتي وتخلي الجوازة الزفت دي تعدي = لا مش هخرج و اعملي اللي تعمليه بقا طب صارحيني يا حبيبتي دا انا امك حبيبتك ، هو في حد ضحك عليكي او عمل معاكي حاجة يعني.. = انتي بتقولي ايه يا ست انتي ، انا راجل و راجل أوي كمان لا دا أنتي زودتيها بقا والظاهر ان الذوق مش نافع معاكي ، اطلعي قدامي = طب نستنا شوية قدامي يابت = طب اشرب كوباية المية اللي هناك دي اشربيها في بيت جوزك يا حبيبتي " خرجنا و امي عرفت تصلح الموقف لما قالت معلش يا جماعة العروسة مكسوفة شوية ، دلع بنات بقا هيهيهي " لازم تكون فاهم ان معنديش حل غير اني اسكت ، انا متكتف ولو جريت انا حتى مش عارف هروح فين ، قررت اني اسكت ، وفعلا انا واللي بيقولو عليه عريسي روحنا بيتنا ، دخلنا اوضة النوم مبروك يا حبيبتي = حبيبي الله يخليك ان شاء الله اعمل كل حاجة واسعدك = ربنا يديك طولة العمر يارب انتي كل حاجة حلوة في حياتي ، كنت هموت لو متجوزناش = الحمدلله قدر ولطف وماصدقت جات اللحظة دي = ربنا يديك خيرها ويكفيك شرها طب مش هتقلعي بقا يا عروسة = اقلع ايه يا راجل انت ، انا راجل زيك هو انت شاذ ولا ايه أنتي هتبدأي حركاتك دي من دلوقتي ولا ايه = حركات ايه ياعم ، انا راجل زيك والله ما ينفع اللي بتقوله دا يا اسماء راجل ايه بس ، دا أنتي ست الستات ، بطلي الحركات دي = اقسم بالله يا راجل انت لو ما بعدت عني ل هكون رامية نفسي من الشباك حاضر حاضر اهدي بس ، انا هخرج انام برا النهاردة ، تصبحي على خير يا حبيبتي " خرج وسابني ، فضلت قاعد مش عارف اعمل ايه ، جيت اغير هدومي ولسة بقلع الفستان وشوفت ، يااادي المصيبة لا فعلا جسم بنت ، يارب انا ايه اللي انا فيه دا ، قعدت افكر كتير لحد ما النوم غلبني ، بس صحيت تاني يوم على صوت حد واقف جنبي وبينادي عليا ، فوقت لقيت كوباية على الكومدينو اللي جنب السرير اسماء ، يا اسماء " قومت بسرعة و انا رافع الكوباية في وشه وبقوله ابعد عني متقربليش = في ايه اهدي ، أهلنا برا وعايزين يطمنو عليكي خلاص انا جاي ، احم اقصد انا جاية ، اتفضل انت دلوقتي " أهل مين دول ويطمنو على ايه ماهو محصلش حاجة ، هو ايه اللي هيحصل اصلا ، مالك يا يحيى انت هتتجنن ولا ايه ، انتو رجالة زي بعض يعني مينفعش يحصل حاجة أصلا ، فتحت الدولاب بسرعة ملقتش اي حاجة البسها ، كلها حاجات مليانة ريش و ترتر ، بصيت على هدوم وائل والحمدلله وزنه كان قريب من وزني ، لبست من عنده تيشرت وبنطلون وخرجت ، اول ما شافوني اتصدمو بما فيهم وائل مالكو يا جماعة في ايه " امي اتكلمت وقالت ايه يابنتي اللي أنتي لابساه دا " وائل ساعتها انقذ الموقف وقال معلش يا امي اصلها حابة انها تلبس لبسي وتشاركني في كل حاجة " قعدت جنب واحدة برضو معرفهاش وكانت كل شوية تبصلي وتضحك لحد ما لقيتها بتقول بصوت عالي ما تيجي يا اسماء وتورينا الشقة = اسماء دا اللي هو انا اه أنتي يا حبيبتي = اه طبعا اتفضلو " امي جت معانا هي كمان ، دخلنا اوضة النوم ايه رأيك يا ماما ، تعالي بقا نتفرج على المطبخ = مطبخ ايه وحمام ايه ، انا عايزة اعرف حصل ايه امبارح حصل ايه = يابنتي امبارح كانت ليلة دخلتك ، احكيلي انا امك متتكسفيش محصلش حاجة = ينهار اسود محصلش حاجة ازاي " ساعتها فهمت انا قولت ايه بالظبط ، انا بالمعنى الحرفي كدا انا عكيت الدنيا ، انتهزت فرصة اني سمعت جرس الباب وجريت بسرعة من قدامها وهي واقفة تخبط كف على كف ، فتحت الباب لقيت.. ناردين = صباحية مباركة يا عروسة! |
بدل ماتدور وتبحث علي الروايات خليها علي تليفونك وحمل تطبيقنا
