خادمه الصقر(كامله جميع الفصول ) بقلم يوستينا سامي

 

روايه خادمه الصقر الفصل الاول 

في فيلا صقر الحديدي .

.....كان صقر يجلس في غرفته يتامل صورة والدته بحب 

و يتذكر طفولته بكل احزانها و بدا يتحدث مع نفسه 

صقر / يمكن كانت ايام صعبه لكن لولاه كان زماني مبقتش صقر الحديدي ، اللي مافيش شخص يقدر يقف قدامه .

.....ترك صقر هذه الصوره و دخل يكمل ملابسه ليذهب الي شركته..

______________________________________________

في الشارع .

نغم ماشية حزينة و بتكلم نفسها / هو يوم باين من اوله ، يعني كان لازم تصحي متاخره عشر دقايق يا نغم ، ما انتي برضو اللي غلطانة .. اديكي اترفدتي اهوو و بقيتي عاطلة ، اه ياني 

...نغم كانت بتبحث عن وظيفة و رات محل ملابس كبير و قررت انها تدخله ..

في المحل💥 .

نغم / بقولك ايه يا عسل ، انتوا معندكوش شغل هنا 

انا ممكن ابيع هدوم حلو جدا ، ده غير امانتي في الفلوس ما قلكيش بجد 

الست بصدمة / يا عسل ، و تبيعي هدوم انتي فاكره نفسك داخلة فين يا بني ادمة انتي .. اطلعي برا حالا

نغم / برا ..برا و بعدين ما براحة علي نفسك يا حاجة بدل ما تطبي ساكتة مننا ، و بعدين هو علشان ربنا مديكوا شوية فلوس هتقرفونا 

....و خرجت نغم من المحل و هي عمالة تبرطم بكلام غير واضح و كملت مسيرتها في البحث عن وظيفة 

_____________________________________________

في حديقة الفيلا.

كريم بضحك/ طب ما ده الطبيعي يعني ايه الجديد 

يا عساف ، ابوك بيتعامل معاك كانك قا.صر و بيخاف عليك اوي .

عساف / لا الخوف مش كدة يا كريم ده انا برضو ظابط مش اي كلام ، يعني بذمتك ينفع يصحيني من النوم علي جردل ماية و يقولي اعمل حسابك تيجي بدري علشان عازم عروسك علي الغداء 

هو اي كلام بيتقال يا جدعان ، طب انا بقي هباتله النهاردة في القسم و بعدين خطيبة مين انا اصلا معرفش اسمها ايه .

كريم بضحك / طب فكر انك متروحشي والله هيجيلك القسم مخصوص بجيبك من قفاك .. بصراحة يا عساف انا لو منك مزعلش ابويا و اتجوز بقي ..و بس اسكت علشان صقر نزل خلاص 

صقر بهيبته المعتاده / النهاردة الاجتماع الساعة واحدة ، هتحضر الاجتماع معايا يا كريم مش كدة 

كريم بجدية / اعتقد انه هيبقي صعب بس هحاول 

هروح البنك و بعدها هجيلك علطول علي الشركة .

عساف / و ادي الملف الي انت طلبته مني فيه كل التحريات عن المنياوي .. اعتقد يا صقر انك محتاج تقراه كويس قبل ما تتعامل معاه لانه مش سهل .

قصر بحده / سهل ولا مش سهل علي نفسه ده انا صقر الحديدي برضووو .

و بص عساف في ساعته و ادرك ان الوقت اتاخر فبص لصقر و كريم و استاذن منهم انه يرحل لعمله 

و بالفعل رحل عساف و بعده كريم و صقر 

________________________________________

___

صقر كان بعربيته لكنه اوقفها و قرر ينزل يعمل مكالمة مع احد لكي يعطيه ملف هام 

صقر بثقة / خلاص و انا بعتلك الملف معاه زي ما اتفقنا ، انا عايز اي حاجة تدينه تكون عندي النهاردة قبل بكره .

.....و اغلق صقر الهاتف و كان هيتحرك للعربية لكنه وجد فتاه بتتصدم فيه بعنف بسبب عدم تركيزها اللي كان واضح جدا

 

نغم بصدمة / يا نهارك اسوود مش تفتح يا ا'عمي انت ، ولا خلاص بقيتوا تمشوا بعين واحدة و مش فارق معاكوا الناس.

صقر نظرلها بحده / انتي بتكلميني انا يا بتاعة انتي 

انتي عارفة انتي بتكلمي مين .

نغم / هكون بكلم مين يعني محافظ الغربية ، واحد زي اي واحد في الشارع بس لابس بدلة و عامل فيها ابن ناس بس انا بقي مش هسيبك غير لما تصلحلي الموبيل بتاعي .

صقر / هو انتي بتسمي اللي في ايديكي ده موبيل ، بعدين

غوري من وشي دلوقتي لاني مش فايقلك لاني متعودتش اضر"ب بنات برغم ان شكلك مش بنات خالص..

....و سابها صقر و راح علشان يركب العربية و نغم كانت واقفة متغاظة اووي ..

نغم / ماشي يا ابو بدلة .. انا بقي هوريك شكلي بنت ولا لاء 

....و جربت نغم و جابت طو.بة و مسكتها و رمتها علي از.از العربية و اتكس'ر ..

نغم / علشان تبقي تعملي فيها غني … قال تم'د ايديك عليا قال .. اديك بوظتلي الموبيل وانا بوظتلك العربية علشان تبقي تحرم يا ابو طويلة 

...و هربت نغم من امام صقر بعد ما خرج من العربية و هو العصبية و التحدي ملين عينه و قال بصوت منخفض 

صقر / عادي ، المهم اللي ميعيطش في الاخر 

...و اخذ صقر سيارته و ذهب لشركته اللتي تحمل لقب صقر الحديدي و دخل الشركة بهيبته الذي اعتاد عليها الموظفين و دخل مكتبه .

في مكتب صقر 💫

جاسر بحده / متاخر تقريبا عشر دقايق يا صقر و الاجتماع بدا و كل المستثمرين موجدين في غرفة الاجتماعات 

صقر وقف و بدا يهندم في بدلته بفخر 

و قال / ادخل قولهم صقر الحديدي داخل الاجتماع .

و ظل الاجتماع حوالي ساعة و نصف و كان صقر لبق في طريقة حديثه و اسلوبه مع المستثمرين و المديرين و بعد انهاء الاجتماع خرج جاسر مع صقر للمكتب .

_____________________________________________

في مكتب صقر بعد الاجتماع 💫

جاسر / مكنتش اعرف انك محضر اوي كدة طريقة كلامك معايا في التليفون امبارح تقول انك مش مهتم اصلا بالجتماع .

صقر / لا انا طول عمري مهتم بكل شغلي و اي تفصيله فيه لكن بردو مافيش حاجة تقدر توترني 

يا جاسر ، صحيح انت هتسافر الصعيد بكره 

جاسر. / طبعا و دي فيها هزار بكره فرح ابن عم عزمي ولازم كلنا نحضر و انت اولنا ، اه و ضروري تجيب معاذ معاك .

صقر / باذن الله 

_____________________________________

.....في بيت نغم 

بمجرد ما وصلت نغم منزلها وجدت صديقتها تجلس تنتظرها 

عزه / انتي يا بت انا عمالة اكلمك من بدري و موبيلك غير متاح ليه بقي 

نغم / اسكتي بقي متفكرنيش والله . احسن بعد ما سبت الحضانه روحت ادور على شغل و من حظي الزفت قابلت واحد وقعلي الموبيل و من ساعتها مش عايز يشتغل 

 عزة / طب سيبك من موضوع الموبيل ده ، انا عايزه افهم انت ليه ما قلتيش لسالي ان والدتك امبارح كانت تعبانة ، وانتي كنتي معاها في المستشفى على الاقل كانت سامحتك المره دي

نغم / تسامحني ايه بس دي ما فيش حد الشرير زيها والله العظيم انا ما شفت واحده في غرورها ولا كانها صاحبه جامعه مش صاحبه حضانه 

يلا ربنا ما يسامحها لانها جات علي ولاية و يلا تعالي بقي نعمل غداء علشان انا جعانة اوي 

عزة بصدمة / شوف الباردة ، يا بنتي انتي في ليه ولا فيه.. هو انتي يا بت مش زعلانة علشان اترفدتي .

نغم / انا مش فاهمة ايه العلاقة ما بين خزني و جوعي مثلا .. ده انتوا ناس غريبة بجد 

_____________________________________________

في فيلا صقر الحديدي 💫

كان صقر روح و دخل مكتبه يتكلم في التليفون

في الجنينة 

....كريم كان قاعد مستني صقر يخلص التليفون بتاعه وشاف معاذ وهو داخل متضايق جري عليه و شاله ..

كريم / وحشتني قوي يا صقر يا صغير عامل ايه 

مالك متضايق كده ليه في حد في الحضانه زعلك

السواق عم محسن / لا يا سعاده البيه انا لما سالت قالوا عشان في مدرسه هو كان بيحبها جدا مشيت من حضانه ..

كريم ضحك / مش باقولك صقر صغير ماشي وبعدين ما تزعلش كده يا معاذ ان شاء الله تيجي واحدة تانية احسن منها صح .

معاذ / لا مش صح انا باحب نغم وعايزها ترجع عشان خاطري يا كريم قلهم يرجعوها .

كريم بضحك/ اقولهم ايه بس يا حبيبي ممكن يكون عندها ظروف او حاجة .. و بعدين هو انت بتحبها للدرجة دي يا معاذ.

معاذ/ اه باحبها قوي و مش هاروح الحضانه تاني وهي مش موجوده بس كدة .

كريم بستغراب / ايه الحوار الكبير ده طيب خلاص ممكن تبطل عياط وتدخل اوضتك تغسل وشك 

وتغير هدومك وتيجي عشان تتغدى

وبعدين اوعدك انا هاتكلم مع صقر واخليه يقنع صحاب الحضانه ان هم يرجعوا نغم يا سيدي اتفقنا 

معاذ بفرحه / اه اتفقنا 

وباس كريم من خده وطلع اوضته 

......وفي نفس الوقت خرج صقر من المكتب وشاف معاذ وهو متضايق فخرج للجنينه لكريم وقال

صقر / ايه يا محسن .. معاذ شكله متضايق ليه هو حد زعله ولايه 

كريم / لا لا ما فيش حاجه حصلت امشي انت يا عم محسن ، ابنك يا سيدي بيحب نغم مدرسة في الحضانه بتاعته ،وهي مشيت بس دي كل الحكايه 

صقر بملل / ايه التافهه دي طب عموما انا هطلع اغير. هدومي ونروح على الشركه عشان انا كلمت عساف وهو يبقى هناك في خلال ساعة عشان الصفقة الجديدة .

كريم / عادي ما فيش مشكله بس تفاهة ايه ، انا باقولك ابنك زعلان عمال يعيط من الصبح علفكرة 

صقر بصله بحده / باقولك ايه يا كريم انا دماغي فيها الف حوار مش هركز خالص كفاية حوار البنت بتاع الصبح واللي عملته في العربية 

.....وطلع صقر يغير هدومه وساب كريم وبعدها نزل عشان يروحوا الشركه علشان يتكلموا في صفقة مهمة جدا عند صقر 

_____________________________________________

في الشركة ..

جاسر بملل / خلاص يا صقر ما تقلقش يبقى انا كده في خلال اسبوع هاسافر انجلترا هاضبط باقي العقود وهابقى اكلمك ، بص هو فات الكثير ما بقاش الا القليل ولو اللي في دماغي مشي صح اوعدك الصفقه دي تبقى في جيبك والنجاح هيبقى مضمون باذن الله 

صقر / انا واثق فيك يا جاسر عشان كده اخترتك انت اللي تمسك الصفقه دي ......

و فاجاه صقر جاله تليفون/ ايوة .. ايه 😱

                       الفصل الثاني من هنا

لمتابعه باقي الروايه زورو قناتنا علي التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال