رواية طفلة التميم الجزء الثاني الفصل الثامن عشر
ريان قام مفزوع وبصلها بغضب وعصبيه:
- أنتِ مجنونه إيه اللى أنتِ عملتيه ده؟
نازلى بصتله ببراءه وابتسمت: حضرتك جبتنى البيت ده والمفروض انك مسئول عنى علشان كده قوم يا شاطر وهاتلى هدومى
اخد نفس عميق كمحاوله أنه يسيطر على غضبه:
- تقومى تعملى كده وتغرقينى بالميه أنتِ مفيش عقل خاالص يا نازلى
نازلى بهدوء: ديه لسه البداية بس وبعدين حضرتك من النهارده لازم تقوم بدرى مينفعش تقوم الضهر سيادتك عندك شغل
اتعصب وبصلها: طيب اطلعى بره اوضتى وسبينى انام علشان لو قومت دلوقتى هفتح دماغكِ ومش بهزر
نازلى اتنهدت وشدت البطانيه من عليه وشدته قومته من على السرير : طيب يا جميل قوم غير هدومك الأول وبعدين نشوف موضوع النوم ده يلاه بسرررعه مفيش وقت
ريان كان بيبصلها بدهشه والأغرب انه كان مستسلم تماما ومش قادر يعمل حاجه
اخد نفس وبصلها بغضب: طيب ممكن تتفضلى تطلعى دلوقتى وانا هغير هدومى وانزل وراك
نازلى بابتسامة: اوك هستناك متتاخرش
طلعت وهو فضل واقف متنح ومستغرب من تصرفاتها
- هى بتتحول ولا اييه؟
بص على نفسه وعلى هدومه الغرقانه ميه واتنهد بغضب، قرب من دولابه واخد هدوم ودخل الحمام يغير
____________
- صباح الخير يا جدو ابو العيون الزُرق
منير بصلها وضحك على الاسم: صباح النور يا بنتى تعالى يلاه افطرى
- اييه ده احنا عندنا ضيوف ولا ايه ؟
- مين ديه يا جدى ؟
منير بهدوء: ديه نازلى يا يزن خطيبة ريان
يزن كان بيشرب اول ما جده قال كده شرق وفضح يكح
وفاء والدة ريان قامت وفضلت تمشى ايديها على ضهره بخوف وهى ماسكه بايدها كوباية الميه: الف سلامه عليك يابنى خد اشرب
يزن ابتسم واخد منها الكوباية: متقلفيش يا عمتى انا كويس
يزن بص لجده وضحك: جدى أنتَ بتهزر معايا على الصبح ريان مين ده إللى خطب
منير بهدوء: ولد عمك يا غبى عندنا كام ريان فى بالبيت يعنى
يزن بضحك: ريان ابن عمى خطب من ورااانا جدو أنت بتتكلم بجد
الجد بيأس: ايوه يابنى اومال بهزر معاك ديه نازلى خطيبة ريان وفرحهم هيبقااا نهاية الأسبوع ده
يزن وقف متنح لثوانى ورجع يضحك : جدى ده مستحيل ريان مش بيكره فى حياته قد الجواز وبعدين ده كل يوم مع وحده جديده تقولى هيتجوز ياعم بلاش هزار ده لو سمعك وأنت بتقول الكلام ده كان زمانه قلب الدنيا
نازلى بغيظ: يعنى انا مش ماليه عينك يعنى ولا أنتَ مسمعتش جدى كويس
يزن بصلها وضحك: لا يا قمر، انا اقدر اقول كده بس انا بتكلم بجد يعنى ريان اكيد بيضحك عليكِ او فى حاجه غلط فى الموضوع
ريان نزل ومسك يزن يزن من لياقة قميصه: كُنت بتقول ايه علشان مسمعتش كويس
يزن بصلها بصدمة: ينهار اسود جدى الحق ريان قام بدرى ديه معجزه
الجد منير بص لنازلى إللى ابتسمت ورجع بص لريان: الظاهر انه ريان هيبدأ يتغير بالتدريج
ريان بص لنازلى بغضب: لا يا جدى أنتَ فاهم غلط انا صاحى بدرى علشان عندى مشوار مهم لازم اعمله مش اكتر ريان دويدار محدش يقدر يغيره
يزن بضحك: ريان هو أنتَ بجد هتتجوز زى ما جدى بيقول ولا جدى بيهزر
ريان بضيق: لا مش بيهزر
يزن بهمس: طيب زى الشاطر كده تحكيلى كل حاجه بالتفاصيل
ريان بص لنازلى بغيظ: بعدين هفهمك كل حاجه دلوقتى اقعد افطر، واطلع على الشركه وانا هاجي وراك وكمان قول لبدر وعمرو يستنونى علشان فى موضوع مهم عاوزكم فيه
يزن بتفهم: اوك
منير بهدوء: تعال يا ريان علشان تفطر
ريان بهدوء: لا يا جدى مش عاوز
بص لنازلى وتابع : قومى يا نازلى علشان هاخدكِ مشوار
نازلى هزت رأسها بهدوء وسلمت على منير وريان اخدها وطلع
يزن بهمس: اكيد فى حاجه غلط انا لازم اكلم بدر واقوله
ريان اول ما طلع قرب من نازلى ووو....
يتبع....
بدل ماتدور وتبحث علي الروايات خليها علي تليفونك وحمل تطبيقنا
