Ads by Google X

رواية ورد الفصل العشرون 20 بقلم اسراء ابراهيم


       رواية ورد الفصل العشرون

بدور بلهفة/حل ايه يا عمة الحجينا بيه الله يخليكي 

كريمة / اننا نروح  للشيخ مبروك ونحكيله اللي حوصل وهو بجي يشور علينا نعمل ايه 

ورد بسرعة/ طب يلا نروحوله دلوك 

كريمة / طب استنو هعمل الرز واغير خلجاتي ونروحوله 

بدور مدت ايدها وخدت الرز وهيا بتبتسم بحب

بدور/طب عنك انتي يا عمة،، اني هعمله 

كريمة بابتسامة /خدي يا مرت ولدي،، ربنا يجومك بالسلامة 

بدور بفرحة/ يخليكي يا عمة لينا ويباركلنا في عمرك 

ابتسمت ورد بفرحة علي معاملة كريمة الكويسة مع بدور بس كان عقلها مشغول بسالم وخايفة من اللي جاي 

........................................  

جمال بغضب / في ايه،، وبتخبطي ليه اكده يا رباب دلوك 

رباب بخبث /  چاية اباركلك يا عريس،، ايه مش من حجي ابارك لچوزي علي چوازة

جمال بضيق/  لا مش من حجك،، واسمعي ملكيش صالح بأية مرتي ولو عرفت انك اتحدتي وياها ولا جولتي حاچة اكده ولا اكده 







ساعتها هعرف ومتلوميش الا نفسك عاد 

رباب بغيظ/ ومالك خايف عليها اكده،، لتكون عاشجها يا چمال 

جمال ببرود/ ملكيش صالح برضك،، ويلا هملينا وانزلي شوفي وراكي ايه

بصتله رباب بغضب ونزلت وجمال قفل وراها الباب وبص لأية اللي كانت سامعة كلامهم ومستغربة من معاملة جمال لرباب

اية بضيق/ هو انت ليه بتعاملها اكده،، عملتلك ايه يعني 

جمال باستغراب/  علي فكرةدي رباب مرتي الاولانية 

اية بضيق/ خابرة،، عرفتها امبارح عشية من نظراتها ليا،، 

جمال بهدوء/ كيف يعني خابرة ومش مضايجة انها چت دلوك،، وكمان بتسأليني بعاملها عفش ليه

اية / عشان اني رايدة اعرف كل حاچة،، اني مشفتش منها حاچة عفشة عشان اكر*هها،، بالعكس اني خابرة ان عنديها حج،، چوزها اتچوز عليها اكيد لازمن تكون مضايجة منه 

جمال بتنهيدة/ اية،، انتي مش خابرة حاجة عن رباب بعدي عنيها،، صدجيني رباب مش كيف ما انتي شايفاها  ،،  دي لو طالتك هتا*كلك بسنا*نها

اية بهدوء/ حجها،، مش اني ضرتها،، واني اللي محجوجة اني وافجت اخد راچل متچوز  

جمال بضيق/ انتي ندمانة انك اتچوزتيني،، 

اية بحزن/ لو كنت سألتني السؤال ده جبل يومين كنت جولتلك حاچة تانية،، بس دلوك ايوة ندمانة يا چمال 

جمال بصلها بصة طويلة ومتكلمش فتح الباب وخرج وهو في قمة غضبه،، اما اية فقعدت عالسرير بحزن 

اية / انتي اللي عملتي في نفسك اكده،، استحملي بجي،، ياريتني ما وافجت،، كنت فاكرة انه هيطلع عاشجني كيف ما انا عاشجاه بس للاسف 







............................................ 

في بيت صالح كان قاعد في اوضته ومنزلش خالص منها فطلعتله  شهد وخبطت عليه وهيا متوترة وخايفة من رد فعله،، فضلت تخبط لحد ما فتحلها 

شهد/احم،،  ممكن اتكلم معاك 

صالح بضيق/  اتفضلي،، خير رايدة ايه 

شهد بتوتر/ اانا اسفة يا صالح

صالح بهدوء/ يا تري بجي بتتأسفي علي ايه،، عشان مسمعتيش حديتي،، ولا عشان خلتيني مش* راچل  

شهد بحزن / صالح انا مكنتش اقصد ،، انت لازم تراعي اني معشتش هنا ومعرفش عوايدكم،،  انا بتأسفلك اني مسمعتش كلامك  وخرجت،، بس انا خرجت عشان اشوفك،، عشان طول الوقت متوقعة ان عمي ممكن يأ*ذيني فيك،، انت مش متخيل انا عانيت قد ايه،، وفي الاخر ربنا عوضني و بعتك ليا  ،، فانا خايفة اخسرك،، خايفة اصحي من الحلم الجميل اللي عايشاه،، اصحي علي كابوس مخيف ،، مش هقدر استحمل،، صدقني مش هقدر 

كانت شهد بتتكلم وهيا بتعيط بانهيار وصالح واقف عنيه في عنيها وبيسمعها بس بقلبه مش بودانه وفجأة حضنها جامد اووي كانه بيخبيها بين ضلوعه وهيا كمان بقت تبتت فيه بايديها اكتر وبعد شوية بعدها وهو بيحضن وشها بايديه وبيبص في عنيها 

صالح/ هششش،، خلاص متبكيش عاد،، حجك عليا،، مكنتش خابر اني غالي ومهم عندك جوي اكده،، حديتك ده خلاني اعشجك اكتر يا شهدي 

شهد بابتسامة/ بجد يا صالح،، انت بتحبني،، طب ومراتك 

صالح بابتسامة / اني معشجتش غيرك،، انتي اول عشج في حياتي يا شهد،،  اني ايوة كنت متچوز،،  بس صدجيني كان چواز تجليدي،، اني مكنتش رايدها،، بس ابوي صمم ولجيته بيجولي اني خطبتهالك،، مجدرتش اصغره جدام الناس،، بس هيا بجي معچبتهاش العيشة واتبطرت عليها وطلبت الطلاج 

شهد بابتسامة / وانا مش فارق معايا يا صالح انك كنت متجوز،، المهم انك بتحبني زي ما بحبك 

صالح بحب/ اني رايدك بس تبجي خابرة،، ان محدش سكن جلبي غيرك يا شهد 

شهد بتردد/صالح هو انت دفعت الفلوس ازاي لعمي 

صالح بابتسامة/ اني ايوة علي جد حالي،، بس چوزك راچل يا شهد وبعدين اني مش فجير يعني برضك  ،، اني بعت كام فدان اكده وسددت الدين اللي علي عمي 

شهدابتسمت وهيا بتبص لصالح بفخر وحضنته وهيا بتقؤله بعشق

شهد/ربنا يخليك ليا يا صالح 

صالح بحنان/ويخليكي ليا يا جلب صالح 
........................................... 

في بيت الشيخ مبروك كان قاعد مصدوم بعد ما حكتله ورد كل حاجة عن سالم واللي حصل وتغييره المفاجئ ده 

مبروك/ لا حول ولا قوة الا بالله،، كيف يعني مرت عمك تمشي في الطريج ده،، هيا مخبراش ان ده كفر بالله عز وچل وطرد من رحمة ربنا 

بدور بحزن /  شوفلنا حل يا شيخ عشان اخوي يرچع كيف الاول،، والعمل ده يبطل،، وامي ربنا يهديها هنجول ايه 

مبروك / بصي يا بتي،، اني هديكي مية قارئ عليها قرآن ربنا،، لازمن تخلي سالم يشرب منيها واوعي امك تدري بحاچة،، ونصيحة مني انتو لازمن تخرچو من الدار عشان امك اكيد هتعمل اكده تاني،، واخوكي لازمن يعرف باللي حوصل عشان ياخد باله منيها 

بدور بتفكير/ ان شاء الله  يا عم الشيخ،، متشكرين جوي 

كريمة / اسمع يا شيخ مبروك،، اني چيتلك عشان انت تعرف ربنا وحافظ كتابه،، احنا مرايدينش حد يدري بحاچة 

مبروك/ عيب يا ست كريمة،، متجوليش اكده واللي بتتحدتي عليها دي حمات بتي،، اني بس جلجان علي أية بتي جوي،، خايف لتعمل فيها حاچة 

بدور بهدوء/ متخافش يا عم الشيخ،، چمال هو اللي اختار اية بتك،، واني متوكدة انه  هيحطها في عنيه وهيخلي باله منيها 

مبروك /يارب يا بتي يسمع منك 

ورد في نفسها/ الخوف علي اية مش من مرت عمي،، الخوف من رباب ضرتها،، ربنا يستر 

.................................................. 

كانت قاعدة اية في اوضتها مخنوقة اوي وكانت خلاص واخدة قرار انها تنهي كل حاجة وقطع تفكيرها خبط الباب فقامت فتحت وهيا مفكرة انه جمال بس اتفاجأت برباب قدامها فاتوترت اوي

رباب/ ايه يا عروسة،، مش هتجوليلي ادخلي يا ضرتي 

اية بتوتر/ چمال مش اهنه 

ز*قتها رباب ودخلت رباب وهيا بتتفرج عالقوضة ببرود

رباب/ طب ما اني خابرة انه مش اهنه،، عشان اكده چيتلك 

اية / خير في حاچة اجدر اساعدك بيها 

رباب قربت من اية وفجأة مسكت شعر*ها جامد وهيا بتتكلم بتوعد

رباب/ اسمعي يا بت انتي،، الدار ده تهمليه،، عشان انتي مش جدي،، فاهمة ولا لا 

اية بأ*لم/ اااه،، همليني،، بعدي عني والا والله اجول لچمال 

رباب/  ابجي اتشاهدي علي روحك بجي يا حلوة لو فكرتي تجوليله 

اية بغضب/ اني دلوك عرفت ليه اتچوز عليكي،، وخابرة حاچة اني كنت هخليه يطلجني،، بس اللي زيك خسارة فيها واحد كيف چمال،، واني اللي اولي بيه،، عالاجل اني عشجته جبلك وجبل حتي ما يعرفك يا عجر*بة 

رباب بغيظ/ چمال بتاعك ده مش لازمني،، اني لولا انه ابن العمدة مكنتش وافجت عليه من اساسه،، بس في الاخر  متچيش حتة بت زيك وتاخد كل حاچة،،لا يا حلوة اني الاصل وام العيال 

 جمال كان واقف برة الاوضة وسمع كل اللي دار بينهم واتصدم من كلام رباب ودخل بغضب

جمال/ رباااب،،  بعدي عنيها 

رباب بخبث/ هيا اللي ندهت عليا يا چمال  ،، كانت رايداني اا

جمال بهدوء/هششش،، اني  سمعت كل حاچة ،،انتي طالج بالتلاتة ومشفش وشك في الدار تاني،،علي بيت ابوكي ومعدتيش هتشوفي العيال مرة تانية  

رباب بسخرية/ وانت فاكر انك اكده  بتعاقبني،، والله يا چمال لاندمك انت والمحروسة واخليك تيچي تبوس يدي عشان ارچعلك و

مكملتش كلامها لما جمال اداها بال*قلم علي وشها واية شهقت بخوف من قوته 

جمال بغضب جحيمي / اني اللي هخليكي تندمي علي كل اللي عملتيه اهنه،، هخليكي تجولي حجي برجبتي،، برررة،، غوري برررة 

رباب بتوعد/ ماشي يا چمال اني هوريك،، اني هندمك 

اية كانت بتعيط من الموقف اللي هيا فيه وكانت خايفة من جمال وشكله وهو متعصب 
بالطريقة دي فقرب منها جمال وحاوطها بايديه وضمها ليه 

جمال / بتعيطي ليه دلوك 

اية / عشان انت طلجت مرتك بسببي 

جمال بابتسامة/ ده اللي كان لازم يحصل من زمان جوي يا اية،، صدجيني  البني ادمة دي تستاهل اكتر من اكده،، انتي متعرفيش چواها ش*ر كيف

اية بحزن/  يعني مش اني السبب 

جمال بنفي/ ابدا،، بس جوليلي صحيح الحديت اللي جولتيه ده،، انتي كنتي عشجاني كيف يعني 

اية بتوتر/ هااا

جمال بمكر/  امممم لا احنا لازم نتحدت بجي وتحكيلي كل حاچة  ،، احسن ده واضح ان في حچات مشتركة بينا 

................................................

 كانت بهية قاعدة مع ملك بيتكلمو بصوت واطي لحد ما دخل عليهم سالم 

سالم بقلق / هيا ورد لساتها مچتش 

بهية بخبث/ لا مچتش،، ماهي مفكرة بجي انها خلاص مبجاش ليها، راچل يا ولدي يحكمها،، رايحة وچاية علي كيفها  

ملك بمكر/ خلاص يا سالم،، طلقها بقي مش احنا خلاص هنتجوز،، وهيا كمان هتكون بحريتها اكتر 

سالم بغضب/ مش هيحصل،، ورد هتفضل علي اسمي،، ومرايدش حديت في الموضوع ده تاني،، اني خارج اشوفها 

خرج سالم من البيت وهو مخنوق ومشحون اكتر من كلام بهية وملك  لحد ما قابل بدور و ورد  في وشه 

سالم بحدة/ حمدالله عالسلامة،، ايه الجاعدة كانت حلوة عشان اكده نسيتو نفسيكم 

بدور/ اهدا يا سالم،، ورد چات معايا عند حماتي عشان كنت رايدها في موضوع،، ملوش لازمة طريجتك دي

سالم بغضب/  وانتي يا هانم،، مش خابرة ان ليكي راچل لازمن تجوليله الاول رايحة فين وچاية منين 

ورد بحزن/ ما اني جولتلك يا سالم جبل ما اخرج،،  واني متأخرتش والله 

بدور بسرعة/ خدي يا ورد الحاجة ومتنسيش تعملي اللي اتفجنا عليه 

ورد بخوف / حاضر 

 سابتهم بدور ودخلت،، و ورد بصت لسالم بخوف وبلعت ريقها بتوتر 

ورد/ سالم ممكن اتحدت معاك شوية 

سالم بضيق/  اني ورايا مشوار ولازمن اروحه،، بعدين بجي

وؤد بسرعة/ لا والنبي،، عشان خوطري يا سالم،، اعتبره اخر طلب ليا،، وبعد اكده مش هطلب منك حاچة واصل 

سالم بقلة حيلة/  ماشي 

ورد بفرحة مسكت ايد سالم ودخلت بيه البيت بسرعة واتجاهلت بهية وملك وخدت سالم وطلعت علي فوق علطول،، وبدور متابعاهم  بتدعي من قلبها ان الموضوع يعدي علي خير 

بهية بغموض/ ساحباه ورايحة فين بت فاتن

....................................................

في اوضة سالم كانت واقفة  ورد في نص القوضة وسالم قدامها وهيا بتمد ايدها بازازة المية 

سالم باستغراب/ ايه ده عاد،، هو ده الموضوع اللي رايداني فيه،، رايداني اشرب مية 

ورد / عشان خاطري اشرب الاول يا سالم وبعدين نتحدت،، 

سالم بضيق / مرايدش اشرب حاچة،، وهمليني بجي اشوف مصالحي 

ورد بلهفة/ يا سالم انت ليه عِندي اكده  ،، ما تشرب المية،، هيچرالك ايه عاد يعني لو شربت بج مية 

سالم بحد*ة/ ملكيش صالح بيا عاد،، والزمي حدودك معايا،، اني مش فايج للچنان ده،، 

ورد بحزن/ طب بص،، اني هشرب عشان تتوكد ان المية زينة واني لا يمكن هفكر اأذ*يك 

سالم بسخرية/  لتكوني مفكراني خايف اياك،، لا اني مبخافش من حاچة وادي المية اللي انتي مصممة عليها 

اخد سالم ازاة المية وشربها  كلها وورد متابعاه بقلق وشوية وسالم ...... يتبع  
                     الفصل الحادي والعشرون من هنا                  

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-