 |
رواية حلم الفصل الثاني بقلم إيمان الشرقاويالبارت الثاني :. رحمة بتريقة : طيب يا ست الشيخة انتي حرة بس بصراحة كده انا شايفة انك كل اللي بتعمليه ده هبل . حلم بدموع : علي فكرة بقي ااا. رحمة بضحك : ايه ده يابت يا حلم لسه فيك عادة العياط دي من اقل حاجة كده هههههههه انا مش عارفة هتكبري امتي . شيماء بسخرية : عاملة زي الطفلة يا حلم والله ... المهم هنمشي احنا وبخبث ورانا بقي بيوتنا وعيالنا مش فاضيين زيك . ترحل كلا من رحمة وشيماء وتنظر حلم في اثرهم بدموع وفي خاطرها "اللهم اصلحني واصلحهم وقويني بك حين يقل صبري " تذهب في اتجاه منزلها وتصل الي الباب وتقوم بمسح دموعها ورسم ابتسامة مزيفة . احلام "والدة حلم ": ايواااا جاية ياحلم اهو . حلم بحب : السلام عليكم ورحمة الله وبركاته علي اجمل ام في الدنيا كلها وبمشاغبة ... ايه ده يا جدعان هو القمر نزل عندنا في الشقة . احلام بحنان : وعليكم السلام ورحمة الله وبركاته ...بطلي بكش يا بنت وقوليلي اتأخرتي ليه كده قلقتيني .. حلم بحب :انا آسفة يا حبيبتي قلقتك ... بس قابلت اصحابي من ايام الاعدادية ووقفت معاهم شوية . احلام بتفهم : طيب روحي غيري هدومك زمان ابوك واخوكي علي وصول من صلاة الظهر . حلم بطاعة : هوااااا يا ست الكل . احلام بضحك : دايما كده مفجوعة . حلم بغضب مصتنع من الداخل : نعم يا ست ماما . احلام بخوف مصطنع : مفيش يا حبيبتي مفيش . ويضحكوا الاتنين ...... عند رحمة ... رحمة بصريخ : يوووووه بس يالااا بطل صداع. محمد جوزها بقلق : ايه مالك صوتك عالي ليه مش عارف اشتغل . رحمة بغيظ : دول مش مفروض عيالك خليك معاهم شوية انا زهقت . محمد بسخرية : والله ... ولم انا اقعد بالعيال واسيب شغلي هصرف منين عليك وعلي اولادنا يا ست هانم . رحمة بضيق : طبعا براحتك ما انت معتمد علي الخدامة اللي في البيت . محمد بزهق : يارب الرحمة انا قولت كده وبعدين دول اولادك انتي يعني انتي احق واحدة بتربيتهم وانا زي مانتي عارفة طول مانا فاضي ومفيش شغل بقعد معاهم واعلمهم القراءة والكتابة واحفظهم القرآن . رحمة بقرف : اهو ده اللي فالح فيه مش عارفة قراءة وكتابة ايه يعني اللي اتعلموا خدوا ايه . محمد بغيظ : انا زهقت بجد انتي الكلام معاكي مفيش منه فايدة انا داخل اكمل شغلي . مازن : ماما يا ماما خدي سمعيلي سورة التكاثر . رحمة بصراخ : امشي من هنا يالا روح لابوك انا فاضيالك هروح اشوف طبيخي . عند حلم الباب بيخبط . حلم : هروح افتح انا يا ماما خليكي مرتاحة . حلم بضحكة : حمد لله علي سلامتكم . عبد الرحمن " والد حلم " وهو يحتضنها : الله يسلمك يازءردة... عاملة ايه يا بنتي . حلم بحب : الحمد لله يابابا زي الفل . عبد الرحمن بمشاغبة : هو انا عندي بنت زي القمر كده . حلم بهمس : ياالهوووي اسكت يا بابا احلام تسمعك . عبد الرحمن بشجاعة : تسمع براحتها انا محدش يقدر يخوفني . احلام بصوت عالي : بتقول حاجة يا حاج . عبد الرحمن بتراجع : بقول بسم الله ماشاء الله انتي زي القمر النهاردة يا حبيبتي . حلم وادهم اخوها : يكتمون الضحك . عبد الرحمن بتذمر : اضحك يا اخويا انت وهي كاتمين الضحكة ليه لحسن يحصلكوا حاجة . ادهم وحلم : ههههههههههههههههههه احنا يا حاج نضحك برضو عليك ده انت حبيبنا ونور عيوننا . عبد الرحمن بسخرية : واضح واضح . ادهم وحلم وهم يحتضنوه :ربنا يخليك لينا يارب يا بابا احنا بنحبك جداااا . عبد الرحمن بحب وهو ينظر لدموع زوجته : وانا بحبك جداا جدااا ربنا يباركلي فيكم ... وبهزار اوعواااا كده اقوم اشقر علي الايس كريم بتاعي اللي في التلاجة اكيد سقع . تنسحب حلم بهدوء . عبد الرحمن بصراخ : حللللللم . حلم بذعر : يا لهوووي هيقتلني استر يارب . احلام بضحك : تعال يا حاج الغدا جاهز وادهم هينزل يجيب غيره . عبد الرحمن بضيق : طيب ... ماشي يا حلم . بعد شوية علي سفرة الغداء . ينظر عبد الرحمن لحلم نظرات توعد . حلم بتذمر : خلاص بقي يا بابا ادهم جاب غيره ..وبمرح المفروض تتعود علي كده . عبد الرحمن بتذمر : اللي جابه ادهم مانجا مش فروالة يا ختي . حلم بضحك : خلاص عندي المرة دي ... وبعدين هدوء كده عشان اركز في الاكل مش عارفة ليه نفسي مسدودة . ادهم بصدمة: نعم يااختي ده تالت طبق رز ومسدودة اومال لو مفتوحة هتاكلينا . احلام بزهق : ايه اللي في ايديك ده يا حاج . عبد الرحمن : ده دوا الضغط اللي بنتك دايما رافعه . حلم ببراءة : انااااا يابابا اناااا . ادهم بعطف : دايما ظالمينك يا غالية . بعد الغداااااا . يدخل ادهم غرفة حلم . ادهم بحنان :علي فكرة لمحة الحزن اللي في عيونك دي مش هتعدي عليا اكيد . حلم :................... ادهم بصدمة وعصبية : نعم يا ختي . #حلم شكرا علي تفاعلكم يا جماعة❤️ بقلمي إيمان شرقاوي . |
بدل ماتدور وتبحث علي الروايات خليها علي تليفونك وحمل تطبيقنا
