رواية احببت سيدي الفصل الرابع 4 بقلم برنسيس

 

 رواية احببت سيدي الفصل الرابع 

عند نور..

نور: عمو احمد .. انا فين..

احمد: انت اي اللي نيمك هنا مش انت قولتي انك عندك بيت؟!

نور : بيت!! ايوه..ايوه انا اصلا كنت نايمه ف البيت ومعرفش انا هنا ازاي ومين جابتي اصلا..

احمد :ازاي يعني؟! وقرب عليها ولمح الشنطه وشاف فيها هدوم نور..

نور : اي ده ؟ دي كلها الهدوم بتاعت..

احمد: انت قولتي متعرفيش انت اجيتي هنا ازااي..

نور : هزت راسها بمعني لا.. مش عارفه انا هنا لي..

احمد اخد هدوم نور..ومسك ايدها واخدها ع العربيه..

نور : عمو..عمو

احمد بنرفزه فتح ليها العربيه وركبها وحط الهدوم ف الكرسي اللي ورا..وراح ركب جنبها..

نور :عمووووووو..

احمد اخد نفس عميق وخرجه ببطء علشان يهدى : نعم ي نور..

نور بخوف وقلق وعنيها فيها دموع : انا فين؟! وهروح فين؟؟ ومين جابني هنا اصلا؟!!

احمد :بس ي حبيبتي انا هوديكي لبابا..

نور شهقت وبعد كده عيطت : بس بابا راح لمكان بعيد اووي 

احمد بعدم فهم : اي هو سابك وسافر..

نور بحزن :لا بابا راح عند ربنا

احمد :لا اله الا الله.. البقاء لله ربنا يرحمه..

نور عيطت :بابا وماما مع بعض وسابوني لوحدي.. 

احمد :متزعليش طيب وتعالي ارجعك بيتك..

نور :هو انت عارف المكان..

احمد :مش انا وصلتك قبل كده 

نور :ايوهه..ايوهه صح..

احمد ساق العربيه وجاب لنور مايه واكل علشان كان باين عليها التعب.. ووصلوا الحاره.. احمد نزل من العربيه والكل بقا مستغرب العربيه الفخمه دي داخله الحاره ليه.. ولما شافوا نور نازله من العربيه عيال الحارهه راحوا جري ع محاسن وقالولها نور نازله من عربيه كبيره ومعاها راجل حلو وباين عليه محترم.. محاسن قلقت جداا..

 احمد عند بيت نور..

احمد :هو ده بيتكم ي نور..

نور :ايوهه هو ده ي عمو احمد ..

احمد خبط ع الباب ومحدش رد.. خبط تاني بس بقوهه ومحدش رد.. احمد بيخبط لمح قفل ع الباب من برا.. 

وسال الحارهه ومحدش شافها وهي خارجه..

نور قاعدة قدام باب البيت وبتعيط..

احمد :نور..

نور :...

احمد:نورررررر.. قومي معايا..

نور وقفت ومسحت دموعها:نعم ي عمو..

احمد قرب منها ونص قدامها: نور هو احنا ممكن نبقا صحاب؟!!

نور: بس يعني اي صحاب

احمد :اي انت مش عارفه يعني اي صحاب؟؟ يعني انت معندكيش صاحبه بتتكلمي معاها وبتمشي معاها وبتروحيلها وهي تجيلك كدهه..

نور :لا..انا محدش بيتكلم معايا اصلا.. ولو حد وقف يكلمني محاسن بتضربني جامد..

احمد :خلاص متعيطيش وانسي محاسن دي خالص وتعالي معايا..ومد ايده ليها..

نور حطت ايدها ف ايده واحمد كان فرحان جدا انها ماسكه ايده واخدها معاه للعربيه..

بعد ما مشيوا شويهه..

نور خبطت ع جبهتها بايديها: نسيت هدومي عند البيت.. احنا هنرجع تاني صح؟!

احمد :لا مش صح..وانا بقا عايزك تنسي الحاره والبيت ومحاسن والعربيات والمناديل وكل حاجه حتى انسي نور..

نور : ازااي يعني نور تنسى نور؟!!

احمد: قصدي انك من هنا ورايح هتبقي معايا انا..

نور شهقت بفرحه : ده بجد!! انت مش بتعمل مقلب فيا صح؟!!!

احمد: مقلب اي بس ي نور.. بس عايز منك طلب صغير جداا..

نور :قول كل حاجه انت عايزها..

احمد : بصي اول حاجه عايزك معتش تعيطي.. تاني حاجه معتش تقولي ي عمو انا اسمي احمد.. تالت حاجه عايزك تيجي معايا نشوف العمال اللي ف الشركه عملوا ايه وبعد كده اخدك تعيشي معايا..

نور هزت راسها: وهبدا شغل امتى؟!

احمد :شغل !! شغل اي ؟!

نور : انزل ابيع مناديل علشان تجبلي اكل زي ما محاسن كانت بتعمل..

احمد: لا طبعا مفيش شغل .. مش انا قولتلك انسي كل حاجه فاتت

نور : يعني مش هشتغل؟!

احمد: ايوهه.. ويلا علشان وصلنا الشركه..

نور : يعني اي شركه..

احمد: ياااه ده احنا هنتكلم مع بعض كتير وهفهمك كل اللي انت عايزاه..

احمد ونور دخلوا الشركه..

______بقلم/Princess M

عند الحيزبونه محاسن...

محاسن بتتكلم ف الفون..

ايوه ي عبدالحميد.. ايوهه والله مشوا وانا مفتحتش ولا عملت صوت.. لا مفتحتش.. انت قفلت من برا؟!! بجد كويس .. انت جايلي تمام ماشي..سلاام..

الباب اتفتح وكان عبدالحميد دخل..

محاسن: اي ي عبد الحميد مين الجدع اللي كان مع مقصوفة الرقبه اللي اسمها نور دي...

عبدالحميد : اهمدي بقا وابلعي ريقگ ده واحد من الناس العاليه بس عبيط اول ما شاف الباب مقفول دغري مشى..

محاسن :مقفول ازااي ومين اللي قفله؟!!

عبدالحميد :انا هقولك..

فلاش بااگ..

الحاره كلها بتتكلم ان ف عربيه واقفه ع اول الشارع ونزل منها شاب محترم وابن ناس ومعاه نور بنت عبدالله.. عبدالحميد كان قاعد ع القهوه.. واول ما سمع ان نور رجعت الحارهه وقف..

عبدالحميد :ي سااتر يارب.. اي اللي رجعها تاني دي..

الكل خرج يشوف مين ده اللي جاي حاره زي دي بعربيه فخمه كده 

عبد الحميد :انا لازم استغل الفرصه..ورن ع محاسن.

محاسن :الو ي عبد الحميد ..

عبدالحميد :لو حد خبط عليكي مترديش ولا يطلعلك اي صوت وانا هرسيكي ع الموضوع بعدين..

محاسن :حاضر ي اخويا..

عبدالحميد قفل مع محاسن وراح عند البيت وقفله من برا بالقفل من غير ما حد ياخد باله لانه كان الكل مشغول ف انه عايزين يعرفوا مين الراجل الغني ده ..

ولما احمد سال ع محاسن كلهم قالوا انهم مشافوهاش..

بااااك..

محاسن :والله دماغك دي توزن بلد ..

عبدالحميد :احنا اهم حاجه دلوقتي انه نخلع من الحاره دي لانه دلوقتى الكل مفكر انك سيبتي البيت..

محاسن ايوه صح معاك حق خلاص نرجع الصعيد شقتنا وبعدين نبقا نرجع نبيع الشقه بعدين

عبدالحميد :خلاص ظبطي امورك كده وانا بالليل هعدي عليكي اخدك ولا من شاف ولا من دري.. بس اهم حاجه محدش يعرف انك لسه هناا..

محاسن :ماشي..

عبدالحميد خرج من الشباك علشان محدش يشوفه..

__

ف الشركه..

نور دخلت مع احمد وكله بيبص عليها قد اي هي جميله وف نفس الوقت لبسها مش حلو..

احمد : نور.. اقعدي هنا ع الكرسي ده ومتتنقليش من مكانك هدخل بس اشوف الامور ماشيه كويس ولا ايه وهنمشي انا وانت..

نور :حاضر ي عمو..

احمد : احنا قولنا اي؟!!

نور ابتسمت: احمد هههه

احمد :شاف قد اي ضحكتها حلوه وابتسمتها واتنهد وراح المكتب يشوف شغله .

الكل بدا يروح عند نور ويسالها عن اسمها وسنها ومنين وابوها مين (بس نور كانت بترد ع قد السؤال بس يعني مقالتش عن محاسن ولا ان ابوها مات ولا بتشتغل ولا اي حاجه عن حياتها)

بعد مرور ساعه..

احمد خرج من المكتب وراح عند نور ..

احمد : اسف علشان اتاخرت عليكي..

نور :لا ي احمد خالص دي الناس هنا حلوه وقالولي يعني اي الشركه وانت بتعمل فيها اي 

احمد مسك ايد نور وخارجين من الشركه وبيتكلموا 

احمد :انت بجد شاطره ي نور معقول عرفتي كل ده عن الشغل بتاعي ف الوقت القصير ده..

نور :ايوه طبعا.. نور اصلا شاطره 

احمد :اكيد ..

وركبوا العربيه وراحوا ڤيلا الرفاعي..

عند الڤيلا..

احمد يلا ي نور احنا وصلنا..

احمد فتح لنور الباب ونزلت واحمد مسك ايدها ودخل بيها..

نور :الله.. جميل اووي ..ماشاء الله كل الحاجات دي بتاعتك..

احمد :لا الڤيلا دي بتاعت العيله كلها..

نور :حلوه اووي..

نور واحمد داخلين وبتكلموا مع بعض..

حميده قاعده ف جنينة الڤيلا..

حميده:...

__ 

            الفصل الخامس من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال