 |
رواية عشق لا ينتهي الفصل الخامس بقلم منال عباس# حقنه مهدئه ... وراحت فى النوم ... اتصل عمر على قاسم .. قاسم : ايوا يا عمر اخبارك عمر : انا كويس الحمد الله..كنت عايز اعرفك أن الحاله اللى روحنا ليها سوا وقولت أنهم معرفه ليك توفى حالا .. قاسم : لا اله إلا الله ....طب وبعدين عمر : البنت اللى كانت معاه من الصدمه دخلت فى صدمه عصبيه وهى حاليا نائمه تحت تأثير المهدئ لو تعرف حد من اهلهم علشان استلام الجثه وإجراءات الدفن ... قاسم : الحقيقه ما اعرفش حد ...عموما انا جاى فى الطريق ...واغلق الهاتف.. قاسم : وبعدين معاكى يا عشق حكايتك معايا ليه مش عايزة تنتهى ... وللدرجه دى زعلتى على فراقه ولا زعلتى على فلوسه اللى هتنحرمى منها ... قاد سيارته إلى المستشفى ... صعد إلى عمر وسأله عن المطلوب عمله .. سهل عليه عمر كل الإجراءات .. قاسم : طب عشق هتفوق امتى عمر : كمان ساعتين تلاته تفوق ... قاسم : طب تمام علشان نعرف منها تحب ندفنه فين ...وسأله عن حجرتها وذهب إليها وجدها كالملاك النائم والدموع تنزل من عينيها بالرغم من نومها ..اقترب منها وقبلها من شفتيه قبله سريعه وابتعد بسرعه مؤنبا نفسه قاسم : وبعدين معاك يا قاسم ايه اللى بتعمله دا فوق لنفسك ..البنت دى لا من وسطك ولا اخلاقك ...ولا حتى سنك ... وجلس يفكر كيف يتصرف معها ..فى هذه الظروف ..مر أكثر من ساعتين وبدأت تستفيق عشق ... اقترب منها قاسم وهو ينظر إلى عينيها قاسم : البقاء لله يا عشق .. عشق ببكاء : اخر حد ليا فى الدنيا سابنى ..مابقاش ليا حد انا عايزة اموت انا كمان .... استغرب قاسم حديثها ..فهو مجرد زبون واكيد هتلاقي غيره بسرعه وخصوصا انها جميله وصغيرة قاسم بجديه : المهم تعرفي حد من أولاده أو أهله علشان الدفن ... عشق : انا وهو ماكنش لينا حد فى الدنيا غير بعض ... تضايق قاسم من حديثها هذا .. قاسم : طب علشان المفروض يندفن ..تحبي يندفن فين .. عشق : مش عارفه ... بابا : زمان كان بيقول لينا مدافن فى السيده عائشه بس معرفش مكانها ... قاسم : خلاص ..ممكن ادفنه عندى فى مدافن العائله ..يلا اجهزى وتركها وخرج قاسم : انا مش عارف ليه بتصرف كدا ..عموما دى حاجه لوجه الله .. واتصل على والدته سلوى : ايوا يا حبيبي ...اتأخرت فى الشغل ليه لمى بتسأل عليك قاسم : اعذرينى يا ماما وقص لها كل ما حدث .. سلوى بحزن : خير ما فعلت يا ابنى وانا هجيلكم على المدافن واجيب معايا المفاتيح وبالفعل تم كل شئ وخرج الجثمان بسيارة دفن الموتى وجلست عشق مع عمها فى نفس السيارة وكأنها تريد أن تسرق اخر اللحظات الأخيرة للبقاء معه ..قاد قاسم سيارته ورائهم ومعه عمر وصلوا إلى المدافن ...وتم بالفعل دفن فؤاد ب مدافن عائله قاسم ... نظرت سلوى بحنان إلى عشق سلوى : يا حبيبتي يا بنتى واخذتها بحضنها ...بكت عشق كثيرا فى حضن سلوى ... وبعد انتهاء الدفن وقفت عشق بجانب المدافن ولا تدرى ماذا تفعل قاسم : تعالى يلا يا عشق الليل ليل ولازم تروحى ذهبت عشق معه دون أى كلمه سلوى : هاتها يا قاسم النهارده عندنا ومن بكرة نعرف حكايتها ايه ..ما ينفعش نسيبها لوحدها ... غادروا جميعا إلى فيلا قاسم ... وما أن وصلوا رأتها لمى .وجريت عليها بكل فرحه لمى : طنط وحشتينى ..انا فرحانه انك جيتى ليا عشق بابتسامه حزينه : وانا كمان حبيبتى .... سلوى : لمى سيبيى عشق ترتاح شويه. والصبح اقعدى معاها ..وأمرت الخدم بتحضير حجرة ل عشق. ... سلوى : تعالى يا عشق اتعشي قبل ما تطلعى اوضتك .. اعتذرت عشق فهى لا تريد اى شئ ولا تستطيع أن تأكل ... قاسم : سيبيها براحتها يا ماما صعدت الخادمه معها إلى حجرتها ..واحضرت لها ملابس للنوم من ملابس دولى كى ترتديها .. عند دولى دولى : مش دى البنت اللى كانت فى المول يا آبيه قاسم : ايوا هى ..ودماغى مش رايقه احكي حاجه تصبحى على خير وصعد إلى حجرته عمر : تعالى وانا احكيلك كل حاجه جلست دولى والفضول يأكلها اما عمر فاتتهزها فرصه ليجلس معها بمفرده ..فهو يعشقها ..وهى لازالت طائشه لا تقدر حبه ... وبدأ يقص عليها كل شئ ... تأخر الوقت ..واستأذن عمر للمغادرة حان وقت النوم وذهب الجميع إلى حجرته .. كانت عشق نائمه وتحلم بكابوس ... حيث كانت تحلم أنها تركب سيارة بدون قائد وفجأة السيارة انزلقت إلى البحر لتغرق بها لتصرخ عشق .... يستيقظ قاسم على صوت صراخها ..ذهب بسرعه إلى حجرتها ودون استئذان فتح الباب ودخل بسرعه ..ليجدها ......يتبع #عشق_لا_ينتهي بقلم #منال_عباس |
