رواية احببت سيدي الفصل السادس
ف ڤيـلآ آلرفآعي..
حمـيـده:انا قولت اخر كلام عندي ياما انا ياما هي هنا ف الڤيلا..
آسـمـآعيـل:اعقلي ي حميده كلامك البت لسه صغيره وملهاش حد واحنا لازم نحتويها..
حميده بغضب: الصغيره هتكبر ، وتربية الشوارع دي مش سهله..
حامد : حميده اي اللي انت بتقوليه ده؟!! نور بنتي وده اخر كلام عندي..
حميده :تقصد انك مستغني عني علشان واحده زي دي لا نعرف بنت مين ولا جايه منين؟!! مش بعيد يكون حوار ابوها وامها متوفين وملهاش حد ده حوار من اهلها علشان تدخل حياتنا وتستولى ع ثروتنا..
حامد :لااااا..كده انت اتمديتي اووي..انت ازاي تفكيرك كده!!
حميده :اي تفكيري غلط ؟!! تفكيري غلط علشان بفكر احافظ ع فلوسنا وشركاتنا؟!!
اسماعيل :ااي؟ كل حاجه ثروتنا وفلوسنا.. خليكي فاكره ان احنا لولا الناس بعد ربنا كنا هنبقا ولا حاجه..كل موظف و مهندش ورجل اعمال ساعدنا وسهر علشان شركتنا تنجح كل ده اي؟!! احنا عملنا كل ده لوحدنا كده؟!! لا ي حميده احنا من غير الناس ولا حاجه ..
احمد من وراهم: اي الكلام اللي بسمعه ده يا امي؟!
حميده :اي انت كمان مستغني عني علشان خاطرها..
احمد قرب منها بهدوء:استغنى عنك اي بس..ده انا من غيرك ولا حاجه ي ست الكل.. وباس ع ايدها..
حميده : يعني هتخرجها من البيت ي احمد..
احمد : اكيد هيجي اليوم اللي حد من عيلتها هيظهر وياخدها تاني..
حميده : يعني ف حد هياخدها من هنا..
احمد : اكيد طبعا.. واقعدي افطري يلا ومش عايز اسمع الكلام ده تاني..
حمـيـده قعدت وبدآت تآگل وهي فرحآنه نوعآ مـآ آن نور هتسـيـب آلبيـت..
نور واقفه بعيد عند السلم ولما سمعت احمد وهو بيقول هيرجعها لاهلها افتكرت محاسن وخافت جداا..
احمد قرب منها: مالك ي نور.. ومسك ايدها..تعالي يلا افطري..
نور هزت راسها بالموافقه وجواها قلقان..
اسماعيل قاعد ع راس السفره.. ونور قاعده بين حامد واحمد.. وقصادهم حميده..
بعد آلفطـآر..
احمد اخد نور وطلعها اوضتها..وراح هو وحامد واسماعيل ع الشركه..
_____بقلم/Princess M
عند نور..
نور قاعده ف الاوضه وزعلانه ونفسها تشوف ابوها.. وخايفه من فگرت انها هترجع لمحاسن..
عند حميده..
بتتكلم ف الفون..
حميده: الوو.. مش عايزه اشوفها تاني.. هتكون هناگ ع الساعه 2 ..مش عايزه اشوفها خيالها.. ايوه ف مول(***) اوكي..اوكي..
وقفلت..
ف الشركه..
احمد ف المكتب..
السكرتيره خبطت..
احمد :ادخل..
السكرتيره : صباح الخير مستر احمد.. دي الملفات اللي انت طلبتها.
احمد :صباح الخير ي زهره.. تمام حطيهم عندك ..هو خالد اجى؟
زهره :لا مستر خالد لسه ماجاش..
خالد دخل: بتجيبوا ف سيرتي ليه هاا..
زهره خرجت..وخالد دخل وقعد ع الكرسي ..
احمد : كنت فين واتاخرت ليه؟!!
خالد : مفيش ي عم دي كانت مزهه معايا..قصدي حوار معايا وخلصته..هههه
احمد : يجدع بطل هزار بقا ..
خالد : كنت بوصل اختي المستشفى علشان تعمل الجلسات انهارده..
احمد :اه ربنا يشفيها يارب.. ف حد معاها ولا تروح ليها..
خالد :لا امي معاها واخويا زين..
احمد :تمام ماشي..
وبداو شغل..
(خالد صاحب احمد ونفس العمر وبيشتغل مع احمد)
عند نور...
نور قامت تتوضى وتصلي الظهر..
حميده قاعده ف الاوضه وبتعد بالدقايق والثواني علشان تخلص من نور..
الساعه 1:30 ..
احمد قفل الملف: وكده كله تمام..ان شاء الله خير..
خالد :انت رايح فين دلوقتي..
احمد :رايح مشوار مهم كده.. تعالي اوصلك ف الطريق..
خالد :مشوار مهم..امممم..اكيد بيخص الشغل صح ما انت مفيش عندك حاجه اهم من الشغل..
احمد :لا..
خالد :لا اي انا مش فاهم حاجه ..
احمد :ف الطريق هفهمك كل حاجه ..
خالد :ماشي ي عم..
ف الطريق..
احمد حكى لخالد كل حاجه..
خالد :بجد انا زعلان عليها اوي.. يعني طفله لسه صغيره شافت كل ده .. ربنا معاها..
احمد :يارب.. وانا مش هسيبها انا هفضل معاها لحد ما تروح ع بيت جوزها..
خالد :جدع ي احمد والله طول عمرك راجل وبتوقف واقفت رجاله مع اي حد.. حتى وقفتك معايا عمري ما انساها لما اختي تعبت انت عالجتها بره مصر والحمدلله ف امل انها ترجع تمشى تاني..
احمد :اي اللي انت بتقوله ده.. انت اخويا يا خالد و اسماء اختي كمان..
خالد : ربنا يخليك ي اخويا..
احمد : وبعدين الصحاب ليه عند صاحبه اي؟
خالد : مصلحه..ههههه
احمد ضربه ع قفاه بهزار : ايوه جدع هههه..
خالد نزل راح بيته.. واحمد كمل طريقه وراح ع الڤيلا..
نور واقفه ف الشباك مستنيه احمد يجي..
احمد وصل الڤيلا..
نور :هييييي.. احمد اجى..ونزلت جري..
نور وهي بتجري بلهفه خبطت ف حميده من غير قصد.. حميده من غير تفكير ضربت نور ع وشها..
احمد جري ع نور وشدها لحضنه ونور دموعها نازله من غير صوت عياط..(ده الاصعب 🙂)
احمد :ف اي ي ماما ليه ضربتي نور كده..
حميده : هي اللي خبطت فيا..
احمد :يعني اي خبطت فيكي.. خبطت فيكي من غير قصد تضربيها كده..
حميده مردتش عليه وسابته ونزلت تحت..
احمد شال نور واخدها ع الاوضه وقعدها ع طرف السرير..
احمد : نور..
نور بكسره :نعم ي احمد..
احمد : حميده هانم مكنتش تقصد..
نور هزت راسها :ماشي..
احمد : طب قومي اغسلي وشك علشان نروح المول..
نور :لا ي احمد انا مش عايزه حاجه انا هنام..
احمد شالها :لا مش بمزاجك غصب عنك ويلا واخدها الحمام وساعدها تغسل وشها ونور سرحت شعرها واحمد مسگ ايدها وراحوا المول..
حميده ف اوضتها..
وفونها رن..
حميده :الوو.. ايوه.. 5 دقائق وهيكونوا هناك وانت شوف الوقت المناسب ونفذ وانا هدفعلك اللي انت عايزه.. تمام..
وقفلت....
ف المول..
احمد :نور كل اللي انت عايزاه خديه ي حبيبتي ماشي..
نور:انا عايزه فستان ابيض..
احمد :احلى فستان ابيض لاحلى نور..
نور مسكت فستان :احمد انا عايزه ده ممكن..
احمد :طبعا ممكن خديه البسيه جوا..
نور: ماشي..
نور لبسته..
احمد :يلا ي نور لسه هنشتري حاجات تانيه والوقت بيجري..
نور خرجت :ده حلو..
احمد :جميل اووي ي نور.. وانت لما لبستيه بقا اجمل ..
نور :شكرا ي عمو احمد.. قصدي احمد..هههه
احمد : العفو ي طنط نور..
نور :طنط!!
احمد : مش انت بتقولي عمو انا هقولك ي طنط..
نور :لا لا اسفه خلاص...
احمد :ماشي يلا غيري الفستان ده والبسي غيره..
بعد وقت..
نور جابت فساتين و هدوم كتير وكانت مبسوطه..
احمد : خليكي هنا ي نور وانا هدفع الفلوس وهاجي..
نور :ماشي..
نور واحمد رايحين عند العربيه ونور فرحانه اووي ان ف حد بيحبها وبيهتم بيها..
نور :احمد..احمد..
احمد :نعم ي نور..
نور :ف حد هناك كان بيبصلي وبيقولي تعالي..
احمد :فين ي نور..
نور :هناك اهو وشاورت ع مكان بعيد شويه..
احمد : خليكي هنا وانا هشوف مين..
نور : حاضر..
احمد راح يشوف مين وملقاش حد..
رجع عند نور :مفيش حد ي نور.. نووور.. اي ده هي نور راحت فين؟!!
بدل ماتدور وتبحث علي الروايات خليها علي تليفونك وحمل تطبيقنا
