Ads by Google X

حكاية الهاوية الفصل السادس 6 بقلم سولييه نصار

     

حكاية الهاوية الفصل السادس بقلم سولييه نصار

الجزء السابع✨شكرا علي تفاعلكم السكر✨بقلم سولييه نصار✨
-حرام عليك ...اتقي الله ازاي اتجوز عر*في ...
-هو ده اللي عندي ..
قالها حسن بقس*وة ...قربت من امي وقولت :
-يا ماما قولي حاجة ابوس ايديكي .
بس امي سكتت بخ*وف من جوزها ...فكمل حسن كلامه ..
-بكرة الصبح تقوليلي ردك ...لاما توافقي أو تطلعي من بيتي انا مش هصرف عليكي !!!







وبعدين سابنا ومشي .
....
طول الليل فضلت افكر في الكار*ثة دي واعيط...اعمل ايه يا ربي اقت*ل نفسي وارتاح طيب بس حر*ام ...حر*ام اعمل كده ...بس الدنيا قا*سية معايا ...مش لاقية حد حنين عليا ...حسن عايز يجوزني ع*رفي ...يعني لو خلفت من الراجل ده حياتي هتت*دمر ومش هيبقي إثبات اني مراته ! بس لو موافقتش هترمي في الشارع ...يارب اعمل ايه ...فضلت طول الليل ادعي ربنا يساعدني وينور بصيرتي ...
......
تاني يوم كنت اديت قراري لحسن اني هتجوز كريم الشاب اللي اتقدملي وقبل ما نكتب الورق بيوم حكيتله لكريم علي كل اللي حصل في حياتي ...كان عندي امل أنه يقدر وميقس*اش عليا ويعاملني كويس ويتجوزني رسمي ...
  .......
تاني يوم ...
كتبنا ورقتين عر*في ولبست الفستان  ...كنت مبتسمة لكن من جوايا كنت بم*وت حرفيا ...كان عندي امل ان كريم يبقي كويس معايا ويوافق يساعدني الاقي ابني ...اتمنيت أنه ميعملش زيهم وميك*سرنيش ...
اتجوزنا ...وساعدني اعمل ورق تاني ...كان عندي امل أنه يكتب عليا رسمي بس ر*فض ....
سافرنا أنا وهو بلد غير القاهرة وقعدنا فيها ...كانت حالتنا وحشة بس كنت أنا بشتغل وبساعده وهو للاسف مكانش بتاع شغل ...كان كل يومين يسيب شغله ويقعد في البيت وانا اتحملت وعيشت ...مكنتش عايزة اتر*مي في الشارع تاني ...لحد ما في يوم فاض بيا وقولت:
-مش كفاية كده ...انت سايب الحمل عليا لا بتشتغل ولا بتساعد ...أنا تعبت يا كريم .. 
بصلي ببرود وقال :
-هو ده اللي عندي ..
-تقصد ايه ...
قام ووقف وقال:
-اقصد يا حلوة اني كفاية أن اويتك في بيت بعد ما الكل اتخلي عنك ...أنتي ملكيش عندي حاجة وتفضلي هنا تطف*حي بسكات والا والله اندمك علي اليوم اللي شوفتيني فيه انتي فاهمة ولا لا ...
رجعت لورا وانا بعيط وانا حاسة أنه ك*سرني زي الباقي ...عينيه كان فيها ق*سوة ...مكانش مجرد تهد*يد ...أنا بالنسباله مش مهم ...أنا عمري ما كنت مهمة عند اي حد وهو مش استثناء ...دخلت الاوضة وقفلت باب الاوضة  وفضلت اعيط ...جه هو دخل افتكرته هيصالحني ..وانا من غبائي فرحت ولكن عرفت أنه جاي عشان حقه الشرعي ...





....
فضلنا ايام كده لحد ما في يوم حسيت اني تعبانة ودايخة ووقعت من طولي وانا في الشغل ...مدير المشغل اداني إجازة وروحت المستشفي اشوف انا مالي واتصد*مت صد*مة كبيرة لما اكتشفت اني حامل!!!!
......
كنت راجعة البيت وانا مصدومة وببكي بأنب نفسي اني نسيت برشام منع الحمل في الليلة اتخ*انقنا فيها ... بأنب نفسي اني حملت وجوازي مذ*بذب بالشكل ده !!!لازم  اخلي كريم يخلي جوازنا رسمي عشان البنت تتكتب بإسمه...
... .
روحت البيت وواجهته
-نعم يختي حامل ؟؟!مش قولتلك بلاش حمل انتي اتج*ننتي .  انتي عايزة تربطيني ولا ايه !!
بكيت بصدمة وقولت:
-انا مراتك!!اربطك ايه !انت لازم تخلي جوازنا رسمي ...
ضحك وقالي :
-اها عرفت دلوقتي نيتك الر*خيصة زيك عايزة تخلي جوازنا رسمي بس لا ..مش عيل زي كده هيربطني بواحدة زيك ..
-يعني ايه ؟!
قولتها برعب فقال هو :
-يعني لو عايزة تعيشي معايا نزلي الطفل !!
يتبع
#الهاوية
#سولييه_نصار


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-