Ads by Google X

القائمة الرئيسية

الصفحات

رواية غرام الاكابر الفصل الخامس عشر 15 الجزء الثالث بقلم منال عباس

 

رواية غرام الاكابر الفصل الخامس عشر الجزء الثالث بقلم منال عباس

#غرام_الاكابر بقلم #منال_عباس


سما : وتسمى تصرفاتك الطايشه دى ايه ..مش دا احراج ليا انا وباباكى ...اللى يشوفك كدا يقول ما اتربيتش..
لوجى : عموما انا اسفه ..بس اكيد فى طريقه احسن من كدا 
سما : انتى ليكى كمان عين تتكلمى ..
لوجى : خلاص يا مامى اسفه 
حتى وصلوا إلى الفيلا 
صعدت لوجى إلى حجرتها ..راكضه ودخلت وأغلقت الباب ..وجلست تبكى ...

عند شمس 

شمس : اهلا يا رغد وحشانى اسفه أنى مش بجيلك ازورك 
بس زى ما انتى شايفه نائمه .دائما فى السرير 
رغد : عارفه حبيبتى عذرك معاكى ..انا حبيت اطمن عليكى وعلى النونو ..
شمس : انتى عارفه الحمل بتاعى بيكون صعب اد ايه 
رغد : ربنا يقومك بالسلامه ..
استاذنك ترتاحى 
شمس : خليكى معايا زمان باسم على وصول ..
رغد : معلش سلامى ليه ..البنات زمانهم رجعوا من الشغل ..ويادوب الحق اروح 
شمس : ربنا يخليكى ليهم يا رغد 
رغد : ويخليكى لاولادك ويقومك بالسلامه 
غادرت رغد إلى منزلها ...

عند هنا 
تعود حسناء بعد شفائها مع احمد وهنا من المستشفى ..
هنا : حمدالله على سلامتك يا ماما ..نورتى بيتك 
حسناء والحزن مسيطر عليها لفراق حسن 
حسناء : الله يسلمك حبيبتي منور بيكى 
وكويس انكم جيتوا هنا .
احمد : اه احنا بعد اذنك يا ماما هنقعد مع حضرتك لو دا مش فيه مضايقه ليكى ..
حسناء : طبعا تنوروا ودا بيتك انت وهنا ...
وحبيبتى بيسان هتنام فى حضنى 
بيسان : انا بحبك اوووى يا نانو 
حسناء : وانتى روح نانو من جوا ...
هنا : اتفضلى يا ماما غيرى هدومك على ما احضر العشا ....

عند عاصم 
يجلس عاصم هو وغرام واسد يشاهدون التليفزيون
اسد : بابى ممكن اتكلم مع حضرتك انت ومامى فى حاجه ..
عاصم باهتمام : طبعا حبيبي اتفضل ...
قص اسد ما حدث فى النادى مع لوجى 
اسد : انا عارف انى غلطت ..بس طنط سما احرجتنى ..واحرجت لوجى ...
وبتصل على لوجى دلوقتى لقيتها منهارة من البكاء .
عاصم : كويس انك معترف بخطأك ..ولوجى زى اختك ..لازم تحافظ عليها
اسد : بس لوجى مش اختى ..انا بحبها ...
غرام بهدوء : اللى بيحب حد بيحافظ عليه اكتر من روحه ..وبيخاف عليه من اى حد يتكلم فى حقه كلمه غلط ...طبيعى طنط سما تغضب ..هى بتعبرك زى ابنها ..علشان كدا اخدتك معاهم النادى ..بس بتصرفك دا انت خونت ثقتها ..
الواجب عليكم تصححوا خطأكم بالاعتذار ..وعدم تكرار التصرفات دى ..
دا كمان التصرف دا حرام شرعا يا حبيبي ..
اسد : عندك حق يا مامى ..بس انا بحب لوجى واول ما اتخرج هتقدم ليها
عاصم : حلو جدا ..يبقي دا هدفك اللى تحطه امامك علشان تحققه ...
شكرهم اسد أستاذنكم هطلع اوضتى 
ليدخل ادهم فى نفس اللحظه
ادهم : السلام عليكم
رد الجميع : وعليكم السلام
ادهم : كويس انكم متجمعين 
عاصم : خير يا أدهم فى حاجه ولا ايه 
ادهم : اصل اونكل يحيي عازمكم النهارده على حفله صغيرة علشان وقعنا العقد بينا وبينه 
غرام : انا ماليش مزاج اروح أعتذر بالنيابه عنى 
ادهم : ارجوكى يا ماما .هو عازمنا كلنا ..وعازم طنط رغد واونكل يوسف ونورى ونورين ..
عاصم : خلاص يا غرام ..بلاش نحرج ادهم ...الحفله امتى يا أدهم 






ادهم : الساعه 8 
غرام : كمان ..!!فى حد يعزم حد قبلها بساعه
ادهم : علشان خاطرى بليييز 
عاصم : يلا اجهزوا كلكم بلاش تضييع وقت 
صعد الجميع لاستبدال ملابسه 
حيث ارتدت غرام فستان سواريه باللون الازرق فكانت تبدوا أكثر من رائعه مع جسدها الممشوق ...
أما عاصم ارتدى بدله بالون الكحلى وقميص أبيض 
ف عاصم دائما مميز بوسامته وجماله 
ارتدى كلا من ادهم واسد بدلتان باللون الاسود 
كان الجميع فى غايه الاناقه 
وصلوا إلى عنوان يحيي
استقبلهم يحيي وشروق وسامر بترحاب شديد 
حيث وجدوا رغد ويوسف ونورى ونورين 
تجمعوا جميعا على مائده العشاء 
حيث كان عشاء فاخر ...وبعد انتهاء العشاء 
ذهب الشباب ادهم واسد وسامر مع نورى ونورين للجلوس بالحديقة ...
يحيي بنظرات غير مفهومه 
يحيي : دكتور غرام
غرام : معاك اتفضل ..سمعت أن حضرتك من اشهر الدكاترة فى جراحه المخ والاعصاب...
غرام : ميرسي دا من زوق حضرتك 
يحيي : دى حقيقه والكل بيعترف بيها 
ثم نظر إلى زوجته شروق 
شروق : عاصم بيه ..كنت حابه اعرف من حضرتك اخر صيحات الموضه والألوان ...
واحضرت مجله للازياء حيث انشغل عاصم بالشرح لها وتفسير بعض درجات الألوان وعلاقتها بالموضه 
كانت رغد منشغله بالحديث مع يوسف ..
اذ فجأة وضع يحيي ........يتبع 

#غرام_الاكابر

بقلم #منال_عباس



تعليقات