رواية كان ممرضا لقلبي الفصل الرابع
*انت اتجوزت يا احمد !!
=احيهه !!
*محمود قال للمستشفى كلها ! دا بجد ؟
=اهو دا عيبه بقي أنا قولتله خدلي إجازة مش سيطني
*هو دا الي لفت نظرك في الكلام يعني !!
=اي المشكله يسماء !! أه اتجوزت
*ودا أمتي وازاي ولي مقولتش !
=متجوز من يومين بس والله ، يلا الحمد لله قدر قدر ، اللهم لك الحمد والشكر ، لبيك اللهم لبيك ، الله اكبر
*احمد انت بتهزر صح؟
_لا مش بيهزر ، أنا مراته ، اتفضلي ميصحش تفضلي واقفه برا كده
=أنا شايف إن الاحسن ..
دخلت من قبل مكمل الجمله ، هي الأرض بتشق ازاي !!
_تعالي يا احمد واقف لي ، انتي زميلته في المستشفى ؟
*أيوة ، سماء وانتي ؟
_سماء اه سماء ، عرفاكي احمد حكالي عنك كل خير ، أنا مريم
روحت قعدت جمب مريم
_منورة ، ثانيه واحده
قامت دخلت المطبخ ، رجعت شعري لورا بقله صبر
=سماء انتي جايه تباركي ولا تخربيها ؟
*ابارك أي اصبر عليا والله مهحلك
=اه يعني جايه تخربيها ، بصي يبنت الناس أنا مفيش بيني وبينك حاجه ويا ريت معاملتنا في حدود الشغل وبس و..
*بس انا بحبك يا احمد وانت عارف كده كويس
=طب وانتي بتعيطي لي دلوقت ! ، بصي والله حقك عليا بس بجد مكنتش عارف ، الحب مش ب إيدنا
*عشان كده معرفتش ابطل احبك
طبطبت عليها =طب في أيدي أي اعمله ! اكيد هتلاقي الإنسان الي يحبك والله ويصونك ، لسه العمر قدامنا
مريم جت بعصير ف مسكت ايدي قدامها ف بعدت بسرعه
=ت تعالي يمريم
_اتفضلي يحبيبتي العصير
*شكرا
_العفو
مريم مسكت ايدي _مش تعزم عليها تشرب
=ها !!
_العصير يا احمد
=اه ، اشربي يا سماء مش محتاجه عزومه يعني ، كلنا هنشرب من مامتك الي قاعده تحت إن شاء الله
*انا همشي بقي عشان مستأذنه نص ساعه ، مبروك
_الله يبارك فيكي يحبيبتي ، عقبالك
مشيت ف ضغطت علي أيده =اه اه يخربيت دماغك !
_انت فاكرني عاميه ؟ دي كانت ماسكه ايدك !
=اهو شوفتي اديكي الي قولتي هي الي كانت ماسكه أيدي يعني مش انا ، يبقي انتي ظالمه وحسبي الله ونعم الوكيل فيكي بقي
_انا مش بهزر يا احمد ، هي جايه هنا تعرف انك اتجوزت !
=موضوع واتقفل خلاص مشيت
الباب خبطت ف فتحت ولقيتها مامتها
=كملت والله قلبي كان حاسس
*مين المزة الي نزلت من عندك ديي؟
=مزة ! اصلا ! ، زميلتي في الشغل كانت جايه تباركلنا
*انت عارف يا احمد لو فكرت تخون البت هعمل فيك أي ؟
=اخون أي استهدي بالله ، تبارك بقولك
*ماشيه معيطه لي ؟
=دموع الفرحه اكيد
بصتلي ب استغراب ومشيت وقفلت الباب
_كانت بتعيط عشان انت اتجوزت ، كانت حزينه عشانك
=قلبي عليا المواجع كمان
_مكنش ينفع ، مكنش ينفع اطلب من ماما تجوزني ليك ، مكنش ينفع افرض نفسي عليك وانت رافض اصلا اي بنت تدخل حياتك ، أنا غبيه اويي وانانيه
=لا بصي هو ..
_احمد ، أنا بجد اسفه
=يمريم ..
مشيت من قدامي بسرعه ودخلت الأوضه
_افتحي
=لاء ، معلش سيبي دلوقت
_لاء لاء انسي مفيش كلام من ده ، افتحي يمريم معلش يعني لو مش هنتعب حضرتك
=لاء قولت
_حاكم الباب دا غالي وربي منا كاسره مهما عملتي ف افتحي
فتحت ورجعت مكانها تاني
=دا نصيب يبنتي ، انتي مكتبالي حتي لو مكنتيش قولتي ل مامتك كنت هتجوزك في الأخر
_ازاي وانت متعرفنيش ومتجوزني غصب عنك !
=لا انا مبعملش أي حاجه غصب عني اوعي تقولي كده تاني
ضحكت _يبني اتكلم بجد مرة واحده بقي !
قربت =هو لازم يعني تقربيلي لما يكون حد هنا ؟ مينفعش واحنا لوحدنا يعني ؟
_لاء
=انتي كده متربتيش خلي بالك
_برا عنك
=لا حاكم بصي هتغابي عليكي
_ايوة اخرك ايي يعني !
=والله معارف ، لما أوصله هقولك اكيد
_خلاص ماشي ، ايدك لو عادت تتمسك من ايد حد هقطعهالك استبينا؟
=ايي؟
_استبينا؟
=اه استبينا حاضر ، امسكيها انتي طيب ، مهي لازم تتمسك عشان الدنيا برد ، لا البرد عاوز حضن الصراحه
_يبني بقي ، يبني بقي ارجع مكانك
=لا انسي خلاص معتش ينفع والله
_متيجي نتخطب ؟
=نعم يختي ؟
_نتخطب ، فتره نعرف بعض فيها اكتر ، وبعد كده نتجوز
=انتي تعبانه في مخك يمريم صح ؟
_لاء
=تبقي مصيبه لو بتتكلمي بجد
_والله بتكلم بجد دلوقتي
=اه وماله ، منا فاضي بقي ، بقولك ايي مش كل حاجه تقرريها انتي ، نتجوز ف نتجوز ، تقولي نتخطب ف اقولك يلا بينا ، أنا مبحبش حد يمشي كلمته عليا اصلا
_انت لي قلبت مره واحده كده !
=دا الي عندي ، وبعد كده متقوليش كلام خايب ملوش لازمه
خرجت من الاوضه وانا متعصب هو في أي ! هو انا لعبه هنا !
دخلت الاوضه بتاعتي ومسكت اللاب توب اتابع الشغل اونلاين
_احمد !
=مشغول
_اعملك غدا ؟
=لاء شكرا ملوش داعي
_مش جعان ؟
=لاء
_انا مكنش قصدي أي حاجه من الي وصلتلك ، طبعا انت صاحب الكلمه في البيت دا
كنت مش باصصلها وبضغط علي مفاتيح الكيبورد وبسمع بس =ماشي
_هو انت بتعمل اي ؟
=مش قولتلك مشغول ؟ اكيد بشتغل يعني
_هو احنا يعني جربانين علشان تكلمني كده؟ يبني متبصلي !!
بصتلها كانت جميله ، فاردة شعرها حاطه مكياج خفيف لابسه بيجامه رقيقه ، كانت حلوة بشكل !
=احمم
رجعت بصيت للاب توب تاني _لا انت زعلك وحش اوي
=اه
_خلاص حقك عليا
=حصل خير
_قولت خلاص حقك عليا بدل مخبطك دماغ افلقك
=ايدا في أي !!
_هو كده بقى لو أمور السهوكه متكولش معاك !
قومت من مكاني =هتعرفي ؟
_ها
=هتعرفي؟
_علي فكرة هعملك أكله هتعجبك اوي
مسكت أيدها وقربتها مني = انتي طلعتيلي منين ، الواحد عمل اي حلو عشان يشوفك؟
_ها ، بص أنا مش هركبت ، هكبرت ، هرتبك اه هي دي
ضحكت =واضح
الباب خبط =هو دا وقت
بدل ماتدور وتبحث علي الروايات خليها علي تليفونك وحمل تطبيقنا
