 |
رواية مكالمه من مجهول الفصل الثاني بقلم عمرو راشدمتعملش فيا حاجة = انتي خايفة من ايه يا ماجدة ، أنتي مراتي مراتك ايه بس ، انا معرفكش اصلا وبعدين انا متجوزة = متجوزة ، متجوزة ازاي يعني أنتي هتستعبطي " الرؤيا بدأت يحصل فيها تشويش عندي ، حاسس اني مش في وعيي ، انا كمان شايف حد تاني قدامي بيكلمني غير ماجدة ، دي واحدة انا معرفهاش وغالبا دي صاحبة البيت ، انا مش فاهم حاجة وحاسس اني هقع ، الملف وقع من ايدي من غير قصد ، مشيت براحة خوفا من اني اقع واقعد الوعي ، خرجت من باب الشقة و حاولت اتمالك نفسي و في وسط كل دا ، ظهرت ماجدة تاني قدامي مش هننزل بقا يا فريد ، يلا " كانت بتمدلي ايدها ، رجعت ل ورا وممدتش ايدي " بصتلي ب استغراب بس سمعت صوت ورايا ، صوت انا عارفه كويس ، صوت ماجدة ولما بصيت و ركزت شوفت ماجدة تاني ، عنيا اتفتحت على اخرها و رجعت بسرعة ابص على اللي كانت قدامي لكن ملقتهاش ، انتبهت تاني للي كانت ورايا فريد متنساش معاد الدكتور النهاردة الساعة 6 " فركت في عيني عشان افوق من اللي انا فيه بس يارتني ما عملت كدا لاني بمجرد ما فتحت عيني تاني لقيت المكان كله اتغير ، انا واقف في ركن في شقتي ، متسألنيش انا اتنقلت هنا ازاي لإني معرفش ، شايف ماجدة قدامي وهي بتتكلم معايا ، انا فاكر اللي حصل اليوم دا ، دا يوم الحادثة برضو مصممة تروحي ، يا حبيبتي مانا قولتلك انك زي القمر مش محتاجة كوافير = ماهو انا عايزة افضل قمر علطول عشان اعجبك طول الوقت وهو مين احلى منك يا قمر انت ، عموما متتأخريش هناك = حاضر بحبك " ماجدة مشيت وأنا فضلت قاعد مكاني ، كل دا كنت شايفه كأني بتفرج على فيلم من بطولتي ، التليفون جالي ونزلت اجري من الشقة ، الدنيا بتلف بيا تاني و رجعت لنفس المكان ، انا لسة في نفس العمارة اللي انا كنت بسرق منها الملف ، نزلت اجري بسرعة على السلم لدرجة اني كنت هقع في اكتر من مرة ، خرجت من العمارة عشان الاقي عربية بتجري ورايا ، بجري بسرعة والعربية ورايا ، بجري وأنا مرعوب ، شريط حياتي كله بيتعاد قدامي ، مكنتش شايف اي حاجة ولا أنا حتى رايح فين وكان كل اللي في دماغي هو الهروب ، بس فجأه العربية مشيت وكملت طريقها وهي بتجري بأقصى سرعة ، وقفت مكاني وأنا باخد نفسي بالعافية ، لكن ملحقتش بسبب ان التليفون رن جبت الملف = معرفتش اجيب حاجة بس انت كدا بتخالف الاتفاق يا فريد ، ايه مستغني عن مراتك = انا بقول تسيبها احسن ، وتعالى نتفاهم انا وانت راجل مع راجل ، هي ملهاش دعوة ب حاجة ازاي بقا ، دي ليها دعوة بكل حاجة = هو انت عايز ايه بالظبط عايزك انت يا فريد = مش فاهم قدامك اقل من ساعة وتكون عندي في العنوان اللي هبعتهولك " العنوان وصل وللأسف انا معنديش حل تاني لازم اروح ، ركبت تاكسي ووصلت العنوان ، كانت فيلا قديمة ، الباب كان مفتوح ، دخلت بحذر و ماشي ببطئ ، مفيش حد نهائي ولا في صوت حتى ، فضلت مكمل لحد ما دخلت جوا الفيلا ، اول ما دخلت لقيتها ماجدة بقلم : #عمرو راشد " قامت بسرعة من مكانها وجريت عليا الحقني يا فريد = ايه اللي حصل ، مين جابك هنا " و في اللحظة دي ، صوت رد من ورايا وقال انا |
