Ads by Google X

رواية قصتي انا الفصل الرابع 4 بقلم هي جنتة

 

رواية قصتي انا الفصل الرابع بقلم هي جنتة

الحلقة الرابعة 

كنت تعبانه موووت كان نفسي انام نمت بعد 

مصليت الظهر وقرأت الورد اليومي وقلت 

هنام لحد بكرا الصبح بس الساعه 3 لقيت 

الباب بيخبط قمت وانا مرهقه مش قادره 

افتح عنيا لبست اسدال الصﻻه 

قلت مين لقيت صوت مني .

انا مني ياحبيبتي افتحي .

فتحت وانا مفتحه عين ومقفله عين وقلت 

في ايه يامني بتخبطي عليا دلوقتي ليه هو النهار طلع .

منى:نهار مين يابنت........بسم الله ماشاء الله تبارك الخلاق .

انا :في ايه يابنتي مالك.... قلتها وانا مش 

واخده بالي انها اول مره تشوفني 

مني:ﻻ بصراحه من حقك تلبسي نقاب اسفه 

بس انتي ماشاء الله عليكي .

انا:ادخلي وبطلي كلام انتي اللي عنيكي حلوه 

وعشان كدا شيفاني حلوه .انتي كنتي عايزه ايه .
منى:اه صحيح انا نسيت يﻻ ياحلوه علشان نتغدي .

انا:ﻻ انا مليش نفس سيبيني انام اصلي تعبانه 

ومرهقه وحسه اني منمتش من زمان.

مني :ﻻ والله ابدا ﻻزم تيجي معايا وحالا عمر مستنينا تحت يﻻ .

انا:يستناكي انتي انما يستناني بتاع ايه .








منى:والله منا نازله اﻻ رجلي علي رجلك يﻻ بقي بﻻش دلع.
انا:امري الي الله بس مش هقعد معاه ماشي .

منى: ماشي ياستي بس اخلصي .

نزلت انا ومني تحت ولما شافنا جا ومشي قدامنا 

وقال يﻻ يابنات .

قلت لو سمحت عايزه اكلم اهلي. بكلمه وانا ببص لﻻرض .

عمر : خﻻص ماشي اديني الرقم وانا اتصل بيهم.

انا:السﻻم عليكم ورحمة الله وبركاته. 

محمد :وعليكم السلام ورحمة الله وبركاته 

منار فينك يابنتي قلقنا عليكي انا وبابا عرفنا 

باللي حصل من الندل دا انتي فين وبتعملي ايه طمنيني .

انا :اطمن يامحمد انا كويسه وان شاءالله ربنا 

هيعوضني خير انا دلوقتي مع واحده اتعرفت 

عليا ف المطار وان شاء الله يومين كدا وارجع  

طمن بابا عليا قول له اني صابره ومحتسبه 

هبقي اتصل بيك تاني ماشي ياحبيبي يﻻ بقي 

السلام عليكم ورحمة الله وبركاته 

وركبنا السياره ولقيت مني بتقولي.

منى :مين دا المز

انا: الله يسامحك مليش في الكﻻم دا دا 

محمد اخويا كان قلقان عليا هو وبابا اصلي 

مليش غيرهم وهما ملهومش غيري

عمر:ممكن اسال سؤال لو مفيش احراج 
انا:اتفضل

عمر:ايه اللي حصل ف المطار اصلي مش فاهم 

اسف علي تطفلي.انا:ﻻ ابدا انا اتخطبت من 

غير مشوف العريس وﻻ يشوفني وكان شرطه 

اني اسافر عروسه ولما سافرت وشافني 

بنقابي قعد يصرخ وقال مش هتجوز خيمه وﻻ 

عفريته وميعرفش ان الخير يكمن ف الشر 

بس الحمد لله على نعمه التي ﻻتعد وﻻ تحصي 

يمكن كان في حاجه هتحصلي الحمد لله 

استخرت الله ومقدرش ليا الزواج منه فانا 

مش زعﻻنه بالعكس لوكان خير كان هيبقي من نصيبي 

مني:ايه يابنتي هو لسه في ناس كدا ماشاء 

الله ادب واخﻻق وكمان جمال هو الخسران والله

 انا :مني متقوليش كدا مينفعش انك تتكلمي عليا قدام رجل كدا

منى:اسفه والله مش قاصدي

وصلنا للمطعم ايه دا مطعم روعة اكنه تحفه 

فنيه استقبلنا عمال المطعم بالترحاب واخذ 

الصور مع عمر وعامل منهم دخلناف مكان 

خاص مفهوش حد استغربت
 
وقلت لمني في ايه هو المكان دا مفهوش حد ليه .

منى:عمر حجزه لنا 

انا:لنا بس 

مني:ايوا علشان تاخدي راحتك 

معقول حجز المكان كله علشان بس اعرف اكل 

ايه دا اول مره حد يعملي حاجه زي دي جا 

عمر وقعد علي طاوله بعيده عننا وضهره لنا 

وطلب اكل اول مره اكل اكل حلو كدا بالطعم  

خلصنا اكل وطلعنا برا المطعم وقال 

عمر:شوفو انتو عايزين تروحو فين تاني  

انا بوجه كﻻمي لمنى:عايزه انام وصلوني 

للفندق وروحو زى مانتو عايزين.

مني:خﻻص بﻻش النهارده خليها لبكرا اعملي 

حسابك الصبح هنروح مع بعض التصوير.

انا:تصوير تصوير ايه ﻻ انا مليش ف الجو دا اسفه.
مني :هو انا قلتلك انتي اللي هتصوري دا 

الاستاذ هو اللي هيصور وكمان التصوير علي 

البحر يعني اقعدي علي الشط لحد التصوير 

مايخلص خﻻص اوكيه 

انا:ان شاءالله. 

الصبح كنت بقرأ الورد بتاعي ولقيت مني 

بتخبط وبتقول جهزتي .انا اساسا جاهزه من بدري

انا:ايوا يﻻ بسم الله توكلت علي الله .

مني :عارفه احﻻ حاجه فيكي ايه ودي 

مﻻحظاها عليكي كتير 

انا:خير قولي انا عرفه ان احنا مش هنخلص النهارده.

منى:دايما بﻻقيكي بتقولي اذكار ومبتعمليش 

حاجه الا لما تسمي واﻻقيكي بتمتمي باذكار انا 

معرفهاش ممكن تعلميني

انا:ان شاء الله بس انتي بتصلي اﻻول

منى:بصراحه بقطع ف الصﻻه علميني يامنار بالله عليكي 

انا:ان شاءالله هعلمك كل حاجه وان شاء الله هتتحجبي

مني:يااااااااااااااااااااااارب نفسي والله .

طلعنا علي التصوير ايه دا فيه كميه مخالفات 

ﻻحول وﻻقوة اﻻ بالله العلي العظيم ﻻ دا انا 

هروح علي الشط احسن 

الله الشط روعه ومفيش حد فيه قعدت علي 

الصخور وبتأمل ف خلق الله سبحانه 

وتعالى(بس في عيون مش بتشتغل بس ﻻ وبتابعني وانا قاعده ومش واخده بالي)

الحمد لله خلصو جات مني وعمر وقالو يﻻ 

عمر:معلش اني اخرتكو لحد دلوقتي من غير 

غدا انا هموت من الجوع

انا:روحو اتغدو انتو اصلي صايمه النهارده 

مني:والله صايمه هو رمضان بدأ وﻻ ايه

انا:هههههههههههه هو احنا مبنصومش اﻻ فى 

رمضان بس داصيام تطوع 

مني:اﻻ انتي بتضحكي زينا اهو.

انكسفت وقلت :مني بطلي 

مني:اسفه اسفه.












وصلنا للمطعم دخلنا ف نفس المكان ونفس 

القاعده باقي علي المغرب ربع ساعه اتحايلت 

عليهم ياكلو مرضوش واستنوني فطرت الحمد 

لله وطلعنا نتمشي شويه لقيت عمر عطي لمني فيزا كارت 

عمر: مني خدي الفيزا دى واشتري انتي ومنار 

اللي انتو عايزينه 

ببص لقيت مني طارت من الفرح وراحت جري 

حضنتو .ايه دا يالهووووووووي اعوذ بالله 

ادرت ضهري وانا مصدومه من اللي شوفته 

سمعت صوت عمر بيقول؛متفهميش غلط مني اختي من ماما 

اااااااااااااااااااااااااااأاه الحمدلله كنت هظن ظن سئ فيهم 

دخلنا مول كبير جدا مني اشترت جاجات 

كتير وانا في حاجات وقفت قدامها بس 

مشتريتش مني قالتلي اشتري اللي انتي 

عايزاه بس انا معرفش اشتري حاجه مدام 

مش معايا فلوس وعزت نفسي تمنعني اخد 

من حد معرفوش يﻻبقي علشان نمشي قلتها لمني 
وصلنا للفندق وطلعنا انا ومني شنط كتير اكتر 

من اللي هيا اشتريتهم اخدهم العامل وطلعهم هو وعمر وطلعت انا ومني  

دخلت غرفتي وانا هموت من التعب نفسي 

انام ببص لقيت شنط من اللي كانت جايه 

معانا فتحتها لقيتها الحاجات اللي كانت 

عاجباني اتدايقت قصده ايه اﻻستاذ دا 

اخدتهم ورحت علي غرفته خبطت وفتح 

وياريته ما فتح اول مره اشوف وشه مكنتش 

ببص عليه كانت عنيا ف الارض دايما المهم 

فتحلي شاب طويل رياضي ابيض عيون 

عسليه ورموش سودا وطويله ليه لحيه جميله 

نزلت عنيا بسرعه وقلت:حضرتك ايه دا 

عمر :في ايه دي حاجاتك شوفتك وانتي 

معجبه بيها بس انا عارف انك مش هتشتريها 

علشان معكيش فلوس خديها وابقي هااتي 

حسابها وﻻ انتي مش هاتحسبيني 

انا بكسوف وعيوني في الارض :ﻻ طبعا هحاسبك

عمر:خﻻص خديها وضفيها علي الحساب

رجعت غرفتي وان مش شايفه قدامي 

ومفيش علي لساني اﻻ استغفرك ربي وأتوب 

اليك ومنمتش طول الليل مش عارفه ليه 

حد يعرف يابات تابعوني ف الاحداث الجديده ف الفصل القادم
معلش يابنات مش قادره اطول الفصل اكتر من كدا ايدي بتوجعني من الكتابه عايزه رايكو بس علشان اعرف عجبتكو وﻻ ﻻ
دمتم ف رعاية الله وامنه
قصتي-انا
بقلم هي جنتة


تعليقات



حجم الخط
+
16
-
تباعد السطور
+
2
-