رواية بائعة الورد الفصل التاسع
يمني : جايين تاخدي حقك
ملك : بس انا مش عايزه حاجه من هنا
يمني : لا انتي ليكي حق وهتاخديه يلا
ودخلت يمني ووراها ملك
يمني : مساء الخير
شريف : مساء الفل
وكان لسه هيتكلم شاف ملك داخله وراها
قال : انتي لسه فاكره ان عندك شغل يا هانم
ملك كانت هترد بس يمني قاطعتها
وقالت : كلامك معايا انا ملكش دعوه بملك
شريف : يعني اي
يمني : يعني احنا جايين ناخد حساب ملك ونمشي
شريف : انتي ما صدقتي امك ماتت وابوكي اتحبس وهتمشي علي حل شعرك
وهنا يحيي دخل وضرب شريف بالبوكس
ملك ويمني بتفاجأ : يحيي
شريف : انا مش مرتاحلك من وجودك هنا كل يوم وكنت شاكك ان في بينكم حاجه
ملك : اتقي الله انت عندك عيال
يحيي : اطلعوا انتوا بره دلوقتي
يمني : بس يا يحيي
يحيي : انا قولت اطلعوا بره
وطلعوا فعلا
ويحيي مسك شريف ضربه وخد فلوس ملك بالعافيه وخرج
يحيي بعد ما خرج : امسكي يا ملك
يمني : انت اتبهدلت كده لي
يحيي : فكك من بهدلتي المهم انتوا رايحين فين تاني
يمني : رايحين بيت ملك نجيب حاجاتها بس انت اي اللي جابك ورانا
يحيي : ما انا لما سمعت انكم نازلين مرتاحتش لنزولكم قولت امشي وراكم اشوف رايحين فين والحمدلله اني مشيت وراكم
يمني : الحمدلله
يحيي : يلا طيب
ملك : انا مش عايزه اجي معاكم ومش عايزه اعيش معاكم
يمني : اي اللي انتي بتقوليه ده
ملك : اللي سمعتوه
يحيي : طب لي بتقولي كده
ملك : انت زنبك اي تبهدل بسببي وتسيب شغلك عشاني وانتي زنبك اي تنزلي من النجمه عشان تجبيلي هدوم انزل بيها
يحيي : وانتي زنبك اي في كل اللي بيحصلك ده
ملك : دي عيشتي وانا راضيه
يحيي : وانا مش راضي
ملك : وانت مالك
يمني : اهدوا انتوا الاتنين وتعالوا نركب العربيه عشان الناس بتبص علينا
ملك : انا مش هركب
يمني : عشان خاطري يا ملك
ملك ركبت عشان خاطر يمني
يحيي : هترحوا فين
يمني : هنروح بيت ملك تجيب اللي هي عايزاه من هناك
ساق يحيي العربيه ووصلهم
وقال : اطلعوا انتوا وانا هستناكم هنا
يمني : مش هتطلع معانا لي
يحيي : مينفعش طبعاً
وفعلا طلعوا واول ما دخلوا الشقه ملك انهارت من العياط
يمني : استهدي بالله مينفعش كده
ملك : لي سبتني لي
يمني : ده عمرها واختبار من ربنا انك تكملي من غيرها عشان يشوف هتقدري تعدي الاختبار ده وتقفي علي رجلك من تاني وتبقي احسن من الاول ولا لأ وبعدين يا ستي احنا جنبك اهو يعني مش هتبقي لوحدك
وقعدت تهدي فيها ساعتين تقريباً
ويحيي كل شويه يرن علي يمني وهي تكنسل
واخيرا نزلوا
يحيي : كل ده ، اي ده مالك يا ملك
مبتردش
سألها كذا مره وهي برضو مبتردش
قام سأل يمني : ردي انتي مالها
يمني : افتكرت مامتها ومن ساعتها وهي بتعيط
يحيي : الله يرحمها اقولك علي حاجه يا ملك تهديكي شويه
ملك : اي هي
يحيي : كل ما مامتك تيجي علي بالك ادعيلها بدل ما تعيطي هي هتفرح بدعاكي مش بعياطك
ملك : حاضر
يحيي : وبعدين لازم تعملي لنفسك حاجه عشان تفرح بيكي اكتر مش هتفضلي واقفه في نفس المكان
ملك : حاضر
ووصلهم وراح شغله
اول ما طلعوا ملك دخلت نامت
ويمني دخلت عند سندس
سندس : اومال فين ملك
يمني : دخلت تنام شويه
سندس : نوم الهنا
قامت طبعاً زي اي بنت حكت لمامتها كل حاجه من ساعة ما نزلت
سندس طبعا زعلت علي ابنها وعلي ملك
وقالت ربنا يعوضها علي اللي حصلها
يمني : امين يارب
وعدي اسبوع
كانت ملك بتحاول تتأقلم ع الوضع الجديد
وسندس ويمني ويحيي فرحانين بوجود ملك معاهم
وفي مره وهما قاعدين
سندس سألت ملك
وقالت : ملك متزعليش مني في السؤال ده
ملك : مفيش زعل يا طنط اتفضلي اسألي
سندس : هو متعلمه ولا
ملك : انا معايا اعداديه بس الله يسامحه بابا مخلنيش اكمل
يحيي : طب انتي كنتي عايزه تطلعي اي
ملك : نفسي ابقي صاحبه محل ورد كبير
يحيي بابتسامة : بس مش نفسك تطلعي حاجه تانيه
ملك : نفسي ابقي محاميه
يمني : واشمعنا محاميه
ملك : عشان اجيب حق الستات اللي زي ماما
يحيي : طب رأيك تكملي تعليمك وتبقي محاميه شاطره وتدافعي عن الستات اللي زي ماما
ملك : ياريت بس ازاي
سندس : ازاي اي هنقدملك في المدرسه وتكملي تعليمك
ملك : وانتوا ذنبكم اي
يحيي : انتي بقيتي واحده مننا يبقي ملزومه مننا وهنقدملك وتكملي تعليمك
ملك : بجد مش عارفه اقولكم اي
يحيي : متقوليش حاجه انتي تقومي تنامي دلوقتي عشان هتصحي الصبح بدري نروح المدرسه نشوف اي الورق المطلوب
ملك بفرحه : حاضر تصبحوا علي خير
كلهم : وانتي من اهل الخير
وسابتهم وهي في قمة سعادتها انها تتحقق حلمها وتكمل تعليمها
وراحت في ثبات عميق
وفجأة ......
بدل ماتدور وتبحث علي الروايات خليها علي تليفونك وحمل تطبيقنا
