رواية آلم قلبي الفصل الاول
… النهاردة عيد جوازنا الخامس
قالتها ملك الجالسة على حافة الفراش
خالد ببرود… ماشي اقولك ايه يعني كل سنة و احنا مع بعض يا حبيبتي ولا اقولك متسبنيش ابدًا
ملك بقهرة… متقوليش كده بس بابا و ماما عازمنا على الغدا
قال في اثناء ارتدائه لقميصه… الغيها انا نازل
ملك… نازل مع سارا صح
خالد… اه
ملك… ماشي انا هنزل انا و ادم اوديه الملاهي شوية اهو اي حاجة
دخل طفل صغير الغرفة بفرحة… ماما يلا انا لبست مش هنروح لجدو و تيتا
ملك… لا يا حبيبي هنروح الالعاب
ادم بشهقة… بجد .. ينفع اروح اقول ل اروى
ملك ضحكت… روح يا حبيبي
خالد بتساؤل… مين اروى
ملك… دي بنت جارتنا هو بيحب يلعب معاها علطول و خرجت معانا كزا مرة
خالد…. ماشي خلي بالك من نفسك و متركبيش لعب كتير عشان متتعبيش
ملك … خايف عليا
خالد… عشان ادم معاكي
نظرت له بدموع أخفتها سريعًا، نظر لها ببرود و ذهب
**************
جلس على المقعد بهدوء
خالد… اتأخرت
سارا.. لا
خالد… طب يلا ناكل عشان جعان
سارا.. ماشي.. خالد حبيبي في عقد عاجبني اوي عايزة اجيبه بص
خالد… من غير ما اشوف يا حبيبتي هجيبهولك
سارا بحب…. حبيبي
*********
ملك بتعب… ادم يا حبيبي يلا انا تعبانة
ادم… شوية طيب
ملك… يا ادم يلا
ادم بغضب… لما بابا بيجي معانا انتي مش بتتعبي و هو مبيرضاش يجي انا مش بحبه
ملك بحنان… ادم اي اللي بتقوله ده بابا بس مشغول في الشغل عشان انت تخرج و تروح المدرسة و قالت بمرح و تجيب شكولاتة لاروى
ادم… انا اسف يا ماما و خلاص يلا نروح عشان العب مع اروى
داعبت خصلات شعره بحب و حمدت الله بداخلها انه اعطاها هذا الصغير يغنيها عن كل شىء
************
دخل خالد الشقة
ادم…. بابااااا
عانقه بحب، خالد… حبيبي وحشتني اوي
ادم… و انت كمان يا بابا … عارف يا بابا عملت النهاردة حاجات كتير اوي
خالد… احكيلي
اخذ يقص عليه ما حدث بطفولة و نظرت هي لهم من بعيد و ابتسمت على تعلق ادم ب ابيه
******
دخلت ملك الغرفة بعد انا غفى ادم و جدت خالد يرتدي بنطاله فقط و نصفه الاخر عاري فخجلت
ملك بغضب مصطنع… لو سمحت البس انت مش لواحدك في الاوضة
اقترب منها بخبث… ايه مكسوفة
ملك… لو سمحت ابعد
خطف منها قبلة سريعة
ابتعدت عنه و صفعته… انا بكرهك ابعد عني بقى و هطلقني عشان انا خلاص تعبت احنا كنا غلطانين زمان مش لواحدي بس ف متحسسنيش اني السبب دايمًا طلقني انا بكره اللي يوم اللي حبيتك فيه… ده ده حتى ابنك مش بيحبك عارف ليه عشان كل مرة بنخرج فيها بتسيبني و تنزل مع السنيورة بتاعتك و انا اقوله ده في الشغل يا حبيبي بيتعب عشانك يا حبيبي و يقوم فايلي انا مش بحب بابا ابنك بقى يلاحظ كل حاجة
شوف كام واحد مبقاش عايزك بسبب اللي بتعمله
جلست على الفراش بتعب، و نظر هو للفراغ بصدمة فهل يكرهه ابنه ذهب لغرفته وجده نائم فجلس بجانبه و قبله في جبينه و غفى بجانبه
************
في الصباح
استيقظت بهدوء و نظرت في الساعة وجدتها الثامنة صباحًا
ملك… ينهار ابيض المدرسة ادم … ادم يا ادم
لم تجده في الغرفة … يا خالد خالد
تجمد الدم في عروقها على اعتقادًا منها انه اخذ ولدها و ذهب… يا رب لا يا رب لا
يتبع
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
