Ads by Google X

رواية بيت العيلة الفصل العشرون 20والاخير بقلم هايدي البنا

 


 رواية بيت العيلة الفصل العشرون والاخير



احمد و ياسمين و سلمي روحوا 
_________________
و كان في حد ماشي وراهم و ماسك مسدس و حاطط قناع احمد بص وراه:لقي شخص غريب بيمشي وراهم
احمد : سلمي خدي يا ياسمين و اطلعوا فوق و انا هقفل باب ال عمارة كويس و هاجي وراكم
سلمي و ياسمين طلعوا
احمد و هو بيقفل الباب شاف شخص موجه المسدس نحيته بس قفل الباب الحديد بتاع العمارة بسرعة و الرصاصة جت في الباب
ياسمين : ايه الصوت ده يا احمد
سلمي : انت كويس
احمد : انا كويس بس مش انا قولت تطلعوا بسرعه يلا يلا
و خدهم و طلعوا و دخلوا شقة احمد و ياسمين
احمد بعد ما دخلوا قفل الباب بالمفتاح كويس و حط المفتاح في الباب و قفل كل الشبابيك كويس
ياسمين : انت بتعمل ايه و ايه صوت ضرب النار ال احنا سمعناه تحت ده
سلمي : ايوه صح فهمنا يا احمد
احمد: ماشي هقولكم بس ما تتخضوش
سلمي : قول
ياسمين:قول
احمد: كان فيه واحد مجنون ماسك مسدس و حاطط قناع و كان ماشي ورانا
ولما بصيت عليه كان مقنع و ضرب عليا نار بس جت في الباب الحديد بتاع العمارة 
سلمي : يا نهار ابيض انا هبلغ البوليس حالا
ياسمين : ايوه صح اعملي كدة بسرعه
احمد و هو بيبص على الشارع من خرم في الشباك و قال: يالهوي ده لسه واقف المشكلة ان الوقت متأخر و مفيش حد في الشارع و هو مستغل كدة 
ياسمين : اقعد بقا سلمي هتبلغ البوليس 
سلمي و هي بتتكلم في التليفون..
سلمي : الو










الظابط: اتفضلي يا فندم
سلمي: في واحد مقنع تحت بيتي ماسك مسدس و عاوز يقتلنا و من شوية ضرب نار على اخويا بس جت في باب العمارة
الظابط: ابعتيلي اللوكيشن بتاعك بسرعة
سلمي : تمام هبعته فورا
بعد شوية.... 
الشخص المقنع : يالهوي ايه الشرطة ديه اكيد بلغوا البوليس 
و اول ما جه يمشي من الناحية التانيه لقى عربية شرطة تانيه في وشه 
الظابط نزل من العربية و قال: مفيش طريق للهروب انت محاوط من كل الاتجاهات هتتسجن يعني هتتسجن
الشخص المقنع: بس انا معملتش حاجة
احمد فتح الشباك و شاف الشرطة و بعديها نزل 
احمد: كويس انكم متأخرتوش يا حضرة الظابط ال شخص ده حاول انه يقتلني و كان معاه مسدس 
الظابط: متخافش يا استاذ ااا
احمد: اسمي احمد
الظابط: متخافش يا استاذ احمد كل حاجة تحت السيطرة 
احمد : تمام يا فندم شكرا 
و طلع احمد بعد ما خلصوا  اخيرا من الشخص المقنع ده 
تاني يوم..... 
احمد و سلمي و ياسمين نزلو راحوا المستشفى 
و كانت ميرنا فاقت و هي و سليم و يسرا و عمر كانو قاعدين قدام  باب الأوضة بتاعة حسين 
سلمي جريت على ميرنا و قالت : انتي كويسة 
ميرنا: اه والله كويسة و بمشي و بتحرك عادي 
ياسمين: الحمد لله على سلامتك 
ميرنا: شكرا يا ياسمين عقبال ما يقومك بالسلامة  
ياسمين : انتي كويسة يا ماما يسرا 
يسرا : الحمد لله 
احمد : ماما روحي انتي و عمر و ميرنا و سليم و انا و ياسمين و سلمي قاعدين
يسرا : طيب انا هاروح اغير و اخد شاور و ارجع عالطول مين جاي معايا
سلمي : روحي انتي و ميرنا و سليم و عمر 
سليم : طب يلا 
يسرا و ميرنا و سليم و عمر روحوا و بعد ما وصلو 
يسرا : اخيرا اخدت شاور مش قادرة 
وجه تليفون ل يسرا 
يسرا : الو... 
احمد ب عياط : الو يا ماما
يسرا ب خضة : في ايههه
احمد: بابا..... بابا خلاص يا ماما
يسرا بعياط : خلاص ايه.. 
احمد : بابا.....  
و الخط قطع 











يسرا لبست و نادت على عمر و سليم 
يسرا : يا عمر يا سليم تعالو بسرعة 
عمر: في ايه يا ماما صوتك عالي ليه
سليم : في ايه يا ماما مالك
يسرا ب توتر: يلا نروح المستشفى بسرعه احمد كلمني و كان بيعيط و مفهمتش منه حاجة و بعديها الخط قطع 
عمر : طب يلا يلا
عمر و سليم و يسرا نزلو بسرعه و راحوا المستشفى 
___________________
في المستشفى..... 
يسرا و عمر و سليم جريوا على أوضة ال فيها حسين و شافو شخص متغطي و ميت 
يسرا  و عنيها اتكلت دموع : لااااا ازااي 
سليم واقف مصدوم 
عمر و هو مش قادر يتكلم : هو ده بابا 
أتقدم عمر علشان يشيل الغطاء.... و هو متوتر و ايده بترتعش 
و شال الغطاء.. 
عمر ب تنهيدة : الحمد لله 
سليم : طب بابا مش هنا اومال راح فين 
الدكتور دخل.. 









الدكتور: انتو بتعملوا ايه هنا 
سليم : بابا كان في الاوضة هنا يا دكتور راح فين 
الدكتور : اه الحج حسين 
عمر :اه يا دكتور هو فين 
الدكتور : هو فاق الصبح و خرج من اوضه الأجهزة و دخل أوضة عاديه بعد ما فاق و كويس ان الغيبوبة مطولتش
يسرا حطت ايدها على قلبها: الحمد لله 
سليم : طب هما في انهي أوضة دلوقتي 
الدكتور : في الدور التاني اخر أوضة في الدور 
عمر : شكرا يا دكتور 
و راحو عند الأوضة ال الدكتور قال عليها
سليم : حمدالله على السلامه يا بابا
عمر : كدة تقلقنا عليك يا حجوج 
يسرا قلعت الشبشب و وقفت قدام احمد : بتعيط في التليفون ليه يا ابن الجزم.. 
احمد قطعها و قال : لا متشتميش امي مسمحلكيش و كمل بضحك و قال : و الله العظيم التليفون فصل شحن و انا بكلمك 
يسرا : و كنت بتعيط ليه يا ابن العبيطة
احمد : تاني بتشتمي امي طب يا ستي كانت دموع الفرح الله مفرحش يعني 
حسين : ايه بقا في ايه و فين ميرنا 
سليم : ميرنا اضرب عليها نار بس هي كويسة دلوقتي متقلقش
حسين : لا ده شكل في حجات كتير حصلت و انا مش في الدنيا 
احمد : احنا نروح علي البيت و تبقا ب خير و بعدين نحكيلك كل حاجة 
دخل الدكتور و كان معاه قياس الضغط و كان بيقسله الضغط و قال : حاسس ب أيه دلوقتي يا حج حسين 
حسين : انا كويس و بخير الحمد لله 
سلمي : يا رب دايما كدة يا حبيبي
الدكتور :اذا كان كدة ف تقدرو تخرجوه انهاردة من المستشفى بس محدش يعصبه محدش يدايقه 
سليم : تمام يا دكتور شكرا على تعبك معانا 
الدكتور :ده شغلي بعد اذنكم و خرج  

_______________________
و بعد ما خلصوا الإجراءات بتاعة الخروج و روحوا على البيت 
ميرنا : نزلتو مره واحدة من غير ما حد يقولي حاجة ايه الحصل 
سليم : لا مفيش حاجة ده كان سؤ تفاهم  
يسرا : و اخيرا خلصنا من كل المشاكل ال في حياتنا 
ياسمين : لا لسه في مشكلة 
الكل بصلها بخضة 







ياسمين : بتبصولي كدة ليه بقالي شهر عايزه اعمل حفلة جنس المولود و كل مرة بتحصل مشكلة يلا بقا نعملها قبل ما يطلعلنا خازوق جديد 
الكل ضحك 
سلمي : طب خلاص نروح بكرة انا و انتي للدكتور علشان اعرف جنس المولود و نعمل الحفلة 
حسين : انتي في الشهر الكام يا ياسمين 
ياسمين : انا خلاص في أول السابع يا عمو 
حسين : ياهه يعني فاضل تلت شهور و حفيدي ينور الدنيا 
يسرا : ربنا يقومك بالسلامة يا ياسمين يا رب عايزة اشيل حفيدي بين ايدي بقا 
احمد : إن شاء الله يا ماما ان شاء الله 
و خلص اليوم
_____________________

{بيت العيلة} 
Part(20)*(الاخير (الجزء الثاني 
____________________
تاني يوم.... 
راحو ياسمين و سلمي للدكتور و عملو السونار
الدكتورة : بردوا مش عايزين تعرفوا جنس المولود 
سلمي : اكتبيه في ورقه يا دكتورة و انا هخدها دلوقتي 
الدكتورة : بس كدة من عنيا 
و كتبت الورقه و اديتها ل سلمي 
سلمي روحت ياسمين و نزلت هي اشترت البلالين و الزينة 
تاني يوم... 
صحيت سلمي و جهزت الحفلة ب مساعدة عمر و سليم و ميرنا 
و بعديها نزلت ياسمين و هي لابسه فستان ابيض و كانت شبه الملايكة و كان أحمد نازل و لابس بدلة بيضة و نزلو في شقة حسين و يسرا 
سلمي : اخيرا جهزتوا 
قعدوا و فضلوا يضحكوا و يهزروا شوية 
سلمي : ها يا احمد انت و ياسمين جاهزين تعرفوا جنس الجنين 
احمد ب حماس : يلاااا
ياسمين : انا جاهزة جدااااا
جابت سلمي البالونة و جابت شماريخ ال بطلع الوان و مسكتهم البالونة و هي مسكت شمروخ و عمر مسك واحد و سليم مسك واحد 
اول ما ياسمين فرقعت البالونة مطلعتش حاجة
ياسمين بتعجب: البالونة فاضية 
احمد : بتهزري يا سلمى 
سلمي : طب خلاص خلاص ده كان مقلب خفيف دخلت سلمي الأوضة تاني و جابت البالونة و ياسمين فرقعتها ونزلت أوراق لونها بينك و في نفس اللحظة كل ال معاه شمروخ ضربه و مالو الدنيا لون بينك 
ميرنا : بنوتة 
احمد حضن ياسمين و لف بيها 
حسين : هيكون عندي حفيده انا الفرحة مش سيعاني 
يسرا : يا حبيبتي يا ياسمينة هتجبيلي نونة صغننة العب بيها 
و حضنوا بعض كلهم و قضوا باقي اليوم رقص و غني و هزار و خلص اليوم 
__________________________
و تاني يوم نزلو العيلة كلها و راحوا عند محل ال بيبيهات و فضلوا يشترو في هدوم و العاب و السرير و و كل حاجة تخص البيبي 
ميرنا كانت سرحانة في طقم بيبي واحد ازرق و واحد ابيض و واحد بينك و بعد كدة اشتريتهم بس من غير ما حد ياخد باله 
سليم : انتي بتبصي على حجات البيبي ليه نفسك اجبلك منهم 
ميرنا :ليه و انت شايفني نونو  
سليم : اجمل نونو 
ميرنا : مش عارفه ازعل و لا افرح انت هتجنيني 
سليم : طب يلا نشتري من ال شوزات الكيوت ديه ل اول نونة في العيلة اول حفيدة انا فرحان اوي 
ميرنا : ربنا يبارك فيها و توصل الدنيا على خير 
سليم : يا رب
و بعد كدة خلصوا شوبينج حجات البيبي و روحوا 
_____________________
بعديها ب شهر....... 
ميرنا مسكت حجات البيبي ال كانت اشتريتها و مسكت اختبار حمل و دخلت عملته و قعدت شوية و بعد كدة طلع إيجابي و عرفت انها حامل و بعد كدة دخلت حطتهم قدام سليم و هو بيتفرج على الشاشة 
سليم بص على الترابيزة و عينه فتحت مرة واحدة : ايه ده و كمل ب صدمة : بتهزري يا ميرنا اوعي تكوني بتهزري انا هكون أب بالله بجد و النبي 
ميرنا ب ضحك : اه و الله ههزر ليه اناااا
سليم شالها و لف بيها 
و نزلو ل تحت بسرعه 
حسين : في ايه في ايه 
يسرا : بتجري كدة ليه يا سليم على مهلك يابني 
طلعت سلمي من الأوضة و عمر واحمد و ياسمين كانوا قاعدين 
سليم : انا.. انا هكون اب
حسين : انا مش فاهم حاجة 
ميرنا ب ابتسامة خجل: انا حاملل
سلمي : انتو لحقتوا.. احم احم بهزر بهزر بس لسه فيه كرمبة قاعده على الكنبة انتي كمان هتكوني كرمبة كدة زيها 
و بعد كده سلمي حضنت ميرنا و قالت : الف مبروك يا قلبي 
ياسمين : شكل في حد بيلقح عليا 
سلمي ب ضحك : عالفكرة مش بلقح انا قاصداكي 
ياسمين : اه يا بنت الناس الطيبة 
و بصت ل ميرنا و قالتلها : تعالي يا ميرنا احضنك ل حسن و ربنا ما قادرة اقوم 










ميرنا ب ضحك : ده سلمي عندها حق بقيتي كورة كفر يا ياسمين 
ياسمين :امشي يا بت كنت هحضنك مش هحضنك و بعدين اولد بس و بعد كدة هخس و هبقي زي القمر 
ميرنا : و انا مقدرش على زعل ياسمينة تعالي تعالي هحضنك و خلاص 
ياسمين : الف مبروك يا ميرنا هتكوني اجمل مامي 
____________________
بعد شهر...... 
الكل نايم.... و في الساعة 3 الفجر 
في شقه ياسمين و احمد 
ياسمين :اااااااااااااااااااااااااااااهههههههههههه
احمد : في ايه في ايه 
ياسمين : انا بولدد ااااه 
احمد : طب سيبي ايدي دراعي باظ من كتر العض 
سلمي و ميرنا طلعوا على صوت ياسمين و دخلوا ساعدوها في اللبس و الكل كان لبس و جهز و راحوا على المستشفى 
ياسمين : ااااه بسرعههه
احمد عمال يعيط 
ياسمين دخلت العمليات 
سلمي : طب هي بتعيط علشان بتولد انت بتعيط ليه
احمد : دراعي في ذمة الله يا سلمى 
عمر عمال يضحك 
سليم بيكلم ميرنا و بيقولها : اوعي تعضيني يا ميرنا 
ميرنا : عيب يا سليم انا هاكل دراعك بس مش اكتر 
سليم : اه طمنتيني ايهههه هتاكليه بس 
ميرنا : اه يا حبيبي بس 
سليم : لا فداكي يا حبيبتي فداكي 
و بعد شوية.... 
خرج الدكتور و معاه البيبي 
احمد عينه دمعت اول ما شاف بنته و شالها و اذن في ودنها و حسين شالها و يسرا شالتها و سلمي و عمر و ميرنا و سليم ال كل شالها و بعد كدة خدها الدكتور علشان يعملها التحاليل و يطمنو على صحتها 
و كانت سلمي و عمر مع الدكتور خطوة ب خطوة 
و الباقي فضل مستني ياسمين تخرج و بعد كدة خرجت و دخلت الأوضة  ال مجهزنهالها في المستشفى 
ياسمين : بنتي فين 
احمد : الدكتور خدها يطمن عليها و سلمي و عمر مع الدكتور متقلقيش
يسرا : هتسموها ايه
دخل ابو ياسمين ساعتها و قال : تسموها سارة و دخل حضن بنته
حسين : لا طبعا ممكن نسميها خديجة
ياسمين بصت ل أحمد علشان يتصرف و يسكتهم
احمد : احم.. احم بصوا الأسماء ال اخترتوها حلوه اوي بس ياسمين اختارت اسم بنتها
ابو ياسمين ب ضحك: لا اذا كانت بنتي ال هتسمي ف أنا معنديش مشكلة  









حسين :  طب هتسموها ايه 
احمد بص ل ياسمين قالها : هتسميها ايه يا حبيبتي 
ياسمين : هسميها إيلين 
يسرا : تتربى في عزكم يا حبايبي 
سليم : مبروك يا احمد تتربى في عزك مبروك يا ياسمين 
ياسمين : الله يبارك فيك
ميرنا : جميل اوي اسم إيلين ربنا يحفظهلكم 
احمد : يارب يا رب 
دخلت سلمي و هي شايلة إيلين 

سلمي : سميتو قلب عمتو ديه ايه 
ياسمين : هاتيها سميتها إيلين  
سلمي : روحي يا إيلين ل ماما يا قلبي 
احمد : انا هاروح اسجلها و اعملها شهادة الميلاد 
سليم : انا جاي معاك 
عمر : و انا كمان 
احمد : طب يلااا
______________________
بعد اسبوع (يوم السبوع) 
نزلت ياسمين و هي لابسه فستان بينك في ابيض و كان في فستان زيه بالظبط ل إيلين و كانت ياسمين نازلة و احمد لابس البدلة البيضة و شايل إيلين و نزلو 
يسرا مسكت الهون 
يسرا : اسمعي كلام امك اسمعي كلام ابوكي 

سلمي شدت الهون : اسمعي كلام عمتو و متسمعيش كلام ماما 
عمر شد الهون و قال : اسمعي كلام عمو عمر و عمو سليم و متسمعيش كلام بابا 
يسرا خدت منهم الهون و قالت : اسمعي كلام تيتا و جدوا 
و بعد كدة حطوها على الترابيزه في السرير الصغنن و لفوا حواليها و هما بيغنوا و يقولو : يا رب يا ربنا تكبر و تبقا ادنا. و تيجي تعيش و سطنا و سط الحبايب. تكبر و تروح المدرسة و تصاحب شلة كويسة و تشوفي عيون ماما و بابا فرحانة بيكي 
________________________
و قضوا باقي حياتهم من غير مشاكل و عاشوا حياة سعيدة وسط عيالهم و نسيت اقولكم انه اتحكم على سماح و الشخص ال معاها ب الإعدام و اتعدموا و خلصنا منهم و عمر هيتعرف على واحدة و يتجوزوا و سلمي هتتجوز واحد زميلها في الجامعة 



       تمت

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-