رواية يوميات احمد وغزل الفصل الخامس
رجعت من الجامعه بعد يوم طويل بفتح فوني لقيت رساله من شخص معرفهوش
_كنتي قمر ف الدريس انهارده دي اول مره تلبسي دريس كنتي شبهه الملايكه بجد.
=شوفت الرساله وماردتش فتحت الفون وقاعده لقيت بيدج مشهور كدا كان منزل بوست بيقول قول/ي مواصفات شريك حياتك عايزينه يبقي ازاي ضحكت كدا
ولقيت نفسي بكتب عايزه يبقي بيصلي وبيتقي ربنا ف مامته وبيحبها وهي اهم عنده مني عايزه يبقي دمه خفيف وعنده غمازات وعاايزاه يبقي طويل يعني راسي توصل لقلبه كدا عايزه يبقي رومانسي اه نسيت وعايزه يكون ماحبش غيري ولا يحب غيري عايزه يكون بيحب الاصفر عايزه يغنيلي يعنى صوته حلوه ف القرأن والاغاني وحطيت قلب وسكت...
سبت الفون وروحت اشرب رجعت لقيت notice من نفس البيدج حد رادد ع كلامي
لقيت نفس الشخص ال باعتلي الرساله بيرد ع كلامي
_عايزها تكون بتحب اللون الاصفر وتبعتلي قلب اصفر كل يوم عايزها بتصلي وعندها غمازات عايزه اما تتكسف تجري تستخبي ف حضني انا عايزها تكون لدغه ف الراء وبتلبس درسات علشان بتبقي قمر فيهم عايزها تكون حافظه القرأن علشان اما اقرألها بصوتي واغلط ف حاجه تصححلي عايزه بتحب الشكولاه علشان تتصالح بسرعه عايزها محاميه عايزه زيك وحط قلب اصفر ف اخر كلامه
=قاعده اقرأ كلامه وانا قلبي هيقف دا بيوصفني بالظبط انا لازم اعرف مين دا دخلت بعتله
=مين حضرتك وعرفت كل الحاجات دي منين؟؟؟؟!انت بتراقبني
ماستنتش ثانيه وكان رادد عليا
_أخيراً غزل بنفسها بترد عليا انا مش مصدق نفسي💛
=مين حضرتك
_انا احمد عصام خريج كليه اعلام وانتي غزل احمد ف تالته كليه حقوق
=اه واستاذ احمد عايز اي وبيراقبني ليه ان شاء الله
_استاذ احمد عايز يتعرف عليكي اكتر رغما اني عارف كل حاجه عنك يمكن عارف عنك اكتر منك
=وانا مش بتعرف ع حد سلام
قفلت ونمت عادي ونزلت تاني يوم الجامعه مخنوقه ان ف حد بيراقبني
سوما:مالك قالبه وشك علينا ليه من الصبح
غزل:لا ياقلبي مفيش حاجه مضايفه شويه من الحيوان بتاع امبارح دا
سوما:طب ماتشوفي عايز ايه منك
غزل:لا مش عايزه
سوما:طب ماتوريني صوره كدا نشوفه موز ولا مايستهلش
غزل:واجبلك صوره منين ياختي
سوما:من الاكونت عنده ياذكي اخواتك
غزل:تصدقي خدي الفون اهو وادخلي شوفيه
سوما:بت بت بت بت زفتاااااه الواد طلع قمرين حلو اوي لو مش لازمك ابعتيه ليا والنبي حتي شوفي
غزل:٠مش عايزه اشوف ولا اتزفت هاتي الزفت دا ويلا نرجع المحاضرات خلصت
رجعت البيت قاعده افكر بفتح الفون لقيته لسه ع صور احمد بصيت عليه كدا بضحكه غريبه لقيته قمر اوي لسه بقغل الفون لقيت منه رساله
احمد:غزل انا اسف بس انتي فاهمه غلط ممكن اشرحلك
غزل:٠فاهمه غلط وهتشرح اي سامعه
احمد:انا مش براقبك بس انا اعرفك من سنتين من اول يوم دخلتي ف الجامعه وانا معجب بيكي حبك كان بيزيد يوم بعد يوم ومكنتش عارف اقولك ازاي كنت بخاف ع صورتك قدام اصحابك مكنتش حابب اعملك ازعاج
شوفت الرساله وماردتش لقيته بعت تاني
احمد: عارفه ياغزل انا حافظ كل حاجه انتي بتكرهيها وبتحبها بتحبي القرأه والورد بتحبي الهدوء بتحبي الوحده بتخافي من الضلمه والشتا بتخافي من الناس
لقيتني برد عليه بقوله انت ازاي حبيتني كل الفتره دي من غير ماتمل من اني معرفش
احمد: كنت كل ماحس اني همل قلبي يقولي بحبها يااحمد فأكمل
استغربت اوي وقولته طب سلام دلوقتي
=قفلت وانا قلبي بيدق معقول دا بطل الروايه يعني ممكن يكون بيتكلم بجد وبيحبني مافوقتش من شرودي غير ع صوت نور اختي بتقولي مالك يابت يلا كلي
غزل: نور هو ممكن حد يحب حد سنتين من طرف واحد
نور: اه ياغزل واي يعني ربنا هو البيزرع الحب ف قلوبنابس بتسألي ليه يابت بتحبي من ورايا؟؟!
ضحكت وسبتها ودخلت اوضتي نمت وصحيت تاني يوم الكليه
سوما: هو الموز مابعتش تاني ليه شكله زعل منك يابت
غزل: ياختي غيري الموضوع مايزعل ولا يتفلق الله اديله يومين ناسيني
سوما: الله ع الناس ال بتعد الايام
غزل: اسكتي بقي انا راجعه البيت لو هترجعي
رجعت البيت وانا بفكر ازاي مابعتش تاني هو نسي ولا اي سرحت فنمت حبه صحيت ع رساله
احمد: فاضيه احكيلك حاجه؟؟؟
غزل: لا معلش مش فاضيه
احمد: خلاص عادي ولا يهمك.
غزل: اه تمام
احمد: سلام
قبل ماقوله سلام حسيت اني كنت سخيفه معاه قولت اصلح العك دا
غزل: هي كانت حاجه مهمه يعني؟!
احمد: اه كانت اهم حاجه ف حياتي
غزل: طب قولها انا سامعك اهو معلش
احمد: انا بحبك واوي 💛
غزل: نعم
احمد: بحبك وبس كدا
قفلت وانا حاسه قلبي فرحان لقيتني بكلم سوما بت قالي بحبك قالي بحبك انا فرحانه
ومن هنا بدأت قصه حبي باحمد
غزل: احمد انت فاضي محتاجه احكيلك حاجه
احمد: لو مش فاضي افضالك طبعا انا عندي كام غزل....
غزل:احم احم إحم
احمد: خلاص خلاص متتكسفيش كملي سكتي ليه بحب اسمعك
غزل: بس دي كانت حاجة تافهه
احمد: ٠انا بعشق تفاهتك اصلا
احمد: طب انتي فاضيه
غزل: اه
احمد: كنت عايز اقولك انك وحشتيني
غزل: وانت
احمد: وانا اي
غزل: وانت يلا نام علشان الوقت اتأخر
احمد: رخمه بس بحبك سلام
عدا سنه وشهرين بالظبط
غزل: احممممد احممممممد رد بسرعه انا ف مصيبه
احمد: ف ايه ياقلقي ع الصبح مالك
غزل: ف عريس متقدم باليل
احمد: نعم
غزل: مش وقت استغراب
احمد: وليه ماقولتيش من زمان
غزل: لسه عارفه دلوقتي
احمد: خلاص كل شئ قسمه ونصيب ياغزل اتجوزي
غزل: وبعد حبك ليا دا كله هتسيبني كدا رد
احمد: انا هنام سلام
غزل: ازاي ياسوما يقفل طول اليوم وهو عارف اني بخاف عليه
سوما بضحك معلش ياغزل ويلا اخرجي علشان العريس جه
خرجت وانا قلبي هيقف ازاي اخرج اشوف غيره خرجت ومابصتش ع حد لقيت صوت بيقولي تلات سنين ونص مستني اللحظه دي واخيرا هتبقي حلالي
بصيت بسرعه وبلهفه احمد لقيت الكل بيبصلي وبيضحك
احمد:ممكن احكيلك ع حاجه؟
غزل:احكي
احمد:بحبك
غزل:وانا كمان
احمد:وانتي ايه
غزل:بحبك 💛
احمد:اخيرا نطقتي
