Ads by Google X

رواية الصقرالجريح الفصل الثامن 8


رواية الصقرالجريح الفصل الثامن 8 


 

الصقر الجريح 8💔


في مكتب صقر الشرقاوي


فرح انا فرح بشتغل بالروضه بتاعت محمد ابنك..الله يرحمة.


صقر بغصة اهلا وسهلا اتفضلي تحبي اساعدك بأيه.


فرح بضيق الحمد لله انا مش بحاجة مساعدة حد بس..فيه امانه ادتهالي مدام فريدة قبل الحادثة بيوم.


صقر باستفهام امانة ايه ديه.


فرح اخرجت ملف من حقيبتها وأعطته اياه الملف ده مدام فريده سابته عندي وقالتي اخبيه ..لحد.متطلبه..ولو حصلها حاجه اديهولك انت ومدهوش لحد تاني.


صقر اخذ منها الملف..باستغراب..ليصدم فور رؤيته ..دي العقود المشبوهه اللي انا رفضتها .. عليها امضتي طب ازاي..


بهاء نهض بسرعه وواخذ ينظر الى الملف..ليصدم ايضاً


فرح انا بكده ريحة ضميري بعد اذنك يا بيه..


صقر استني يا انسه على فين..


فرح الامانه وصلتك ياصقر بيه خلصت اللي عليا..بعد اذنك..


صقر مش عارف اقولك ايه انا متشكر جدا.


فرح وهي وصلت الى الباب العفو يابيه..


صقر طب استنى اقول للسواق يوصلك..


فرح مالوش لزوم يابيه..وغادرت..


بقي يراقبها صقر وهي تغادر وبهاء يراقب الموقف بصمت…


بهاء هتعمل ايه دلوقتي..


صقر تنهد بضيق مش عارف..انا مش فاهم ازاي امضتي وصلت هنا…


بهاء ربنا يستر بس فريده جابت الملف منين..


صقر مش عارف ..مش عارف انا دماغي هتنفجر..


بهاء ربنا يعينك ياصاحبي..انا هروح دلوقتي هشوفك بعدين سلام…


اسرع بهاء خلف فرح ليجدها تنتظر المصعد عدل قميصه وخلل اصابعه بشعره يصففه جيدا وتقدم بخطوات ثابته ليقف بجانبها..لم تنظر له الاخرى..ليصعدا المصعد..وحل الصمت لثواني..


بهاء احم. انا بعتذر ياانسه مكنتش اعرف ..


قاطعته فرح ببرود محصلش حاجه بعد اذنك لتخرج من المصعد.


بهاء وهو يخرج خلفها يحدث نفسه وهو يراقبها تخرج من الشركه..احيانا بارده ومرات لسانها طويل ايه التركيبه الغريبه دي..


فجأة بهاء يصرخ. حاسبييي..


لتصدم فرح سيارة مسرعة وتهرب...ووووو


_______________


فتون يامصيبتي عايزاني البس كده قدام اخوكي انا اتدفن احسنلي..


عليا بضحك يا بنتي ده جوزك ..امال هتلبسي ايه..


فتون بحرج اسكتي ياعليا اسكتي والنبي كلامك قليل الادب قوي..


عليا طب والله هاخدلك كم قميص على ذوق..


فتون لا اوعي تعملي كده مينفعش ...انت مش عارفه حاجه والنبي متحرجنيش .


عليا وهي تعبث بهاتفها خلاص خلصت اهوه.


فتون يعني ايه..


عليا يعني بعتلهم طلب وهم هيجبوهم لينا بالليل..


فتون فتحت عينيها بتفاجئ طب ازاي هو انت مش هتروحي السوق تشتريهم..


عليا بضحك ده كان زمان دلوقتي تشتري الحاجة عن طريق ده..وهي تشير الى هاتفها..


فتون ايه ده انتي فكراني هبله...طب والنبي انتي عماله تتريقى عليا.


عليا يا حبيبتي اتريق عليكي ازاي هو بقى كده تحملي تلفونك وتختاري اللي عايزاه و تطلبيه ويجيلك وخلاص..


فتون ياخربي ازاي كده.


عليا بابتسامه لطيفه زي الناس..لتعود وتمسك يدي فتون بضيق وتقول..


عليا فتون..انا عايزه اطلب منك طلب..


فتون اطلبي ياختي عنيا..ليكي.


عليا عايزاكي تاخدي بالك من صقر ..عشان صقر الفتره ديه بيمر بوقت صعب جدا..هو صح باين عليه قوي ويتحمل ..بس انا متاكده انه دلوقتي مش كويس ..


فتون سي صقر بعنيا ياحبيبتي ..جميله هفضل شايلاه طول العمر..


______________


عند مدخل قصر صقر الشرقاوي ..


وقف صقر بسيارته وفتح نافذه السياره


صقر للحارس احمد فيه ايه مالكم..


الحارس يابيه مدام حضرتك طلبت حاجات وهما بيوصلوها ..واحنا عاوزين نفتشه قبل مايدخل..


صقر لشاب التوصيل اديهالي..


الشاب اتفضل ياباشا 


صقر صدم عندما رأى ما يوجد داخل الاكياس..وتوتر ليخفيها بسرعه


صقر احم. احم..حاسبهم يا يااحمد .مشيهم..واكمل طريقه بالسياره وترتسم على شفاهه ابتسامه ..


احمد اوامرك ياباشا ..


بعد فتره..


في غرفة فتون دخل صقر..فجأه..


فتون كانت تسرح شعرها امام المرآة لتغطي شعرها بسرعه ياخرابي خضتني ياخويا مالك مش تخبط..


صقر وهو يرمي الاكياس على الاريكه ويقترب منها ليقول واخبط ليه مش مراتي..


فتون ابتعدت عنه بارتباك..انت جيت ايمتا..


صقر من شويه وهو يقترب منها وينزع حجابها عنها ليظهر شعرها الحريري .ليخطف نظره..انت مخبيه شعرك ليه..


فتون بتوهان من قربه هاا..انا ..انا..لتبعده عنها انت اكيد.جيعان.


صقر وهو يتجه الى الاكياس انت بتنسي بسرعه مش عارفه اني مش بتعشى..ليخرج قميص نوم باللون الارجواني..


شهقت فتون بصدمه ايه ده..


صقر بخبث وهو يقترب منها انا اللي عايز اسئلك ايه ده..


فتون…..

يتبع......

اسفه ع التأخير بجد🥲


تعليقات



حجم الخط
+
16
-
تباعد السطور
+
2
-