![]() |
رواية طاقه القدر الفصل الخامس عشر 15بقلم مارينا عبودالفصل الخامس عشر الشاب الضخم /لو حد قرب مني و الله لاقتلها رحيم بفزع /سيبها و الا صدقني هقتلك و محدش هيحوشك من أيدي فهد / لو فكرت بس انك تاذيها صدقني محدش هيرحمك مني رحيم غمز ل حور و شاورله و هي فهمت هو قصده ايه و حور من غير سابق مقدمات ضربت الشاب ف رجليه و ضربت ب رأسها برأسه و جريت على رحيم و حضنته جامد فهد هجم على الشاب و نزل فيه ضرب و طلع عليه الفزع و الخوف اللي عاشهم على روح في خلال الكام ساعه اللي عاشهم علي و جاسر جريوا على فهد و شالوا بالعافيه و كان خلاص الشاب اتملي دم من كتر الضرب اللي ادهوله فهد، اتصلوا بالاسعاف و اخدوها و فهد قالهم أنه أول ما يفوق يكلموه على طول رحيم اخد فهد و راحوا علي المطبخ و قاله رحيم بذكاء / بص هتتلق باب المطبخ مفتوح يعني اللي دخل هتتلق كل حاجة متحبكه ومتدبره و متظبطه ليها فهد بتفكير/ يعني قصدك أن هم دخلوا من هنا و عارفين ان روح ل وحده في القصر رحيم بتفكير/ ممكن لكن الأكيد أن هم جايين عارفين هم بيعملوا ايه و هيعملوا ايه بالظبط فهد طلع موبايله و رن الحرس و مكانوش بيردوا زفر بضيق فهد / محدش بيرد رحيم بمواساه حط ايديه على كتفه و قاله رحيم / أهدا يا فهد أهدا و بعدين المشكلة مبتتحلش كده انت عايز تهدأ و تفكر، يلا خلينا نخرج للشباب رحيم و فهد خرجوا للشباب و للبنات و كانوا قاعدين في جو مرح و مراد بيحاول يحلى الجو المتوتر ده و قعد يكلم و هم يضحكوا مراد / شوفتيني يا ياسمين اول ما شافت الشاب فوق عملت ايه ياسمين / طبعا يا حبيبي شوفت هو انت فيه حد في شجاعتك ولا ف شهامتك يا حبيبي دانا حسيت اول ما شافت الراجل الضخم ده حسيت انك هتعمله على روحك الشباب و البنات قعدوا يضحكوا علي مراد و ياسمين رحيم قالهم / موش يلا يا شباب فهد بغضب بص ل رحيم و قاله / يلا ايه بقا ان شاء الله انتوا رايحين فين انتوا هتباتوا معانا انهارده و موش كده و بس هنفضل سهرانين طول الليل و نتكلم كلنا و لا ايه يا شباب رحيم / بس يا فهد احنا لازم قاطعه فهد و قاله / انا قولت كلمه يا رحيم و موش هتانيها انتوا هتفضلوا معانا انهارده رحيم باستسلام / ماشي يا صاحبي فهد / طب مبدئيا يا بنات كده اطلعوا مع روح و البسوا حاجة مريحه علشان نعرف نسهر براحتنا، روح خديهم يلا ل فوق روح بابتسامة هزت رأسه و اخدت البنات و طلعوا و الشباب قعدوا يستنيهم تحت فهد / تعالوا يا شباب يلا غيروا هدومكوا علشان نقعد براحتنا فهد اخد الشباب و طلعوا غرفه مليانه ملابس رجاليه و شكلهم جذاب للغايه، الشباب اخدوا اللي عجبهوهم وراحوا قاسهوهم و لبسوهم الشباب نزلوا قبل البنات و جهزوا القعده و فجأه مراد وقف و تنح فهد باستغراب / مالك يا ابني فيه ايه مراد بهيام و توهان / هو القمر بيطلع بليل كده ازاي معقول فيه حد في الجمال ده كله فهد بيبص على المكان اللي بيبص على المكان اللي بيص عليه مراد و انصدم اما شاف أن روح هي اللي واقفه على السلم فقام بكل غضب و ضرب مراد في عينيه لدرجه انه ورمت و ازرقت في ساعته🥴 هههههه فكرني ب رحيم و جاسر اما ضربوها و دلوقتي فهد يا عيني عليك يا مراد دايما مضروب يا قلبي ☹️ مراد بكوميديا / اه يا عيني اه حرام عليكوا والله و انتوا معندكوش يعني عيون تنضربوا فيه و لا علشان ربنا عطيلكوا شويه عضلات بتستقوا على الضعيف اللي معندوش عضلات رحيم سأل فهد بذهول / فهد هو انت ضربته ليه فهد / البيه كان قاعد يعاكس في مراتي لا و القمر طلع و موش عارف ايه عايزني اعمله ايه يعني غير كده مراد بغيظ قام ووقف اودامه / هو يعني مفيش حد هنا غيرك متجوز و مراته زي القمر غيرك ولا ايه، و بعدين انا مشوفتوش مراتك اصلا، انا كنت ببص على اللي واقفه وراه مراتك بالظبط فهد بيبص على روح و اندهش اما شاف وراها ياسمين ف اتضايق جدا من نفسه لأن ضرب صاحبه من غير ذنب بس يعمل الغيره ساعته مبيشوفش اودامه فهد بمرح حط ايديه على كتف مراد و قاله / متزعلش يا صاحبي بس انت عارف الغيره و مجربه صح ولا ايه مراد بكوميديا / مهو ده اللي خلاني مرفعش أيدي عليك وانت بتضرب رحيم رفع حاجبه و قاله رحيم / يا راااااجل مراد ببراءه / اه والله فهد و الشباب ضحكوا و قعدوا و كانت القعده ما بينهم هم كلهم مرحه و جميله جدا و كلهم قعدوا ولعبوا و هزروا و كل واحد فيهم يحكي عن ماضيه و ازاي قابل حبيبته و ازاي حبها و بعديه بشويه فهد الجرح اللي في رأسه بدأ يعملوا زغلله في عينيه ف اتحمل علشان موش راضي يخلي روح تاخده باله من وجعه لم يعرف هذا الأحمق بعد أن هي ستشعر بيه و ستشعر بوجعه قبله رحيم مسك ايد حور و قال / بعد اذنكوا بقا يا شباب لأن احنا سقطنا خالص و بعدين عايز حور في موضوع مهم جاسر بهزار / على فكرة يا رحيم مواضيعكوا انت و حور مبتخلصش ابدا و نفسي اعرف ايه مواضيعكوا حور حست بالاحراج و حطت وجهها في الأرض و رحيم بص ل جاسر بصه ناريه و قرب عليه و قاله رحيم / اما تكبر يا شاطر هبق اقولك، يلا عن اذنكوا، و عن اذنك طبعا يا فهد فهد باستغراب / انت غبي يالا ولا ايه ده بيتك قبل ما يكون بيتي على فكرة بطل تخلف، قال تستأذن في بيتك قال رحيم ابتسم ل فهد بحب و فهد كمان بادلها نفس النظره و رحيم اخد حور و طلع فهد همس ل روح انه تسبقه ل فوق ل غايه اما يوصل الشباب لاوضتهم و روح سمعت كلامه و طلعت فهد اخد الشباب كل واحد اوضه و افتكر حازم و رامي و اتصل بيهم و حكالهم على اللي حصل و حازم و رامي بعد ما اتطمنوا عليهم قالوا ل فهد أن هم خلصوا الصفقة و تمت بنجاح، قفل فهد معاهم و بعت رساله للحارس الخصوصي بتاعه و قاله اول ما تشوف الرساله كلمني على طول عاوزاك ضروري، قفل و حط التليفون في جيبه و قعد يفكر في أحداث اليوم و قد ايه عرف ان روح مهمه عنده و قد ايه هي بقت روحه و معتش يقدر يستغني عنه، ولكن فعلا هيفضل معاه و لا للقدر رأي آخر فهد فاق من شروده و ذهب الي روح رحيم و حور اول ما دخلوا الاوضه رحيم على طول حضن حور و حط ايديه على رقبته و سأله بهمس شديد رحيم / بتوجعك حور هزت رأسه بمعنى لا و بعديه قالت حور / طول ما حبيبي معايا عمري ما هتوجعك ابدا رحيم بحب / تعرفي يا حور اول ما حط السكينه على رقبتك حسيت بروحي بتسحب مني خوفت ل تنسى الدروس اللي انا علمتهالك أن انتي تدفعي عن نفسك حور ضحكت و افتكرت يوم ما رحيم علامها ازاي تدافع عن نفسها فلاش باك / روح كانت واقفه في المطبخ و رحيم جاه حضنه من وراه و قاله رحيم / القمر بيعمل ايه حور بابتسامة / بعمل الكيكه اللي انت بتحبها رحيم / بس انا مبحبش غيرك انتي حور /رحيم بس الكيكه هتبوظ رحيم بحب / تبوظ و بعدين انا عايز اقولك على حاجة حور / حاجة ايه يا حبيبي رحيم بقلق / عايزاك يا حور تحت أي ظرف تتعلمي تتدافعي على نفسك حور بحب / و اتعلم ليه يا روحي و انت معايا رحيم بحب و خوف على حبيبته / معلش يا قلبي اعملي اللي بقولك عليه ممكن حور بحب / طبعا ممكن رحيم اخد حور و قعد يدربها ازاي تتدافع على نفسه باك فهد دخل اوضه روح و عينيه مليانه غضب و قاله فهد بكل شر /انا هعلمك ازاي ترعبيني عليكي بعد كده روح خافت جدا و فهد عمل..... يتبع الفصل السادس عشر من هنا |
رواية طاقه القدر الفصل الخامس عشر 15 بقلم مارينا عبود
تعليقات