رواية 30 يوم جواز الفصل السادس
.................
احمد : بقولك ايه !! عاوز ادوق من ايدك اى حاجه
مرام : شويه هبقي اقوم اعمل كيكه
احمد : كيكة ايه ؟ انا عاوز ادوق اكلك . حقى .. جوزك وعاوز اشوف طبيخك
مرام : مابعرفش اطبخ وبطل تلكيك هاا ماكانوش بوكسين دول اديتهملك ف وشك هشان ماتنساش نفسك تانى
احمد : مابتلككش يا مدام ... عاوزك تطبخيلى
مرام : مابعرفش اطبخ انا . هغني
احمد : اومال البط والحمام اللى ف الفريزر دول هيتعملوا امتى ؟
مرام : معرفش .. شوف حد ييجى يطبخهم
احمد : طيب قدامك ساعه واحده بس وتطبخيهم .. عاوز اتعشي انا النهارده حمام .. وجمبيه طاجن جمبرى كده ولازم يبقى معاه الشوربه بتاعته .. عاوزها مشطشطه
مرام : هههههههههههه ضحكتنى ... احلامك وسعت
احمد : الساعه بدات على فكره ... ويمين بالله لو ماخلصتيهم لنا مطين عيشتك ... قومى يابت
مرام : انت بتتكلم جد ؟ انا فاكره لغاية دلوقتى انك بتهزر
احمد : بقولك قومى ... قومى كفايه دلع . اسبوعين دلوقتى مدلعك ومابقولكيش اعملي اى حاجه لما خلاص بطنى نشفت من كتر الجاهز .. قومى
مرام : اوووووووف بقي .. مابعرفش انا .. اعملك جمبرى ازاى
احمد : اتصرفى .. عندك اليوتيوب ادخلى شوفى طرق الاكل . ( بيهرش ف عينه من اثر البوكس اللى كله منها امبارح قبل ما يناموا )
مرام : هههههههههههه والله العظيم قلبك اسود ... بتعمل كل ده وبتشحططنى الشحططه دى عشان البوكس اللى جه ف عينك . انا عارفاك .. مابتنساش
احمد : فات خمس دقايق من الساعه . انا هدخل اخد دش تكونى خلصتى .. يلا ( بيعضها من كتفها )
مرام : متوحش ...
.................
( بعد ربع ساعه )
احمد : انتى روحتى فين يا هانم انتى ...
مرام : بقولك ايه سيبنى بقي ... الحمام لسا مفكش من التلج بتاعه لغاية دلوقتى
احمد : حطيه تحت الحنفيه وافتحى الميه بشويش عليه هيفك ... فين الجمبرى
مرام : ( بتضحك عليه وبتقعد هى على رخامة المطبخ ) لا ده قرب يفك اهو ... هتعمله ازاى بقي ؟
احمد : عادى هتحطي الطاسه وبعد كده الزيت ولا يسخن شويه هتنزلى بالبصل والتوم والفلفل الاخضر .. فيه هنا فلفل رومى صح
مرام : مش عارفه . تقريبا يعنى .. شوف وراك كده
احمد : اه لقيت اهو ... استنى بقي اقطعهم
مرام : ( بتبصله وبتضحك بس من غير ما تعرفه انها بتضحك عشان ماياخدش باله )
احمد : بس ياستى ... طبعا الجمبرى ده جاى متنضف . امى منضفاه .. فين الصلصه ؟ ايوه اهى ..
( بعد خمس دقايق )
احمد : وبس .. هندخله الفرن ونسيبه شويه بقي .. وكده تبقي عملتى طاجن الجمبرى ... الحمام شكله مش هيفك دلوقتى . دخليه الفريزر تانى مش هنلحق
مرام : خد اهو .. حطه ف الفريزر وراك
احمد : بس كده ... اكله ماخدتش ربع ساعه اهو ... شوفتى لما تتشطرى هتعرفى تعملى كل حاجه
مرام : اه عشان تعرف بس
احمد : ( بياخد باله ان هو اللى عمل الجمبرى وانها قاعده على رخامة المطبخ ) ايه ده .. انتى بتستغفلينى ؟ دنا هطلع عينك
مرام : ( بتنزل من على الرخامه وبتجرى على بره )
احمد : بتضحكى عليا ..؟
مرام : هههههههههههههه لا بس شكلك كان عسل اوى وانت مندمج
احمد : طب انا كبرت ف دماغى بقي وعاوزك تلفيلى محشي دلوقتى
مرام : ههههههههههههه مانت طلعت عسل اهو .. خلاص بقي
احمد : لا مش خلاص .. مش خلااااااص
مرام : احممممد عشان خاطرى بقي خلاص
احمد : لا .. قولت لا ...
مرام : طب خلاص هسيبك تنام جنبي ف الاوضه النهارده
احمد : اه وف الاخر تقومى زارفانى بوكس يعلم على عينى التانيه صح ...
مرام : ههههههههههههه همممممموت منك بجد . خلاص بقي
احمد : قولت لا يعنى لا ... وانتى عارفه انى لا يمكن ارجع ف كلامى ابدا
مرام : ( بتقرب منه وبتبوسه ف خده )
احمد : ماهو مش اسلوب ده يا مرمر بردو .. خلاص ماشي هعديها المرادي وامرى لله
..........
