رواية 30 يوم جواز الفصل الاول
انت باى حق تقولى البسي ده وماتلبسيش ده ؟ انت نسيت نفسك ؟
= انا جوزك يا ست هانم
اااااااااه دانت واخد الموضوع جد بقي دا كلام على ورق يابابا .. وصيه ولازم اعملها واتجوزك لمدة شهر علشان المحامى يرضي يدينى ورث ابويا انا واخواتى ومتنيله عارفه انها وصيه ابويا . ومعرفش ليه اساسا هو عمل كده واشمعنى انت بالذات وهو عارف ومتاكد انى عمرى ما قبلتك ولا طيقتك من اساسه
= والله انا كمان مُجبر على كده بس هنعمل ايه . حُكم القوى
خلاص طالما مُجبر على
كده تبقي تسيبنى ف حالى وماتسألنيش اعمل ايه ومعملش ايه .. ده حتى كمان من ضمن الوصيه ان لازم يتم القران ونتزف ونعيش ف الشقه لمده ال 30 يوم .. اوف بجد
= لا .. مانتى مش واخده بالك .. اصلنا يا ماما م الارياف يعنى فلاحين مش م المدينه اللي عايشين فيها دي .. وفكك خالص من موضوع اسيبك ومش اسيبك . طالما على زمتى يبقي انا اللى اأمر وانهى .. فهمتى ؟ ويلا انا راجع واقع م الجوع . ادخلى غيرى المسخره اللى لابساها دى واعمليلى الاكل
= اسم الله اسم الله اسم الله ... دانت اتجننت رسمى .. خش يابنى شوف رايح فين وابعد عن طريقي عشان انا عفاريت الدنيا بتنطط ف وشى .. وهتأخر النهارده عندى عيد ميلاد ( بتزقه )
= ( بيشدها من شعرها ) لا طالما مافيش ادب وماترتبتيش .. يبقي هربيك من جديد ... نص ساعه بالظبط والاقى الاكل جاهز .. فاهمه ؟ اخلصى
قولتلك ابعد عن وشي
= مرام .. ماتخلنيش امد ايدى عليك
اعملها لو راجل يا احمد افندي ...
= ( بيكتفها وبيمدها ع رجليها بالجزمه ) راجل غصب عنك وعن بلدك .. النص ساعه بتعد ويمين بالله لو الاكل ماجهزش لنا رانك علقه ومحدش هيجرؤ يحوشنى عنك .. يلا يابت ..
اووووووووووف دى بقيت عيشه تطهق .. فات كام من الزفت الشهر ده
= لسا 27 يوم .. يعنى ف ارابيزك لسا 27 يوم بالتمام والكمال
ربنا يصبرنى .. تطفح ايه ؟
= اى حاجه .. ويلا علشان تجيبيلى ميه وملح وتدلكيلى رجلى
.....
