.jpeg)
رواية خيانة وعد الفصل الثالث
أدهم بحزن : حقيقي أنا معرفش ده كله حصل ازاى يعني ايه النهارده اليوم التالت لوفاة مرات عمي ومصطفى ميعرفش
تميم أخو ساره : انا لسه معرفش ازاى ده حصل
ساره بتنهيده : معلش مش عايزه كلام فى الموضوع ده دلوقتي
لسه هيردوا عليها دخل مصطفى وريناد
ريناد بجمود : يلا اطلعوا كلكم بره بيتي
ساره بعدم فهم : بيتك ايه يابتاعه انتي
تميم بغضب : هو ايه ال بيحصل
مصطفى ببرود : انا كتبت البيت باسم ريناد لأنها بقت مراتى
الكل اتصدم وساره دموعها نزلت وقالت : طب ومامتك
مصطفى بتوتر : هتفضل هنا معززه مكرمه
أدهم : سبحان الله طلعت أحقر انسان
مصطفى بغضب : ازاى ترد عليا كده وبعدين انتوا هنا بتعملوا ايه وأزاى تكون مع ساره
تميم بسخريه : انا موجود على فكره وبعدين ده بدل ماتشكر الراجل ال وقف مع أمك لاخر نفس
مصطفى بعدم فهم : مش فاهم
ساره بدموع : ماما ميرڤت ما"تت يامصطفى
مصطفى بصدمه وعدم استيعاب : ماتت !! امى ماتت ازاى حصل امتي
ساره على نفس دموعها : لما انت سيبتها وخرجت بعد لما زعلتها
ريناد بصوت عالى : متسمعش كلامها يامصطفى امك ميته قضاء وقدر عادي هما ال عاوزين يحملوك ذنب مش ذنبك
إدهم قرب من مصطفى وقال : مش عيب تخلى الستات ترد وانت واقف يعني ده حتي عيبه عليك
أدهم ضربه لكمه قويه فى وشه ومصطفى من صدمته مداش رد فعل
تميم : يلا ياسارا نمشى من البيت ده بس صدقني يامصطفى هنبهدلك فى المحاكم ومش هرحمك
قال كلامه وخرج وهو بياخد ساره معاه وادهم بصله باحتقار وخرج وراه
ريناد جريت عليه وقالت : سبتهم كده من غير ماتاخد حقك منهم
مصطفى بدموع : أمى ماتت وهي غضبانه عليا
ريناد قربت منه وقالت بخبث : ياحبيبي مامتك كانت بتحبك واكيد هما بيقولوا كده عشان بس يخلوك تدمر ومتعرفش تكمل حياتك
مصطفى بصلها ومردش
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
تميم بغضب : ازاى كل ده يحصل وانا معرفش خلاص عدمتي اخوكي
ساره بحزن : تميم عشان خاطرى مش قادره اتكلم والله
تميم قرب منها وقال بحنان : ياحبيبتى انا اخوكي يعني اي حاجه تحصلك انا موجود هنا وقلبى مفتوح ليكي واقدر اخد حقك
ساره بدموع : ماما ميرڤت لاخر لحظه كانت بتدافع عني وخلاص مشيت ال عوضتنى عن ماما الله يرحمها مشيت هو طلع جبان وميستاهلش حبى ليه
تميم بحزن على حالة اخته : اهدي ياحبيبتى بس وانا والله العظيم ماهسيب حقك ابدا
ساره : انا كل ال عايزه هو حقي منه ومش عايزه. ازيد من كده وانا واثقه عشان ال هو عمله فى مامته هيترد ليه
تميم باستحقار : انا معرفش ازاى هو طلع بالنداله دي يعني كتب البيت باسمها ومحطش فى باله أمه كانت هتعمل ايه كده ربنا رحمها منه
ساره بتنهيده : ربنا يرحمها ويغفر لها يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
أدهم : عايزك تعرفلى كل حاجه عن واحده اسمها ريناد مسعود
الشخص : ليه
أدهم بضيق : اعمل ال بقولك عليه وانت ساكت يامازن من فضلك
مازن بضحك : خلاص ياعم متزوقش
أدهم : انا ماشى
مازن : صحيح كنت عايزه اقولك أن خطوبتي الاسبوع الجاي
أدهم بابتسامه حضنه وقال : بجد الف مبروك ياصحبي
مازن : الله يبارك فيك ياباشا عقبالك
أدهم : بعد الشر
مازن : يارب تقع وهنشوف أدهم تاني خالص
أدهم بضحك : مش المقدم أدهم ال يقع يابني
مازن بغمزه : لما اشوف
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
بعد مرور أسبوع
ساره كانت خارجه من اوضتها وسمعت صوت تميم ومراته ندي
ندى بصوت عالى : انا زهقت بقا هي اختك دي هتفضل على قلبنا دايما
تميم بعصبيه : ندا وطى صوتك وبعدين ال بتتكلمي عليها دي اختي يعني تقعد فوق دماغي
ندي : وانا مش مجبره اتحملها
تميم : قولتلك وطى صوتك عشان هي متسمعش
ندي بتحدي : يانا يا أختك فى البيت ده
تميم بصدمه : ايه ال بتقوليه ده !!!
ندى بعند : هو ده ال عندي اختار
تميم : ............
ده كله كان تحت مسمع ساره ال دموعها نزلت لما سمعت الكلام واتصدمت لما سمعت كلام اخوها
