 |
رواية جنيه الفنار الفصل الثالث 3 بقلم امير القراجيجنيه الفنار 🌑☣️ الجزء الثالث بعتزر حدا علي التأخير كان عندي ظروف منعتني انزل الجزء دا امبارح 🤍 يونس :- حوريه اي ملكه مين وبتطمن عليا ليه انا مش فاهم حاجه انتي مين . دارين :- الملكه لؤلؤه ملكه البحار السبعه و سيده الاعماق وانا من الحوريات الخدم ليها ودوري اني اخد بالي منك واحميك واكون في خدمتك دائما . يونس :- ملكه اي وبحر مين انا مش فاهم حاجه وتخدميني ازاي تخدميني انا معرفكيش انتي شكلك بنت مجنونه اصلا انتي من هنا ولا مش من المكس اصلا انا اول مره اشوفك يوم ما خيطلك الجرح بتاعك اصلا ودي (المنطقه الي منها يونس وعايش فيها جمب الفنار ) . دارين :- مش لازم تفهم المهم تكون كويس وتيجي البحر اشوفك كل يوم عشان الملكه تكون مطمئنه عليك ومش قلقانه ، ولما تحس انك محتاجلي أو في مشكله ومش عارف تحلها بس فكر فيا وقول في سرك الحمله دي (احضري يا دارين بأمر مني انا ملك البحار السبعه وسيد المحيطات الخمسه ) . يونس :- ملك اي وبحار مين انتي مجنونه ولا اي انا غلطان اني ساعدتك اصلا ومعتش هاجي هنا علي البحر تاني ولا هاجي الفنار ، وبالفعل مشي يونس وسابها في الفنار وهوا ماشي غضبان ومضايق أنه اتكلم معاها وان ازاي في حد مجنون كدا ومسدق الخرافات دي ، وعدت الايام ومكنش يونس بيروح للفنار ولا بيطلع للبحر ، لغايه ما جت ااجازه نص السنه وكالعاده يونس كان لازم يروح يشتغل عشان يساعد نفسه ومش ياخد فلوس من ابوه ، وراح يونس للصيد ورحب بيه كل الصيادين واتحايلوا عليه كلهم كالعاده يشتغل معاهم ، وطلع يومها علي المركب وكان الجو هادي جدا والسماء صافيه والبحر موجه مش عالي وقتها وعدت ساعتين ، وبدأ فجاه الجو يغيم والبحر بدأ موجه يعلا ، وكان المركب عليه اتنين صيادين كمان غير يونس ، وكان يونس علي طرف المركب وماسك بأيده في الحبل ، لحد ما جت موجه عاليه كانت هتقلب المركب وفلتت ايد يونس من الحبل ووقع في البحر ، وكانت المصيبه ان يونس مكنش بيعرف يعوم ، ونزل في المايه ومعتش باين ،وفضل الاتنين الصيادين الي علي المركب يدورا علي يونس ، ومقدرش حد منهم ينزل ليونس ينقذه عشان الموج كان عالي جدا لدرجه كان بيشيل المركب من مكانه ، وفضلوا يدورا علي يونس في المايه لمده ساعتين لحد ما قالوا ان يونس ا اكيد غرق خلاص ، وبعدها قرروا يرجعوا قبل ما المركب ينقلب بيهم ، وقألوا لبعض كدا يونس غرق ومحدش يعرف عنه حاجه ، واول ما نزل يونس المايه مكنش عارف ياخد نفسه وبدأ يحس أن روحه بتطلع وخلاص هيموت لحد ما جاله مرسال في عقله وافتكر دارين لما قالته يفكر فيها ويقول جملتها لما يكون محتاجها أو في مشكله ، وقال يقول في سره زي ما قالت دارين ، واول ما قال احضري يا دارين بأمر مني انا ملك البحار السبعه وسيد المحيطات الخمسه ، واول ما قال يونس الجمله في سره حس أن المايه بدأت تبعد عنه ومعتش لمساه وبدأ أنه يتحرك في المايه من غير اي صعوبه ونزل علي أرض البحر تحت وكان ماشي جنب السمك تحت من غير ما السمك يجري منه ولا اي حاجه تحصل ، وفجاه لقي حاجه كبيره جايه عليه تحري وكان دارين هيا جايه علي يونس تطمن عليه وتعتزر ليه انها اتاخرت وبتقوله انت كويس قالها ايوه انا تمام انا فين واي الي بيحصل دا انا ازاي عايش تحت المايه وبتنفس ولا انا ميت ودا حلم ، ضحكت دارين وقالتله متخفش انت عايش ، تعالي بقا اوديك لحد نفسه يشوفك قالها يونس حد مين قالتله هتعرف لما نروح قالها نروح فين قالوله نروح مملكه القاع قالها هنروح ازاي قالتله هنروح علي ظهر الحيتان ، وراح يونس مع دارين وركب كل واحد منهم حوت وجري الحوت عشان يروحوا للملكه ، واول ما وصل يونس كان مستغرب المكان وعظمته لما شاف يونس المملكه مبنيه من المرجان والؤلؤ وسورها عليه جنود واقفين علي الأسوار ومكنش يونس مصدق أن كل دا حقيقي وأنه ازاي في كدا هل دا حلم ولا اي ، ودخل يونس من بوابه المملكه بعد ما نزل من علي ظهر الحوت ودخل هوا ودارين وطول ما كان ماشي كان الجنود بتركعله وتحيه وهوا مكنش فاهم بيعملوا كدا ليه أو لمين كان مفكرهم بيعملوا كدا لدراين ، ودخل القصر لقي ست قاعده علي عرش معمول من الحرير والزهور والمرجان وجمبها بنات حلوين جدا بيخدومها وكان علي رأسها تاج من حاجه شبه الماس وكان بيلمع وشكله خرافي، وكانت المفاجاه لما قرب يونس من الملكه وشاف شكلها ولقاها فيها شبه كتير منه ، واول ما شافته الملكه قامت بسرعه وجرت عليه وهي بتضحك وبتقوله ،،،،،،، الفصل الرابع من هنا |
تعليقات
