.jpeg) |
رواية فريده الفصل الرابع 4 بقلم يمني امجد#فريده #الفصل_الرابع - بس يا فريدة...انا شايفه ان في الوضع اللي انتوا فيه دا هو دا الحل • انتي بتقولي أي بس يا سارة ...هو عشان مش لاقي حل نقوم نتجوز في السر ...؟ - بصي يا فريدة انتوا هتكتبوا كتابكم بس ولما ترجعوا في اول إجازة هتحطوهم تحت الامر الواقع ومش هيكون قدامهم حاجة غيرانهم يوافقوا...ياما كدا او هتخسريه للابد. • انا عمري ما اعمل حاجة زي دي من ورا ماما وبابا - فكري كويس يا فريدة سابتها بنت خالتها وفضلت فريدة محتارة ومش عارفه تعمل أي ومش عارفه أي الصح من الغلط ...قعدت تروق في اوضتها وبعدين طلعت على الصالة وبعدين المطبخ على امل انها تهدى شوية من التفكير وهي بتروق لقت مامتها دخلت عليها: - مالك يا فريدة ...؟ • مماليش يا ماما - لا في حاجة ...خطيبك مزعلك ولا حاجة ... تعالي احكيلي • ماما انا مش قادرة اخبي عليكي اكتر من كدا ...ومش عارفه اتصرف ازاي. - تعالي احكيلي كل اللي في قلبك بس قبل دا كله اعمليلنا كوبيتين شاي وتعالي. • حاضر يا امي راحت فريدة عملت الشاي وحكت لمامتها كل حاجة خطة فارس وموقف مامته.... - ...انا مش عارفه اعمل أي يا ماما. فضلت مامتها ساكته شوية لدرجة ان فريدة افتكرت ان مامتها مش هتتكلم: • انتي بتحبيه يا فريدة ...؟ انكسفت فريدة وقالت: اه • انا من رايي دا الصح انتي وهو هتروحوا بلد غريبه وعشان نبقى مطمنين عليكي هناك ممكن دا يبقى احسن حل. - طب وبابا ...؟ • سيبي بابا عليا... يلا قومي نامي ومتشغليش دماغك بالموضوع دا...عيزاكي تصحي بدري محضره لنا فطار حلو كدا وناسيه كل حاجه - حاضر ...تصبحي على خير دخلت فريدة اوضتها بس معرفتش تنام صلت الفجر وبعدين نزلت السوق وحضرت فطار وصحت أهلها عشان يفطروا ويشوفوا مصالحهم عدى يوم فريدة زي أي يوم عادي بالنسبة لها وبليل: - فريدة تعالي عايزك. • حاضر يا بابا. - امك قالتلي على كل حاجة ...مش عارف كنتي مستنيه تكحيلي امتى ...؟ • انا اسفه يا بابا انا.. - انا كنت بفكر بقالي كذا يوم ان مينفعش تبقي انتي وخطيبك في نفس البلد واحنا بعيد عنكم ...وكنت بفكر تروحي أي كلية تانية قريبه مننا وخلاص ...ابقي هاتي خطيبك بكرا هنا عشان أتكلم معاه... يلا روحي اعملي العشا • حاضر يا بابا راحت فريدة تجيب التليفون عشان تكلم فارس: - الو فريدة أخيرا رنيتي... • تعالى بكرا عندنا... بابا عايزك. - باباكي ...! لي ...؟ • تعالى بكرا وانت هتعرف o تعالى بكرا عالساعة خامسه واعمل حسابك عالغدا. - حاضر يا عمي... مع السلامة • مع السلامة راحت فريدة تحضر العشا وفضلت طول الليل تفكر يا ترى هيحصل أي بكرا...؟! جه تاني يوم وجات الساعة خمسه وجه فارس في ميعاده وقعد يتغدى وبعدين بدأوا يتكلموا: - بص يا بني خلينا ندخل في الموضوع على طول • اتفضل يا عمي - فريدة قالتلي اللي انتوا بتفكروا فيه ...وانا شايف ان ده الصح لأنكم كمان هتبقوا مغتربين ...بس انا سامع كمان ان في مشكلة من نحيتكم ...انا هسايركم ...بس في شروط لازم اقولها وتتنفذ ...اولا زي ما انت بتقول في اول إجازة هتنزلوا فيها هتحل مشاكلك كلها مع امك ...وهنعمل فرح بعد سنتين وتكون جهزت كل حاجة في البيت اللي هتعيشوا فيه ...وبالنسبة للحاجات اللي فريدة حابه تزودها في البيت هنجيبها وهنكتب بيها قايمه... انا مش هتقل عليك ومش هطلب منك حاجه قبل كتب الكتاب غير انك توعدني انك تحافظ على فريدة و متزعلهاش ابدا ...دا كل اللي عندي لو موافق يبقى نكتب الكتاب في اقرب وقت ان شاء الله . • انا موافق على كل شروط حضرتك وبإذن الله كل حاجه هتبقى كويسة. - على خيرة الله ...يلا الف مبروك مقدما وبعد الحوار اللي دار بين فارس وأبو فريدة بدأ فارس يجهز خططته .... يا ترى هل هتنجح خططت فارس وفريدة فعلا ولا لا؟ الفصل الخامس من هنا |
بدل ماتدور وتبحث علي الروايات خليها علي تليفونك وحمل تطبيقنا
