 |
رواية حب علي ضفاف النيل الفصل الخامس 5 بقلم نورهان محمدالبارت الخامس روايه حب علي ضفاف النيل 🕊💙 بقلم نورهان محمد ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ رن آدم جرس الباب ياسين من الداخل بابا آدم ليفتح إليه ياسين ويرتمي بين احضانه ياسين بلهفه بابا آدم وهو يحمله حبيب بابا حياه بصدمه با .... با آدم بصدمه حياه لكن نظرت حياه امامها واكتفت بالتزام الصمت ترجل آدم الي الداخل وهو يحمل ياسين بين احضانه لتخرج فتاه في العشرينات وتقترب منه وتحتضنه هاتفا بحب عامله ايه ياحبيبي حياه كانت تنظر إليهم بصدمه فهي كانت تتخيل أن الألم قد انتهت ولكن من الواضح انها بدأت لتلتمع الدموع في عينيها لتعلن انها علي وشك الانهيار كانت تنظر إليهم وهي مشوشه تماما العقل انتي حبتيه القلب مش عارفه العقل لا انت كده بتطمعي القلب ليه عملت ايه العقل انتي صدقتي نفسك انتي فاكره انو هيحبك القلب وانا مقولتش كده العقل بس دا اللي واضح وبعدين انتي كنتي عايزه تتحرري من الظلم اللي فيه ودا حصل عايزه ايه تاني القلب انت بتعنفني ليه وانا رديت بكده وسكت العقل لا مش واضح القلب لا هي دي الحقيقه العقل هنفترض كده وهقولك حاجه اخيره القلب بكسره ايه العقل متحاوليش تتعلقي بيه هو اهو معاه ابنو وانتي شكلك دخلتي حياته وهتدمريها فعيشي بقا واستسلمي للامر الواقع لحد ما تعرفي هتعملي ايه فهمتي القلب بحزن اه فهمت لتفيق علي أحضان متبادله بينهم وهي كانت تكتفي بالنظر فقط ولم تهتف باي شئ آدم بابتسامه امي فين اميره في اوضتها لتكمل بتسائل مين اللي معاك دي ياادم آدم بتوتر دي حياه مراتي اميره باستغراب مراتك آدم ايوه اميره ومازالت في صدمتها تمام اهبا ياحياه حياه اهلا بحضرتك اميره هدخل انادي علي ماما آدم لا خليك انا هدخلها ليمسك بيد حياه ويتوجهوا سويا إلي الداخل ليطرق آدم عدة طرقات حتي اتاه الآذن بالدخول آدم وهو يقترب ويحتضنها عامله ايه يا احلي ام أحلام الحمد لله ياحبيبي لتكمل وهي تنظر إلي تلك الفتاه التي مازالت واقفه مكانها بجوار الباب أحلام بدهشه مين ياادم آدم بعدما أخذ نفس عميق هتف بابتسامه مراتي حياه احلام لا انت اكيد بتهزر آدم والموضوع دي في هزار لتنظر إليه أحلام بدموع وتميل برأسها إلي الأرض آدم وقف وتوجه نحو تلك الفتاه التي أوشكت علي البكاء ليهتف بهدوء تعالي ياحياه خرجت حياه خلفه ادم وهو يمسك بيدها ويجلسها اقعدي بس خمس دقايق حياه بعيون ملتمعي بالدموع اكتفت بالاشاره برأسها أما آدم فنظر إليها بحزن علي حالتها ليتوجها مره اخري نحو غرفه والدته آدم وهو يجلس بجوارها مالك ياامي أحلام بدموع كده ياادم تتجوز من غير اذن امك ليه كده عملتلك ايه داانا كنت هفرحلك وهكون معاك خطوه بخطوه دا اليوم دا مستنياه من زمان ليه كده آدم وهو يمسك بيدها هاتفا بحزن انا عارف كل دا ومكنش قصدي اجرحك وبعدين انتي لما تعرفي اللي حصل هتعذريني احلام وهي تمسح دموعها ايه اللي حصل يوصل ابني الوحيد انو يتجوز من غير ماامه تعرف آدم بدأ ان يقص عليها من البدايه ومعرفته بحياه أول مره وبلقاءهم في المره الثانيه وبالظروف التي كانت تعيشها ومعانتها ليقص عليها كل شئ وحكي لها انه اكتفي بكتب الكتاب بحضور خاله وحمزة وابن عم حمزه أحلام بتعاطف ياحبيبتي يابنتي هي مرت بكل دا آدم بحزن واكتر ياامي دي بس حاجه بسيطه احلام انا ايوه زعلانه منك بس محدش يعرف الخير فين واكيد كل حاجه مكتوبه واكيد فيها خير وبعدين مهما كان اللي حصل البنت ملهاش ذنب بزعلنا لتكمل ممكن تنادي عليها علشان اتعرف عليها آدم طبعا ياامي ليخرج آدم متجها نحو حياه عند حياه كانت تجلس بصمت تام تفكر بشرود ليقطع ذلك الشرود ترجل ياسين نحوها ياسين بابتسامه وهو يستند علي الكرسي طنط هو انتي اسمك ايه حياه بدموع نظرت إليه مطولا لتهتف اخيرا اسمي حياه ياسين الله اسمك حلو ليهتف بهدوء طيب تعرفي اسمي ايه حياه ايوه ياسين ياسين طيب واسمي حلو حياه ايوه حلو لتسود لحظات الصمت وكان ياسين ينظر إليها ينتظر أن تحمله حياه بعتاب لنفسها هو ملهوش ذنب ياحياه حياه بابتسامه تعالي يا ياسين اقترب ياسين منها وجلس علي علي رجلها حياه عندك كام سنه ياياسين ياسين عندي Five حياه اه يعني في كي جي 1 ياسين ايوه وانتي بقا في ايه حياه انا داخله تالته ثانوي ياسين بتفكير اطفال يعني كده انتي كبيره عني بكام حياه بكتير يعني حوالي كده ثالثه عشر عام ياسين وهو يبدأ في العد علي يديه وينظر إليها اه زي الميس بتاعتي بردو كبيره حياه اه زيها ليقطع حديثهم دخول آدم آدم بمرح ايه يا سي ياسين ممكن اخد مراتي شويه حياه اكتفت بالابتسامه ياسين بتفكير ايوه بس مش كتير علشان انا حبيتها آدم لا كده انا بغير بقا مش هينفع لينظر إلي حياه نظره تبث لها الطمأنيه آدم ممكن تيجي معايا ياحياه حياه حاضر وقفت حياه وتوجهت معه نحو غرفه والدته في الداخل احلام بابتسامه وهي تنظر نحوهما وهما يقتربا من غرفتها لتهتف تعالي ياحياه اتت حياه وجلست بجوارها لتحتضنها أحلام بحب وحنان هاتفها مبارك ياحبيبتي ربنا يسعدكم ويرزقكم بالذريه الصالحه حياه كانت مغيبه تماما فهي ولاول مره تشعر بحنان الام لاحظ آدم سكونها ليشير برأسه إلي والدته بأن تتركها بين يديها ظلوا علي هذا الوضع لبعض الدقائق لتفيق حياه اخيرا وتهمس بحزن انا اسفه بس يعني أول مره اشعر بحنان الام احلام بحب ومش آخر مره من انهارده غلاوتك بقت من غلاوه آدم لتكمل بمرح كي تخرجها من حزنها لا واكتر كمان من آدم آدم ايوه بقا من لقي احبابه نسي صحابه احلام بابتسامه كلكو حبايبي لتكمل تعالوا بقا علشان نقعد بره ونتغدي زمان اميره خلصت الاكل آدم اه يلا بينا توجهوا سويا إلي الريسبشن حياه بكسوف آدم آدم بانتباه نعم ياحياه حياه فين المطبخ علشان اقوم اساعدها آدم اميره مش بترضي حد يدخل المطبخ طول ما هي فيه بيكون خط أحمر اكتفت حياه بابتسامه بسيطه بعد دقائق بدأت اميره في وضع الغداء وساعدتها حياه في توضيب السفره وطوال فتره تناولهم للغداء كانت حياه شارده اغلب الوقت اميره بتسائل مش بتاكلي ليه بقا ولا الاكل مش عاجبك حياه لا تسلم ايدك اكلك حلو جدا اميره تسلمي لينتهوا من تناول الطعام ويتوجهوا سويا إلي الداخل حياه انتي عملتي الاكل وانا بقا اللي هغسل الحلل والاطباق اميره لا ياحياه كده هزعل انا بحب اغسلهم لتكمل انتي بس اقفي سليني حياه باستغراب من طريقه حديث اميره وانها متقبلها وتعاملها بكل حب واهتمام اميره ايه القمر سرحان في ايه حياه بانتباه لا ولا حاجه لتكمل بابتسامه هو في قمر في وجودك اميره ايوه طبعا انتي حياه تسلمي لتكمل وهي تتجه نحو الحوض يلا نبدأ وبالفعل بدوا في الغسيل سويا وكان الحوار دائرا عن حياة حياه وقصت حياه عليها كل شئ واثناء بدأ حديث اميره عن نفسها قطعها دلوف آدم آدم بابتسامه ايه التجمع الحلو دا اميره دا اقل ما عندنا آدم متجمعين دايما ياحلوين ليكمل فين الحلو يااميره اميره اه صحيح هجيبوا حياه خليك انتي وانا هحضروا وبالفعل بدأت حياه ان تضع الحلو في اطباقه بمساعده آدم بعد مرور عدة ساعات من الأحاديث المتادوله آدم احنا هنروح بقا علشان اتاخرنا احلام لا يابني انتو تباتوا معانا آدم معلش ياامي مره تانيه الأيام جايه كتير ان شاء الله احلام تمام يابني اللي يريحكم ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ وبالفعل توجهوا سويا نحو شقتهم ليسود صمت بينهم بعد دقائق وصلوا إلي شقتهم وتوجهت حياه نحو غرفة نومهم لتبدل ملابسها ترجل آدم الي الداخل وجدها شارده تماما ليقطع شرودها رنات هاتفه آدم السلام عليكم حمزه بعمليه وعليكم السلام ورحمة الله وبركاته ليكمل بقولك ايه الورق جاهز ممكن نتقابل علشان تاخده آدم مينفعش بكره حمزه ماانت عارف انا بكره مش هاجي الشركه آدم اه نسيت خلاص نتقابل نص ساعه وهكون عندك ليغلق معه الهاتف ويتوجه ويجلس بجوارها لتفيق من شرودها مره اخري آدم بتسائل مالك ياحياه حياه بابتسامه بسيطه ولا حاجه انا بخير الحمد لله آدم ممكن نتكلم شويه حياه طبعا اتفضل وكانها كانت تنتظر منه هذه الكلمات آدم ممكن ياحياه لما تكون حاجه مزعلك تتكلمي ونتناقش ومتخبيش جواك حياه زي ايه مثلا آدم مثلا زي موضوع ياسين حياه طيب مالموضوع واضح انت متجوز وعندك ابن وانا مقدرش اتدخل في كده آدم نفترض حتي كده مش بردو تتكلمي وتقولي اللي جواك حياه بحزن وانت شايف ان كلامي في وقت زي دا هيكون ليه قيمه ما اللي حصل حصل وخلاص آدم يعني ايه ياحياه أولا كده انا هوضحلك كل حاجه بس مش دلوقتي انا عندي مشوار مهم مش هغيب كتير وهكون عندك حياه بخوف هتتأخر آدم لا متقلقيش ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ ترجل آدم الي المكان المعتاد الذي يلتقي فيه مع حمزه ليجد حمزه في انتظاره آدم عامل ايه ياحمزه حمزه الحمد لله ياادم آدم مالك كده حمزه خايف اوي من بكره آدم متقلقش ان شاء الله خير وهتكون كويسه والاشعه والتحاليل تكون كلها خير حمزه يارب ياادم انا خايف عليها دي كل دنيتي آدم بجديه حمزه ايه اللي انت فيه دا خلي ثقتك في ربنا كبيره وان شاء الله مش هيخذلك وبعدين قل لن يصيبنا الا ماكتب الله لنا كل شئ مقدر ومكتوب حمزه الحمد لله علي كل حال ليكمل وانت مالك كده باين عليك الزعل آدم والله ياحمزه مخنوق حمزه ليه آدم قولت خلاص احاول انسي الماضي وابدأ مع حياه من جديد لكن في حواجز بينا ليكمل روحنا انهارده عند امي وأول ما سمعت ياسين بيناديني ب بابا اتصدمت وبعدين طبعا مع معامله امي واميره ليها ابتدت تندمج معاهم وأول ماروحنا كان باين عليها الزعل حمزه طيب ماتقولها كل حاجه آدم ما انا هعمل كده بس زعلان من فكره انها بتشيل جواها ومش بتتكلم يعني مثلا ما حاولتش تسالني في أي حاجه ولما اتكلمت معاها كان ردها ان دا عمر واقع ومش هيتغير حمزه من الواضح كده ياادم انها حاسه ان انت اتجوزتها علشان بس تحميها ف علشان كده مش بتحاول تدخل في حياتك حتي لو دا مزعلها حاسه انها فتره وهتمشي ف بتحاول تتجنب أي حاجه تزعلك او تغير حياتك آدم ماهو دا اللي انا حاسه بردو حمزه خلاص روح اتكلم معاها وشوف رد فعلها ايه ادم انا اتفقت معاها علي كده فعلا اني لما ارجع هتكلم معاها حمزه تمام ليكمل يلا نروح علشان متسبهاش لوحدها آدم ايوه يلا ليكمل ايوه انا هاجي معاك بكره هتمشي امته حمزه لا متتعبش نفسك انا هكون معاك بالتليفون وبعدين مينفعش تسيب مراتك لوحدها آدم انا هوديها عند امي انا مينفعش اسيبك لوحدك حمزه لو احتجت حاجه هكلمك والله بس اهم حاجه خليك انت معاها هي محتاجاك الفتره دي آدم تمام ياحمزه بس ابقا طمني حمزه حاضر ان شاء الله ليحتضنه آدم ويتوجه كل منهما إلي وجهته ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ كان يتجول بعربيته وهو ينظر حوله بتشتت واضح آدم لنفسه وبعدين ياادم حاول تنسي بقا ليجيب عليه قلبه ويعني هو بايدي لو عليا كنت نسيت من زمان ومسحت كل دا فلاش باك كان في عمر الثانيه عشر واستيقظ ليلا لشرب المياه وأثناء رجوعه إلي غرفته سمع اصوات شبه مرتفعه من غرفه والديه ترجل نحو الغرفه ليسمع كلمات نزلت عليه مثل الصواعق ليفيق من شروده علي اصوات حوله تعلن عن انفتاح الاشاره تحرك بعربيته ووقف امام احدي محلات التليفونات ترجلت إلي الداخل احدي العاملين محتاج حاجه معينه اقدر اساعدك بيها آدم ايوه محتاج تليفون يكون هديه لزوجتي بس عايزاه يكون نوعيه جديده ومميز العامل حاضر يا فندم بعد دقائق كان يخرج وبيده الفون الجديد ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ في شقتهم ترجل إلي الداخل ولم يجد أي صوت توجه نحو غرفة نومهم ليجدها تجلس علي الاريكه في انتظاروا حياه بهدوء حمدالله على السلامه آدم الله يسلمك حياه احضرلك العشاء آدم لا شكرا حياه تمام ليسود صمت رهيب حياه انا هناك محتاج حاجه اعملهالك آدم لا ليكمل مش عايزه تعرفي موضوع ياسين حياه انت باين عليك التعب خلينا للصبح ونتكلم آدم تمام ناموا سويا وكل منهما يفكر في مصيره القادم ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ في الصباح كانت الشمس تشرق علي غرفتهم لتعلن عن بدأ يوم جديد حياه بدهشان وهي تنظر في اتجاه آدم المستيقظ علي السرير يتصفح هاتفه لتهتف الساعه كام آدم بانتباه صباح الخير ياحياه ليكمل الساعه داخله علي حداشر حياه يااه طيب مصحتنيش ليه احضرلك الفطار آدم محبتش اقلقك حياه تمام عشر دقايق ويكون الفطار جاهز ترجلت من جانبه وتوضأت وصلت فرضها ومن بعدها بدأت في تحضير الفطار حياه وهي توضب السفره آدم يلا الفطار جاهز آدم تمام ياحياه تناولوا فطورهم ومن بعدها انتهت حياه من غسل الاطباق واحضرت النسكافيه وتوجهت نحو آدم الجالس في البلكونه شاردا الذهن حياه بابتسامه اتفضل آدم بحب تسلم ايدك جلست بجواره وشردت في الزرع والوانها المبهجه آدم عجبك الزرع حياه بابتسامه اه جدا انا بحب الزرع جدا بحس انو بيهدي الاعصاب آدم وانا كمان بحب الزرع جدا وعلي فكره انا اللي زارع كل دا حياه بجد ماشاء الله عليك بجد روعه آدم بابتسامه عندي فكره حياه ايه آدم الزرع دا بسيط ممكن انا وانتي نبدأ نزرع حاجات تانيه ونخليها ديكور في البلكونات ايه رائيك حياه اتفقنا لتكمل انا عندي فكره تانيه آدم بانتباه ايه حياه ممكن نزرع ورد وناخد من دا ونعملوا كمان زهريات في الشقه ولما ينشف نقدر نحط غيروا وكمان الورد بيريح الاعصاب وهيعمل جو مبهج آدم اه فكره حلوه جدا احنا نعمل كده ليكمل بتذكر اه صحيح انا جبتلك فون ليتوجه نحو الخترج ويعود مره اخري وهو يحمله آدم وهو يعطيها إياه ايه رائيك عجبك حياه بفرحه الله دا ليا جميل اوي آدم دي حاجه بسيطه ربنا يقدرني واقدر أسعدك حياه بكسوف ربنا يخليك ليا آدم ويخليك ليا ياحياه ليراقب آدم فرحتها بهاتفها الجديد آدم علي فكره انا سجلتلك رقمي وحملتلك كام تطبيق تقدري تقعدي عليهم ليكمل وهو يمسكه وكده شغلتلك الواي باي تقدري افتحي نت وتعملي كل اللي انتي عايزاه علي الفون وكمان تذاكري من عليه مع اللاب اللي هجبهولك بردو حياه بس كده كتير آدم بحنان لا مفيش حاجه كتير عليك ليصمتوا لبعض الدقائق آدم ممكن نتكلم شويه حياه بانتباه اتفضل انا سمعاك آدم أولا كده هنتكلم عن ياسين حياه بدموع انا عارفه ان ياسين ابنك ودا عمر واقع بالنسبالي آدم بس ياسين مش ابني حياه بصدمه ايه ليقطع حديثهم رنين هاتفه آدم الو ايوه ياحمزه طمني حمزه بدموع ........ آدم ....... الفصل السادس من هنا |
بدل ماتدور وتبحث علي الروايات خليها علي تليفونك وحمل تطبيقنا
