 |
رواية حكايه شهد (كامله جميع الفصول) بقلم سميه عبد السلاماسكريبت جديد 1 شب _هوا لو واحد شاف واحده حلوه وعجبته يدوس لايك فين؟ شهد=استغفر الله العظيم وبعدين بصيت للشب وقلت = ما تلم نفسك يا اخينا الشب_خلاص تعالي لاميني انتي كنت لسه هرد علي قلة ادبه دي بس لاقيت شب ضخم جي من ورايا ومسك فيه وقال شب2_أنا بقا ال هلمك ياروح امك شب1_طب نزل ايدك دي ياشبح شب2_ياض اي قلة الادب دي انت اهلك مربكش شب1_لأ مربونيش مكنوش فاضيين شب2_وأنا بقا ال هربيك ونزل فيه ضرب الناس اتلمت وأنا خفت ومشيت مهو يوم ما يعلم بيه ال ربنا يارب امته اخلص من المعهد ده وقرفه واتخرج وابقا معايا فلوس واشتري عربية فجأة وقفني صوت الشب ال اتخانق مع الواد وبيقول شب2_ياانسة ياانسة نفخت بضيق وقلت اكيد عايزيني اشكره وادعيله انه انقذ حياتي محنا مش هنخلص النهاردة لفيت وشي وقلت شهد=نعم شب2_أنا كنت احسب حضرتك محترمة مكنتش اعرف انك حرامية شهد بردح =ناااااااعم مين دي؟ ال حرامية ياروح طنط الشب بجدية_انتي شهد بعصبية =وسرقت منك ايه أن شاء الله الشب2_سرقتي قلبي بلمت وحسيت بأحراج بس حولت اداري ده وقلت بعصبية مزيفة =عارف لو مختفتش من قدامي دلوقتي هتلاقي الوش البرئ ال انت شايفه ده( وبشاور علي وشي) هيتحول وهخليك تكره اليوم ال اتولدت فيه وسبته ومشيت _________تاني يوم الصبح ماما_بت ياشهد قومي شهد =ياماما النهاردة الجمعة مفيش مدرسة ماما _حبيبي عمل الواجب وال اتنسي وبعدين كملت بصوت عالي فزي قومي روقي البيت في ناس جيين النهاردة عشان يشفوك قمت اتعدلت وقلت =ياماما هوا أنا فرجة كل شوية عمتي تجبلي عريس وتقلي جمال ايه وحلوة ايه وبيبقا ناقص تكتب فيه قصايد شعر وفي الاخر يطلع شبه سيد كشري ماما _لأ المرة دي مش عمتك ال جيباه قومي بقا الناس جيا باليل شهد =اديك قولتي لسه باليل سبيني انام شوية بقا ماما _انتي مبتعمليش حاجة في حياتك غير انك تنامي نفسي اشوفك ماسكة كتاب وبتذاكري شهد =ياماما علي رأي المثل نام وارتاح يأتك النجاح ماما _ومين ال قال كده ياعين امك شهد _ده مثل اغريقي ياماما اغريييقي ماما _اغريقي..... إلهي تغرقي في شبر ميه يابعيدة شهد =اميين اقفلي بقا الباب وراك والنور بالمرة عشان انام ولسه هاخد اللحاف واتغطي لقيت الشبشب في وشي نطيت من علي السرير وقلت =تمام يافندم ماما وهيا خارجة _عوضني عوض الصابرين يارب ________باليل ماما _الناس جم من بدري وانتي لسه مطلعتيش شهد=ياماما عروسة ومكسوفة بقا لازم حد يندهلي ماما _هيا فين العروسة المكسوفة دي مش شايفة حد..... يابت ده العرسان هيا ال بتكسف منك قلت بصوت واطي =لدرجادي سمعتي وحشة دخلت ورا ماما وعملت نفسي مكسوفة... احم... اصل انا بتكسف من اي حاجة مشيو وقلت ابص بقا علي عريس الغفلة بس هوا سبقني وقال الشب_مش ناوية ترجعي الحاجة ال سرقتيها بقا اتصدمت وقلت =هوا انت وبعدين كملت انت ليك عين تيجي لحد هنا اتكلم ولا كأني قلت حاجة الشب _بصي ياستي أنا اسمي عمر المهدي مخلص معهد تمريض من 3سنين وبشتغل في المستشفي ال فيها معهدك (شهد في تانية معهد تمريض) كنت بشوفك علي طول بس كنت خايف تكوني مخطوبة سألت عليك وبعدين قررت أن لازم اجاي اتقدم انا واهلي واخطبك شهد=ولما انتي جي تتقدم ليه ال عملته امبارح ده انت خضتني ابتسم وقال _أنا مكنتش عايز يحصل بينا كلام غير لما يكون في حاجة رسمي بس لما لاقيت الشب بدايقك مقدرتش امسك نفسي..... واسف علي ال عملته معاك بس متنكريش ان الدخلة عجبتك شهد بكدب=لأ معجبتنيش عمروصوته علي شوية_وبعدين انتي ازاي تردي عليه ممشتيش وسبتيه ليه..... ولا لأ لازم الهانم توقف وتتساير معاه شهد بعصبية =والله أنا حرة وده واحد قليل الادب وكان لازم ارد عليه وبعدين ايه تتسايري معاه دي كمان عمر_هوا شخص قليل الادب وبيعمل كده عشان تردي ويقعد يستظرف وبعدين أنا مبحبش حد يضايق مراتي كنت بشرب وشرقت شهد=م..... م مراتك عمر _ايوة ولا انتي فاكرة اني مشفتكش غير امبارح ده أنا مكنتش بسيب مسجد إلا وصلي فيه وادعي تكوني من نصيبي واهو ربنا استجاب وقعدين مع بعض شهد عجبها الكلام وقالت =مش معنا ان احنا قعدنا خلاص ممكن يحصل مشاكل وميبقاش فيه نصيب عمر بجدية _أنا ممكن اقف قدام الدنيا كلها عشانك شهد =الكلام سهل بس تطبيقه صعب عمر _شهد انتي بترفضي بس بشياكة صح؟ شهد =لأ والله بس أنا سمعت كلام شبه ده كتير ومبقتش اصدق...... انت بس سبني اسبوع افكر وهتعرف ردي عمر _اسبوووووع هوا يومين وهاجي اسمع موافقتك عجبتني ثقته في نفسه _____بعد يومين كنت عمالة اصلي استخارة كنت برتاح وبحس احساس جميل اوي حسيت أن قلبي اتفتحله وقلت هروح اقول رأي لماما شهد =ماما ياماما ياحتة سكرة ماما _نعم خيير شهد =انا موافقة خلاص علي العريس ماما _عريس مين؟ شهد بستغراب =عريس مين؟....... عمر ياماما هوا فيه غيره ماما _ااااااه لأ خلاص احنا رفضناه شهد بعصبية=.......... يتبع...... الفصل الثاني من هنا |
تعليقات
