 |
رواية اسيره عيناه (كامله جميع الفصول) بقلم حلامحمد✨أسيرة عيناه ✨ البارت الأول ✨ ياربي كل يوم هصحي كدا على صوت الكتكوت ده امتى بقا تكبر وتبقا ديك واعمل عليك ملوخيه بتبصلي كمان ومش عاجبك ما انت لو كتكوت كُمل كدا ومحترم وتسبني انام زي الناس لكن اقول اي مهزأ زي صاحبتك ✨دي بقا جوري بنت عسوله وقمر عندها ٢١ سنه ونص 🤭(اهم حاجه التفاصيل) بتحب الدنيا والهزار بتعشق الحيوانات ونفسها تربى قطه بس طبعا مامت جوري مستحيل توافق ف اكتفت انها تربى كتكوت؛ جوري شخصيه غريبه هي اصلا مش فاهمه نفسها بس دا ميمنعش انها قمر 🫣الشعر الإسود الطويل اللي هي مقتنعه بيه انه كيرلي والخدود اللي اخدتها من عيله مامتها.. كفايه كدا بقا عشان لو سبناها شويه كمان مع الكتكوت هتعمل عليه شوربه. جوري :عارف يعنتر انا حلمت اي النهارده (عنتر ده الكتكوت يجماعه😂) اول مره احلم بحد معرفهوش وتكون ملامحه باينه عسول اوي كان بيضحك وعيونه تقفل يارب اشوفه هفرح اوي ولو شوفته هعرفه يا ترى حلمت بيه لي وهو مين اصلا.. خليك كدا عطلني كل يوم ومتردش عليا اي رأيك طيب ف الاوتفيت العيوقه ده هو اه احنا مغيرناش حاجه غير التيشرت بس يعني رايحه الجيم عاوزني ألبس اي اوعي كدا يعنتر اما اخد موزه. خلي بالك ع نفسك لما اجيلك اوعي حد ياكلك خلي بالك منه يشوكت معلش وحطله مايه عشان انا اتأخرت (شوكت ده تبقا اخت جوري الصغيره 😂😂واسمها بسنت بس هي بتدلعها شوكت) ..... الحمدلله خلصنا اخيرااااا عارفه بتعب اوي بس بحب تمرين الرجل جدااا بيغسلني من جواياااا كوتش ايمان :ونا كمان والله بحبه انتي مش هتيجي في الامتحانات صح. جوري :لا انتي عارفه مش بذاكر غير ايام الامتحانات بس. كوتش ايمان :ايوا ذاكري عشان تخلصي على خير بقا. جوري:حاضر انا همشي بقا ابقى طمنيني هتعملي اي ف المشكله اللي معاكي دي. كوتش ايمان :حاضر يلا باااي👋 .. ✨عدي اليوم وجوري طبعا بتاكل كتير بعد التمرين عشان تقلبظ ومحتاره على لون الفستان اللي هتحضر بيه خطوبه صحبتها نور جوري:اي رأيك يعنتر نفسي تفيدني بأي حاجه خاااالص أحمر ولا إسود انا بحب الأحمر اوي وانت عارف بس هسيب الأحمر لخطوبه اخويا هلبس إسود بقا وخلاص... ✨✨والعادي كانت قمر ف كل حالاتها واخوها وصلها عند صحبتها وهيجي تاني يوم عشان ياخدها واتجمعو هي وصحابها كلهم وكانو قمرات اوي😍والخطوبه خلصت وبرضو متعبوش وقررو يلعبو اللعبه اللي هتغير كل حاجه. مريم : انا زهقانه اوي ومش عارفه انام. جوري:اغنيلكم ملك :لا والنبي مش ناقصين انا تعبت اوي من الدوشه تعالو نلعب أحكام مريم :اشطا جدا يلا نلعب. جوري :أحكام اي اللي هتتلعب دلوقت احنا الساعه 12 باليل. مريم :هنلعب خلاص بقا متبقيش بوومه. ملك :يلا يمريم انتي الأول هترني على أول رقم هتكتبيه من دماغك واول ما يرد هتزغرطي😂😂😂. جوري:😂😂😂أحسن تستاهلي مش عامله شبح يلا رني. مريم :ولا يهمني ولا بنخااااااف. ✨✨وحصل ونفذو الحكم وضحكو كتير اوي وجه دور جوري. مريم :دوورك بقا يجوري انا مليش دعوه هتعملي زي ما عملت. جوري :انا مش بعرف ازغرط اصلا😂 مريم :خلاص اعملي مقلب قولي اي حاجه جوري :حاضر منك لله ملك : استنى رني على الرقم ده جوري :مين ده ملك :مش عارفه بس هو أول حد ظهرلي ف سيرش الفيسبوك. جوري :طيب قولي الرقم اسمه اي طيب ياللي منكم لله لو زعلني دلوقت نكد سنه. مريم :احسن احسن يارب يزعقلك.......... ✨✨جوري كانت بترن على الرقم وبترتعش وبتقول يارب ما يرد مع ان جوري ف العادي بتحب الناس كلها وبتحب تهزر وتتكلم مع كل الناس يوسف :ألو. جوري:ألو. مع حضرتك شركه لا دفنه احنا إعلانات مموله ع السوشيال ميديا وحضرتك عملت ساد كتير الفتره اللي فاتت ف بنعرض ع حضرتك مقابر ف الشيخ زايد وف التجمع الخامس. يوسف:اي دا بجد😂مين بقا. جوري:حضرتك شركه لا دفنه ممكن اقولك ع عروض المقابر لو هتشتري. يوسف:ويا ترى بقا المقابر بحري ولا اي. جوري :اه يفندم دماغك هيكون على البحر على طول. وكمان عندنا عروض ممكن تاخد صباره هديه او نوع الزرع اللي عاوزه. يوسف :بيضحك اووي كمان صباره لا شكرا جدا مش عاوز. جوري:ماشي يفندم شكرا جدا مع السلامه يوسف :مع السلامه. جوري :عاااااااا ارتحتو كدا منكم للله قلبي هيقف. مريم :احسن😂😂. جوري :والله مش هلعب معاكم حاجه تاني انتو ناس عره اصلا ويلا بقا ننامو عشان اخويا هيجيلي من بدري وبعدين انا خايفه يطلع مش كويس ولا حاجه ويدي رقمي لحد مريم طلعت بنت وضحكت معانا لكن انا بقا منكم لله. ملك :لا باين عليه ابن ناس شوفي جوري: اه فعلا ربنا يستر بقا يلا ننامو. ✨عدي اليوم وجوري رجعت لعنتر اللي كان واحشها اوي وكانت بتحكيله اللي حصل.... جوري:عارفه اني مهزأه والله ومفيش حد بيعمل كدا خلاص بقا يعنتر متبصليش كدا إوعي تقول لشوكت عشان ميضحكش عليا ناولني الموبايل كدا اشوف مين بعتلي ولا انت زي قلتك كدا مش بتعمل اي حاجه ... رساله من يوسف على الواتساب :عندكو مقابر في الشيخ زايد😂.. جوري منك لله يمريم انتي السبب ف اللي انا فيه دلوقت ده بس باين عليه عسول اوي وابن ناس مش عارفه لي حاسه إني اعرفه يا ترى شوفته فين.... ينهار ابيض دا هو اللي حلمت بيه ايوا هو..... ✨✨جوري كانت متلغبطه ومش عارفه ترد تقول اي وان اصلا مفيش حد عاقل يصدق حاجه زي دي بس كان في إحساس جواها بالفرحه ان الشخص اللي حلمت بيه طلع موجود... اقول اي طيب ما انا لازم ارد ايوا هو انا هخاف ولا اي لا مش هخاف. جوري:: الفصل الثاني من هنا |
تعليقات
