رواية سما وكريم الفصل الاول
-هشوفك بكرا في الدرس..متلبسيش البنطلون الكحلي
=ليه دا جميل عليا
-لو في عبايه سمرا تعالي بيها
=أنت بتهزر يا كريم
-صاحبي شافك بالبنطلون وقالي بص الفرسه دي
=وأنا أعمل إيه يعني
-أنتي مش هترتاحي غير لما أدخل السجن في حد ..لو هترتاحي قولي
=سلام يا كريم
-سلامين
"أتعصبت من كلامه وعندت فيه ونزلت بنفس البنطلون الي قالي متلبسهوش ووصلت الدرس وأول ما لمحته من بعيد قلبي أتقبض وكان هاين عليا ارجع ألبس العبايه السوده ..أجمدي يا سما هو مش هيتحكم فيكي "
"قربت منه ودخلت الدرس بسرعه بس هو لمحني ..ينهار اسود ينهار اسود ، يارب مايكون شاف البنطلون "
=بص ياض المزه دي..اجمد واحده في الدرس كله
-متتكلمش ع بنات الناس يسطا
=دا احنا دفنينه سوا
-طب ملكش دعوه بالبنت دي
=أشمعنا ..بتاعتك ولا ايه
-لا مش بتاعتي بس متقربش منها ولا ترمي عليها كلام
=باين عليك واقع بس يابختك دا انت معاك فرسه فرسه يعني
-أحترم نفسك للمره الأخيرة
=وإذا محترمتش يا كريم
"لسه المدرس هيبدأ شرح ولقينا اصوات غريبه ، جرينا نشوف في إيه لقيت كريم منيم صاحبه ع الأرض ونازل فيه بالبوكس في وشه ، المدرس جري عليهم بعدهم عن بعض وكريم بصلي بصه كلها شر ومشي "
"جه بالليل والمفروض يرن وانا ماشيه في الأوضه رايح جاي وخايفه اقرب من التليفون ..وبعد خمس دقايق التليفون رن"
-أ..أ..ألو
=وقسمآ عظمآ يا سما لو لقيتك ماشيه بالبنطلون في حياتك تاني لأكون كاسر رجلك أنتي اساسا واحده مبتسمعيش الكلام
-أسفه والله
=مش هضعف ، وربنا وعزه جلاله الله لو لمحتك ببنطلون تاني لأكون ..لأكون
-أهدا طيب
=متقوليليش أهدا
-طب أنت كويس
=اه كويس شكرا ع سؤالك سلام
-أستني عشان خاطري
=عايزه ايه
-بحبك
=يعني ينفع أقولك حاجه وتعانديني ، انا مش بتحكم فيكي بس عشان عارف صحابي والكلام الي بيتقال
-خلاص بقا أنا أسفه حقكك عليا
=شوفتيني وانا نازل ضرب في الواد
-أتوجعت
=أنا موجعنيش غير كلامه عليكي وكنت عايز أخدك من وسط الناس وأمسك ايدك واعرفهم انك ملكي انا لوحدي
-بتكسف
=وعد مافيش بنطلونات تاني
-وعد
-بس إيه رأيك فيا انهردا
"بدأت ألبس جيب ودريسات مع الوقت وكريم بيحاول يبعد عني عيون الناس وحارصني بعنيه بس مكنش بيعرف يخبي حبه ..نظراته ليا كانت فضحاه وصحابي كلهم لاحظو وكانو بيجبولي أخباره اول بأول
خلصنا ثانويه ونزل التنسيق ودخلنا كليات مختلفه في محافظات مختلفه ومبقناش نشوف بعض نهائي وبنكتفي بالمكالمات بس ..بس كان عصبي وفي نفس الوقت حنيه الدنيا فيه"
-أنا سمعت أن النقاب بيحمي من أشعه الشمس وبيخلي الواحده بيضه
=عايز ايه يا كريم
-أنا مش عايز انا بقولك بس
=مش هلبسه
-وأنا عمري ما أجبرك تلبسيه ..بس قولت أقولك المعلومه دي
=أمممممم
-ربنا مش هيدخلك النار
=كرييييييم
-هتبيضي ومش هتستخدمي صن بلوك تاني
=لا
-هحبك اكتر
=كريييم
-خلاص ماشي تصبحي ع خير
"حصلت ظروف في شغل بابا فخلتنا ننقل لمحافظه تانيه وكريم أنشغل في شغله فتره كبيره عشان يجهز في الشقه بجانب دراسته وكان عدي علينا تلت سنين ونص من غير ما نشوف بعض فقرر أننا نتقابل حتي لو من بعيد عشان مبقاش قادر يتحمل بعدي..
أتفقنا نتقابل في مكان بس من بعيد من غير ما نتكلم أو نقرب من بعض عشان كريم كان عايز ربنا يبارك في حبنا ومنعملش حاجه تغضبه والفتره الاخيره كان بيحاول يقلل معايا المكالمات لدرجه انه مبقاش يكلمني غير كل جمعه "
-أنا مش لاقيكي ..طب انتي لابسه ايه
=ركز يا كريم
-حقيقي مش لاقيكي وعمال أبص في وشوش البنات ينفع الذنوب دي كلها
=ركز بقولك
-يا سما أنتي فين ..طب انتي شيفاني
=أنا متأكدة انك هتعرفني من غير ما أقولك ..متاكده انك هتميزني
-سما ...أنا زهقت
=خلاص يا كريم أمشي سلام
-سما أبوس إيدك قوليلي انتي فين عشان انا سافرت سبع ساعات ومش قادر أقف وضهري واجعني ويادوبك هشوفك كام ساعه.
=خلاص يا كريم أمشي بقولك
-سم....
"مكملش الاسم ولقيته سكت وركز فيا جامد وفضل ساكت كام دقيقه وبعدين لفّ وشه الناحيه التانيه وعيط "
=كريم
-........
=في راجل بيعيط
-.......
=كريم
-يعلم ربنا دعيت قد ايه عشان أشوفك كدا
=أمسح دموعك هتخليني أعيط انا كمان
-دموعك غاليه اوعي في يوم تعيطي
=حلو فيا ...انا مستنيه رأيك انت بس
-كأنك حوريه نازله من السما أو ..أو لؤلؤ طالع من بحر ، وأبعدي بقا خليني أتزفت أغض بصري
-طب بما أني بقيت منتقبه يا أستاذ كريم فأنا مش هتجوز إلا ملتحي
-دقني مش هتمسها مكنه حلاقه تاني
=وجوزي لازم يصلي الفجر
-ببقا تعبان من الشغل والجامعه
=دي شروطي
-أمرك يست البنات
=قيام الليل
-ينفع ركعتين بس عشان ألحق انام كام ساعه
=أممم مع انهم قلقين بس ماشي ..جوزي ميسهرش برا البيت وأخره الساعه ١٠
=أتجوزك بس وانا اعمل بيات شتوي صيف وشتا
-كلامك في نوع من الغزل يا أستاذ
=أنا أسف يا أختااااه
-ههههههه...ليك طلبات
-أنا دعيت ربنا أن زوجتي تكون حافظه القرآن كامل
بحزن: أنا مش حافظاه كله يا كريم
=للأسف مش هينفع نكمل مع بعض أنا لازم أسيبك
-هحفظ والله ..اديني مهله كام شهر وهختمه
=هفكر
-كام شهر بس ..والله كام شهر هحفظه بجانب المزاكره
=طب روّحي البيت وجهزي العصير وخلي ابوكي يفتح بابه ع الساعه ٦
-ليه يا كريم
=أصل انا كنت جايب أهلي أفسحهم وقولت أعدي عليكم
-كريم انت مش بتهزر
=الرصيد بيخلص مش سامعك
-كريم اتعدل ...انت مش بتهزر صح
=التليفون هيفصل سلام
-كريييييييم
=تتجوزيني يا سما
-بس انا لسه مختمتش القرآن
=ما انا عاهدت ربنا أني زوجتي تختم القرآن ع ايدي..أظن من حقي ألبسك تاج الوقار
-أنا بح..
=هششش في الحلال أحلا
-رضا عنك ربي
=وأرضاني بكِ...يا من جعلتي الحلال أحب إلي قلبي
-أنا همشي عشان أجهز
=أتفضلي يا أنس..سما أنتي مش لابسه جوانتي
-.........
=انتي اساسا واحده مبتسمعيش الكلام ..وقسمآ عظمآ يا سما لو طلعتي تاني من غير الجوانتي لأكون ...لأك..
-بحبك
=لأكون بايس جبينك عادي يعني
لكي تظهر لك باقي الفصول اكتب في بحث جوجل رواية اغتصبني اخي
كاملة سكيرهوم وستظهر لك الرواية كاملة
جاري كتابه الفصل الجديد للروايه حصريه لعالم سكيرهوم اترك تعليق ليصلك كل جديد
