 |
رواية صدمتي في احب الناس الي قلبي الفصل الثاني 2 بقلم peach٢ سهر بطاعة حاضر مش هعلي صوتي تاني وكملت بدلع انا غيرانة عليك منها , هاني بهدوء صاحبتها اكيد مقوياها عليا , سهر لنفسها بانتصار احسن , هاني سرحتي في ايه , سهر ها لالا مفيش هجهز الاكل على السفرة , هاني بسرعة علشان اتاخرت , سهر لنفسها بغيظ هو شكله مفكر اني خدامة زي الهانم التانية بس على مين دانا هخليه خاتم في صباعي واقهر امه المفكرة ان العالم كله تحت امرها وضحكت بشر , سهر بوداعة يلا يا حبيبي الاكل جاهز ونادت على خالتها , سهر ببراءة مصطنعة انا اسفة يا خلتو متزعليش مني انا مكنش قصدي اقول كده بس انا اليومين دول اعصابي مضغوطة لاني خايفة لرهف تلف على هاني تاني مصدقنا انه فاق من سحرها وبعدين انتي الخير والبركة , خالتها بفخر هو دا العشم ولا بلاش دانتي تربية ادي , سهر لنفسها بسخرية علشان كده انا طلعت شرانية وقالت برقة مصطنعة ايوة التربية مش هتهون , هاني بارتياح كويس انكو اتصالحتو قبل مامشي انا كده ارتحت , سهر متقلقش احنا قريبين من بعض اوي وبنحب بعض اوي , خالتها بهدوء ايوة متقلقش علينا وروح شغلك بس وكملت لنفسها بشر شكلي دخلت حية بيتي انا لازم اصحصحلها واوريها هي كانت ايه قبل ما تتجوز ابني , سهر بخبث سرحتي في ايه يا خالتو , خالتها بخبث مماثل هسرح في ايه يعني يا روح خالتو الا صحيح هاني راح فين , سهر بمكر شكلك مكنتيش معانا هاني مشي من زمان وكملت بنبرة شيطانية انا فاهمة دماغك كويس اوي انا تربيتك لو نسيتي وكملت بوعيد اوعي تفكري تخربي عليا والا والله عليا وعلى اعدائي هعرف ابنك المحترم كل العملتيه , خالتها بلعت ريقها بتوتر انتي تقصدي ايه , سهر كل خير , خالتها بقوة واهية عايزة ايه يعني , سهر بانتصار بتعجبيني وانتي فهماني عايزاكي تعملي كل الاطلبه منك واوعي تقولي لهاني عن اي حاجة ولا هخليه يخرجك برة البيت دا , خالتها عيزاني اعمل ايه يعني , سهر ببرود تقومي زي الشاطرة تشوفي البيت ناقصه ايه وتعمليه اصلي مش معقول هطلب من هاني يجيب خدامة وانتي موجودة , خالتها بصدمة بس اانا كبيرة في السن ومش هقدر , سهر بضحكة ساخرة مانتي كنتي بتشتغلي ايام رهف جت عليا يعني , خالتها بحسرة مكتش بتخليني اعمل حاجة خالص ,سهر بضحكة ساخرة يعني كنتي بتتبلي عليها , خالتها بندم هي كانت شيلاني من على الارض شيل بس انا اطبطرت على نعمة ربنا فبلاني بيكي , سهر باستفزاز من اعمالكم سلط عليكم يا حماتي العزيزة هااا هتشتغلي ولا اوريكي وشي التاني , خالتها بتعب حاضر , وعملت كل شغل البيت , عند رهف وسالي , رهف بحماس انا رجعت شغلي تاني , سالي بقلق قصدك الشركة الكنتي بتشتغلي فيها قبل كده , رهف بهدوء اهااااا , سالي بعصبية انتي غبية ازاي ترجعي تشتغلي في الشركة دي تاني وانتي عارفة ان هاني بيشتغل فيها , رهف ببرود انا مش ضعيفة علشان استخبى منه واغير مكان شغلي علشان سبب تافه زي دا وبعدين متقلقيش عليا هو مبقاش فارق معايا انا كنت زمان بسمع كلامه علشان كنت بحبه بس دلوقتي بندم اني عملت كده , سالي بمواساة يمكن دا خير ليكي يا قلبي وعسى ان تكرهو شيئا وهو خير لكم , رهف بتفاءل الحمد لله وكملت بحزن انا خايفة اوي نظرة الناس للمطلقة وحشة اوي الرجالة بتشوفها فريسة سهلة يقدرو يحصلو عليها بكل سهولة والستات بتخاف لتخطف زوجها منها , سالي بهدوء مش كل الناس كده البتخاف على زوجها من المطلقة تبقى مبتوثقش فيه لدرجة التخليها متشكش فيه او شافت منه حاجة تشككها فيه , رهف بمرارة مانا وثقت فيه لدرجة اني عمري مشكيت فيه ولما حد كان بيقولي مكنتش بصدق انه بيخوني لحد مبشوفه بعنيا وبردو مكنتش بصدق , سالي مراية الحب عامية , رهف بشهقات تتصوري انه بيعايرني باني ماليش حد انا مش عارفة ازاي حبيته , سالي محدش فينا ليه سلطان على قلبه , رهف بتهرب عندك حق , هاني انتو فين , سهر بتعب مصطنع انا في المطبخ تعالى , هاني بقلق امال ماما فين , سهر تلاقيها نايمة ، هاني مش عوايدها يعني , سهر بلا مبالاة زمان كانت شايلة البيت كله والست رهف كانت مرتاحة لكنها دلوقتي مريحاها ومش عيزاها تعمل حاجة خالص , هاني بابتسامة هايل كويس انك بتعامليها وكانها والدتك , خالتها سمعت الحوار من البداية قالت لنفسها بغيظ متتوصيش في الكذب , , هاني تعالي يا ماما مالك واقفة كده ليه , والدته بوهن مفيش كنت نايمة ووجهت نظرة كارهة لسهر قابلتها بشماتة , هاني تعبانة اوديكي للدكتور , والدته بنظرة ذات مغزى لسهر لا متشكرة ليك مش عايزة حاجة من اي حد , هاني انا جعان , سهر ثواني وهجهز الغدا , هاني هدخل اغير على متخلصي , واول ماتكدت سهر ان هاني دخل جزت على سنانها وقالت بغضب لا والله يا ست يا خرفانة انتي وشدت دراعها , قدرت خالتها تخلص دراعها من قبضتها بصعوبة وقالت بصوت منخفض انا عملتلك ايه لكل دا , سهر بعصبية مفرطة بتتكلمي مع هاني كده ليه , خالتها بتروي وانتي مالك ابني وانا حرة معاه ازعقله اكلمه براحة وحتى لو ضربته انتي متدخليش فالميخصكيش , سهر بازدراء بس دا جوزي يعني يحقلي اتدخل براحتي , خالتها باستهزاء شكلك نسيتي نفسك يا بنت اختي وان لولايا مكنش زمانك دخلتي البيت دا , سهر بكره انا لا بطيقك ولا بطيق ابنك انا داخلة البيت دا علشان انتقم لامي الموتيها بقهرتها علشان كانت الناس كلها بتحبها بسرعة اما انتي فالناس مكانوش بيرتحولك فاكرة عملتي ايه , بهتت خالتها وقالت بخوف اخرصي الله يخرب بيتك هتوديني في داهية , سهر باشمئزاز ايه خايفة لابنك يسمعني ويتصدم فيكي لا متقلقيش ابنك زيك بالظبط نفس الحقارة والندالة , هاني دخل عليهم لقى الجو بينهم مشحون , هاني بتساءل فيه ايه , سهر برقة مصطنعة لا يا حبيبي داحنا كنا بنهزر , هاني بسماجة تصدقي يا سهورتي ان طعم اكلك نفس طعم اكل ماما بس كويس علشان ماحسش بالفرق مبينكم , سهر بالهناء والشفاء , هاني كنتي فين من زمان , سهر بغل موجودة بس رهف قدرت تسيطر عليك معرفش حبيتها ازاي شكلها كانت عملالك سحر , هاني بنفور كويس اني خلصت منها قبل متدمر حياتي اكتر من كده , والدته بكره اتبطر يا ابن بطني بس خليك عارف ان هيجي اليوم الهتندم فيه على كل حاجة , سهر بقرف وهيندم على ايه بالظبط يا حماتشي انه طلق الست رهف واتجوزني , خالتها بتحذير اتقي شري يا سهر احسنلك , هاني بصياح فيه ايه مالكو بتتخانقو وانا قاعد كمان دي بقت عيشة تقرف انتو مبتتهدوش بقولكو انا هسيبهالكو ولعو في بعض وخلو الجيران تسمع بينا وكان مفيش غيرنا في الشارع وانتو معندكوش راجل يحكمكو , سهر بوداعة مكنش قصدي يا حبيبي بس كلام خالتو مش منطقي بقى انا مش كويسة علشان تقول ان هيجي اليوم الهتندم فيه , هاني بعصبية وانتي ليه فكرتي ان هي بتتكلم عليكي , سهر بتوتر اصل اصل , هاني ببرود هتفضلي تقولي اصل دي كتير , سهر ببكاء مصطنع انت خوفتني منك طول الوقت بتزعقلي وكاني جارية عندك , هاني بعنف طفيف انتي عايزة ايه يا بنت الناس , سهر بهدوء ووضعت قدم على الاخرى بص بقى انا زهقت من الخناقات الكل شوية بتحصل دي وعلى حد علمي ان والدتك ليها بيت تاني بس جت هنا لان رهف كانت مرحبة بيها علشان مخلفتش ولو كانت خلفت كان زمانها خلاتك رجعتها بيتها وانا دلوقتي حامل وخايفة على ابني او بنتي لما يجي او تيجي يكون عندها عقدة نفسية بسبب الخناقات الممكن تحصل وانا عايزة عيالي يتربو احسن تربية , هاني بتفكير بس دي ست كبيرة وهتحتاج اليرعاها وانا ابنها الوحيد , سهر بعنف انا مش ملزومة اني ارعاها , هاني بس رهف كانت بتعمل لامي كل طلبتها , سهر بسخرية رهف مين دي كانت بتخليها تعمل كل شغل البيت , هاني بانهاء للحوار حاضر هكلمها حاجة تاني , سهر بدلال كلمها دلوقتي انت طبعا عارف ان اهم حاجة عند الام ان عيالها يكونو مرتاحين وبعدين انا عايزة اخد راحتي في شقتي , هاني باقتناع حقك طبعا تاخدي راحتك في شقتك انا هروح اكلمها , سهر ممكن طلب كمان , هاني اامري , سهر هاتلي شغالة علشان انا لازم ارتاح في شهور الحمل , هاني بتنهيدة حاضر حاجة تاني , سهر بدلع لا يا حبيبي اطلع كلمها بقى , واول مهاني طلع سهر بفرحة يا سلام هرتاح منها وهقعد براحتي وهعمل الانا عايزاه ومحدش هيمنعني وكملت لنفسها بسخرية قال ارعاها قال غور انت وهي دي بسبعة ارواح مش عارفة هخلص منها امتة المهم افرح بقى بفوزي عليها وان ابنها بقى خاتم في صباعي انا مش بضيع وقت زي الخايبة رهف , هاني بتمهيد للحوار ماما انتي مش ناوية ترجعي شقتك بقى , والدته لحقت تزهق مني يا ابن بطني , هاني بتوتر لا لا ماقصدش انتي هنا من زمان , والدته بنواح لحقت تقسيك عليا يا ابن بطني ومكملتش لسا اول سنة دا الزفتة التانية معملتهاش تيجي المن دمي تعملها بقى واحدة ست قدرت تصيطر عليك اااااااااااه يا خبتي في ابني الوحيد , هاني بحزم مجراش حاجة للولولة دي كلها هي واحدة حامل وخايفة على صحة ابنها زي اي ام مبتخاف على عيالها من الخناقات البتحصل بينكم اما رهف مخلفتش ولو كانت خلفت مكنش زمانك هنا دلوقتي وبعدين دي بقت شقة رهف والمفروض انها تاخد راحتها في شقتها وانتي شقتك تحت وليكي عليا هاجي ازورك كل يوم , والدته بخذلان هههههه كتر خيرك يا ابن بطني انا تعبت فيك تسعة شهور وجبتك على الدنيا دي وكنت بسهر عليك بالليالي وانت تعبان ووانت بتذاكر ولما كنت بتسهر برة كنت بستناك لحد ماطمن انك وصلت بالسلامة وانك بخير وتيجي لما كبرت تعمل فيا كده يا خسارة , هاني بجحود بطلي افورة بقى يا ماما قلتلك هزورك يبقى خلاص , والدته انا ماشية مش هقعد اكتر من كده , هاني بعدم اكتراث التشوفيه مناسب اعمليه , والدته بحزن للدرجة دي هنت عليك وكملت لنفسها بندم دا حقك يا رهف انا ظلمتك وجيت عليكي كتير وانتي استحملتيني وعمرك مشتكيتي ولا زعقتيلي ولا طرديني من شقتك وكنتي بتحاولي ترضيني بكل الطرق وكنتي مراعياني وكاني والدتك اما انا فقابلت كل دا بالجحود وانكرت جمايلك عليا والاسوء من كده اتبليت عليكي علشان اخلص منك وجوزت ابني لشيطانة نفزت تهديدها وخلاته خاتم في صباعها يمكن دا خير لكي لان انتي تستهلي واحد احسن منه , هاني بقلق سرحتي في ايه , والدته بشرود الاحسن مجاوبش عليك , سهر مالكو قاعدين كده ليه , هاني بسخافة لا يا روحي كنا بنتكلم , سهر بسماجة وبتتكلمو من غيري دي خيانة , خالتها باستياء لا خيانة ولا غيره انا ماشية وسيباهولك اشبعي بيه , سهر ببراءة مصطنعة رايحة فين كده دلوقتي , خالتها بقرف متكونيش ولي امري يا بت وانا معرفش , سهر بشماتة واضحة دا انتي خالتو البخاف عليها من الهواء الطاير , خالتها بتحذير بصي يا بنت الناس انا نازلة شقتي والاحسن تتجنبيني وملكيش دعوة بيا واتقي شري علشان متشوفيش وشي التاني ووقتها هتندمي ئ, سهر بخوف مصطنع يا مامي انا كده خفت انا مبتهددش ومبخفش خلي كلامك ليكي انا اعمل الانا عايزاه في الوقت اليعجبني ومش بخاف ولا بتهدد , خالتها بغيظ كبير خرجت وقفلت الباب بقوة , سهر بانتصار براحة على الباب كمان شوية كنتي هتخلعيه شكل هيطقلك عرق , هاني براحة اديها راحة شقتها حاجة تاني يا ستي , سهر بحب ميرسيه يا حبيبي معدش فاضل غير الشغالة بس , هاني بقلق من رفضها مبلاش الشغالة انا اليومين دول بمر بازمة مالية بسبب الاثاث الغيرتهولك علشان رفضك انك تعيشي في مكان حد ولا على حاجة حد فغيرت الاثاث ولو رهف عرفت اني بعت عزالها هتطربق الدنيا فوق دماغي , سهر بغيرة مقدرتش تداريها يعني الست رهف احسن مني او احسن من ابني في ايه علشان تخاف على زعلها عارف لو هي الكانت طلبت منك كان زمانك جبتها علطول , هاني محاول استمالتها لا دا كان زمان بس انتي الدلوقتي في حياتي وبعدين هي مطلبتش , سهر بسخرية وهتطلب ليه وهي كانت مشغلة امك زي الخدامة بالظبط ويمكن اكتر , هاني بحقارة وليه منجبش امي تعمل كل شغل البيت ومن غير فلوس حتى هتوفر لينا , سهر بصدمة مصطنعة لا طبعا انت بتقول ايه عايز خلتو تشتغل وانا قاعدة دي تبقى عيبة في حقي ومتوقعتش انك تقول كده صدمتني بطريقة تفكيرك , هاني متتدارك خطاه الفادح في حق والدته ولكنه في نفس الوقت شيطانه يلح عليه ان هذا هو اسلم حل لانه حاليا بمر بازمة مالية وسهر عمرها مهتحس بيه ولا هتبطل طلبات , سهر استغلت سرحانه وبعتت الريكورد الكان بيقترح علييها ان والدته تقوم بالمهام المنزلية بدل الشغالة ومن غير اجر وكتبت بكل شماتة وسخرية ايه رايك يا حماتي في الكلام دا وفي المفاجءة دي شفتي ابنك بيعزك اد ايه حقيقي لو انا مكانك كان زماني جالي جلطة او ازمة قلبية بسبب الكلام دا وضغطت ارسال وقالت وكده اللعب بدا وقالت لهاني برقة بتفكر في ايه يا حبيبي , هاني بفكر فيكي وانك اد اييه بنت اصول وعمرك مقبلتي تشغلي امي بالرغم ان لو كانت واحدة تانية مكانك كان زمانها وافقت ومهمهاش انتي من الناس النادرة المفيش منها كتير في الزمن دا كويس انك بقيتي من نصيبي ومضعتيش مني لانك لو ضعتي كنت هندم بجد , سهر بمراوغة خطفتك من مراتك وبقيت مكانها , هاني دانتي بقيتي في مكانة اعلى منها بكتير , سهر بغرور انا عارفة اصلي مبخدش مكان حد يا اما اعلى يا مبخدش الحاجة دي اصلا , هاني ااه يا عم الواثق انت , سهر بثقة انك تثق في نفسك دي اهم حاجة يلا نام علشان شغلكك , هاني تصبحي على خير , وفي الصباح , يتبع توقعو رد والدة هاني على الريكورد دا , وتوقعو ردة فعل هاني لما يعرف ان رهف رجعت الشغل تاني , وتوقعو اول لقاء بينهم هيكون عامل ازاي صدمتي في احب الناس الى قلبي بقلمي #peach الفصل الثالث من هنا |
تعليقات
