 |
رواية الي طريق المدي البعيد الهادي الفصل العاشر 10 بقلم بسنت عبد القادرهِي : لَا أَتَذْكُر قَلْبِي إلَّا إذَا شَقَّهُ الْحَبُّ نِصْفَيْنِ أَوْ جَفَّ مِنْ عَطَشٍ الْحَبّ هَذَا هُوَ الْحَبُّ أَنِّي أُحِبُّك حِين أَمُوت وَحِين أُحِبُّك أَشْعَر أَنِّي أَمُوتُ . هُو : فَإِذَا وَقَفَتْ أَمَامَ حسنك صامتاً فالصمت فِي حَرَمِ الْجَمَال جَمَال . بعد ان غادرت عائله نوح العوامري من منزل ماسه دخلت ماسه الي غرفتها و اغلقت الباب بالمفتاح دق الجميع علي باب غرفه ماسه يتسألون عن سبب غلق ماسه باب الغرفه و بدأ الجميع في حاله قلق و توتر قالت ماسه لهم من داخل الغرفه : هقعد لوحدي شويه و هخرج اخذت ماسه تدور حول غرفتها تمنع نفسها من أن تبكي و فجأه تذكرت أنها لم تتكلم مع دكتور جاسر أخذت هاتفها و قامت بمهاتفته أجاب جاسر بحزن مصطتنع وقال : أي يا آنسه ماسه عاش من سمع صوتك بطلتي تيجي الجلسات و هو حاجه حصلت ولا ايه ؟! قالت ماسه بحزن : أنا هتجوز نوح الأسبوع الجاي أجاب دكتور جاسر بأنفعال: إنتي بتقولي إيه حصل إيه الفتره ديه و إزاي تتجوزيه مش هو مجرم زي ما إنتي بتقولي ؟! أجابت ماسه بحزن : يا دكتور الله يخليك ده الحل الوحيد أنا إلي لازم أفضل أضحي أنا شكلي مكتوب عليا ده قال دكتور جاسر بأنفعال : مش مبرر يا ماسه إنتي مش هتصلحي الكون عمل إيه خلاكي توفقي كده ولا إنتي بتحبيه ؟! قالت ماسه ببكاء : لا هددني بس مش هينفع خلاص كل حاجه اتفقنا عليها قال جاسر بأنفعال : إنتي كده ماشيه في سكه غلط أجابت ماسه بيأس : معلش يا دكتور أنا هقفل عشان لازم اشوف عيلتي عشان قلقنين عليا ثم اغلقت الهاتف اخذت تفكر كثيراً ماذا سيفعل نوح بها هل حقاً مجرد الزواج من أجل فارس دعت الله أن يكون هذا السبب في سياره نوح : سمع نوح حديث ماسه مع دكتور جاسر و كان عروقه تغلي و من داخله عندما سألها ذلك اللعين إذا كانت تحبه ام لا تمني ان تجيب بنعم و لكن قالت كل هذا من اجل التهديد ثم وصل الي قصر نزل الجميع من السيارت عدا نوح لم ينزل من سيارته و قال لهم : معلش يا جماعه جالي مشوار مهم لازم أروح اعمله قال الجد بقلق : خير يا نوح ؟! اجاب نوح : مفيش حاجه يا جدي أنا بس في مشوار لازم أعمله مش هطول و هرجع ثم استقل سيارته وحده دون اسطول الحرس خاصته و انطلق بسيارته بسرعه جنونيه داخل سياره نوح : قال نوح بصوت عالي و غضب حجيمي : جيلك يا دكتور جاسر الجزمه يا إبن الجزمه في منزل ماسه : خرجت ماسه فركض الجميع عليها قال الجميع بصوت واحد: انتي كويسه ؟! قالت ماسه بكذب : كويسة كنت بصلي صلاه استخاره قال عامر بسعاده : مبروك يا قلب عامر ثم احتضانها عامر قالت خديجه بحزن : مبروك يا حبيبتي مش عارفه بس أنا خايفه الاستعجال ده بس إنتي طيبة و الطيبون للطيبات و لهفته عليكي في المشتشفي بتقول انه بيحبك قالت ماسه بحب : بحبك يا ديچه قالت وهج بسعادة : مبروك يا ماسي و لوني كان نفسي يكون حد غير نوح بس مبروك كمان هنبقي شركه في الحضانه اجابت ماسه ببرود : العقد هيتعدل و فيروزه كمان هتبقي شريكه قالت فيروزه بدهشة و رفضت: انتي بتقولي ايه لا طبعاً قالت ماسه برفض : يا احنا الثالثه يا بلاش مفيش نقاش قالت فيروزه بقله حيله : تمام ثم قالت و هي تحتضن ماسه بسعادة : مبروك يا ماسه و يارب تفرحي و هنعمل حنة بم خالص هنروق الدنيا قالت ماسه بسخري ة: اه طبعاً انتي هتقوليلي أجابت فيروزه بسعادة : بصي هفجأك اجابت ماسه بسخرية : ربنا يستر قال تامر بحنان : مبروك يا ماسي يجعل أيامك كلها فرح و هنا أجابت ماسه بحب : و يخليك ليا يا قلب ماسي قال رامي بمرح : ايوا بقي يا ماسه هتبقي حرم نوح العوامري مرات سلطان الإقتصاد بصراحه هو جامد لا بجد وقعتي وقفه بقولك إيه هو ملوش اخوات بنات قال عامر بصرامه : بس يا رامي عيب كده قالت ماسه موجهه الكلام الي فيروزه و وهج : أنتم مش هتروحوا انهارده هتبتوا معايا و هنروح بكره نمضي العقد و بعد كده نحتفل أننا بقينا شركه و أنت يا تامر هتبقي Administration manager عايزك تبدأ تشتغل لازم تدخل مجال الحياه العملية عشان تفتح شركتك و أنت عندك خبره كبيره قال تامر بحب : شكرا يا ماسي بس محتاج رامي معايا في الحسابات يبقي هو الي مسكها قال رامي بملل : يالهوي صحيان بدري و شغل قال عامر بمرح : استرجل يالا كده ما هتشتغل مفيهاش حل تاني إلا تقع علي واحده من الخليج قال رامي بمرح : و أقولها ام فواز اعبغي ١٠٠ الف دينار كويتي حياكي الله ضحك الجميع و قال الجميع : أوامر ماسه هانم تنفذ ضحكت ماسه احعست أن كل شئ علي ما يرام و كما ينبغي أن يكون و أن اعز الناس علي قلبها في سعاده و أمان من طغيان نوح العوامري حتي لو اصبحت هي ثمن حتي تتكمل سعاده و امان هؤلاء دخل كل من عامر و خديجه الي غرفه ثم قرر كل من رامي و تامر الخروج قليلا و ايضا رامي يريد ان يلتقي تامر بأصدقائه . في سياره نوح قال بصوت عالي : أنا هوريك يا جاسر الكلب فكرني مش عارف اوقفك و ابعدك عنها ده أنا مصدقت أنها بطلت تروح جلسات و بعدت عنك بس ماشي ليك روقه وصل نوح عند مبني الذي توجد به عياده جاسر : في عياده جاسر : قال جاسر بحزن : أنا مش عارف البنت ديه هتجنني هتجوز واحد مجرم خلي السكرتارية بتاعته تنط من سطح شركه لا و كمان فضحاها مش عارفه ديه دخله علي إيه مش كفايه تامر و معاناتها إلي عانتها عشان ترجع منه بني ادم هي فكره نفسها هتصلح الكون ولا مصلح اجتماعي هم جاسر للاخذ متعلقاته من مفتاح العياده، السيارة و المنزل و لكن دق باب العياده حاله استغراب سيطرت علي جاسر تم فتح الباب و يا ليته لم يفعل ذلك لقد اتك الموت يا تارك الصلاة كان نوح العوامري بنفسه قال نوح بسخرية: Surprise dude ثم ضرب نوح جاسر بقبضه يديه علي وجه جعل جاسر يتراجع عدت خطوات الي الوراء ثم دخل نوح و اغلق الباب في هدوء ما قبل العاصفه وقف جاسر و هو لا يصدق ما حدث و قال الي نوح بأنفعال و انفه تنزف : أنت إيه إلي بتعمله ده أنت اكيد مجنون مختل مش طبيعي قال نوح بهدوء : هو أنا لسه عملت حاجه ثم امسكه من تلبيبه قمصيه و قال بأنفعال : عايز أيه من ماسه يالا أجاب دكتور جاسر بغضب : أنت مجنون ديه مريضه عندي أجاب نوح بهدوء ما قبل العاصفه : تؤ تؤ تاريخك الاسود كله عندي و لو هي مريضة فأنت مريض اكتر منها أجاب جاسر بتوتر : أنت بتقول ايه ؟! قال نوح بأنفعال : مش ماسه بتفكرك بمراتك الله يرحمها إلي أنت ضحكت عليها و كنت بتقولها شبه اختك عشان تصدق و ترتحلك و حركات المحن إلي عمال تعملها و مراتك ماتت منتحره بسبب أنك عندك هوس الاستحواذ يا دكتور ولا أنا غلطان ؟! _________________________________________ لحظه ايها عزيزتي و أعزائي ما هو هوس الاستحواذ ؟! هو الحب الاستحواذي (Obsessive love) حالة يشعر فيها الشخص برغبة ساحقة هائلة في امتلاك وحماية شخص آخر يشعر بجاذبية قوية تجاهه، مع عدم القدرة على تقبل حدوث فشل أو رفض من قبل الشخص المحبوب. على الرغم من أن الحب الاستحواذي لم يتم تصنيفه بشكل محدد تحت أي تشخيص عقلي من قبل الدليل التشخيصي والإحصائي، إلا إن الحب الاستحواذي يعتبر مرضا عقليا يشبه اضطراب التعلق ، واضطراب الشخصية الحدي، وهوس العشق. واعتمادا على شدة انجذاب الشخص المصاب، فقد يشعر بأنه غير قادر تماما على كبح جماح نفسه عن السلوكيات المتطرفة مثل أعمال العنف تجاه نفسه أو غيره. تمتد جذور الحب الاستحواذي إلى مرحلة الطفولة. وقد يستمر الحب الاستحواذي إلى أجل غير مسمى، وأحيانا يتطلب العلاج النفسي.يصيب الحب الاستحواذي كل من النساء والرجال، مما يجعله ظاهرة متعادلة في كلا الجنسين. _________________________________________ أعزائي و عزيزتي هذا المرض ليس جاسر وحده المصاب به بل نوح مصاب به و بدرجات متفوته عن جاسر بمراحل كثيرة. عوده الي الروايه : أجاب جاسر محاول التبرير: حتي لو أنا بفصل بين حياتي الشخصية و الحياه العملية هي مريضة و أنا بعالجها اجاب نوح : بجد ده إزاي يعني دكتور نفسي أصلا مريض نفسي ، إزاي أصلا متكشفتش لحد دلوقتي أنا اعرف ان الدكتور لازم كل فترة بيقعد مع دكتور نفسي عشان يتاكده أنه سليم و مش مريض نفسي و بعيد عن ده ، يعني انت بعد لما عرفت أنها هتجوزني عشان الغبيه مديلك مذكراتها مكنتش هتهددها يا ترفضني يا هتفضحها ؟! Flashback قبل ان يأتي نوح : في العياده جاسر : قال جاسر بشر : أنا مش عارف البنت ديه هتجنني هتجوز واحد مجرم خلي السكرتارية بتاعته تنط من سطح شركه لا و كمان فضحها مش عارفه ديه دخله علي ايه مش كفايه تامر و معاناتها الي عانتها عشان ترجع منه بني ادم هي فكره نفسها هتصلح الكون ولا مصلح اجتماعي مش عارف اتلم عليها كنت مستحمل قرف تامر قولت ده هيقربني منها و هكسبها و استحملت لحد لما اتنيل علي عين اهله و اتحسن و حبي ليها بيزيد أنا بتفضل ريحتها شممها لحد معاد الجلسه تفصيلها حافظها كنت هتجوزها و أنا بدأت اتعالج من موضوع ده من بعد ما مراتي ماتت يطلعلي نوح ما يا ماسه تكوني ليا يا متكونيش لي حد غيري و مذاكرتك معايا ما كله بيهددك مجتش عليا أنا بقي ثم ضحك بهسترية عوده للحاضر: أجاب جاسر بتوتر : انعت بتقول إيه محصلش ؟! أجاب نوح ببرود : لا حصل أنا مراقب كل حاجه عيادتك بالكاميرات و موبيلك بيتك فيه كاميرات و تسجيلات تجسس كل حاجه حتي مذكرات مراتك إلي تدينك أنك مريض نفسي و أنك السبب أنها انتحرت مش عشان هي مريضة و أنت فشلت انك تعالجها و لما فشلت عشان توديها لدكتور تاني كان فات الاوان و انتحرت بس معلم حوار ميعلملوش غير دماغ ابلسه بس مذاكراتك ديه معايا إلي بقلك كتير بتدور عليها عشان امسكك من عرقوبك أجاب جاسر بعد شحب وجه كالموتي : مغلطش إلي قال عليك شيطان عايز مني ايه دلوقتي ؟! سأله نوح بأستفسار مباشر : الادويه إلي ماسه بتخدها ديه كانت بتعالجها فععلا عشان هسأل علي الادويه و هعرف و لو كدبت ساعتها هعملك فضيحه استغلال مرضي و أنك السبب في موت مراتك و هتسجن و هتشطب من نقابه الاطباء أجاب جاسر برعب : والله كانت بتعالجها و اتحسنت و جابت معانا نتيجه كويسه بنسبه ٤٥% قال نوح بأنتصار : طب كويس عشان أنا همنع عنها كل الادويه ديه أجاب جاسر بهلع و خوف علي ماسه : لا لا اوعي تعمل كده مينفعش الادويه ديه تتبطل كده ممكن تجلها انتكاسة قال نوح بأنتصار : و هو ده إلي أنا عايزه كان مازال نوح ممسك جاسر من تلبيبه قميصه سأله جاسر بملل : عايز أيه مني تاني ؟! تركه نوح ثم نظر الي جاسر نظره ارعبته ثم ابتسم نوح و قال بسخرية : عايز اجوزك يا دوك أجاب جاسر بدهشه : نعم؟! أجاب نوح بسخرية : نعم الله عليك يا حياتها زي ما سمعت عايز اجوزك قال جاسر بالرفض: و أنا مش عايز اتجوز قال نوح بسخرية : أنا مش باخد رأيك أنا بأمرك مش بمزاجك روحك في أيدي غير كده مش هرحمك سأل جاسر بسخرية : و هتجوز مين ان شاء الله ؟! أجاب نوح بنفس السخرية: نيره بنت عمي ثم اكمل نوح : أنت دكتور نفسي معروف و عالجت ناس كتير نيرة لازم تتعالج و أنت هتعالجها يمكن تكفر عن ذنب مراتك و أنت كده هتعالجها و أنت دكتور و جوزها و عشان ميبنش انك طماع انت هتيجي تتقدم و انت معاك هتدفع ٢٠ مليون جنيه منى ليك بس هتمضي علي شيكات بي ٤٠٠ مليون عشان متفكرش تهرب و ده هيبقي فيلا و الفرح كله علي حسابي كلامي هيتنفذ و هقولك امتي و لو فكرت تهرب بالفلوس و تبيع الفيلا هجيبك سامع ولا ؟ أجاب جاسر برعب : سامع خلاص هم نوح لذهاب و قال بنبره تحذير لن تتكرر مره اخري : لو ماسه كلمتك متردش انت فاهم ولا ؟؛ اجاب جاسر برعب : فاهم فاهم ثم تركه نوح و ذهب في صباح اليوم التالي : استيقظت ماسه اتخذت قرار و هو يجب ان يتم تهديد نوح مثلما يفعل معها دوما قررت تسجيل المقابله مع نوح و تذهب لمقابلة الرائد زين قالت ماسه بصوت منخفض : هسجلك يا نوح و هسجل فضايحك عشان اضمن انك متأذيش حد و راس بي راس بقي ثم قالت بشجن و عشق : غصب عني حبيتك بس أنت مجرم تستاهل العقاب في قصر العوامري : لم ينم طوال الليل قرر ان يسمع اي شئ تفعله ماسه او تتحدث مع شخصا ما لكنه و الحق يقال اندهش من ما تنوي فعله ضحك نوح بسخرية و كان في غايه السعاده و الانتصار و هو ان ماسه تحبه و هذا ما اراده بدأت الجولات تحسب لصالحه و هذا ما جعله يشعر بنشوة الانتصار و همم في تلذذ و يقضم قطعه من الفاروله المليئة بالشوكولاته و قال بنشوة و انتصار : اللبوة الشرشه طلعت و بينت انيبها للأسف فكره اعنها هتوقعني ده أنت ليله اهلك سوده بأذن واحد أحد يا حيلة امك و ابوكي في منزل ماسه : تناولت ماسه الفطور و ودعت اهلها و الغت موعد امضاء العقد بحجه أنها تريد أن تتناقش مع نوح ومواضيع مهمه ستخبرهم بها فيما بعد في شركه نوح : كان نوح في إنتظار ماسه بفارغ الصبر بعد حاولي ساعه تقريباً دخلت السكرتارية و قالت بحقد و هي ترتدي اقل ما يقال عليه لا يستر سوي القليل : إلي إسمها ماسه الشناوي عايزه تقابل حضرتك وقف نوح من علي مقعده توجه إلي فتاه أصبح امام السكرتاريه الجديده ريناد نظر لها للحظات ثم صفعها علي وجهها ووقعت هي علي الارض ثم اسمك بشعرها و جعلها تقف مره ثانيه و قال بنبره غاضبه كالجحيم جعلتها كادت ان تتبول علي نفسها : الي بتقولي عليها " إلي إسمها ماسه ديه" هتبقي مراتي المستقبليه يعني تخش من غير استأذن و زي ما تحب ديه هتبقي ستك و تاج رأسك و إسمها ماسه هانم أو حرم سعادتك أو حرم السلطان المعظم إنتي سامعه و لا اوريكي غبائي تصتبحي بيه علي الصبح بالبس العاهرات ده مش قولتلك لو جيتي بالبس الوسخ ده تاني هرفدك ديه اخر مرة سامعة ولا ؟! قالت السكرتاريه برعب : سامعة ، سامعة اسفه يا نوح بيه مش هتكرر خرجت السكرتيره رأتها ماسه في حاله مزريه كما لو كانت تعرضت للاهانه او ضرب من نوح قالت ماسه بقلق : إنتي كويسه مالك هو نوح عملك حاجه ؟! نظرت اليها ريناد و قالت بأسف : أنا أسفه يا ماسه هانم مكنتش أعرف أنك مرات نوح المستقبلية سالتها ماسه بقلق : هو زعلك أو عملك حاجه معلش أنا اسفه بالنيابه عنه و حقك عليا طبطبت عليها ماسه ثم توجهت إلي مكتب نوح اندهشت ريناد لم تعد تحقد عليها بل اشفقت عليها يبدو عليها انها طيبه القلب ثم اكملت ريناد عملها و قررت ان تعمل فقط و تتجاهل نوح من تفكيرها تماما دخلت ماسه الي مكتب نوح : قال نوح ببرود : اهلا ماسه لو سمحتي ادي موبيلك السكرتارية بره قالت ماسه بثبات : ليه المره الي فاتت عشان كنت مفيش بيني و بينك صله إنما دلوقتي ليه ؟ رد عليها نوح بهدوء معيد كلامه مره اخري فيها نبره تحذير : ماسه اسمعي الكلام و الآخر مره بقولك سلمي الموبيل لريناد أجابت بأنفعال : مش هيحصل يا نوح أجاب نوح بسخريه : مش هيحصل يا نوح عشان عايزه تسجليلي عشان تمسكي عليا حاجه و تهدديني تصدقي ضحكتيني أجابت ماسه بأنفعال : عرفت ازاي ؟! اخذ الهاتف من ماسه بعد معانه من مقاومتها له من اخذ الهاتف ثم اعطي الي ريناد ثم توجه الي المكتب و دخل المكتب و اغلق الباب و توجه الي مكتبه و جلس علي مقعده و قام بمهاتفه ريناد و قال الي ريناد باللهجة الامر : متحوليش أي مكالمات و لا أي حد يدخل عليا اين كان مين وللاي سبب قال ماسه بأنفعال الي نوح : عرفت ازاي بقولك ؟! ضحك نوح ثم رد عليها بنبره بأنتصار : - انا اعرف عنك كل حاجه من و إنتي بيبي في اللفه و عارف مشكلك مع عامر ابوكي و امك خديجه و رامي اخوكي - عارف انك حاولتي كتير تلاقي الشخص المناسب عشان انتي شخصية رومانسية زياده عن اللزوم فدخلتي في علاقات حب كتير فشله - عارف دكتور جاسر و جلساتك كنت بسمعها و عارف عندك ايه بس الي إنتي متعرفهوش أنك عبيطة و أن جاسر ده أصلا مريض هو حكالك علي حكايه اخته الي بتفكري بيها مش كده ده كداب أصلا إنتي بتفكري بمراته إلي ماتت منتحره و هو كان بيعالجك عشان يتجوزك في الأخر بس لما أنا دخلت في الموضوع قرر يهددك ينبقي ليه يا هيفضحك عشان إنتي هبلة و مدياله مذكراتك - عارف انك كنت خايفه متبقيش بنت و كشفتي عند دكتوره نسا عشان المهدئ الي كنتي بتخديه - عارف أنك ضعيفه و هبلة أنا عايش معاكي و جواكي و حواليكي أنا عارف دبه النمله يمكن اكتر ما تعرفي نفسك - اقول كمان و اعيريك و اهينك أكتر ولا كفايه كده ؟! اندهشت ماسه و سألت نفسها هل كان كل هذه الفتره يتجسس علي و لكن كيف مهلاً هل حدث ذلك عندما اعطت له الهاتف اول مره ؟! ثم اكمل نوح حديثه و قال بنبره سخريه : اسكتي مش أنا روحت الدكتور جاسر و هددته بموضوع مراته و إلي كان هيعمله معاكي و لا اصمله عليه و علي إلي حواليه هيتجوز تخيلي مين نيرة شوفتي بقي إني راجل دغري و بوفق راسين في الحلال ثم ضحك نوح ضحك هستيري مختل اما ماسه : عقلها توقف ، جسدها توقف لم يرمش لها جفن أحست انها تريد أن تختفي ، أحست انها تريد أن تموت و تفارق الحياه قال نوح بغضب : ما تردي اتخرستي و لا إيه ؟! لم تستمع اليه ماسه فقط ذكريات و كلام نوح لها و كل شئ مرت بيه كانت تري شريط مفصل بكل هذه الاحداث و الاصوات احست انها انفصلت عن العالم تقدم نوح حتي اصبح امام ماسه و قال لها و هو يطبطب علي وجهتيها برفق : ماسه أنا بكلمك ردي عليا فيكي إيه هو أنا لسه عملت حاجه ؟! لقت اصبحت تكره هذا الكائن الذي تحبه ايضا و لكن لم تتحمل كل هذا و لم تنظر اليه اما نوح بدأ القلق يسيطر عليه لم تجبه لم يرمش لها جفن كأنها بلا روح قال نوح بأنفعال و هيمسك وجهها: ماسه ما تردي عليا في إيه ؟! لم ترد بل نظرت له نظره غامضه و كأن الكون توقف تذكرت اغنيه ما ترردت في ذهناها و هي : حبي ليك عين الغلط متأكدة عقلي بيسأل قلبي ليه بعمل كدة إنت الوجع اللي أنا مستحلياه إنت اللي مش ممكن أعيش لو مش معاه أنا مدمناك مع إني عارفة إنك طريق آخره سراب لا انا قادرة من حبك اخف ولا قد أعراض الإنسحاب مَعَ إِنِّي عارِفَة إِنَّكَ طَرِيق آخَرهُ سَراب لا أَنا قادِرَة مَن حَبّكِ أَخْفَ وَلا قُدّ أَعْراض الٱِنْسِحاب أنا مدمناك لا أَنا قادِرَة مَن حَبّكِ أَخْفَ وَلا قُدّ أَعْراض الٱِنْسِحاب. ثم اغشي عليها قال نوح بأنفعال و يضرب علي وجنتيها برفق و القلق بدأ يزيد : ماسه حبيبي ردي عليا فيكي إيه ؟! لم ينتظر نوح قام نوح بحمل ماسه و خرج بها من مكتبه و ريناد اندهشت و احست بالقلق علي ماسه ثم نزل في المصعد و خرج منه و هو لا يزال يحملها تحت أنظار الموظفين و الموظفات خرج من الشركه وجد السائق يفتح له الباب دخل نوح السياره و هو يزال يحمل ماسه ثم امر السأئق بأن يتجه الي مستشفي العوامري ليعلم مل حدث لها في سياره نوح : كان السائق يقود بأقصي سرعه نوح و هو يحمل ماسه للمره ثانيه منذ وقت وقعة حادث الحضانه للمره الثانيه احس نوح نفس الإحساس لعن نفسه و لكن لم يستطيع التحمل و السيطره علي نفسه قام بضعط علي زر الزجاج العازل بينه و بين السائق و بدأ يقبل رأسها و يشتم رائحة شعرها رائحة جوز الهند منثم عنقها أخد يشتمه كأنه مدمن علي رائحتها مثل مدمن المخدرات ثم نزل و وضع وجه بين ثنيه عنقها اخذ يشتمه و يضع قبلات رطبه ناعمه عليها كان يشعر انه يأكل جوز الهند ثم نظر الي وجها قبل ارنبه انفها ثم قبل خدها التي تشبه التفاح و أخيراً وصل الي شفاتيها التي يعشقها التي يود ان يلتهمها كل ثانيه من عمره لم يستطيع السيطره علي نفسه قام بتقبيل شفاتيها قبله مليئة بالشغف و الجوع كان نوح يهمم و هو يقبل ماسه و يتلذذ من حلاوه و مذاق شفاتيها لان ماسه كانت تضع احمر الشفاه بطعم الفاروله من فرط المشاعر كلما يبتعد عنها كلما لا يستطيع ان يسيطر علي نفسه حتي وصل الي المشفي . فتح السائق الي نوح باب السياره تقدم نوح و هو يحمل ماسه و دخل بها الي المشفي قال نوح بأنفعال : أنتم يا بهايم يالي هنا عايز ترولي و دكتوره مش دكتور سامعين انت الممرضات و معهم الترولي وضع نوح ماسه علي الترولي برفق حتي انت الطبيبة قال نوح بأنفعال : شوفيها حصلها إيه و مش عايزك تديها مهدئ و لا منوم مهما حصل أجابت الطبيبه برعب : حاضر يا نوح بيه ثم دخلت الطبيبه و اغلقت الباب جناح لكي تفحص ماسه استند نوح علي جدار و هو في حاله غضب غير مبرره توقع أن تنهار و تبكي و لكن لم تفعل بل وقفت صامده رافضه الانحناء و لكن عقلها لم يعد يتحمل فأغشي عليها و هو يعترف أنه كان قاسي جدا و لكن في قانون نوح العوامري الجزء من جنس العمل قال نوح بصوت منخفض : انتي كنتي عايزه تلعبي عليا فقلبت اللعبه عليكي بوووم Game over و Noah wins Darling ثم ابتسم ابتسامه مختله . في جناح الطبي : الطبيبه تقول و كأنها تتحدث مع ماسه : وقعتي في أيد إلي ما بيرحمش إنتي لازم تخدي مهدئ و قوي كمان عشان حاله الصدمه العصبيه الحاده ديه ثم تركتها الطبيبة و خرجت من الجناح الطبي و توجهت الي هذا الوحش الكاسر اللعين المدعو نوح سألها نوح ببرود : حالتها ايه ؟! قالت الطبيبة بأحترام : عندها انهيار عصبي حاد و لازم يا نوح بيه تاخد مهدئ أجاب نوح ببرود: مفيش مهدئ فوقيها عشان تروح ذهبت الطبيبه و هي تحسبن علي هذا الكائن دخلت الطبيبه مره اخري لجناح الطبي و في المره الثانيه دخل معاها نوح و حقنت الطبيبة ماسه بماده كي تعود لوعيها مره أخري و بعد لحظات كانت ماسه بدأت تستيقظ قالت الطبيبة برسمية : المريضه بدأت تفوق يا نوح بيه قال نوح بعجرفه : اطلعي بره و متدخليش حد قالت الطبيبة بحقد : امرك يا نوح بيه و عندما خرجت الطبيبة قال نوح ثم اكمل حديثه بسخرية : تؤ تؤ سلامتك يا صغنن ان شاء الله عدوينك قال نوح هذا الي ماسه بسخرية و لكن في نفس الوقت يريد سلامتها و الايذاء في نفس الوقت صراع بداخله فس أن واحد و ماذا يتوقع هو لم و لن يتقبل بأنه شخص مختل ذات طابع الاستحواذ لا اكثر ولا اقل . أجابت ماسه بثبات انفعالي رهيب : متخفش أنا كويسه أوي و بشكرك أنك مخلتنيش اخد مهدئ بالعكس أصل لازم اقف قصدك و صحتي عال العال بدأت تتحرك من علي الفراش و جلست نصف جلسه و قالت بتعالي : اسمعني كويس يا نوح يا عوامري عشان أنا نفسي طويل اوي عيرتني و اهنتني برافو عليك بس عادي بخد الخبطه و أقف تاني أقوي من الأول و الأيام هتثبتلك ده أنا دلوقتي قدامي تحدي معاك أنت و هكسبه أو أموت عشان لو كنت خسرت قبل كده في حياتي مش هخسر تاني أنا بتحداك و قدك يا نوح يا عوامري و إذا كان محدش اتجرء و وقفلك فأنا اتجراءت و قفتلك راس براس ثم وقفت ماسه مستعدة للذهاب و لكن نظرت إليه مجددا و التحدي يظهر علي عيناها و قالت بعجرفه و تعالي : أنا ماسه عامر الشناوي و هقفلك و إلي يديني ضربه اديله عشرة سلام يا سلطان المعظم ذهبت و تركته و استقلت سياره اجره حتي وصلت الي شركته و استقلت سيارتها و ذهبت الي منزلها اما نوح كان في حاله صدمه كلما احس أنه كسر هذه المخلوقه اللعينه تقوي أكثر و كأن تحدي يقوي من عزيمتها زمجر نوح بغضب ثم خرج من الجناح ثم المشفي و استقل سيارته و توجه الي القصر دخل نوح القصر عندما دخل نوح القصر وجد الكل مجتمع قال نوح ببرود : عمي قادر معلش عايزك في موضوع ضروري مهم تعالي معايا في مكتبي قال قادر بسخرية: خير يا ابن اخويا أجاب نوح بنفس السخرية و ابتسامة تسليه علي وجه نوح : كل خير يا عمي كل خير ابتلع قادر ريقه بصعوبه ثم استأذن من الجميع و ذهب مع نوح و الفضول يأكل كل من نرجس و نيره . في مكتب نوح : جلس قادر امام نوح اشعل نوح السيجار الكوبي المفضل و ينظر له و تنفسه بهدوء و هو يحرق اعصاب قادر الذي كان يرتجف من هدوء نوح و طلبه في موضوع مهم وحده دون وجود احد قال نوح اخيرا : عمي الموضوع إلي عايزك فيه منك مهم أجاب قادر بتوتر : خير يا نوح اجاب نوح ببرود : في عريس متقدم لنيرة و أنا وفقت و أنت كمان هتوافق عليه هدر به قادر بأنفعال : نعم ؟! أنت بتقول إيه أنا أبوها إلي أقول موافق ولا مش موافق اجاب نوح ببرود : هدي اعصابك يا عمي اخذ نوح نفس عميق و قال الي عمه قادر : شكلك كده عايز الطريقة التانيه و ماله ميدورش أنت يا عمي مختلش من شركه الحج شعيب اكتر من ٣٠ مليون جنيه و مظبط مع رئيس الحسابات بس هو حمار أصلا و معرفش يستفهالك صح فغرقك ده غير أنك اللهم صلي علي نبي مشارك الريدي في تجاره السلاح و المخدرات و ممنوعات كتير ده غير فيلتك الوكر بتاعك إلي كله نسوان شمال و قرف و بتم فيها الصفقات ديه ما الريدي زيك غاوي رمرمره اجاب عليه قادر بأرتباك : محصلش إلي بتقوله ده ضرب نوح المكتب بيده و قال بأنفعال : لا حصل كل حاجه متسجلة صوت و صوره كل حاجه عندي يا عمي بقي الراجل الطاهر شعيب العوامري يبقي عنده ابعن زيك كده يا حسره عليه و يا خساره أن إبنه يطلع مجرم و فاسد و أنا الحمد لله ماشي في اليمين و شغلي كله نضيف تخيل كده معايا في كل المواقع التواصل الاجتماعي و الاعلام " القبض علي قادر شعيب العوامري في قضيه اتجار سلاح ، ممنوعات و المخدرات " ياااه يا عمي هتبقي تريند قال قادر بشبه بكاء مزيف : هتحبس عمك يا نوح ده جدك يروح فيها طب مش عشاني عشان جدك و أسم العيلة تنهد نوح و نظر الي ناحيه اخري يصتنع التفكير قال قادر الي نوح و هو يبكي : أرجوك يا نوح انا موافق مش هقول حاجه بس مش عايز اتسجن أجاب نوح ببرود : مش عارف أعمل إيه في قلبي الطيب إلي موديني في داهيه بس أنت عمي برده ميهونش عليا موافق بس ليا شروط أجاب قادر بلهفه : موافق علي الجواز أجاب نوح ببرود : لا مش كده و بس أنا عايزه تخرج من الشغل القذر ده و تحرق الفيلا ديه تعرف لو كده مش هعديها لو معملتش كده و كل صفقات مع الريدي تجيلي عشان قريب هيتعدم قول يارب بس متقطعش قال قادر و احس براحه انه خرج من هذا المأزق : موافق كل حاجه هتبقي عندك أجاب نوح و هو يصافح قادر : يعني أحنا كده متفقين علي كل حاجه أجاب قادر و هو يصافحه ايضا : متفقين يا نوح يا إبن اخويا يا غالي تجاهل نوح ما قاله و اضاف : و كتب الكتاب بكره و الفرح بعد بكره أجاب قادر بحقد : طبعا أنت ابن عمها و خايف عليها قال نوح بسخرية : يعجبني فيك يا قادر باشا أنك بتفهمني و طلعت بتفهم في الأصول و الاقرابه و صله الدم ثم تركه نوح و وقف قادر يسب و يلعن نوح من داخله ثم خرج وراء نوح وقف كل من نوح و قادر و علي وجه نوح ابتسامة انتصار ثم توجه الي الغرفه التي يوجد بها الجميع وقف الجميع كان الجد ينظر للابنه قادر وجد وجه شاحب نوعا ما و لا يبدو أنه علي ما يرام ثم رمق بنظره الي نوح وجده يبتسم بابتسامة تدل علي الانتصار و السخرية في ان واحد اما نرجس رمقت قادر بدهشة و كثير من تساؤلات دارت في خيالها لماذا قادر يرتجف بهذا الشكل ماذا قال له نوح حتي يصبح هكذا اما نيرة فالفضول يأكلها . قال جد شعيب و نرجس : في إيه قادر ؟؛ قالت نيره بقلق : نوح كان عوزك ليه يا بابي ؟؛ أجاب قادر يحاول نوعا ما التمسك بالثبات الانفعال: نيرة إنتي جالك عريس و أنا وفقت عليه أنا و نوح و كتب كتابك بكره و بعد بكره فرحك شهقت كل من نيرة و نرجس و اندهش الجد قالت نرجس بأنفعال : أنت بتقول إيه مين ديه إلي هتتجوز أنا مش موافقه أجاب قادر بأنفعال : و أنا موافق و أنا ابوها خلص الكلام علي كده علق نوح علي كلام قادر و قال بسخرية : اسد يا عمي و الله رمقه قادر بحقد و كره رد عليه نظره نوح ايضا بابتسامة تسليه و نظرات سخرية قالت نيره بأنفعال: مستحيل مش هتجوز بالطريقه ديه أنا مش هتجوز إلا نوح مش هسيبه يتجوز غيري أنت سامع يا بابي ؟! نظرت الي نوح و رمقته بنظرة غامضه ثم ضحكت بطريقه هستيرية: اه أنت بتعمل كده عشان أمشي قبل ما الأبله ماسه تشرف القصر و مين قالك بقي إني همشي من هنا أنا مش هتنقل من هنا أنتم سامعين ؟! صفعها قادر و اندهش الجميع و قال بأنفعال: يظهر إني دلعتك كتير و أنا مش داري و لا واخد بالي كنت سايبك نرجس تربيكي و الظاهر انها إلي دلعتك خلاص نوح بح هيتجوز واحده غيرك قبلي الواقع ده مش كفايه دلعك و فشلك و مصايب إلي عملتيها و مشاكل من أول من آخر قرفتيني إنتي و مشاكلك إلي ملهاش حل و أنا لقيت الحل و الحل أنك تجوزي دكتور جاسر المحمدي هيجي بكره يكتب الكتاب و فرحك بعد بكره و هتروحي معاه علي الفيلا بتاعته قال الجد بتسأل : مين جاسر المحمدي ده ؟! قالت نيرة بسخرية : الي مرات نوح بتتعالج عنده أصل يا جدو بعيد عنك العروسة مجنونه و هو فكرني مجنونة زيها فقال يجوزني دكتور نفساني عشان أنا مجنونة يعرف يتصرف معايا اجاب عليها نوح ببرود : و لا كلامك ده يهزيني خلاص إنتي فعلا لازم يبقي ليكي راجل يشكمك و يعالجك و في يوم من الأيام هتشكريني علي ده وقفت امامه نيرة و قالت الي نوح و للاول مره يندهش الجميع من حديثها حتي نوح نفسه : عارف يا نوح ، أنا بنت عمك شوفتك في الحلو قبل ما نتجوز رودينا و إلي حببني فيك كنت اه بتصدني بس كنت قريب مني و حنين و طيب و حنية الدنيا فيك كنت صحابي و بتحللي مشاكلي بس فعلا أنا بشكرك أنك عملت كده و الله مش بهزر أصلا فعلا أنت صعب أن حد يعشرك لما اتغيرت و بقيت شيطان خلتني اتجنن بسببك أنت و نرجس هانم عشان الفلوس بس لا أنا هسبتلك يا نوح إني هبقي أحسن من الأول سواء جوزي ده مين بس الجوازه ديه هتنجح و أنت هتتحصر علي ده مش عشاني تؤ تؤ لا عشان أنت مبقاش عندك قلب و لا مشاعر و لا دم حتي إلي بيجري في عروقنا زينا الله يكون في عون ماسة عشان هي دخلت جحر الاسد برجليها أنا لا هحقد علي حد و لا هأذي حد و هتعالج و هبعد عن وسواس ال بني ادمين بكره هبقي جهزه لكتب الكتاب و الفرح و ياريت تعزم ماسة و اهلها و صحابتها دول عشان عايزه اعتذرلهم من كل قلبي عشان فعلا ربنا يكون في عونها علي إلي هي دخلة عليه ثم تركتهم و ذهبت في شموخ و اندهاش الجميع من رد فعل نيره نضجت في يوم واحد و اصبحت تتكلم بعقلانية اندهش الجميع حق الاندهاش و الحق يقال ادهشت نوح لم يتوقع هذا منها و الاول مرة اراد من نيرة ان تنضج و توجه الحياه و تصبح نيرة خاصتها و ليست خاضعة لوسواس والدتها الحرباء نرجس قالت نرجس بسخرية موجه الحديث الي نوح : مبسوط انت طبعاً رد عليها نوح ببرود تستفز نزجس : جدا هتبعد عن الوسواس الخناس الذي يوسوس في صدور الناس قالت نرجس بأنفعال : قصدك إيه يا نوح ؟! كاد نوح يرد عليها و لكن سبقه الجد و رد الجد علي نرجس : قصده أنه فعلا كفاية كده و أنا أول مرة أشوفها بتفكر صح و فاقت من زنك عليها سيبها يا شيخة تشوف حياتها بقي صح ثم تركها الجميع كانت نرجس تغلي من داخلها كانت تريد ارث العوامري يكون للابنتها و احفادها و ليست لهذه الحثاله ثم ذهبت و توجهت الي الجناح الخاص بها هي و قادر لكي تستجوب قادر و تعرف من هذا اللعين زوج ابنتها المستقبلي و لكن تجاهلها و تركها تغلي و يأكلها الغضب . في منزل ماسة : كانت قد دعت ماسه وهج و فيروزه لتناول العشاء في منزلها كي تجمع كل من تحب حولها قبل الذهاب الي جحيم نوح العوامري رن هاتف عامر الخاص به و اخذ عامر هاتفه و قال لهم باستغراب : ده نوح بيتصل بيا ارتبكت ماسه و لاحظ كل من فيروزه، وهج و تامر هذا اجاب عامر بترحيب : ازيك يا نوح يا ابني ؟! ثم سكت قليلا عامر و اندهش و هذا ما زاد من ارتباك الجميع أجاب عامر بقله حيله : اكيد يا عيبني هنشرفكوا بكره مع السلامه ثم اغلق الهاتف و تنهد بحيره قالت خديجه بتوتر : مالك يا عامر هو نوح قلك إيه ؟! اجاب عامر موجه الكلام الي الجميع : كان بيكلمني عشان يعزمنا كلنا حتي تامر علي كتب كتاب نيرة بنت عمه علي دكتور نفساني اسمه جاسر المحمدي اندهش كل من ماسه و فيروزه و قالوا في صوت واحد : نعم ؟! حضرتك متأكد أنه دكتور جاسر المحمدي ؟! أجاب عليهم بدهشة : اه يا حبيبي هو أنتم تعرفه ؟ أجابت عليه وهج بأرتباك : اه يا عمي معرفه سطحيه أنا و فيروزة ثم انتهي العشاء أمرت ماسه كل من وهج، فيروزة و تامر التوجه معها الي الي غرفتها الامر هام ثم توجه الي غرفة و اغلقت ماسه الباب بالمفتاح قالت وهج بأنفعال : لا ما إنتي تفهميني بقي أن ديه مش صدفة ايغه إلي بيحصل بظبط مش صدفة صح ؟! اجابت ماسه بحزن : بظبط ، هاحكي كل حاجة بدأت ماسه تقص عليهم خطتها التي باتت بالفشل و اهانه نوح لها و اخبارها حقيقة جاسر و مراقبتها في كل شئ و تجسس عليها و فقدنها الوعي و ذهابها إلي مستشفي و اخبره لها زواج جاسر من نيرة قبل زفافهم قال تامر بأنفعال : يا نهار اسود و منيل ده شيطان و لا جاسر ده قالت وهج بأنفعال : أنا قولتلك مكنتش مرتاحه للدكتور جاسر ده من الأول و لا تاني نوح الكلب بيراقب كل حاجه عارف كل حاجه ده بني ادم مريض و مجرم لازم يتسجن مينفعش تتجوزيه فهميني إنتي تتجوزي واحد زي ده إزاي ؟! قالت فيروزه ببكاء : بلاش يا ماسه ونبي أجابت ماسه بيأس : مينفعش للاسف فات الاوان احتضانها الجميع و بكوا علي حال ماسه و الغريب ان الجميع عفوا في نفس الغرفه . في صباح اليوم التالي : في قصر العوامري : كان الكل مجتمع علي مائده الطعام عدا نيرة سأل الجد : امال نيرة فين ؟ قالت نرجس بسخرية : اكيد مضايقه و مش هتنزل رد عليها الجد بنفس سخريتها : يا شيخة ارتعبت نرجس فكررت الصمت فجأة اندهش الجميع عندما اتت نيرة كانت تلبس ملابس محتشمة و وجها خالي من مساحيق التجميل و دخلت ثم تقدمت الي جد و امسكت يده و قبلتها مما ادهش الجميع و نوح نفسه قالت نيرة بحب الاول مرة الي الجد : صباح الخير يا جدو شعيب أنا عايزه اقولك اني اكتشفت اني بحبك اوي انت اعظم حد في الدنيتي ، سامحني يا جدو شعيب علي قله ادبي و عدم احترامي ، سامحني علي حاجه عملتها في حقك زعلتك وحشة لو عايز و الله ابوس رجلك عشان تسامحني و الله ما عندي مانع بس سامحني بدأت تبكي و همت حتي تقبل قدم الجد امسكها الجد و اجلسها علي قدميه و رد عليها بحب و سعاده : كنت بدعيلك ان ربنا ينورلك طريقك اكتر واحدة كنت بدعلها في البيت ده و اللهم لك الحمد و الشكر استجاب لدعايا و هدبح دبايح علي الفقرة عشان كنت بدعيلك انه يصلح حالك و اشوفك كويسة و بتلبسي حلو و محتشم و هي ديه نيره الي كان نفسي فيها و اشوفها و انتي حبيبة قلب جدك و انا عمري و لا عمري ازعل منك كلام بيطلع من ورا القلب يا بنتي ده اعز الولد ولد الولد و انتي صغيرة دلوعة العيلة بس بعقل و دلوعة جدك تعالي في حضن جدك يا حبيبة قلبه و روحه ثم احتضانها الجد ثم قالت نيرة و هي تكفكف عن دموعها بديها و قالت بمرح : صافي يا لبن ضحك الجد من قلبه و قال بحب : حليب يا قشطة انت بالمربي ثم القت الصباح بجفاء علي الكل ثم اتي فارس عندما رأته احست انها تري فارس و الاول مره احست ان هذا الطفل ملاك كاد ان يجلس فارس بجانت والده قالت نيرة الي نوح بترجي : ممكن يا نوح احد فارس علي رجلي و اكله اندهش الجميع أجاب نوح بسخرية : ديه لعبة جديده ولا ايه ؟! ادمعت عيناي نيرة و قالت بحزن : لا و الله أنا حاسه كأني اول مره بشوفه بس اسفة علي طلبي كادت ان تأكل دون ادنا شغف للطعام بعد كلام نوح قال الجد بصرامة و هو ينظر الي نوح : روح يا فارس لي نيرة عمتك ذهب فارس قامت نيرة بأحتضانه و أحست انه ملاك و احست ايضا انها تريد ان تنجب طفل قالت نيرة بحب الاول مره فارس يري نيرة في هذه الحاله : ممكن يا بطل تقعد علي رجلي و أكلك قال فارس : ممكن علي فكره يا نيرة انني شكلك كده احلي بكتير من غير makeup و اللبس الي كنتي بتلبسيه و لما حضنتيني حستيت ان ماسي بتحضني يبقي انتي طيبة للاني مش بحب حضن مامي زي ما كنت مش بحب حضن زمان عشان شابها حالة دهشة سيطرت علي كل حتي نوح هذا الصبي ناضج و يعرف يميز كل شئ ثم قبل خدها و قال قارس بحب : شكلي بدأت احب نيروو ضحكت نيرة من قلبها علي كلام فارس الجميل أجابت بكل حب : فارسي انا اتحب اه بس انت مفيش حد ميحبكش بعد ان انتهي الجميع من الفطور و همت نيره لطلب من مصمم ازياء معروف فستان ابيض محتشم و كذلك فستان الزفاف جذبت نرجس نيرة بمنتهي العنف و قالت بأنفعال : انتعي بتعملي إيه ، خلاص كده نيره بنتي ضاعت ؟! أجابت نيرة بأحترام : لا يا ماما بنتك كبرت و عقلت عن اذنك ثم ذهبت و تركت نزجس في حالة من الصدمه و عدم تقبل كل ما يحدث توجهت نيرة ال جناحها وجدت الهاتف الخاص بها ان هناك احد يحاول الاتصال بها نظرت وجدت انها رودينا تأففت نيرة و رد عليها يجفاء : ايوا يا رودينا في جناح رودينا : قالت الي رودينا : إيه يا بنتي عاش من شافك إيه مش كنا متفقين نتقابل عشان نخلص من إلي إسمها ماسه ديه لقيتك مش بتكلمي قولت أكلمك أنا و ليكي عندي خطه متخرش المايه في جناح نيرة : قالت نيرة بهدوء : بصي يا رودينا أنا فاهمكي كويس أنا مش عيلة صغيرة و فاهمه أنك عايزيني أخلص من ماسه و تابسهالي عشان ترجعي القصر انسي انا اصلا كده كده شلت نوح من دماغي و كتب كتابي النهارده و فرحي بكره ياريت متتصليش تاني عشان مقلش لي نوح و يعملك مشكله و أنسي أنك ترجعي القصر عشان أحنا مفيش بنا مكان للخاينين إلي زيك و ياريت ما شوفش وشك صدفه حتي سلام عشان كتر السلام في قانوني بينهي المعرفه ثم اغلقت نيرة الهاتف و احست بالراحة التامه في جناح رودينا : بعد ان نيرة اغلقت الهاتف في وجهها قذفت رودينا الهاتف علي الفراش و قالت بأنفعال : يا بنت ستين كلب ضيعتي كل حاجه مني بس علي مين هوريكوا مين هي رودينا بس أخلص من ايهم ، ماسه و تامر و بعدين ارجع للقصري أنا كده كده حامل منه هخلف منه و أخلص من كل ده ثم ضحكت بهستيريا مساء كتب كتاب نبرة و جاسر في قصر العوامري : اتي الجميع حتي دكتور جاسر اخبرتهم ماسه ان يتعامله معاه كأن نوح لم يخبرها شئ و هذا ما حدث توجه دكتور جاسر ليقي السلام علي كل من فيروزه ، وهج و ماسه و صافحهم فيروزه كانت تمثل بأنها سعيدة مزيفة بالقاء جاسر و من داخلها تريد قتله عما كان ينوي ان يفعله بصديقتها و لم تلاحظ من كان يشاهد كل ده و الغيره تأكله و من غيره زين الشيمي ثم همت وهج و صافحته و باركت للزواجه مما جعل كادر هو الاخر يكاد ان يفتك بهذا الدكتور اللعين ثم توجه الي ماسه نظرت له احست بنظرة ندم في عيناه و لكن تجاهلت ذلك و صافحته و باركت له مما جعل نوح يود ان يكسر يد ماسه و يد ذلك المدعو جاسر اللعين في ان الواحد قال زين بأنفعال: مين العريس ده ؟! و يعرف وهج ، فيروزة و ماسه منين ؟ سأله كادر ايضا ببعض من الغيره : اه صح ده زي ما يكون عارفهم كويس اوي كمان أجاب نوح للانه استمع ما اخبرت ماسه لصديقتها ان يتعملوا مع جاسر معامله طيبة و لكنه يغلي من داخله : اه يعرف البنات معرفة سطحية مش اكتر الغضب سيطر علي الشباب كل من زين و كادر اما نوح ارتسم علي وجه البرود و لكن كانت الغيره تأكله من الداخل طلت نيرة و هي تنزل من علي الدرج و هي تمسك بيد والدها قادر و عندما ربنا جاسر دق قلبه بشده طلت نيرة بفستان ابيض محتشم جاء صوت داخلي بداخل جاسر يقول بهيام : ما هذا الجمال ؟ كتلة من الجمال اثرت قلبي و عقلي ، هذه الفتاه ستكون زوجتي ؟ هذه الفتاه لو في خيالي لم لكن استجراء حتي في خيالي ان تصبح لي زوجة لي حتي لا يقدر علي تخيل ان تنظر له بحب و سعاده احس جاسر انعه وقع في حب من أول نظرة تقدم قادر و قال الي جاسر ليعرفه بزوجته المستقبلية : بنتي نيرة ثم نظر الي نيرة و قال : نيرة ده دكتور جاسر المحمدي جوزك المستقبلي قالت نيرة الي نوح بابتسامة اخذت عقله و قلبه : أهلاً بيك يا جاسر صافحها و قال بهيام : أهلاً بيكي يا نيرة ثم تركته و ذهبت و جلست بجانب والدتها التي كانت ترمق دكتور جاسر بتعالي و احتقار لاحظ جاسر هذا و لكنه تجاهل هذا ، كان نوح و الجد شعيب شاهدان علي عقد الزواج جلس المأذون و وضع قادر يديه بيد جاسر ثم وضع الامأذون المنديل و المسك بيدهم و قال : إني استخرت الله العظيم وقبلت زواج موكلتك "نيرة قادر شعيب العوامري " على كتاب الله وسنة رسول الله ردد جاسر : إني استخرت الله العظيم وقبلت زواج موكلتك "نيرة قادر شعيب العوامري " على كتاب الله وسنة رسول الله بعد ذلك وجه المأذون إلى ولي الزوجة وللزوج لترديد ما يلي : إني استخرت الله العظيم وزوجتك موكلتي وابنتي "ونيرة قادر شعيب العوامري" على كتاب الله وعلى سنة رسول الله. وعلى الصداق المسمى بيننا عاجله وآجله والحضور شهود على ذلك والله خير الشاهدين. ردد قادر : إني استخرت الله العظيم وزوجتك موكلتي وابنتي "ونيرة قادر شعيب العوامري" على كتاب الله وعلى سنة رسول الله. وعلى الصداق المسمى بيننا عاجله وآجله والحضور شهود على ذلك والله خير الشاهدين. ثم رفع المأذون المنديل و قال : ببارك الله لكما وبارك عليكما وجمع بينكما في خير. توجه جاسر الي نوح بهيام : هي مش بقت مراتي ممكن تيجي معايا اخذ نوح جاسر معه لمكان بعيد عن الموجودين أجاب نوح بأنفعال : تاخد مين يا حياتها مش قادر تستني لي بكره هتبقي في بيتك اتكل بدل ما اخلكش تخش دنيا في الداخل توجهت نيرة الي ماسة و عائلتها قالت لهم بأسف و ندم : شكرا انكم جيتم انا الي قصريت ان نوح يعزمكم بصراحه انا مش عارفة ارفع راسي من الي عملته في ماسه بنتكم كانت السكينة سرقاني انا مش بمثل و الله انا ندمت و بطلب السماح منكم انا اسفة اني اذيت بني ادمه متستهلش انها تتأذي بأي حاجه وحشة ثم اكملت و عيناها تحجرت بالدموع الندم الحقيقي : ممكن تسمحيني يا ماسه ؟! تقدمت نحوها ماسه و كفكفت بيديها الصغيرة دموع نيرة و قالت بحب : مسمحاكي دنيا و اخرى انا عارفة انك ندمانة انا مسمحاكي و بقولهالك قدمهم الا قولي لي يا نيرو انني ليكي صحاب أجابت عليها نيرة بتعجب : لا مليش قالت ماسه بصوت عالي : فيروزة ، وهج ركضوا كل من فيروزه و وهج حتي وصلوا الي ماسة قالت كل من وهج و فيروزه : في ايه ؟! قالت ماسه بحب : من النهارده احنا مش ثلاثي ثم نظرت الي نيرة و قالت بحب : احنا رباعي احتضنت الفتيات بعضهم و لاول مره احست نيرة احساس الصداقة الحقيقية عكس ما كانت تراه ان الكل الفتيات تريد مصادقتها بسبب انها من عائلة العوامريه احست بالسعادة و ان اصبح لها صدقاء مثل ماسه ، وهج و فيروزه و مر اليوم علي خير و سعاده. قالت نيره لكل من ماسه ، وهج ، فيروزه و خديجة والدة ماسه : هتبقوا معايا بكره من بدري جيبوا الفساتين و كده كده في Makeup Artist هتعملنا الميكب و انتي معانا يا ديچه و انتم يا بنات هتبقوا ال Bride maids و مفيش نقاش ماشي قالت خديجة بحب : شكرا يا نيرو قالت نيرة بحب و هي تحضانها و الاول مره تتحس احساس احتضان الام و الحنان ردت عليها نيرة بحب : العفو يا ديچه ثم اكملت نيرة : و انتم يا بنات قالت الفتيات في وقت واحد : علم و سينفذ ثم ضحكت الفتيات و كان هناك من كان غضب من التجاهل و هم كادر ، زين و نوح و منهم من كان يحس بالضياع و خيره الامل و الغيره و هي نرجس و منهم من احس بالفخر و هو الجد شعيب اما قادر فكان سعيد من كل قلبه علي تغير ابنته و سعادتها هذه اليوم التالي : بالفعل جاءت الفتيات بعد ان انتهت الفتيات من ارتداء الفساتين و ال Make up خرجوا من غرفة العروس و نزلوا علي درج ثم توجه الي حديقة التي بها الزفاف لمح كل من نوح ، زين و كادر . نوح سحر به ثم شعر بالغضب الشديد لان الفستان جعلها ايه في الجمال و نظرات الرجال تأكلها و لكن ستعاقب علي كل هذا عند اتمام الزواج منها . اما زين فكان الغيره تأكله كتله من الاثاره و الجمال تمشي علي الارض و لكن نظرات الرجال عليها جعله يريد ان يأخذها و يخفيها من انظار هؤلاء ولكن ليس لديه القدره او السلطه و ما باليد حيلة . اما كادر احس انه انفصل علي العالم انها امرأته لن تكون الاحد سواه هي فتاة احلامه و لن يقدر احد علي اخذها منه و لن تقدر علي رفض من الزواج منه حتي لو اضطر الي اختطاف وهج . هنا طلت نيرة و والدها يمسك يديها ليسلمها الي زوجها عندما رأها جاسر سحر بجاملها قام قادر بحتضان جاسر و قال : خلي بالك منها و حطها في عنيك اجاب جاسر بأحترام و هو لا يزال ينظر الي نيرة : هحطها في قلبي يا عمي ثم رفع جاسر الطرحه و قبل جبهتها صفق الجميع ثم توجه جاسر و نيرة لكي يرقصون علي اغنية الزفاف و هي : اوعديني لو زعلتي مرة مني تعرفيني لو جرحتك غصب عني تحسسيني متشيليش جواكي حاجة، تحكي ليا كل حاجة لما هفهم هبقى أحسن، صدقيني اوعديني لو نسيت يا حبيبتي نفسي تفوقيني لو خدتني الدنيا مني ترجعيني لو في لحظة زاد غروري، اشتكي لومي وثوري بس اوعي في يوم تروحي وتسبيني انتي قلبي و انتي روحي و انتي عيني حد عايز اعيش معاه لآخر سنيني انتي بالنسبالي مش حب ف حياتي انتي كل حياتي فعلاً افهميني اوعديني لو في يوم الخوف ملكني تطمنيني لو ذكائي ف مرّة خانني تفهميني لما أقسى في يوم تحني، و أما أغلط غصب عني قبل ما أغلط غلطة تانية تلحقيني اوعديني لو يبيعني الكون بحالة تشتريني تبقي أقرب منّي ليّا، تكمليني تبقي أختي تبقي أمي، تجري فيا جوة دمي لما اكون تعبان تضمي وتداويني كان جاسر ينظر اليها بهيام و هي كانت تشعر بالخجل قال جاسر لها بهيام : خدي كل كلمة في الاغنية عليكي بس كده ثم رفعاها و دار بيها وصفق له الجميع انتهت حفل الزفاف في سعاده و نيرة كانت سعيده ترقص و تلهوا مع صديقاتهاا التي جعلوا يوم الزفاف لن ينسي ابدا عندما رجعت ماسه الي بيت بدلت الفستان و دلفت الي حمام و اخذت حمام دافئ و ارتدت منامة النوم و لكن وكدت هاتفها يرن بأستمرار توجهت الي فراش و اخذت هاتفها كان نوح ارتعبت نوعا ما و لكن اجبته بثبات و سخرية : خير يا زوجي العزيز في جناح نوح أجاب بغضب جحيمي : لو اتكرر و لبستي فستان زي ده و لحمك يبان كده هقطعلك لحمك ده عشان متبقيش فيكي حاجه سامعه و لا ، جتك القرف ثم اغلق الهاتف . في غرفة ماسه : بعد ان اغلق تجاهلت هذا و ذهبت الي فراش و قبل ان تدخل في ثبات و نوم عميق فالت بسخرية : رومنسي اوي قره عيني ده في فيلا جاسر المحمدي : توجه الي الفيلا بعد ان استقل سيارته و معاه زوجته الجميله وصل الي منزل ثم خرج من السياره و لف الي جهه نيرة و فتح لها الباب و ساعدها حتي تستطيع الوقوف توجه ناحيه الدرج و صعدوا حتي وصلوا الي جناح و قال جاسر بحنان : هسبلك الجناح تغير في و مش هخش الا لما تقولي لي و بالفعل تركها جاسر احست نيرة بالخجل و لكن لن تنكر انه وسيم و جذاب دلفت الي حمام و اخذت حمام دفئ و ارتدت منامة وردية اللون ليس قصيرة ثم خرجت و قالت له برقة : انا خلصت ثم رفعت عيناها وجدته يرتدي بنطلون sweat pants و جسده العاري جسد رياضي متناسق كم هو وسيم ثم اخفضت رأسها عندما رأها جاسر احس ان حورية انت له لكي تسحره او مثل النداها التي تسحره هو فقط تقدم اليها و رفع رأسها و قال بهيام : انتي حلوه اوي و كسوفك بيخليكي زي ال Marshmallow ده ثم سحبها الي جناهم و قال : نيرة انا مش هضغط عليكي اجابت بخجل : بس ده حقك أجاب جاسر بحب : بالحب و تراضي مش بالحق ثم اضاف بعشق : بس مش هتنازل عن انك هتنامي في حضني و انتي شبه الاطفال كده طفلتي و مراتي ضحكت نيره ابتسم جاسر ثم حملها و توجه الي فراش و احتضانها بقوه قالت بعبس طفولي : مش عارف انام كده أجاب بحب : اعنا بقي مش هناك غير كده كل يوم و طول عمري ثم قبل رأسها و قال بهيام : تصبحي علي خير يا نيرة قلبي ثم غفي جاسر نظرت اليه احست انها احبته من اول نظره نظرت الي ملامحه ثم غفت هي الاخري في حب و سلام مرت الايام بدون اي احداث حتي جاء يوم زفاف ماسه و نوح : كانت ماسه متوترة للغاية و وهج و فيروزه يحاولون ان تهدئ ماسه لقد خصص نوح جناح لماسة و الفتيات و والدتها حتي يقوموا بتجهيز انفسهن الزفاف كادت ماسه تبكي علي ما هي قادمة عليه قالت ال Makeup Artist : تؤ تؤ ماسه متعيطيش الميكب هيبوظ قالت خديجة بحب : مش مصدقة بنتي كبرت و بقت عروسة أجابت عليها ماسه بحزن : ولا انا يا ديچه انتهي كل شئ الجميع قاموا بتجهيز و استعداد الزفاف جاء والد ماسة كي يأخذها لينزل بها ليقدمها الي زوجها بكي و احتضانها و فستان زفاف ماسة وقال عامر بحب : سبحان الخالق خلق فأبدع ايه كل الحلوه و الجمال ده يا حبيبتي خلاص كده هتسبيني و تروحي بيت جوزك كدت تبكي ماسه قالت وهج الي عامر : لا يا اونكل ارجوك عشان ال Makeup ميبوطش لو هي عيطت احتضنت ماسه والدها مرة اخري ثم اخذ عامر ماسه و نزلوا علي الدرج و اغنيه طلي بالابيض بدأت و هي : طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان واميرك ماسك ايديكِ وقلوب الكل حواليكِ والحب يشتي عليكِ ورد وبيلسان قلبي بيدعيلك يا بنتي بهالليلي الشعلاني يا اميره قلبي انتِ سلَّمنا الاماني قلبي بيدعيلك يا بنتي بهالليلي الشعلاني يا اميره قلبي انتِ سلَّمنا الاماني ما تنسي اهلك يا صغيري بْعينينا ما صرتِ كبيري ضليِّ معنا وطيري وطيري عَ جناح الامان طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان شعيِّ متل هالطرحه يا اغلى البنات بصلِّي تعيشوا بهالفرحه لباقي الحياه شعيِّ متل هالطرحه يا اغلى البنات بصلِّي تعيشوا بهالفرحه لباقي الحياه وربِّي من السما يبارككن كيف ما توجهتو يرافقكن بايام الصعبي ينصركن عَ كل الاحزان قلِّك نعم من قلبو وفرَّح كل الناس ردِّيهاعَ قلبو وحبو شعلاني احساس قلِّك نعم من قلبو وفرَّح كل الناس ردِّيهاعَ قلبو وحبو شعلاني احساس منقلِّك مع السلامه روحي تحميكي الكرامه وتبقى محابسكُن علامي للحب والحنان طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان الفصل الحادي عشر من هنا |
تعليقات
