 |
رواية للخذلان وجه اخر الفصل الرابع والعشرون 24 بقلم مني( مفاجات ) البارت الرابع والعشرون وقفنا لما نرمين كانت بتهدي نفسها انها قوية و هتقدر ترجع ابنها ليها من تاني ... خرجت هي و عمها من الاسنانسير كان الدور علي شقتين شقة مكتوب عليها عيادة دكتور وشقة سكنية من غير يفط قربو من الباب وقبل ما يخبطو حسين مسك ايديها حسين بحب ... نرمين يا حبيبتي لازم تهدي و اوعي تتعصبي مهما حصل ممكن خلينا نرجع ثقتهم فيكي من تاني يا حبيبتي نرمين ... حاضر حاضر انا هادية اهو اصلا انا اول ما هشوف ادم هبقي كويسة اوي والله صدقني يلا خبط بقا يا عمي حسين هز راسة و رن جرس الباب و بعدت نرمين عن العين السحريه و فتح عمرو اللي اتصدم لما شافهم هما الاتنين و مكنش عارف ينطق نرمين بدموع ... ازيك يا عمرو عمرو ... حسين ... ايه هتسيب ضيوفك يكلموك من علي الباب كدة ولا ايه ؟ هي دي الأصول بردو ؟ عمرو فاق شوية من صدمتة ... ا اكيد لا طبعا احم اتفضلو دخلو وعينين نرمين بتدور في كل مكان علي ادم كانت ملهوفه عليه نفسها بس تلمحة و تطمن قلبها اللي وجعها من الخوف عليه عمرو ... هو نايم يا نرمين و اظن انتي عارفه اني مش هديهولك و متفق مع عمي عبد الله ع كدة ف مش فاهم بصراحة انتي جايه ليه ؟ حسين ... جايين نتفاهم يا عمرو نرمين ام وانت كدة بتحرمها من ابنها عمرو بسخريه ... ام ؟ هه متقلش بس ام دي عشان مفيش ام تسيب ابنها نايم وهو مطمن في بيت جدة أن أمه في مشوار وراجعه يكتشف أنها سابتة باعته بالرخيص عشان تتجوز لا اتمسكت بيه ولا فكرت حتي في حالتة هتبقي ايه فبلاش كلمة ام دي بالله عليك يا عمي عشان مش لاقية علي الهانم خالص نرمين ببكاء .... يا عمرو انا مش هاوح واقول اني مغلطتش لاني عارفة والله عارفة اني غلطت و غلط كبير كمان بس والله دفعت التمن انا مبعتش ابني بابا اللي وقتها قالي امشي من غيرة و اسلام الله يجازية بقا كل يوم كان يقولي بكرة هجبهولك والله ربنا جبلكم كلكم حقكم مني من كسرة قلبي والوجع اللي انا فية انا اسلام طلقني بعد ما مراتة جتلنا البيت ب خمس دقايق و قدمها انا اتهنت واتمسح بكرامتي الارض والله انا عارفة اني استاهل بس انا مبعتش ابني يا عمرو غلطت ودفعت التمن ولسة هدفع موافقة مش معترضة انا استاهل اصلا لكن ابني انا مقدرش ابعد عنة الله يخليك اناعايشة عشانة خلاص عشان خاطري خليني اشوفو بقا انا تعبت والله واحشني اوي اوي ورحمة احمد اخوك تخليني اشوفو يا عمرو انت احسن مني مليون مرة اتعاقب باي طريقة تحبها بس اشوفو ياعمرو حسين بتأثر ... هتقدر تقولها لا وهي في حالتها دي ؟ هتقسي قلبك ؟ ابني غلط هو اللي زن عليها و مكنش مديها فرصة حتي تفكر وتعرف ان دا قرار غلط وانا وامة شاركنا في الغلط لان كنا عارفين ومتاكدين انة بس بيربي مراتة ومتكلمناش يابني هي غلطت بس فاقت اهو وندمت وعايزة فرصة تانية مع ابنها تعيش وتشتغل وتربية متحكمش عليها من غلطة واحدة انك تبعدها عن ابنها عمرو ... ترفع قضية عليا وتاخدة بالقانون المحاكم عندها نرمين هزت دماغها برفض ... لا لا انا استحالة اقف قصادك في محاكم يا عمرو انت اخو احمد الله يرحمة وعم ابني وعمري ما شفت منك حاجة وحشة ارجوك متوصلش الامور لكدة عمرو ... انا ليا شروط نرمين بلهفه ... موافقة موافقة عليها كلها والله عمرو ... حتي لو قلتلك ان من ضمن شروطي تتنازلي عن حقك في ميراث احمد الله يرحمة ؟ نرمين ببتسامة ... مع اني واثقة انك مش هتعملها بس لو طلبك دا بجد موافقة طبعا وهمضيلك علي اى ورق زي ما انت عايز عمرو ... معملهاش لية يعني نرمين ... عشان انت ابن اصول يا عمرو متعملهاش بس قلتلك لو حصل انا موافقة اي شروطك التانية ؟ عمرو اتنهد ... ماشي يانرمين مش هتتنازلي عن حاجة بس مش هتاخدي ادم اقامة كاملة الا لما احس انك بقيتي جديرة بية ك ام غير كدة عندك المحكمة بجد ويبقي القانون الفيصل بينا حسين لسة هيعترض قاطعتة نرمين ... انا موافقة الاتنين بصولها بصدمة محدش فيهم كان متوقع انها توافق بسهولة كدة نرمين ... مالكم ؟ اتصدمتو صح ؟ بص ياعمرو انا عايزاك تتاكد اني اتغيرت فعلا عايزك تسيبلي ادم وانت واثق ان دا الصح لية انا هنقل في شقة مع صديقة ليا و الشقة اللي هتبقي قصادي ل صديقة ثالثة لينا عايشة مع والدتها وهبدء معاهم فكرة مشروع كويسة و ان شاء الله نطورها ومين عارف يمكن نفتح مطعم باسمنا كمان هثبتلك و هثبت ل اهلي اني اتغيرت وان الجرح اللي اتجرحتة قواني و خلاني اعقل و هعمل كل اللي اقدر علية عشان ترجعو تثقو فيا مرة تانية انا واثقة ان ادم في امان معاك انت اكتر حد اثق ان ادم يكون معاه اصلا بس عشان الاتفاق دا يكمل محتاجة منك وعد اني اشوف ادم باستمرار و اعرفة انه قاعد معاك موقتا عشان احنا بنجهز بيت خاص بيا انا وهو ممكن ؟ عمرو سكت ثواني بيفكريوافق ولا لا بس مع نظرة الندم والشوق اللي في عينيها مقدرش يرفض عمرو ببتسامة ... وانا موافق يا نرمين واتمني تكوني قد الفرصة دي ومتضيعيهاش من ايديك ... ادم في الاوضة اللي في الوش دي ادخليلو نرمين اول ما قالها كدة جررررريت علي الاوضة بسرعة جدا فتحتها كان ادم نايم فعلا حضنتة جامد و دموعها نازلة ومش قادرة تنطق باي حرف __________________________________ عند ميرنا كانت بتحضر الاكل وهي مبتسمة طول الوقت كانها بقالها عمر مضحكتش كدة خلصت و دخلت خدت شور وبدات تجهز في انتظار حمزة كانت مكسوفة و متوترة بس فرحانة و دا كان الاحساس الاكبر عندها ... يادوب جهزت و جرس الباب رن و معاة الجرس اللي بيرن كان قلبها دقاتة بتزيد من الفرحة والتوتر خرجت كانت حنان فتحت و بترحب ب حمزة اللي كان جايب معاة شنط هدايا كتير اوي بشكل ملفت واول ما قربت منهم ميرنا وهي بتبص ع الشنط ... اية دا كلو يا حمزة ؟ حمزة 😏 ... طب سلمي عليا الاول مش اي دا كلو ياحمزة حنان ضربتها ع دراعها بخفة ... يابنتي انتي مبتفهميش ف الاصول ابدا حد يقول كدة هيطفش منك قبل ما نقري الفاتحة حتي ميرنا كشرت ... الله في اية انا بس استغربت كمية الشنط دي كلها وبعدين عايز يطفش يطفش احنا لسة وافقين جمب الباب اهو حمزة 🤨... انتي بتطرديني يا ميرنا ؟ ميرنا 🤨... انت عايز تطفش ؟ حمزة ... ابدا اطلاقا مطلقا ميرنا ... خلاص يبقي مش بطفشك عموما اهلا وسهلا نورت وشرفت حلو كدة يا حنان حنان ... و انا مني لله معرفتش اربي ادخل ياابني مش هنتكلم علي الباب كدة اتفضل البيت بيتك اهلا وسهلا دخل حمزة وقعد و ميرنا الفضول هيقتلها تشوف هو جايب اية وحمزة حاسس بيها و مستمتع جدا بنظراتها حمزة بتساؤل ... فين سليم ؟ حنان .. هدخل اجيبو اصلو بيركب بازل ف بيدمج معاها وينسي الدنيا كلها خرجت حنان تجيب سليم وحمزة بص ب ميرنا ببتسامة شقية حمزة ... فضولك هيموتك صح ؟ ميرنا كشرت ... اية فضولك دي حمزة .. اومال اية النظرة دي ؟ ميرنا ... اصلا مش عايزة اعرف انت جايب اية وبعدين انت كدة كدة هتسيبهم وتمشي وهشوفهم ☺️ حمزة ضحك ... ماشي يا ستي دي شوية لعب ل سليم و حاجات لام سليم يارب تعجبها ميرنا .. حاجات اية ؟ حمزة لسة هيرد قطعة دخول سليم جري علية وهو بيضرخ باسمة سليم ... حمززززززة حمزة ... حبيبي البطل عامل اية ؟ وحشتني اوي سليم ... الحمد لله حنان .. انتي يا اخرة صبري مش هنتغدي ولا اية ميرنا ... مالك و مالي انهاردة يا حنان حنان ... هههههه بنكشك بس يلا بقا عشان منجعوش حمزة اكتر من كدة خلية يدوق عمايل ايديكي من دلوقتي عشان بعد الجواز ممنوع الشكوي حمزة ... ههههههههه ومالو ندوق بس اكيد الاكل هيكون حلو من ايد ميرنا وان شاء الله انا عمري ما اشتكي منها ابدا ميرنا اتكسفت وخرجت بسرعة علي المطبخ تحضر السفرة وحمزة بدء يطلع ل سليم اللعب اللي جيبهالو ويلعب بيهم معاه و حنان ضحكتها منورة وشها بعد الغدا و الضحك والمنغاشات بين حمزة وميرنا اتفق حمزة مع حنان ان بعد يومين يلبسو دبل ويقرو فاتحة ويخرجو يتفسحو بالمناسبة دي و طبعا محددوش معاد للفرح بناءا علي رغبة ميرنا وبعد وقت طويل مشي حمزة و جريت ميرنا علي اوضتها تشوف كان جيبلها اية معاة ... لاقيتة جيبلاها تلت شنط اول واحدة فيها فستان شيك اوي لونو روز هادي تاصيلة رقيقة عجبها جدا و كان واضح انة مقاسها ... تاني شنطة كان فيها عروسة كيوت جدا من اللي بتتصنع يدويا شعرها لونة اسود و عينيها بني غامق و لابسة فستان مكتوب عليه ميرنا عجبتها جدا و فرحت اوي بيها .... تالت شنطة كان فيها نوت بوك واضح انة مكتوب فية وفعلا اول ما فتحتة لاقت مكتوب في اول صفحة (( من يوم ما شوفتك )) وباقي الصفح كلام ل ميرنا من اول مرة حمزة شافاها فيها لحد اخر مكالمة تليفون بينهم و قبل ما تبدء تقرا لاقت تلفونها بيرن برقم حمزة فتحت علي طول ميرنا ... الو حمزة ... عجبتك الحاجات ؟ ميرنا ... اها عجبتني اوي بس احلي مفاجاة فيهم هي النوت بوك مع اني ملحقتش اقري حمزة ... قطعت عليكي اللحظة ؟ ميرنا ... اها حمزة ... معلش ياستي حبيت بس اقولك اني مبسوط وطاير من الفرحة حبيت بدل ما اكتب اللي بحس بية زي كل مرة بشوفك او بتيجي في بالي ان المرة دي اشاركك انتي شخصيا فرحتي خصوصا ان انتي سبب كل حاجة حلوة في حياتي ميرنا ... لا بقولك اية براحة عليا شوية هه براحة مش حمل كل الحاجات الحلوة دي مرة واحدة والله بدات اقلق واخاف حمزة ... لية يا حبيبي ؟ انا جمبك بلاش الخوف من اى حاجة ممكن وقعدو يتكلمو كتيييير سوا وقفلت ميرنا وهي واثقة من مشاعرها المرة دي عن كل مرة هي مش بسحبت حمزة هي بقت بتعشقة ___________________ ومع صباح يوم جديد كان كله مفاجات ل سمية صحيت علي صوت تلفونها عمال يرن كان خالد ردت علية بصوت نايم سمية ... الو خالد ... صباح الخير سمية ... صباح النور في اية الساعة لسة تسعة ونص خالد ... عندي اخبار حلوة قلتاتصل ابشرك بنفسي سمية اتعدلت ... خير يارب قول بسرعة خالد .... اولا يا ستي البنات اللي حكتيلي عليهم امان جدا و تقدري تنقلي عندهم اي وقت سمية بثقة ... طبعا يا ابني انا ليا نظرة في الناس خالد بسخرية .. اااه ما انا عارف سمية .. وثانيا ؟ خالد ... قبضنا ع دياب انهاردة الفجر خلاص سمية بفرحة و لهفه ... بجد والنبي احلف بجد بجد خالد ضحك ... اه والله بجد قدرنا نسجلو حاجات كتير وكان عندة طلبية موجود فيها بنفسو يعني اتقبض عليه متلبس كمان سمية ... الحمد لله يارب الحمد لله ياساتر كوبة وانزاحت خالد باستغراب ... كوبة ؟ هي مش كانت غمة باين سمية ... لا لا هو دياب دا كوبة ايش عرفك انت انا ال شوفتة خالد ... ياستي كوبة غمة المهم اننا خلصنا منة و هروح لاهلك عشان اوضحلهم الحقيقة كلها ف كان لازم اعرف طلباتك اية عشان اقولهالهم بطريقة غير مباشرة وتخلصي من كلة فعلا سمية ... عاصم يطلقني و ينسوني خالص كاني لسة ميتة ولا كانهم شافوني ارجوك يا خالد تحاول معاهم خالد ... حاضر يا سمية اللي فية الخير يقدمة ربنا المهم هتتحركيامتي ع شقة صحبتك ؟ سمية ... هقفل معاك واتصل بيهم بس غالبا هقوم اجهز حاجاتي عشان اروح انهاردة عشان خطوبة ميرنا بعد بكرة لازم اكون جمبها ومتقلقش هما مش عزمين حد اصلا عائلية جدا خالد ... ماشي ياستي عموما سيف متفق معايا ان هو اللي هيوصلك بنفسة خصوصا ان اهلك يأسو انو يكون عارف مكانك وبطلو يراقبوة هو و صفية سمية .. اوك هتفق مع البنات واكلمو خالد .. ماشي عايزة حاجة ؟ سمية ... شكرا يا خالد سلام خالد .. سلام الفصل الخامس والعشرون من هنا |
تعليقات
