 |
رواية للخذلان وجه اخر الفصل الثالث 3 بقلم منيخذلني مرتين البارت الثالث ... سيف ... و طلب مني ف الآخر أنة يجي بكرة ويتكلم معاكي شخصيا يا سمية حاولت اعرف هو بيفكر في ايه ولكنة قالي انتظر ل بكرة وهعرف صفية ... هيجي هنا البيت ولا هتتقابلو برة؟ سيف ... لا هنا قالي البيت اضمن للكلام ال هيتقال ( بص ل سمية ) مالك يا سمية ساكتة لية ؟ سمية بتوهان ... مش عارفه اعمل ايه .. بقا انا مش قادرة افتكر انا مين اتورط مع واحد مجرم لمجرد اني شبة مراتة سيف ... بلاش توتر زايد هيتعبك أن شاء الله بكرة خالد يقولنا علي حل تخلصي بيه من دياب دا اطمني صفيه بشفقة ... حبيبتي يلا ادخلي ارتاحي شوية علي ما اجهز الاكل _ مكنتش قادرة فعلا اتكلم هزت راسي بموافقه وقمت دخلت اوضة سيف اللي بقت اوضتي حاليا وطلعت ع سرير وأجبرت نفسي انام من غير ما افكر في اي حاجة مكنتش بخرج من الاوضه صفيه و سيف حاولوا يهونو عليا بس فشلو واخيرا وبعد طول انتظار جرس الباب رن بس سيف كان معاه تلفون ف مكتبه فتحت صفية صفية ... ايوة ... خالد ببتسامة ... مساء الخير استاذ سيف موجود ؟ صفيه ... ايوة نقولو مين ؟ خرج سيف في الوقت دا سيف ... اهلا اهلا خالد بيه اتفضل خالد ... ارجو اني اكون جيت في معادي سيف ... اكيد طبعا اتفضل .. تشرب ايه خالد ... مفيش داعي ا سيف قاطعة ... مفيش كلام دا انت شكلك زي مدمن قهوة صح خالد ... صح سيف ... قهوتك ايه بقا خالد ... مظبوط سيف ... صفيه اتنين قهوة لو سمحتي و خلي سمية تيجي صفيه بصتلة اوي سيف .. في ايه عايزة ايه ؟ صفيه ... احم لا بس ا سيف ببتسامة ... ايه معندناش بن قولي قولي صفيه ... لا طبعا في بن بس بص بقا متبدؤش كلام الا لما اجي ماشي 🤨 ؟ سيف 😏.... رفعة الحاجب دي مفروض اخاف؟ صفية ... خلاص مش هنده سمية الا وانا راجعة بالقهوة ( وسابتهم ومشيت) سيف بصوت عالي ... ماشي يا صفية ليكي روقة ( وبص ل خالد اللي متابع ببتسامة علي وشة ) ... احم اسف ع ال حصل هي اختي دكتورة نفسية اه بس مخها مفوت زي خالد ... بالعكس ماشاءالله العلاقة بينكم واضح انها جميلة ربنا يخليهالك سيف ... امين يارب .. حضرتك واثق أن دياب مش عارف بالمقابلة دي خالد ... متقلقش يا سيف بعد دقيقتين صفية جت معاها القهوة و وراها سمية ... خالد اتعرف عليها وعرفها عن نفسة وبدء يقول خطتة .... خالد ... مبدئيا انا مش عايزك تقلقي خالص أن شاء الله مفيش اي ضرر ليكي سمية بتوتر ... أن شاء الله خالد ... قبل ما ابدء سيف عندك مشكلة في انك تشترك معانا في الخطة دي ؟ سيف ... لا طبعا أنا تحت امرك خالد ... تمام .. احنا هنعتمد علي أننا مسبق دياب بخطوة دياب الفترة ال فاتت مكنش ظاهر لانه كان مسافر برة ورجع يوم ما جالك هنا واكيد بيخطط ل حاجة واللي هي غالبا خطفك سمية خافت و صفية طبطبت عليها سيف ... نعم يخطفها ازاي يعني خالد ... اهدو انا بقولكم هو بيفكر ازاي عشان كدة عايز اسبقة بدل ما يخطفها و نقعد ندور عليها وياعالم هنقدر نلاقيها أو نلحقها ولا لا نسبقه احنا و هي تروحلو لسه كلهم هيعترضو قاطعهم بحزم خالد ... لو سمحتم اكمل كلامي للاخر لو فضلتو تعلقو ع كل كلمة مش هخلص سيف ... اتفضل كمل خالد ... انتي هترحيلو الشركة في مكان شغله هتقابلية بحجة انك عايزة تفهمي الكلام اللي قاله هنا اخر مرة دا معناه ايه ومين نهي وايه علاقتيها بيكي هتحاولي تخليه ينفعل انتي الوحيدة اللي تقدري تخليه مشتت وفي الوقت المناسب هتزرعي ميكوفون صغير في المكتب و تطلعي وتمشي سيف ... وهو بقا بسهولة بعد ما راحت لحد عندة يسيبها تمشي مش كدة ؟ خالد ... اه لأنها هتهددة أنها هتصوت و تلم عليه الموظفين وتفضحة وتقول إنه بيحاول يعتدي عليها دياب سمعتة مهمة عندة وعند الكبار اللي شغالين معاه اي شوشورة يخاف اللي فوق يزعلو سيف ... ولو سبها تمشي من المكتب تضمن منين ميتعرضلهاش تاني خالد بحرج ... احم ما هو بصراحة هنا انت لازم تقدم لنا خدمة ف الحوار دا سيف بتعجب ... مش فاهم ! قصدك احميها يعني بس ازاي ؟ خالد ... حاليا واحنا بنتكلم في بطاقة بتطلع باسم سمية و عقد جواز قانوني و متوثق في الشهر العقاري كمان بتاريخ من شهر فات بينك وبينها هنا سمية اتكلمت بعصبيه ... لا لا كدة كتير بجد حضرتك مستوعب انت بتقول ايه ؟ جواز ايه انا حتي مش فاكرة اسمي مش عارفه اذا كان سميه دا اسمي فعلا ولا لا اتجوز ازاي ثم هو ذنبه ايه في كل دا تورطة معايا ليه في حوار ملوش دخل بيه انا مش موافقه واللي يحصل يحصل سيف ساكت و صفيه مش مستوعبه خالد ... ممكن تهدي للاسف انتي معندكيش أي حلول تانيه دياب مش هسيبك انتي مش متخيلة الشبة اللي بينك وبين مراتة و مهما احكيلك هو كان بيعشقها اد ايه مش هيكون كافي دياب مش هيسيبك يا سمية وانا عشان اقدر احميكي دا اللي اقدر عليه مقابلة صغيرة في شركتة تخدمي بيها البلد و اقدر احقق لك الحمايه بعدها و جوازك من سيف ع ورق بس عشان لو فكر يخطفك نقدر نوصلك وسيف يقدر ياخدك بشكل قانوني و يعملو قضية خطف كمان صدقيني دا حمايه ونفس الوقت هيخلينا نكسب شوية وقت نقدر نمسك عليه حاجة ونخلص كلنا سمية ... وهو لو خطفني هتوصلولي ازاي خالد ... عامل حسابي هنحطلك جهاز تتبع في (وبص للسلسلة الي لابساها و عليها اسمها) هنحطة في السلسله دي و بكدة نقدر نوصلك سمية ... خلاص موافقه بس من غير ما سيف يتورط في حاجة انا هروح و هقول كدة ولو خطفني توصلي وخلاص من غير جواز خالد ... مش هينفع دياب ممكن لما ياخدك يكتب عليكي غصب عنك بفلوسه يقدر يعمل كدة عشان كدة لازم نسبقة في دي كمان سمية لسه هتعترض تاني اخيرا سيف اتكلم سيف بهدوء ... سمية خالد بيتكلم صح احنا منعرفش دياب بيخطط لايه دلوقتي ولازم نكون سبقينة ديما سمية ... انت بتقول ايه انت موافق علي الكلام دا صفيه ... يا جماعه انتم ناسيين نقطة مهمة جدا سيف ... نقطة ايه صفيه ... افرض صفيه متجوزة فعلا يا سيف الوضع ايه ساعتها؟؟ خالد بحرج ... اعتقد نقدر نتأكد إذا يعني احم كانت اا سمية بنفعال ... وافرض مخطوبة وافرض اهلي شداد ما ممكن ميصدقوش كل الي بنقوله دا دلوقتي انا مش عارفه اانا خالد قاطعها ... ممكن تهدي اوعدك الحوار كله مش هيكمل شهر وهيكون خلصان و أيا كان مين اهلك احنا وقتها هندخل و نشرحلهم كل حاجة سيف ... ايه اطمنتي كدة ؟ سمية ... سيف انت موافق بجد ؟ سيف ببتسامة ... اكيد طبعا انتي زي صفيه بالظبط مقدرش اتخلي عن حمايتك يا سمية دا غير اني هساهم بشكل أو بآخر أن مجرم زي دا يتقبض عليه _ اول ما قال إني زي صفيه حسيت بوجع في قلبي كان حد ماسك قلبي وبيعصرة جامد بايدية وطيت راسي عشان محدش يشوف الدموع اللي في عينا وقلت من غير ما ابص لاي حد و انا بمشي ع اوضتي سمية بحزن ... موافقة اعملو اللي انتم عايزينه عن ازنكم _ دخلت اوضتي في هدوء و دموعي نزلت معرفش كنت بعيط ليه عشان مش فاكرة حاجة ولا عشان حسة اني عروسة لعبه بتتحرك من غير إرادتها ولا عشان سيف قال إني زي صفيه _تاني يوم خالد جة ومعاه البطاقة و عقد الجواز جاهز علي اوضتنا عشان يتوثق و مضينا ومن بعدها عدي يومين كنت بتجنب فيهم الكلام مع سيف أو اني اكون معاه في مكان واحد معرفش ليه هو اه كل حاجة علي ورق و انا بالنسباله زي صفيه بس كنت مكسوفة اوي و جوايا حتة صغيرة مخبياها كانت فرحانة اني بشكل او تاني انا مراتة في اليوم التالت خالد بلغنا أن دا المعاد المناسب واني اجهز و في خلال ساعه اكون عند دياب في الشركة ... كنت خايفة اوي و متوترة دخلت صفيه صفية. .. سمية ممكن نتكلم شوية قبل ما تنزلي ؟ سمية بتوتر ... ن نتكلم ف ايه تاني انا خلاص حفظت كل حاجة كويس والله صفيه ... حبيبتي انتي مجرد ما هيزعق ممكن يحصلك ال حصل قبل كدة و دا اكيد له علاقه ب حياتك اللي انتي مش فاكراها سمية بصوت مخنوق ... يعني اعمل ايه ؟ صفيه ... تحاول متخلوش يوصل للمرحلة دي تستخدمي معاه اسلوب الشد و الجذب فاهمه سمية ... لا مش فاهمة حاجة يعني اعمل ايه ؟ صفيه ... هفهمك و احنا ف الطريق انا اتفقت مع سيف اني هوصلك بنفسي وهو هيكون ورانا بعرييه تانيه عشان يكون مطمن يلا بينا ؟ سمية ... حاضر يلا _ صفيه كلمتني كتير بس غصب عني من خوفي مركزتش في كل كلامها خلتني قبل ما اطلع اعمل تمارين اظبط بيها تنفسي و حاولت اهدي نفسي واللي ساعدني اني لمحت سيف وهو قاعد ف عربيتة و مبتسم ليا ابتسمت انا كمان و طلعت علي الشركة ... الناس كانو بيبصولي باستغراب اوي و لما ساالت علي مكتب دياب و طلعت كنت سامعه همهمات كتير و كلها عن اني شبة مراته بالظبط حتي السكرتاريه فضلت متنحالي كتير علي ما اتحركت و دخلت تبلغه اني برة و مفيش دقيقة ولاقيته خارج جري شدني من ايدي ودخلني مكتبة وقفل الباب دياب بذهول وشك ... انتي هنا بجد ؟ بنفسك جيالي بنفسك لحد عندي ؟ طب ازاي ؟ سمية بتوتر من قربة ... طب ابعد كدة الاول خليني اعرف اتكلم دياب ... اديني بعدت .. قولي ايه جابك ؟ سمية ... جايه افهم الكلام اللي قولتة اخر مرة دا معناه ايه ؟ ومين نهي دي ؟ وليه الموظفين بتوعك كانو بيبصولي باستغراب اوي كدة ؟ دياب انتي تعرفني و مخبي؟؟؟ دياب ... اعرفك ازاي يعني سمية ... تعرف انا مين وحصلي ايه ؟ دياب اتوتر ... اية اللي بتقوليه دا لا طبعا سمية و هي بتبصلة بترجي ... اومال ايه ارجوك فهمني ؟ دياب بصلي وفهمني _ دياب اول ما بصلها شاف حبيبتة .. مراتة اللي الموت خطفها منة دياب ... انتي حبيبتي انتي رجعتيلي تاني مش كدة سمية ... حبيبتك مين ؟ نهي ؟ دياب ... انا مش مجنون يا سمية انا سمية ... انا مقلتش انك مجنون انا عايزة افهم بس ممكن تحكيلي ؟ دياب ... حبيبتي و مراتي و كل حاجة ليا في الدنيا المرض والموت خطوفها مني بس جيتي انتي ورديتي فيا روحي من تاني خلتيني اتنفس بعد ما كنت خلاص حاسس اني بموت من غيرها سمية ... بس انا سمية مش نهي يا دياب دياب ... مش مهم انا هعرف اخليكي نهي هنطلعلك بطاقة باسم نهي و هنتجوز و هعيشك ملكة كل اللي هتتمنية هيترمي تحت رجلك هعيشك حياة عمرك ما كنت تحلمي بيها سمية ... بس دي مش حياتي و مش هتكون واكيد انا هفتكر انا مين في يوم مش هفضل كدة عمري كله يعني دياب بسخريه ... انا مش بخيرك علي فكرة انا بعرفك اللي هيحصل برضاكي أو غصب عنك سمية ... مش هتقدر جوزي مش هيسمحلك دياب بغضب ... نعمممممم ؟ سمعيني تاني كدة جوز مين ؟ سمية بخوف ...سي سيف اخو دكتورة صفيه يبقي جوزي دياب ... انتي هبلة يابت جوزك ازاي وانتي مش فاكرة حاجة و معكيش اي ورق سمية ... هو اتصرف ف الورق و اتجوزنا بعقد جواز موثق عشان هو كان مستحرم افضل ف بيته بدون صفة انا جيت بس عشان افهم يا دياب دياب وهو بيكسر في المكتب ... تتجوزي ازاي ازاي بما بعد كل اللي عملتة و خططتلة جايه تقوليلي اتهببتي طب واناااااا انا اللي ما صدقت لاقيتك بعد ما ضعيتي مني تسيبني لمين هه لمييين _ في الوقت دا ايدي و جسمي كله كان بيترعش خفت واصوات كتير جت في دماغي تحاملت ع نفسي و عملت نفسي بقرب من المكتب وانا بتفاداه في موجة غضبة و حطيت الجهاز تحت المكتب و حاولت اسيطر علي نفسي لأن الصداع كان بدء يجيلي تاني سمية ... دياب انا همشي دياب ... تمشي فين انتي مش هتتحركي من هنا سامعه سمية ... اعقل بقا صوتك اكيد لفت نظر الموظفين لو صوت دلوقتي و دخلو هيصدقو بسهولة انك كنت بتعتدي عليا سبني امشي في هدوء خلاص انا مش عايزة اعرف حاجة تاني مش عايزة _دياب كان بيتنفس بسرعه من شدة غضبة و عصبيتة دياب 😡 ... هو ايه كل مرة هتقدري تفلتي مني الموظفين دول كلاب انا اعرف اخرسهم كويس اوي انتي مش هتمشي من هنا غير معايا سامعه _ سمية اتوترت خالد مقلهاش تعمل ايه ف موقف زي دا سمية ببكاء ... هصوت و افضحك سامع و لو خرستهم دلوقتي مش مش هتضمن أن محدش فيهم يقول كلمة برة لاي حد سبني امشي سبني بقاااا ( قالتها بصوت عالي جدا ) دياب 🤨 ... امشي يا سمية ارجعلو و اوعدك انك في خلال يومين اتنين بس هتكوني في بيتي و مراتي كمان يلا اتفضلي اطلعي و الحقي اشبعي منهم مين عارف هتلحقي تشوفيهم تاني ولا لا _ طلعت اجري من الشركة كلها وانا منهارة من العياط هو هو ممكن ياذيهم ؟ لا لا انا مقدرش اكون سبب في اي أذية ليهم _ سيف لامحني وانا منهارة و بجري علي عربيه صفيه نزل جري من عربيتة و قرب علينا سيف بقلق ... في ايه ؟ عملك حاجة ؟ سمية في ايه ؟ صفيه ... اتنفسي سمية براحة اتنفسي انتي خرجتي خلاص و معانا انتي في امان اهدي سيف ... صفيه هي مالها ؟ صفيه ... بعدين يا سيف بعدين من فضلك اقفل عربيتك كويس وتعالي سوق بينا لازم اكون جمبها لحد ما نوصل _ وفضلت صفيه طول الطريق حضناني وانا متبته فيها ومش قادرة ابطل عياط أصوات كتير بتيجي في دماغي وتروح وزي المرة اللي فاتت اخر حاجة قولتها بدون وعي مني .... لا لا متضرنيش ارجوك يا عاصم لا يتبع ... الفصل الرابع من هنا |
تعليقات
