رواية حي العشاق الفصل الثالث عشر 13 والأخير بقلم سلمي تامر
متقبل يا ادمن بقا🥹
~الخاتمة ~♥️♥️♥️♥️♥️♥️♥️🍄
(حي العشاق)
~~~~
بعد شوية في المستشفى
كان سمير نايم عالسرير بتعب
وكريم وزياد وفاطمة قاعدين عالكنبة اللي قدامه
وعمر كان قاعد جنب سمير المصاب في كتفه وبياكل من الفاكهة الموجودة
كريم بغضب
_انت يابني آدم قوم من جنب اخوك اللي لسه تعبان
عمر ببرود
_مش قايم..انا كمان اعصابي تعبانة من اللي حصل ولازم ارتاح واتغذى كويس
سمير بصوت شاحب
_سيبه ياكريم
بس لما مراته تيجي بقا متنساش تقوله انه كان بيحكي اسرار بيتنا لعمته علشان تجوزه هنا بنتها اللي كان معجب بيها
عمر قام بسرعه واتكلم بإرتباك
_حيلك حيلك يا ابو سمره مالك داخل علينا حامي كده
فجأه الباب اتفتح بعنف ودخلت زينب ببكاء ووراها رياض ويارا اللي كانت قلقانه جدا
ووئام ومديحة ووالد فاطمة اللي جروا على فاطمة بلهفة
زينب لسمير ببكاء وهي بتحضنه
_يحبيبي يا ابني!
مالك ياسمير ياحبيبي ايه اللي حصلك يضنايا
سمير بهدوء وعنيه على يارا اللي فرحان جدا انها جات تطمن عليه
_متقلقيش يماما انا كويس يحبيبتي
رياض بخوف
_قولي يبني فيه حاجه بتوجعك
سمير
_كتفي بس يبابا..متقلقش الاصابة سطحية
وئام لعمر بلهفة
_حبيبي حصلك حاجة؟
عمر بتمثبل وهو قاعد عالكرسي
_تعبان ياوئام..تعبان اوي
انتِ مش متخيلة انا تعبت قد ايه علشان احميهم كلهم
كريم بسخرية
_متحكيلنا عملت ايه علشان مأخدتش بالي ياعمر يحبيبي
عمر اتنهد واتكلم بكذب
_أول حاجة مسكت سلاحين ودخلت على عشرين واحد غربلتهم
روحت رايح للأوضة اللي فيها فاطمة وكان فيها ١٥ راجل بسلاح
دخلت فيهم كلهم وقتل..تهم
وسحبت فاطمة وجرينا من المكان
طلعنا نجري بسرعه وهوبا لقيت واحد واقف فوق السطوح ومصوب المسدس على كريم
محستش بنفسي غير وانا بزق كريم والاصابة بتيجي فيا انا
وئام بإستغراب
_بس مش انتوا قولتوا ان سمير هو اللى زق كريم والرصاصة جت فيه!
عمر بصلهم واتكلم بجدية شديدة
_انا اللي قولتلهم يقولولكم كده
مبحبش اتكلم عن بطولاتي كتير وحد يشكر فيا
وئام بخوف ولهفة
_طب فين الاصابة يحبيبي
سمير بسخرية
_قولها يحبيبها فين الاصابة
كريم بنفس السخرية
_في صباع رجلك الصغير ولا فين
رياض ليهم
_بس كلام ويلا يجماعه نطلع نسيب سمير يرتاح شوية
كلهم طلعوا من الاوضة معادا يارا اللي كانت بتبص لسمير بقلق عليه
اخدت بالها ان متبقاش غيرها في الاوضة ف لفيت علشان تطلع لكن سمير منعها
_يارا.. استني
يارا بصتله وسمير اتكلم بندم
_يارا انا اسف..انا عارف اني جرحتك اوي بس صدقيني انا كنت غبي ومبفهمش ومش مقدر النعمة اللي في ايدي
يارا اتكلمت بإبتسامة حزينة
_عادي..عادي يسمير انت معملتش حاجة
انا اللي كان معنديش كرامة وبجري ورا واحد مش عايزني انت ملكش ذنب
سمير بنفي
_لأ يا يارا متقوليش على نفسك كده
ورجع اتكلم بهدوء
_يارا انا اقسم بالله ما بكرهك..ولا عرفت اعمل كده
كل الحوار ان انا مكنتش جاهز لخطوة الارتباط لأني كنت مشغول بدراستي وبعدين بالعيادة بتاعتي اللي كنت عايز اعملها
ومكنش عندي وقت للحب وللعلاقات علشان كده كنت بتهرب منك ومكنتش عايز اشوفك قدامي لأني لو ركزت معاكي هرجع احن ليكي تاني وهسيب كل المسئوليات اللي عليا ومش هفكر غير فيكي وهفشل
يارا بسخرية
_ف تفضل تعاملني معاملة زفت وتتجنبني تماما وتحسسني اني نكرة
وتخلي كل اللي في حياتي يقولوا عليا مهزقة وعديمة الكرامة علشان حضرتك شايفني واقفة قدام مستقبلك ولو بقيت معاك هخليك فاشل مش كده
اتنهدت واتكلمت بجدية
_بص ياسمير الكلام ده خلاص اتقفل من زمان لما طردتني من بيتكم
انا خلاص كنت مقررة قبل كده ان انا هكمل حياتي مع حد يحبني وعايزني ومش هربط نفسي بيك تاني ف كلامك ده صدقني ملوش اي لازمة متتعبش نفسك
احنا اللي بينا نسب ومش اكتر وياريت متفتحش معايا الموضوع ده تاني عن اذنك
سمير بلهفة
_استني يا يارا انا بحبك
يارا وقفت مكانها واتصدمت من الكلمة وكانت لسه هتحن..لكن افتكرت قسوته معاها ف قررت انها تمشي وتتجاهله
فتحت الباب وعنيها مليانة دموع لقيت وقام واقفة قريب جدا من الباب وواضح من ملامحها انها سمعت كل حاجه
وئام بفخر
_جدعة يابت انا فرحانة بيكي
يارا بحدة وهي بتضيق عينيها
_انتِ كنتي واقفة بتتسنطي عليا
وئام شهقت بكدب
_انا !
طب إنشاءالله هايدي صاحبة عمر تتشل ما اتسنط عليكي
يارا بصتلها بسخرية هي وعمر اللي بيتكلم مع كريم
انتِ وجوزك ثنائي جامد..حلة ولقيت غطاها
تعالي نشوف فاطمة
~~~
عديت فترة وسمير طلع من المستشفى واتحسن جدا
لكن لسه بيفكر في يارا ومضايق جدا انها بعيدة عنه
~~
كريم وزياد كان معاهم قوات وواقفين بيراقبوا المكان اللي سماح هتهرب فيه المخدرات
كريم بتأفف
_هي مجتش ليه لغاية دلوقت..معقول تكون لغيتها
زياد بنفي
_مستحيل..العملية دي لازم تتم النهارده لأنها لو متمتش سماح ورجالتها هيخسره فلوس كتير جدا
كريم فضل مراقب الطريق وفجأة لقى عربيات جت ونزلت منها سماح ومعاها شنط كتير وواحد تاني نزل من العربية اللي قصادها وكان معاه شنط فيها فلوس
زياد بأمر للقوات
_يلا يجماعه نهجم عليهم
كلهم اتحكركوا وهجموا على سماح ورجالتها اللي اتصدمه من وجود الشرطه وبصوا لبعض بإرتباك و ورطة
كريم وقف قدام سماح بتحدي وابتسامه شمتانه
_وقعتي يا موحا ومحدش سمى عليكي
سماح بنظرات اجرامية
_مفكرني هسيبك ياكريم!
وحياة امك لهوريك الويل
كريم ضحك بسخرية
_هتوريني الويل وانتِ ورا القضبان
حبيبتي انتِ هتقضي اللي باقي من عمرك في السجن باي باي يموحا
سماح شدوها عالبوكس وهي بتبص لكريم بتوعد وهو بيبصلها بشماته
~`~~
عمر بملل
_يبني متقول مجمعنا ليه عايز ايه انجز
سمير بتوتر
_استنى بجمع كلامي..بصوا انا..انا بصراحه كده ومن الآخر بحب يارا
كريم بسخرية
_مهو باين من نظرات عنيك اللي بتاكلها لما تشوفها..مهي كانت معاك وانت اللي اتعوجت عليها!
عمر بتأكيد
_مهي كانت قدامك وفي ايدك..لكن احنا كده ك رجالة بنحب اللي بيدونا على دماغنا وبنكره اللي شارينا وتحت رجلينا
سمير بغضب
_مخلاص يخويا انت وهو هتعلموني الادب!
قولولي بقا طريقة ارجعلها بيها لأنها صداني وقافلة كل السكك في وشي
قعدوا يفكروا لحد ما عمر اتكلم
_لقيتها
~~~
يارا نزلت من شغلها الصبح وهي ملامحها حزينه وبتفكر في سمير اللي مش قادرة تنساه وتشيله من قلبها
فجأة لقيت ورد كتير بينزل عليها وتلج واتحول شارعهم لفيلم رومانسي صوت اغاني رومانسية اشتغلت
مشيت شوية لقيت سمير واقف قدامها بيبتسم ولابس بدله وشكله وسيم جدا وماسك بوكيه ورد كبير في ايديه
راحتله واتكلمت بإستغراب
_ايه اللي انت عامله ده
سمير بإبتسامة
_بعبرلك عن حبي واسفي بطريقتي
مد ايده ببوكيه الورد ليارا واللي اخدته منه بإبتسامة وخجل
نزل سمير على ركبته وطلع خاتم جواز
وبص ليارا بحب
_تتجوزيني
يارا بصتله بتردد وفجأه لقيت عليتها وعيلته كلهم وراه وبيبصولها بتشجيع ووئام عنيها مدمعه بتأثر وبتبصلها بنظرة وافقي
يارا بصيت لسمير وبعدسن بصيت حواليها ولكل اللي عمله علشانها وهزيت دماغها بإبتسامة ودموع ومديتله ايديها ولبسها الخاتم
كل الناس صقفت وزرغطت وبقوا يباركوا لسمير ويارا اللي بيبصوا لبعض بحب وعشق
واخيرا اتجمعوا مع بعض
~~~~
بعد مرور عشر سنوات
في بيت رياض اول يوم رمضان
يونس ابن سمير ويارا بغناء
_تم البدر بدري
ريان ابن كريم وفاطمة بتكملة
_والأيام بتجري..والله لسه بدري والله ياشهر الصيام..والله لسه بدري والله ياشهر..الصيااام
عمر بصراخ
_يني آدم انت وهو بدر ايه اللي تم احنا لسه اول يوم رمضان
رياض
_متتعبش نفسك معاهم ياعمر دول شوية بهايم بقالي تلت ساعات بحاول افهمهم ودول مفيش فايدة
عنر بسخرية
_انا مش عارف العيال دي اغبية كده ليه؟!
ليه مش طالعين زي نوح ابني اللي مشاء الله عليه
يونس وريان بصوا لبعض بسخرية
ويونس اتكلم
_طب روح ياعموري أوضتك وشوف ابنك اللي مشاء الله عليه بيعمل ايه
عمر بصلهم بإستغراب
_هيكون بيعمل ايه يعني..اكيد بيصلي او بيحفظ قرآن
يونس وريان انفجروا في الضحك
_طب تعالى ياعمور معانا
راحوا ناحية اوضة عمر القديمة ولقوا نوح ماسك التليفون وبيتكلم بجدية شديدة
_اذايكم ياصحابي
النهاردة انا طالع لايف (بث مباشر)
علشان احكيلكم فضايح عيلتي زي كل يوم
النهارده ماما اتخانقت مع بابا علشان عمل لايك على صورة طنط يسرية جارتنا عالإنسجرام
يونس بهمس لعمر اللي واقف مصدوم
_حقك الصراحة ياعمور طنط يسرية جامدة
عمر بصله بغضب وجرى ناحية نوح ابنه واخد منه التليفون وقفل البث ونوح جرى وعمر طلع يجري وراه وهو بيقلع الحزام
_وحياة لمي ما هسيبك يا ابن الك**
نوح استخبى بخوف ورا زينب اللي بصيت لعمر بحدة
_مالك ياواد بيه قدك ده
عمر بتذمر
_ياماما سبيني أربيه
زينب ضحكت بسخرية
_تربيه!
يخويا كنت ربيت نفسك الأول
ريان ويونس بصوا لبعض وضحكوا
وعمر بصلهم بتوعد وهو بيجز على سنانه
_ماشي يخويا انت وهو والله لوريكم
المدفع ضرب والمغرب أذن وكلهم صلوا واتجمعوا على الأكل
كريم قعد جنب فاطمة اللي كانت حامل في شهورها الاخيرة
سمير قعد جنب يارا اللي شايلة بنتهم اللي عندها سنتين وبتأكلها
عمر قعد جنب ووئام وهما شايلين ابنهم الصغير
ورياض قعد على أول السفرة وجنبة زينب
وجنبهم الترابيزة اللي الاطفال قاعدين بياكلوا عليها
بص رياض لعيلته الكبيرة وابتسم بحب وفرحة ودعا ربنا في سره انه يحفظهم ليه
جيه نوح بسرعه وهو ماسك تليفونه
_استنوا متبدأوش اكل
تعالوا نتصور صورة كل سنة
بصوا كلهم للكاميرا وابتسموا
واخيرا انتهت قصتنا
تمت..♥️✨🫡
اتمنى تكون عجبتكم
وتكون خفيفة على قلوبكم
متنسوش تعملولي لوف لو الرواية عجبتكم
ونتقابل ان شاء الله في قصة جديدة ومليانه كوميديا وتكون مختلفه عن اللي قبلهم♥️♥️♥️♥️
لمتابعه باقي الروايه زورو موقعنا على التليجرام من هنا
