رواية زواج مستعمل الفصل الثالث 3 بقلم فاطمه سمير رجب
#البارت_التالت
#رواية_زوج_مستعمل
_أنتِ خارجة؟!
قولت بابتسامة وأنا بلف الطرحة:
_آه، معاك.
بصلي في المرايا باستغراب:
_وده أزاي!، أنا رايح الشغل مش خارج اتفسح.
لفيتله وقولت بابتسامة:
_مش كُنت محتاج سكرتيرة، هاجي أشتغل سكرتيره معاك.
قال بخبث وهو بيحط إيده في جيبه:
_وده من أمتي بقا؟
قولت ببرائة مصتنعة:
_من دلوقتي.
_أتفضل القهوة.
ضغط على جبينه بارهاق، وقال بابتسامة مجهده:
_ شُكرًا، حطيها عندك.
قولت بقلق:
_أنتَ كويس؟
قال بارهاق:
_الحمدلله، بس مصدع شوية.
روحت وقفت جمبه وقفلت الورق وقولت بأبتسامه:
_يبقي كفاية شغل دلوقتي ونفطر سوا وبعدين كمل.
حط إيده على خده وقال وهو بيبصلي بمشاكسة:
_وهنجيب الفطار منين بقا؟
قولت بغرور مصتنع:
_عيب عليك لما تسأل السؤال ده، وأنا موجوده.
كملت باحراج:
_أطلبلنا يابني فطار من أي حته.
ضحك وقال وهو بيقلدني:
_عيب عليك تسأل، وفي الآخر هنطلب من برا وأنا اللي قولت تلاقيها عمله فطار لينا.
قولت بسخرية:
_وده كُنت هعمله أمتي إن شاء الله، وأنتِ بتصحا على ٦ الصبح؛ علشان تجهز و تنزل الشغل، ده أنا صاحية بالعافية أصلًا.
قال بخبث وهو ببقرب مني:
_وإيه اللي جبرك على كده؟
قولت بمسكنه مصتنعة:
_أكل العيش مر يابني.
زقتني بِخفة وقال بقرف مصتنع:
_ماسمعش صوتك لغايت ما الأكل يوصل.
_إيه ده أنتَ معاك حد غريب!، طيب أبقا أشوفك في وقت تاني بقا.
رفعت عيني لقيت إسراء بتتكلم بدلع، كملت أكل وأنا بقول بهزار مصتنع:
_ياستي ما غريب إلا الشيطان...
شاورتلها على الأكل:
_أتفضلي كُلي.
قالت بترحاب زائف:
_طبعًا...
وكانت رايحة تقعد جمب حسام فروحت قعدت جمبه وقولت وأنا حضنه دراعه:
_معلش أقعدي هناك؛ لأن هنا مكان مراته اللي هي أنا يعني.
همس جمب ودني وقال بصوت عميق:
_خليكِ قد كلمتك.
بعدت إيدي عنه لكنه شدها تاني وفاضل ضممها ليه، وقال ببرود وهو بيشاور على الأكل:
_أتفضلي أتغدي معانا يا أستاذة إسراء.
قامت بعصبية وقالت وهي عند الباب:
_شُكرًا، شبعانة.
قولت بصوت واطي:
_ياريت عينك كمان كانت كده.
فوقت على صوت حسام وهو بيقول بخبث:
_مكان مراته هنا، ها؟
قولت بتحدي وأنا عيني في عينيه:
_عندك أعتراض.
قال وهو بيضحك:
_وأنا أقدر أعترض أصلًا!
"في البيت"
_ممكن تصحيني بدري بكره؟
قولت ببرود:
_ليه هو المنبه بتاعك بايظ ولا حاجة؟!
قال بقرف مصتنع:
_المفروض لما أقولك تصحيني بكره تقولي برقة كده من عنيا، فين الكلام الحلو؟
قولت وأنا بضحك:
_لا الحاجات دي بتجزع نفسي.
قال وهو بيقرب مني:
_ما أنتِ ضحتك حلوه أهي، حرمانا منها ليه؟
يتبع...
#رواية_زوج_مستعمل
#فاطمةسميررجب
#Fatmasamir
لمتابعه باقي الروايه زورو موقعنا على التليجرام من هنا
