رواية الأمانة الفصل العشرون 20 بقلم نرمين قدري

 

 رواية الأمانة الفصل العشرون.

دخلت ماجده علي ماجي  وقالت وهي تجز علي اسننها  : شوفتي شوفتي البت عاملة زي القطط بسبع ترواح. كل مرة تنفد من مصيبة جديدة بس علي. مين انا ماجدة الصبر حلو بردو والله ما حاسبها لا هي ولا العقربه صغيرة اختها 

رفعت ماجي عينها وقالت: 

فكك بقا يا ماجدة من الحوارات الفاكس دي هدي العب شوية جنة مش هي الخطر الخطر الحقيقي حياة جنة غلبانه ومن غير حياة حتقدر نسيطر عليها بس هي مستقوية بأختها 

لكن  حياة يتخاف  منها فاهمة كل حاجة المهم دلوقتي انا في دماغي خطة علشان اخلص من حياة لو اتنفذت زي ما انا عاوزة حنضر*ب عصفورين بحجر و حيختفي اسم حياة من هنا خالص ونقدر نلعب براحتنا مع جنة احنا ممكن كمان نخلص منها من غير ما نيجي جنبها نسبها لنفسها و نلعب علي العامل النفسي لحد ما هي بنفسها تخلص علي نفسها 

قربت ماجدة من ماجي و قالت بلهفة :

خير يا ماجي قولي ناويه تعملي ايه شكلك ما يطمنش 

اتعدلت ماجي في جلستها وقالت :

أنا ناوية اعمل واعمل بس اقعدي انتي كده  حطي رجل علي رجل و أتفرجي  من بعيد احسن علشان محدش يجيب عليكي اي غلط تمام والاحسن ما تعرفيش انا ناوية اعمل ايه ده كده احسن لك علشان يبان عليكي المفجاءة تكون طبيعية 

زفرت ماجدة أنفسها بصوت عالي وقالت :

اعملي اللي انتي عايزاه بس المهم ماتجبيش علينا اي كلام المفروض محدش يحس بينا خالص خدي بالك يا ماجي احنا لو انكشفنا حنكون في الشارع ملناش حته نروح فيها وانتي بتخططي حطي الكلام ده قصادك و اوزني الحاجة قبل ما تعمليها وما تخليش حد يمسك عليكي حاجة مفهوم حطي الكلام ده حلقة في ودانك 

تأففت ماجي و قالت بضيق :

 يوووووووو ما خلاص بقا يا ماجدة حفظت الأسطوانة دي صم تحبي اسمعهالك  بجد انا زهقت 

أجابت ماجدة وقالت: 

انا بس بفكرك علشان مترجعيش تقولي أن انا محظرتكيش اللعب مع عائلة الفضالي لازم يكون بحظر كلهم مش ساهلين و خصوصا اسر اللعب معاه لازم بيكون بحساب عمتا انا واثقة في ذكائك وعارفة انك حتلعبيها صح ومش حاتسيبي وراكي اي أثر

أجابت ماجي  عليها بنفاذ صبر: 

اصبري بس يسافرو علشان خاطر المشروع السياحي  اتفرجي علي الشغل 

أجابت ماجدة:

 وانتي بجد حاتسبيهم يسافروا لوحديهم  

ضحكت ماجي ضحكة ذات معني وقالت : 

هو انتي تعرفي عن اختك كده حد قالك عليا هبله سبيهم بس ياخدو الامان 

وعند جنة في المستشفي 

مازلت جنة غارقة في النوم وكأنها لم تنم في حياتها ابدا 

دخل اسر الغرفه عليهم وجد جنة غارقة في النوم و حياة ماسكة ورقة وقلم و شغاله لدرجة أنها لم تتلفت لأسر لم تشعر بدخوله اصلا 

تحدث اسر بهدوء حتي لا يزعج جنة التفتت حياة لصوت أسر رفعت عينها من علي الورق وتقابلت عيونهم لأول مرة و اخذتهم نظراتهم اللي عالم اخر وكان كلا منهم يبعث اشاره لروح الاخر. و تعانقت الأرواح بينهم دون التفوه باي كلمة 

سرح اسر في عيونها وكأنه يود اخبارها ما يحدث بداخل  قلبه من صراعات كذلك هي شعرت برجفه داخلها  شعور لأول مرة يحدث لها ولا تعلم ماذا يحدث بداخلها 

انتبهت حياة لنفسها وقالت: 

أسر خير أنت ايه اللي جابك دلوقتي مش لسة كنت ماشي مع أحمد اية اللي رجعك تاني 

ابتسم أسر وخفض عينية من عليها وقال: 

أنا جيت اطمن عليكي و اجبلك اكل انتي ما اكلتيش حاجة خالص  وطول النهار و كمان في ضغط عصبي وقلق 

ابتسم حياة وحاولت تداري خجلها منه قامت واقفة وقالت : اااه والله انت جيت في وقتك انا فعلا جعانه جدا و مدت يدها تأخذ منه الطعام 

ناولها  اسر الطعام والتفت للاوراق التي أمامها وقال : 

اده انتي بتعملي ايه مش ده مشروع  القرية السياحية اللي انتي شغاله علية 

لمت حياة الورق من امامة وقالت:

اه وانا مش بحب حد يشوف شغلي غير لما يكمل معلش

ضحك أسر علي طفوليتها وقال:

بس انا المدير ومن حقي اتابع الشغل و اشوفه ولا ايه 

رفعت حياة حاجبيها وقالت : 

حقك طبعا بس بعد ما يخلص مش دلوقتي معلش انا كده طول عمري مش بحب حد بتفرج علي شغلي قبل ما يخلص

جلس اسر علي المقعد أمامها وتنهد وشعر وأنه يود أن يفتح لها قلبه   ولا يعلم لماذا هي بلذات فاهو مخاصمة حتي حوا من سنوات وقال بتعمق  : 

عارفة يا حياة أصعب شعور ممكن يعدي عليكي .. إنك تعرف  إنك اتغيرتي  بس مش قادر تتقبلي  دا 

تنهدت حياة وهزت رأسها في شجن  وقالت  : 

عارفه وحاسة قوي يا بشمهندس بتكون عارف  إن روحك اتغيرت انت مابقتش انت  الحاجات اللي كنتي ب تحبها ما بقتش فارقالك او حتى بقيت تكرهها  

و حاجات ما كانتش ب تهمك بقيت تهتم بيها .

ضحكتك اتغيرت نظرتك للحياة اتغيرت 

حاجات كتير اوي كانت فيك و ماتت 

و حاجات جديدة اتخلقت مكانها 

المشكلة ان انت  عارف " كويس اوي كل دا  بس مش قابله! و لا  حتي  موافق عليه 

اجاب اسر وقال : عارفه كل ده ليه يا حياة 

عشان انت الجديد دا مش عاجبك .. انت عاوز نفسك القديمة ب الحلو و الوحش اللي كان فيها 

ف تلاقي نفسك واقف في منطقة العدم ..

لا منك اتغيرت ف تتعايش و تكمل ع الجديد  و لا منك عارف ترجع زي زمان 

قالت حياة و هي تنظر اللي لا شيء: 

تعرف يا بشمهندس 

في فتره  كده هتمر بيها في حياتك هتعلمك انك مينفعش تثق في اي حد بسهوله ، هتحس فيها ان عمرك جري بسرعه قدام عينيك وانت ملحقتش تعيشوا ، هتحس فيها انك كنت بتعمل الصح مع الناس الغلط ، هتحس فيها ان اي حد دخلته في حياتك مكنش ينفع انه يدخلها من الاساس اصلا ، هتحس فيها ان اكتفائك ببعدك عن الناس هو افضل حل لاانك تعيش مرتاح .

التفت اسر ليها وقال :

بس انتي يا حياة صغيرة قوي علي الكلام ده شوفتي انتي ايه في حياتك علشان تقولي كده 

ضحكت حياة وقالت:

كفايا عليا قوي الايام اللي عشتها ساعة سرقة مشروع التخرج احساس الظلم والقهر مميت بجد كنت بموت من جوايا و  مش محسسة حد بيا وكنت لازم أظهر  بمظهر القوي علشان ضعفي  محدش يشوفه  

ابتسم اسر نصف ابتسامة باهته وقال :

الزعل مش هيموت يا حياة  بس  هيغير ملامحك

يدوب هيوجع قلبك وكل نبضه هتخرج بالم

هياخد من روحك ونظرتك للحياه 

الزعل هيموت كل حاجه حلوه جواكي 

رفعت حياة عينها وقالت بتحدي :.

علشان كده انا مستسلمتش للوجع اللي جوايا محبتش اعيش دور غلبانه اللي كل واحد يطبطب عليها و يقولها  معلش متزعليش 

حاربت اتحولت لنمر شرس بياخد حقه من عين التخين  كان ممكن استسلم قوي واقول خلاص انا مش قد ناس دي بس انا اللي حكون انتازلت عن حقي واكون استاهل اللي يحصل فيا ومن غير ما اقول حتي اله

بس انا قررت اتمرد وانجح وفعلا عملت كده منا لو مأمنتش بنفسي أن اقدر عمر حد ما حيأمن بيا 

بس تعرف شكلك يا بشمهندس مريت بأيام صعبة للغاية ما احساسك حصله حاله من التبلد و بقيت تتعامل مع كل حاحة عادي رد فعلك بيبقي هادي مع أي موقف 

ضحك أسر و هز راسة وقال: 

عندك حق يا حياة بس تعرفي 

أسوأ مسافة بين شخصين..  هي إساءة الفهم 

وده بلظبط اللي حصلي  ومن يومها قررت اتعامل مع كل شخص يقابلني أنه حد عادي جداا

قامت وقفت حياة وقالت بنوع من المرح : 

فاهمت ايه انا كده بردو ماعرفتش حكايتك اية 

و اية بلظبط اللي حولك لكتله من الجليد

ضحك أسر بصوت عالي و تناسي أنه في مشفي وقال: 

اول حد يكون عنده الجرأه و يشبهني التشبيه ده بس بجد ارفع القبعة لشجاعتك  وتشبيهك الدقيق

ابتسمت حياة وقالت: تشكرات تشكرات اخجلت تواضعنا بصراحة 

نظر لها أسر  بأعجاب شديد وقال :

بس قوليلي بقا انتي ازاي حاولتي تخشي جوا  لاعماقي كده. وتوصفيني بدقه دي 

ضحكت حياة بطفولية وقالت : 

هناك من يشعر بك من صوتك، نظرة عينك، من صمتك.. 

وعلى النقيض يوجد آخرون حتى لو حكيت لهم عما بداخلك، لا يشعرون.. 

العبرة  يا بشمهندس بمن يفهمك  بصدق.. هو من يشعر بك حتى وإن كان بعيدًا عنك 

رفع أسر حاجبية وقال: 

علي كده بقا انتي بتأمني بلغة الأرواح 

أجابت حياة متسرعة بدون تفكير: 

جدااا و لا ابعد حد 

فاقت جنة علي صوتهم وبصوت وهن قالت :

ياسين فين ياسين يا حياة ابني راح فين انا خايفة عليه منهم الناس دي ماعندهاش قلب 

قربت منها حياة مبتسمة وقالت : 

حمد الله على سلامتك يا قلب اختك ابنك بخير يا قلبي متقلقيش عليه هو بس في الحضانه شوية كده نطمن عليكي و حيجبهولك لحد عندك 

ثم التفتت جنة بعينيها تبحث عن أحمد وقالت : امال فين احمد انا مش شيفاه هو سابني ومشي معقول 

ابتسم أسر وقال : لا متقلقيش سي رميو بتاعك قاعد في الحضانه مع ياسين 

ضحكت حياة بمرح وقالت يارب اوعدنا بالحب الافلطوني ده مش مبنشوفه غير في الافلام

جاء صوت من خلفها يقول بضحك : 

ماهو مش مودينا في داهية غير القر اللي جايبنا ورا ده يابنتي اخرجي من جلباب جعفر ده وانتي حتلاقي اللي يحبك 

ضحكت حياة و التفتت لصاحب الصوت و قالت بضحك : 

بعينك اللي عاوز يحبني يحبني وانا جعفر غير كده تؤتؤ مش حتغير انا علشان حد ابدا 

اجاب احمد ممازحا: علي كده ضمنت قاعده في حلقتنا العمر. كله بقا الاء دي شكل القاعده عجبتك 

ضحكت حياة وقالت  : اه طبعا يابني عجبتني اكل مرعي وقله صنعي و كمان يلاقي.حد اطلع في قرفي زي ماجي كده بزمتك عندي كله ده أسيبة و اتجوز اما كده حكون هبله رسمي 

رد اسر وقال : بس الحب ما بستأذنش قبل مايخش ملهوش باب يخبط عليه بيخش علطول 

أجابت حياة : متقلقش عليا يا بشمهندس انا عندي مناعة من كده محصن نفسي كويس ومعلقة يافطة مغلق التحسينات مطعمة كويس ضد اعراض الحب 

انتهي اليوم بسلام وخرجت جنة وابنها سالمين ولكن علي منزل والدها و خرجت حياة معاها و بدأو يستعدوا لحرلتهم

بدأت حياة تجهز حقيتها فاهي سوف تقضي مده اطول من جنة في الموقع 

انتهوا من التحضيرات وصل أسر وأحمد تحت البيت 

نزلت جنة تحمل صغيرها وحياة تحمل الحقائب 

لمح اسر حياة وهي حاملة الكثير من الحقائب نزل مسرعا لمساعدتها وقال: 

اية يا بنتي كل ده انتي مهاجرا برا مصر ده كلهم شهر او شهرين بالكتير 

أجابت حياة وهي تضع الحقائب في شنطة السيارة : ولو يومين انا بحب حاجتي تكون معايا و ما اختدتش حاجة من حد وبعدين بقا انت اية اللي مضايقك هو انت شايلهم علي راسك 

نظر لها أسر وقال : هو انتي مش بتعرفي تبلعي لسانك ده شوية لازم الرد 

نظر له حياة و ضعت يدها على خسرها وقالت : 

يعني ابلع لساني واموت من الغيظ اني مردتش

ركب اسر و هو ينظر لها وقال : 

اه ابلعي لسانك وتفضلي بقا اركبي علشان اتاخرنا 

وصل اسر مكان العمل والكل كان حاضر يعمل علي قدم وساق

تقدم من أسر مازن صاحبة  واحد ضمن مثلث الاصدقاء 

قال مازن وهو ينظر لحياة بإعجاب شديد :

اهلا يا أسر اتاخرت ليه مش تعرفني ولا اية 

ظفر أسر انفاسة فهو أكثر الناس دراية بصاحبه ويعلم مدي عشقه لاي تاء مربوطة قال بصوت تحذيري :

اعرفك يا مازن دي بتكون البشمهندسة حياة اللي ماسكة شغل الديكور كله للقرية 

ابتسم مازن وقال : والله دي حتحلو قوي حلو قوي الكلام ده

كشرت حياة وقالت : خير يا استاذنا في حاجة وانا مش واخده بالي

لاحظ اسر توتر حياة قرب منها وقال لها: 

يلا يا بشمهندسه خدي جوله كده في المكان و شوفي ناوية نبدا باية 

هزت حياة رأسها وقالت:

تمام حمشي انا دلوقتي وهي تنظر ل مازن نظرات تحذيرية 

ولكن استقبل مازن نظرتها بتحدي وضحك

التفت مازن  لأسر وقال وهو يغمز بعينيه:

في ايه بقا ايه الحتة الجديدة دي بس بجد نوع جديد لانج

اتعصب اسر وقال : 

مااااازن حياة جاية هنا في شغل وبس بلاش حركاتك النص كم اللي احنا عارفنها دي و بلاش شغل لعب العيال ده  

ضحك مازن وقال: 

يابني انا كنت حلعب معاها لعب كبار مش عيال بس هي تضحك بس 

اجاب اسر بغضب : 

ماااازن بس ولا ايه

ضحكت مازن وقال: لامازن بقا ولا بتاع لتكون سبقتني وانا مش واخد بالي قول يا معلم لو الخط مشغول انا اسبهالك عن طيب خاطر لكن لو الخط فاضي اطلع منها انت بقا و خلينا نجرب النوع الجديد ده 

رفع أسر حاجبية وقال بثقه: 

حياة اصلا مش استيلك و لا فاضية اصلا للجو الرخيص بتاعك و مهما تعمل هي مش حا تشوفك اصلا بلاش بقا تحرق بنزين علي فاضي 

ابتسم مازن شبه إبتسامة و قال بسخرية :

بسيطة خالص حا بقي الاستيل بتعها انا اصلا متعدد الاستيلات سبني اجرب ولا انت عندك مانع

بداء أسر ينفذ صبره و قال وهو يظفر انفاسة :

اه طبعا عندي مانع يا مازن ابعد عنها حياة قبل ما تكون المهندسة اللي ماسكة المشروع فاهي اخت مرات احمد 

قال مازن متعجببا:و اية علاقته ده بموضوعنا انا فيها لا خفيها  و بصراحة البت نوع جديد انا ماشفتهوش

قرب أسر منه وكسر عن أنيابه وقال بجدية:

بص يا مازن حياة مش نفس نوعية البنات اللي انت بتعرفهم هي مش منهم فاهم 

اجاب مازن: 

لاء دي غيره بقا صارحني يا أسر هو في حاجة بنكم علشان لو في أنا حابعد 

زفر اسر وقال: وانت مالك اصلا في ولا ما مفيش البنت جاية تشتغل مش تعمل غراميات

رفع مازن يده لفوق وقال: 

والله حرام كده بقا حد يقول النعمة لاء يا بني افهم يا دوس انت يا دوس انا لكن نسبها كده ده الكفر بعينه لاء بقا إذا كنت انت تقدر أنا لاء مقدرش بصراحة 

مما زاد غضب اسر وقال بصوت مرتفع مما جعل معظم العاملين تلتفت لهم :

ممكن بقا ملكش دعوة بيها ونشوف شغلنا اللي اقدر أقوله لك حياة مش بتاعة الكلام وهي بنت ملهاش في شغل الشمال بتاعك ده يا مازن فا اقصر الشر وابعد 

قال مازن ممازحا فهو لاحظ غيره صديقة عليها و شعر أن في مشاعر جواه اتجاها فحب بطلع كل ما بداخلة  :

بس أتصدق يا أسر اجابتك عليا حلوة إجابة نموذجية لو كتبتها في الامتحان تنجح يا صحبي بس شوف مين اللي بيتكلم انت أسر اللي مدوب نص بنات مصر 

دخل عليهم وائل الضلع الثالث ليهم وقال :

في ايه بس هو انتم كده علطول مولدين فوق روس بعض بتتخانقوا عليه المره دي و صوتكم عالي سمعتم بيكم كل العمال اكبروا بقا 

قال مازن ممازحا: انا عن نفسي مش بنتخانق انا بس كل اللي قلته أن الحتة اللي هناك دي جديدة وعاوز اجرب النوع ده غلطتش انا 

أطلق وائل صافرة اعجاب وقال:

واووووووووووووو ايه النوع البيور قوي ده من غير تجميل ولا زواق حاجة كده من حضن الطبيعة مين دي قال اسر : الله كملت ما هي ناقصه امت كمان يا استاذ زفت بصوت بقا الكلام ده ليكم انتم الاتنين علشان مش حكرره تاني حياة هنا خط احمر ممنوع الاقتراب ولمس مافهوم علشان محدش يجي يزعل و يقول إن انا محظرتهوش اوك سلام 

تركهم اسر ومشي نظر وائل لمازن وغمز بعينه وقال :

هو اية النظام ماله أسر في اية متغير ولا انا اللي بتوهم أنه متغير 

ضحك مازن وقال:

لاء هو كده فعلا مش بتتوهم بحاجة بس شكل قلبه حيرجع للحياة تاني بعد ما مات و دفنه 

نظر له وائل وقال متحيرا :

وتفكر أسر حيعرف يحب تاني انا عن نفسي مش عارف اقتنع بكده أو اصدق بس خلينا نصبر 

ثم التفت لمازن و قال : 

وانت خف عليه شوية بلاش تدوس جامد كده خلينا بس نجيب آخره يمكن قلبه يرجع يدق تاني 

تقدم أسر من حياة التي كانت تقف بجوار جنة و أحمد وقال: 

ها يا بشمهندسه عاينتي الشغل ولا لسة

أجابت حياة: اه يعني عاينت لحد كبير و عملت كمان تصوير مبدئي للشغل بس عوزاك تعمل اجتماع  علشان اعرض الافكار دي علي كل رؤساء الأقسام علشان كل واحد ينقل الفكرة للناس اللي تحت أيده و الاهم من ده كله لازم ناخد موافقة صاحب القرية علي التصميم قبل البدء في أي حاجه و كمان يهمني اعرف تصورة للمشروع هو شايفه ممكن يكون ازاي كل الحاجات دي مهمة لازم نتناقش فيها قبل ما نبداء في أي شغل وحضرتك عارفة دي قواعد احنا بنحطها علشان الشغل يمشي و حاجة تانية يا بشمهندس بعد ما حناخد مواقفه المالك للقرية الجاي بقا بتاعي انا مش بحب حد يدخل في شغلي انا عارفة كويس انا بعمل ايه 

اتعدل أسر ليها و قال:

معلش كده عيدي عليا اخر حتة علشان دماغي تاهت مني 

قالت حياة :

بقول لحضرتك شغلي مش بحب حد يدخل فيه تمام 

قطع كلامهم وصول اكرم بصحبة مراته وابنائة مما أثار انتباه الجميع

                الفصل الواحد والعشرون من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال