.jpeg)
رواية خفايا العاشقين الفصل الثاني
ابتعد عنها وهى بصاله بصدمة ميل ع شفايفها والتهمها بشغف فطالت القبلة بينهم انتبهت جورى للوضع وزقته بكل قوتها ورزعته قلم من قوته عمل صدى صوت وقالت: انت ازاى يا حيوان تعمل كده وربنا لافضحك
تميم بهدوء ع عكس البركان اللى قايد جواه: انا مش همد ايدى عليكى عشان انتى بنت لكن بعد الجواز هرد عليكى بطريقتى
بصتله بقرف وسابته ومشيت متجهة لبيت عمها عشان تشوف هديل وما ان وصلت وفتحت ليها مرات عمها ابتسام
ابتسام: اهلا يا جورى عاملة ايه؟
جورى: الحمدلله يا طنط هو فعلا هديل اتخطبت واحنا منعرفش؟!
ابتسام بضحك: هى البلد دى مفيش حاجة تستخبى فيها ابدا وبعدين يعنى معقول نعمل خطوبة من غير ما تعرفوا والله لسه حتى مجبناش الشبكة كل الحكاية ان العريس واهله وصلوا امبارح ع اساس تعارف وكنا مفكرين هديل هترفض كالعادة بس ربنا هداها ووافقت ولسه هينزلوا يجيبوا الشبكة يوم الخميس الجاى ده انا حتى لسه قافلة مع عائشة حالا وقايلة ليها عشان تجهزوا نفسكم وتكونوا معانا من اول اليوم
جورى بابتسامة: ربنا يتمم عليها بخير يارب يا طنط بس هى فين كده؟
ابتسام: جوة فى اوضتها ادخلى ليها
دخلت جورى ع هديل اللى كانت بتتكلم بالفون وبعدين قالت لما شافت جورى: طب بعد اذنك هقفل دلوقتى ونكمل الكلام ده بعدين سلام .... جورى القمر كنت لسه هكلمك حالا
جورى: كنتى بتتكلمى مع مين؟!
هديل: مع عريسى يا بنتى هيكون مين يعنى!
جورى وهى بتمسك ايدها بحزن: هديل انتى ليه وافقتى مع ان قلبك لتميم ليه بتيجى ع نفسك؟
هديل بابتسامة: مين قال ان قلبى لسه مع تميم يا جورى هو كان معاه لكن دلوقتى لا انا المشاعر اللى جوايا حاليا ليه اخوة وصحوبية وبس انا عمرى ما هتمسك واحارب عشان شخص مش مقدر حتى اللى انا بعمله عشانه واقتنعت انه مش بيحبنى تميم بيحبك انتى يا جورى
جورى بصدمة واتسعت عيونها .... اكملت هديل: اه والله بيحبك كذا مرة يغلط فى اسمى ويقولى يا جورى واليوم اللى كنتى بتهزرى فيه مع مالك اخوه كان واقف هيولع من الغيظ ولما كنتى فى الفرح بتاع فريدة اختى اتخانق مع شاب كان بيعاكسك ويومها عيونه متشالتش من عليكى انا مش غبية عشان افهم ده
جورى حطت راسها بالارض وعيونها دمعت وقالت: والله ما كنت اعرف ولا حاولت اتقرب منه اصلا انا مقدرش اخونك
هديل رفعت وشها وبصت فى عيونها بحب: خيانة ايه يا هبلة انتى! انتى مكبرة الموضوع اوى انا وتميم ملناش خير فى بعض بس هاشم خطيبى انا حاسة بارتياح وقبول غريب من ناحيته حساه العوض بجد لقلبى وحرفيا انا مش حاسة اصلا ان فى يوم كان قلبى متعلق بيه واكتشفت انه كان مجرد تعلق او تعود لكن مش حب
جورى: تميم متقدملى يا هديل
هديل: طب وايه يعنى وافقى يا بنتى
جورى: مش هقدر
هديل: لا تقدرى لان انتى كمان بتحبيه وانا عارفة ده كويس فمش تأوحى كتير وافقى يا رخمة خلى الفرحة تكمل بقى
جورى: بالله انتى بجد مش بتحبيه او ممكن تبعدى عنى لو وافقت؟!
هديل بضحك: وربنا انتى عبيطة قولتلك لا والله تحبى احلفلك ع مصحف طيب بس ده حرام 😂
حضنتها جورى بارتياح بعدها اتجهت ع بيتها وكانت امها بتقرأ بالمصحف قربت عليها وباست دماغها وايدها
جورى: انا اسفة يا ماما حقك عليا انا اول مرة ارفع صوتى ع حضرتك من فضلك متزعليش
عائشة بحزن: انا اللى اسفة انى رفعت ايدى عليكى انا عمرى ما عملتها وانتى صغيرة كانت تتقطع قبل ما تتمد عليكى
جورى بحزن: بعيد الشر عنك ولو قلعتى جزمتك وضربتينى بيها انا راضية وانا اللى غلطت لما رفعت صوتى عليكى حقك عليا وحياتى ما تزعلى
عائشة: انا مقدرش ازعل منك يا نور عينى وانا هحترم قرارك سواء وافقتى او رفضتى فى الاول والاخر دى حياتك بس انا عايزة افرح بيكى خايفة يجرى ليا حاجة واسيبك لوحدك
جورى بدموع: يا ماما بالله ما توجعيلى قلبى بكلامك ده ربنا يباركلى بعمرك ويجعل يومى قبل يومك ولو ع موضوع تميم فأنا موافقة
عائشة بفرحة: بجد يا جوجو
جورى: بجد يا عيونى
زغرطت عائشة بفرح واتصلت ع سهام والدة تميم لتزف لها البشرى وفى الليل وصل الجميع وقرأوا الفاتحة وبعد سنة تم كتب الكتاب وما ان قال المأذون جملته الشهيرة احتضنها تميم بكل قوته
تميم بهمس فى اذنها: بقيتى مراتى رسمى يا جوجتى
خجلت ووشها احمر جدا .. تميم: طيب يا طنط ممكن بعد اذنك بس اخد جورى ع الغرفة
عائشة: ماشى حقك بس سيب الباب مفتوح
اخدها تميم من ايدها ودخلوا ع الغرفة وخلع عنها الحجاب بص لعيونها ولشعرها اللى مشافوش من اكتر من 10 سنين
تميم وهو بيحضنها بقوة: يومين وتبقى فى بيتى ومملكتى
جورى: انا لسه لحد الان مش مصدقة
تميم: لا صدقى انتى بقيتى مراتى خلاص وع فكرة انا بحبك اوووووى
جورى: وانا كمان بحبك اوى يا تيمو
بعد يومين اتعمل حفلة الزفاف واتجه العصفورين لعش الزوجية وبعد ان صلوا فرضهم وقالوا الدعاء
تميم بخبث: فيه طار بايت بينى وبينك يا قلبى
جورى بخوف: طار؟! طار ايه؟!
تميم: من سنة وشهر ويومين كنتى ضربتينى قلم سمع كده ويومها قولتلك هرد عليكى بعد الجواز فاكرة😉
جورى بخوف ورعشة: ع فكرة والله انت قلبك اسود اوى
تميم بخبث: بس انا بقى مبنساش وحقى هاخده فجأة شالها وراح بيها ع الغرفة
جورى: هتعمل ايه يا مجنون؟
تميم: هدوق الشهد واجيب تميم صغنن كده
وهنا شهرزاد ستكتفى بهذا القدر معليش عيب واحد ومراته ملناش دعوة بيهم😂 شكرا ع التفاعل والكومنتات اللطيفة والتوقعات القمر 🌹
