 |
رواية نفوس مريضة الفصل الثلاثون 30 بقلم تسنيم حمدي#نفوس مريضه #تسنيم أحمد ......... معتز كان قاعد في نفس مكانه علي البحر.. وهو شارد الذهن وشد السلسله من رقبته وفتحها وهو بيتامل الصوره اللي فيها وبيبتسم بسخريه رن تلفونه وفتحه من غير مايشوف الاسم ياسين بغضب: معتز انت فين.. انا عايز اشوفك حالا معتز ببرود : مش فاضي ياسين: ربع ساعه بالكتير يا معتز واشوفك قدامي عند ابوك.. فاهم قفل ياسين الخط قبل مايسمع رده و فهم معتز من غضب ياسين انه عرف واكيد من نور وقام ركب عربيته وعدا علي لولا وخدها معا .. .. .. ياسين كان قاعد بغضب وجانبه صلاح وميرفت مش فاهمين حاجه صلاح: ماتفهمنا في ايه يابني ياسين: لما يشرف البيه هو اللي هيفهمنا زمانه علي وصول خبط الباب ودخل معتز مع لولا وايده في ايد ها اول ماشاف ياسين قرب لولا من معتز..اتاكد من كلام نور..كان بيدعي انه يكون غلط بس كده معتز بيأكده و قام من مكانه ووقف مقابل معتز ورفع ايده وصفعه بقوه صلا ح: ياسين صرخ بيها صلاح مع شهقت ميرفت وجريها علي معتز وهي بتزعق في ياسين : ياسين انت ازاي تعمل كده بتمد ايدك علي اخوك ليه.. هو انت فاكره عيل عشان ترفع ايدك عليه قالتها ميرفت وهي بتزق ياسين بتتحسس وجه معتز بخفه ومعتز متحركش من مكانه وهو بيضغط علي ايد لولا بغضب لما حاولت تبعد عنه بخوف ياسين:.. انا بس ببارك للمحروس يا امي... عشان هيبقي اب .. مش ماكنش عاجبك الدكتوره يا بابا .. هي فعلا ماتنفعش مع ابنك.. الزبا.له اللي جانبه دي تنفعه اكتر.. صح يامعتز صلاح بغضب: انت بتقول ايه يا ياسين مستوعب اللي بتعمله دا ولا اتجننت ياسين: ما طبيعي لازم اتجنن ما انا عايش وسطكم .. صلاح: ياسين ياتفهمنا في ايه.. ياتشوف انت رايح فين ياسين ٰ: في ايه.. في ان انا اقاعد بقنعكم انكم ترضوا ببنت عمي الدكتوره المحترمه المتربيه.. عشان تقبلها زوجه ل واحد صايع ومايستهلش زي البيه .. بني ادم ربنا رزقه بواحده مايحلمش بيها وانقذه من المو.ت وكان ديما واقف جانبه..واداله فرصه يعيش حياه محترمه..يمكن يفوق ويحمد ربنا ويتعدل.. وهو مكمل في المستنقع اللي عايش فيه.. كان ال وس خ ها بتجري في دمه بس اقول ايه اصل العرق بيحن واحد ابن.... ياسين قالتها ميرفت بغضب رفعت ايديها تصفعه بس مسكها معتز وضحك بتهكم سبيه .. سبيه يا ميرفت خليه يكمل .. كمل يا ياسين انت سكت ليه..اقولك اكمل انا.. واحد ابن حرا.م صح صلاح: انت بتقول ايه انت التاني.. هو انتم جرلكم ايه معتز: لا استنا انت يا صلاح.. عشان اللحظه دي انا استنتها كتير وكفايه نمثل علي بعض بقا ها يا ياسين كنت بتقول ايه العرق بيحن صح بس ياتري بيحن ل مين.. ل صلاح باشا اللي عرف واحده علي مراته وخلفني منها ولا بيحن للي دارت علي راجل متجوز ولفت عليه عشان توقعه في شباكها وتخر.ب حيات مراته وابني صلاح:انت بتقول ايه ياغبي..مين اللي فهمك كده..مين قال انك ابن وامك كانت احسن واحده في الدنيا.. دي كانت مراتي معتز بغضب :في السر صح.. ما قولتلك يا صلاح دورك لسه ماجاش.. دا دواري انا بقي انا اللي هاتكلم والكل هيسمع.. وقف قدام ميرفت وبصلها فاكره يا ميرفت لما قولتلي كلام دا وانا عيل ابن عشر سنين و اني مش ابنك.. واني لعـ.نه خربت حياتك ..تعرفي اني مصدقتكيش وقتها لاني معرفتش ليا ام غيرك ..ليه زعلانه دلوقتي لما ياسين بيقول كده ميرفت: انت ليه بتفتح في الماضي بس يابني … معتز:لاني عمري مانسيته....عمري مانسيت في كل مشكله كانت تحصل بينك انت وصلاح انا ديما سببها .. واسمي لازم يبقي فيها .. وكنت بستغرب ليه كل مره ترميني لي صلاح وتاخدي ياسين وتمشي.. .عمري مانسيت وانا بجري عليكي عشان تخديني معاكي وماتسينيش وانت كنتي بترفضي وتقولي ل صلاح لعـ.نتك دي انت اولي بيها.. انا هاخد ابني وامشي ساعتها انا ماكنتش اعرف ليه بتعملي معايا كده. ..وكنت بسأل نفسي هي ليه بتكر.هني ميرفت:عمري ماكر.هتك من اول لحظه شوفتك فيها وابوك داخل بيك عليا وانا قلبي اتعلق بيك و لما خدتك في حضني حست بانك حته مني كنت عيل ابن ايام و بتعيط وتاكل في اديك من شدت الجوع ماحستش بنفسي غير وانا بر.ضعك وحسيت ان ربنا رجعلي ابني تاني.. انت ابني يامعتز انا امك معتز: لا ياميرفت مافيش حد بيعوض الام ..ولا حد بيعوض الابن ..برغم ان عمري معرفت ام ليا غيرك ميرفت: لا بيتعوض يا معتز.. انت عوضتني عن ابني.. لو ابني شلته في بطني تسع شهور.. انت شيلتك جوه قلبي سنين.. سنين بتكبر فيها قدامي وفي حضني.. انت ابني وراحي اللي ردد فيا من اول ماشوفتك معتز: عشان كده كنت بتسبيني وتمشي.. وعشان صلاح يرتاح مني راح رماني في مدرسه داخلي عشان تعيشوا كلكم في سلام بعد ما فشل يرميني عليكي ميرفت: قولتلك كان غصب عني انت مش هاحتس بواحده جوزها وحبييبها عاش عمره مابيحبهاش وبيحب غيرها.. بيحضن ابنه عشان يدور علي عشقته فيها معتز:بالعكس انا حسيت بيكي وحبيتك جدا لما عرفت انك مش امي..عشان مافيش واحده بتحضن ابن جوزها كده يا ميرفت وتحبه .. ايه رأيك يا لولا..دي هتبقي عيلتك الجديده..انتي مش فاهمه حاجه صح..هفهمك دا يبقي ياسين اخويا تعرفيه …بيحبني جدا .. بيحاول ياحسسني انه العوض ليا وابويا التاني.. بس للاسف في اقل فرصه بيفكرني با اصلي زي ماشوفتي كده دا بقا ابويا … راجل خا.ين عرف علي مراته واحده في السر وماتت وهي بتخلفني يلا مايجوز عليها الا الرحمه معتز كان بيتكلم وهو بيتجاهل كل زعقهم فيه وطلبهم منه انه يسكت ورجع معتز ووقف قدام ميرفت.. ودي ميرفت ست الكل.. ربتني وحبتني بجد ماقدرش انكر طيبه جدا نسخة نور بس الدنيا جت عليها حبت راجل مايستهلش زي كده بالضبط وخا.نها ولما عرفت كانت حامل وعلي وش ولاده ومن قهرتها العيل ما.ت في بطنها واتحرمت من الخلفه ومن جبر.وت صلاح باشا ابويا دخل عليها يوم مو. ت ابنها بابنه من عشقته وهو كاتبه باسمها ميرفت بدموع: بس كفايه يا معتز كفايه معتز: ليه كفايه مش لازم تتعرف علي عيلة جوزها المستقبلي وعليه هو شخصيا..و ماتخفوش هي ماتفرقش عنكم كتير استنوا انا لسه معرفتهاش علي بقي العيله الكريمه وخرج السلسله من جيبه وفتحها: ودي الذكري الوحيد من اللي جابتني للدنيا شايفها نسخه منك في الطبع والشكل.. انا قربت منك عشان بتفكريني بيها معتز مسك ايد لولا: احب بقي اعرفكم دي ليان واحده هربت من اهلها مع واحد حبته بس طلع ندل قلبها في فلوس ومشي وانا عرفتها وبقينا اصحاب وعشان العرق بيحن فهي حامل ولا ايه رأيك يا ياسين ما العرق بيحن بقي صلاح: انت ازاي تعمل كده وعشان ايه.... انت مش فاهم حاجه يامعتز.. انت بتظلمني انا وامك .. وبتظلم نفسك معتز: انا مش عايز افهم واحب اقولك انا مش زيك يا صلاح انا هتجوز لولا وابني هيجي للدنيا وهيبقي بين ابوه وامه مش هروح اكتبه باسم واحده تانيه واعيشها بقهر.تها طول عمرها وهي بتربي ابن عشقت جوزها ياسين: انت من امته وانت جواك السواد دا معتز: انا عمري ماكان جويا سواد من حد انا من اليوم اللي عرفت فيه حقيقتي وصادق باشا بيدني السلسله ذكري من امي وانا قررت ابعد عن اي حاجه تخصك يا ياسين امك وابوك وحياتكم اعتبرتهم ملكك وبعدت حتي فلوس ابوك انا حرمتها عليا واشتغلت عشان اقادر اصرف علي نفسي والشركه بتاعتكم دي انا عمري ماخطتها برجلي ولما عرفت الوصيه واني لازم اتجوز نور.. رغم اني كنت رافض الجواز وفقت عشانك وقولت حقك انت برغم انه ماكنش يشغلني حبيت ارد جميل الست دي وبس ياسين: يبقي الوصيه ماتخصكش يا معتز وقبل ماتخطي خطوه من هنا هطلق نور. معتز بعند: مش هطلقها يا ياسين نور هتفضل مراتي ياسين: وهي مش عايزك معتز صرخ بغضب : انا عايزها ماتدخلش انت خليك في حالك وكمان يومين انا هاخد ليان ل بيت اهلها عشان هتجوزها هناك.. عشان ابني لما يجي للدنيا مايعرفش ان امه كانت هربانه من اهلها..ويحس باي اها.نه خلص معتز كلامه وخرج وهو بيشد لولا معاه.. والكل الصدمه اثارت عليه بشكل مختلف معتز قدر يقلب كل اوجاع الماضي علي الكل #نفوس مريضه #تسنيم احمد الفصل الواحد والثلاثون من هنا |
بدل ماتدور وتبحث علي الروايات خليها علي تليفونك وحمل تطبيقنا
