رواية عشقت براءتها الفصل الحادي عشر 11 بقلم زولة وحيدة
اسر راح ع القصر علشان ياخد فونه بس اتفاجئ لما شافها رابطة الطرحة ع وسطها وبترقص هي وروح وكلهم بيبصولها
آسر انتظرها لحد ما خلصت رقص وراح بسرعة اخدها من جنبهم ع المطبخ وهو ع آخره
آسر بغضب :اتجننتي انتي صح
كيان ببرود :اه صح
آسر بغضب اكتر ع برودها:هو مش انا قولتلك اوعك ترقصي
كيان ببرود اكتر وهي بتاخد حتة كيكة بتاكلها:حصل
آسر شدها عليه وهو بيجز ع أسنانه بغضب :وليه مسمعتيش الكلام
كيان :علشان انت مش بيهمك زعلي ولا حتة غيرتي
آسر :ايه دخل دة في دة
كيان بضيق:مش عارفة وبعدته عنها وراحت ع برا
آسر بغضب :انا هوريكي ياكيان
كيان كانت قاعدة ومدايقة اوي من أسر
روح كانت بترقص راحتلها
روح :في ايه ياحبيبتي
كيان :مفيش ياقلبي روحي انتي انبسطي وانا هطلع اريح في الاوضة
روح :لا والله الحفلة يدوبك بدأت ياكيان بطلي الحركات بتاعت النسوان دي وتعالي نرقص
كيان :بس...
روح اخذتها بالغصب وبداو يرقصو كلهم وزينب معاهم
آسر راح ل زينب واخدها ع جنب
آسر :ماما خلي كيان تبطل رقص
زينب باستغراب :ليه
آسر :مش عايز راجل يدخل هنا ويشوفها
زينب بضحك :هو انت بتغير
آسر :اه ياماما يلا امنعيها هي هتسمع كلامك
زينب بصتلها وهي بترقص بمهارة:لا خليها تنبسط اصل انت حرمتها من الفرحة دي
آسر :يووووه
وطلع بغضب
وطبعا حذر الحرص من أنه حد يدخل وحذرهم انهم يبصو لجوة القصر وراح وهو بيتوعدلها بعذاب زي ما عملت فيه
بعد م خلص الفرح والكل راح ع بيته كان باقي كيان وروح وزينب
زينب وهي بتحضن روح وبتعيط:هتوحشيني
روح بدموع :وانتي كمان ياماما
كيان :بطلو عياط ياجماعة شقتهم اهو في الشارع التاني روح انتي هتجينا كل يوم فاهمة
روح بضحك :حاضر ياقلبي
وكيان قعدت تضحكهم علشان يبطلو نكد
بعد وقت جاسر دخل وراح ع المطبخ بسرعة
زينب :في ايه ياولا
جاسر راح شرب ماية وطلع من المطبخ
جاسر :الله مفيش احلى من الماية ياشباب
كلهم ضحكو عليه
آسر دخل بغضب وهو بيبص ع كيان اللي طرحتها في نص رأسها وفي جزء من شعرها ورا ظاهر
آسر راح وشدها عليه وخباها في حضنه كأنه مش عايز حد يشوفها
جاسر وهو بيحاول يغيظ آسر :الله ياكوكي ايه الفستان الحلو دة
كيان كانت بتحاول تزق آسر
بس مفيش فايدة
آسر بغضب :حسابك معايا يازفت
وشال كيان وطلع ع فوق وكيان كانت بتضربه ع صدره بغيظ علشان ينزلها بس هو مش راضي ينزلها
تحت
محمد دخل وهو متعصب من جاسر واسر
زينب :مالك ياحبيبي
محمد :ياخالتي انا اسف بس ولادك معفنين ويستاهلو الضرب
زينب :ليه بس
فلاش بااااك
بعد م طلعو الضيوف وخلصت الحفلة
جاسر :هو انت معندكش ماية يا زفت انا عطشان
محمد :لا أصل أنا اشتريت الشقة دي الليلة
جاسر :ياااه طب انا هروح البيت
محمد :لا ياشاطر ساعدني ننضف البيت دة
جاسر :مش قادر عطشاااان
وطلع
آسر دخل وهو بينهي مكالمة
آسر باستغراب :هو جاسر راح فين
محمد بضيق :راح القصر
آسر بصدمة :اييييييه
محمد :راح القصررررر عطشان تعالا ساعدني
آسر :لالا انا لازم اروح ل كيان
وجري
بااااك
جاسر بضحك :يابني دي غلطتك قولنالك هنجبلك خدم قولت لا مش عايز
روح بضحك :يعني نضفت الشقة كلها لوحدك
محمد بغيظ :اه
كلهم كانو بيضحكو آسر نزل من السلم
آسر :في ايه يا شباب
زينب :فين كيان
آسر :حبستها علشان تاني تسمع الكلام
روح :بس هي معملتش حاجة
آسر راح قرب من روح :لا عملت انا كنت مانعها من الرقص ورقصت بسببك
محمد :ابعد عن مراتي يا آسر الهواري
آسر حضن روح
آسر :وكدا هتعمل ايه
محمد راح زق آسر بغضب وشد روح عليه
آسر بضحك :ماتتهدا يابني مالك انا اخوها
روح ببراءة :اه هو اخويا ع فكرة
محمد :انتي تسكتي خالص
زينب :خلاص ياولاد آسر روح خد مراتك وسافرو وانت يامحمد خد روح ويلا ع شقتكم
روح وأسر في نفس الوقت :بتطردينا ياماما
زينب :اه مانتو اللي اخترتو تبعدو عني
آسر راح حضنها وروح كمان
آسر :كلها شهرين وهنرجع ياروحي
روح :اه وانا هجيلك كل يوم ياما
جاسر :ع فكرة ياما انتي مش محتاجالهم انت موجود كل يوم هنطلع نتمشى وناكل آيس كريم
كلهم ضحكو
فجأة دخلت نغم
نغم :مستر آسر
آسر التفت لورا:نعم
نغم :ليه مش بترد ع تلفونك
آسر فتش جيوبه بس ملقاش الفون اتذكر انه في الاوضة واتاكد انه كيان كانت بتفصل الخط وابتسم
آسر :ليه في حاجة مهمة؟
نغم :اه انت عندك آخر اجتماع اليوم وبعتلك مسج علشان تعمل الاجتماع اونلاين بس انت مردتش ولما اتصلت عليك كنت بترفض المكالمة
آسر :احم اسف احنا هنبدا الاجتماع دلوقتي انتي لازم تكوني معايا علشان تعرفي الشروط بتاعتهم وتقوليلي إذا دة هيأثر ع الشركة أو لا
نغم :بس...
آسر :متخفيش جاسر هيوصلك لما نخلص يلا نروح
جاسر :بس انا....
آسر بغضب :جاسر
جاسر :اوكي خلصو بسرعة
وطلعو
محمد :روح انتي مش ناوية نروح ولا ايه
زينب :اه ياحبايبي انتو لازم تروحو ترتاحو
روح :بس انا عايزة أودع آسر وكيان
زينب :هتكلميها بكرا بالفون
روح :بس
زينب بنظرة روح بتعرفها:روووح
روح بضيق :اوكي
محمد :يلا
روح راحت مع محمد بضيق
عند آسر اخد نغم ع اوضته
كيان كانت مكسرة كل حاجة في الاوضة وكانت في الحمام
آسر دخل ونعم كمان انصدمو من المكان
آسر بحرج :احم اسف بس هي مجنونة شوية وكانت متعصبه علشان حبستها
نغم :مستر آسر انت مش محتاج تبررلي دي حاجات بينكم انا هنا للشغل وبس وبعدين متخفش مش هقول للموظفين
آسر بضحك :اوكي يلا نبدأ وراحو قعدوا ع الكنبة واللاب ع التربيزة وبدأو الاجتماع
كيان سمعت صوتها واتغاظت اوي من أسر
طلعت وهي لابسة بيجامة زرقة حلوة أوي ورجعت شعرها لورا كحكة
كيان طلعت وبصت ع آسر ونغم بغيظ
آسر بصلها وابتسم بخبث
كيان اتجاهلته وطلعت بعتت حد من الخدم ينضف الاوضة ورجعت بعد وقت وراحت ع السرير وجابت اكلات كتيرة وحطتها ع السرير وبدأت تاكل وهي بتبصلهم بغيظ
آسر :احم مستر زيد ممكن استراحة
:اوكي مستر آسر
آسر قفل اللاب توب وبص لكيان
آسر :حبيبتي احنا هنا عندنا اجتماع ليه مش بتاكلي في المطبخ
كيان ببرود :ملكش دخل ووجهت حديثها ل نغم انا بس متوترة شوية علشان كدا باكل متظنيش اني باكل كتير دايما
نغم باستغراب:اها اوكي
آسر لنغم :هي غيرانة منك شوية
كيان :مش غيرانة
نغم :احم مدام كيان انا مش عايزة حاجة من آسر بيه انا وهو بس زملاء في الشغل العلاقة بينا مدير وموظفة مش اكتر ولا أقل انتي مش محتاجة تحرقي دمـ.ـك ع الفاضي
آسر لكيان :شوفتي مشكلتك غيورة
كيان :مش غيورة وانتي إذا قربتي من حبيبي هيحصلك طيب
نغم بلعت ريقها بخوف وهزت راسها ب اه
آسر :كيان لو سمحتي اطلعي وخدي الاكل دة علشان احنا عندنا اجتماع ولازم نخلص بسرعة
كيان طلعت وأخدت الأكل
بعد وقت
جاسر اخد نغم وروحها ع بيتها
وكان آسر وكيان جهزو
كيان بدموع وهي بتحضن زينب :هتوحشيني ياطنط
زينب بدموع :وانتي كمان ياروحي
آسر بملل :كفاية بقا ياشباب احنا مش هنقضيها نكد كفاية كيان رقصت ونكدتلي يومي
كيان بصتله بحدة :مخلاص يا آسر هو انا رقصت في كباريه ولا ايه منا رقصت قدام ستات زيي زيهم
آسر بضيق :خلاص بق متذكرينيش
كيان باستغراب :نعم
زينب بضحك :خلاص ياولاد الطيارة هتفوتكم
آسر :لا احنا هنروح بطيارتي الخاصة علشان خايف الهانم تقوم ترقص قدام العالم
زينب بحدة :آسر بطل انت زودتها اوي
جاسر دخل
جاسر بهزار:يابني روح انا مش عايز اشوف خلقتك
آسر :مش هروح
جاسر راح قرب من كيان وكان عايز يمسك ايدها بس آسر زقاه وشد كيان ع حضنه وحط ايده ع راسها وهو بيخبيها في صدره
جاسر :يابني جبتلها الاسوارة اللي قولتلي اجبهالها
آسر :هات
جاسر أداه الاسوارة
آسر أخدها ودخلها في جيبه
آسر :يارب لما نرجع تكوني جوزتيه ياما
زينب بضحك :متخفش انا خلاص عرفت البنت المناسبة
آسر بغمز :اه قصدك هي
زينب :اه اه
اسر :اوكي يلا احنا هنروح واخد كيان وراح
جاسر :ماما انا قولتلك مش هتجوز
زينب ببرود :وهو احنا هنجوزك اليوم لا ياحبيبي لما يجي وقته وراحت
جاسر بتفكير :معقولة تكون....
#عشقت_براءتها
#بارت11
لمتابعه باقي الروايه زورو موقعنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
