رواية شاهستا الفصل الأول
رواية جديدة✨
_انتوا بقالكم تلت شهور مبتدفعوش الايجار
ف يلا ياحلوة انتِ وهو وهو لموا الكراكيب بتاعتكم ومشوفش وشكم في البيت تاني
رد عليها طفل بطريقة متليقش بسنه ابدا
_جرى ايه يولية انتِ مبراحة علينا داخلة فينا شمال ليه
ام سامح بعصبية
_انا اتكلمني كده ياواد انت ياللي مطلعتش من البيضة
اتدخلت بنت بسرعة وأسف
_معلش يا ام سامح عيل صغير يختي وميقصدش
وزقت الطفل بعنف
_اتأسف لخالتك ياض يا نبيل هو ميقصدش والله يا ام سامح..صح يانبيل
نبيل برفض
_لأ قاصد
ام سامح بلهجة سوقيه
_والله ياحبيبتشي يقصد ولا ميقصدش دي حاجه متهمنيش
انا اللي يهمني انكم تلموا كركابكم اللي مسمينها عفش وتغورا من هنا
رمى المراهق سيجارته بعنف وقرب منها واتكلم بلهجة اجرامية
_بصي يولية انتِ
انا استحملتك كتير واقسم بالله دي حاجة ضد طبيعتي
عمالة تتأمري علينا كأنك مسكنانا في شقة في التجمع الخامس وهي حتة اوضه معفنه هنسبهالك ونغور حاضر
امشي بقا من هنا بدل ما ارمي..كي من فوق السطح
نبيلة اختهم بصراخ
_بس يواد انت وهو يخربيتكم
وبصيت لأم سماح بترجي
_علشان خاطري يا ام سامح وحياة سامح ابنك ادينا اسبوع..اسبوع بس ووحياة امي ما هتشوفينا تاني
ام سامح بصيت لحسن بقرف وبعدها لنبيل اللي كان عايز يض..ربها
وبعدين رجعت بصيت لنبيلة
_اسبوع..اسبوع وربي ما هزود يوم
نزلت وسابتهم وبيلة بصيت لأخواتها بغضب وعصبية
_هو انتوا بتعملوا فيا كده ليه
ارحموني انت وهو بقا
حسن بغضب
_يعني اسيبها تهزقنا وتهينا بالطريقة دي واسكت يا نبيلة !
نبيلة قعدت عالكرسي ببكاء وعجز
_انا مش عارفة اعمل ايه..مش عارفة لما الاسبوع يخلص هنروح فين
حسن قعد جنبها واتكلم بهدوء
_يانبيلة ما تسبيني اشتغل واساعدك
نبيلة بصتله واتكلمت بغضب
_تاني يحسن!
حسن انت في ثانوية عامة ومش ملزم بحاجة غير انك تذاكر وتروح دروسك انت فاهم!
واتكلمت بإصرار
_انا هتصرف
~~
تاني يوم نبيلة نزلت من شغلها وراحت لصاحبتها اللي جايبلها شغل في بيت ناس اغنيا
نبيلة بخوف وتردد
_بس انا اول مره اشتغل في بيوت يا اسراء
تفتكري هنفع ومش هيطردوني من أول يوم
اسراء وهي بتحاول تطمنها
_يابت متخافيش..اهم حاجة عند الناس دي الامانة والنضافة اهتمي انتي بدول ومتقلقيش من حاجه
بعد فترة اسراء ونبيلة وصلوا للمكان وكان بيت كبير جدا واستقبلتهم ست باين انها في اواخر الاربعينات وكان واضح من شكلها انها مغرورة جدا ونبيلة مرتحتلهاش بس كملت علشان محتاجة الشغل ده
~~~
تاني يوم نبيلة كانت واقفه في المطبخ وكانت سرحانه وعنيها مدمعه وبتفتكر ذكرياتها مع حبيبها القديم يوسف واللي كان جارها وسافر علشان يحترف في الكورة ومن ساعتها مرجعش
دخلت ميادة بنت صاحب البيت واتكلمت مع نبيلة بتعالي
_اعملي كوبايتين عصير وهاتيهم الصالون ليا ولخطيبي..متتأخريش
نبيلة بإحترام
_حاضر ياهانم
بعد شوية نبيلة حضرت كوبايتين عصير وطلعت من المطبخ واتجهت ناحية الصالون وهي شايلة الصنية وباصه في الأرض
حطيت الصنية على الترابيزة
وكانت هتمشي بس وقفت بسبب صوت ناداها وكانت عرفاه كويس جدا
_نبيلة !
نبيلة وقفت وقلبها دق جدا وحسيت ان هيغم عليها
معقول يكون هو!
بصيت وراها واتصدمت لما شافته
_يوسف!!
يتبع..
لو عجبتكم تفاعلوا علشان أنزل بارت تاني
#رواية_شاهستا
